ನವದೆಹಲಿ: ಸ್ಟೇಟ್ ಬ್ಯಾಂಕ್ ಆಫ್ ಇಂಡಿಯಾ (ಎಸ್‌ಬಿಐ) ತನ್ನ ಎಟಿಎಂನಿಂದ ನಗದು ಹಿಂತೆಗೆದುಕೊಳ್ಳುವ ನಿಯಮಗಳನ್ನು ಬದಲಾಯಿಸಿದೆ. ಸೆಪ್ಟೆಂಬರ್ 18 ರಿಂದ ಬ್ಯಾಂಕ್ ಈ ನಿಯಮಗಳನ್ನು ಜಾರಿಗೆ ತಂದಿದ್ದು, ಈ ಬಗ್ಗೆ ಗ್ರಾಹಕರಿಗೆ ಮತ್ತೆ ಟ್ವೀಟ್ ಮಾಡುವ ಮೂಲಕ ಎಚ್ಚರಿಕೆ ನೀಡಲಾಗಿದೆ.
ಹಬ್ಬದ ಕಾರಣ ಹೆಚ್ಚಿನ ಜನರು ಆಗಾಗ್ಗೆ ಬ್ಯಾಂಕಿನ ಎಟಿಎಂನಿಂದ ಹಣವನ್ನು ಹಿಂತೆಗೆದುಕೊಳ್ಳುತ್ತಿರುತ್ತಾರೆ. ಅಂತಹ ಪರಿಸ್ಥಿತಿಯಲ್ಲಿ ಗ್ರಾಹಕರಿಗೆ ಈ ನಿಯಮಗಳ ಬಗ್ಗೆ ಬ್ಯಾಂಕ್ ಮತ್ತೊಮ್ಮೆ ಎಚ್ಚರಿಕೆ ನೀಡಿದೆ.
ಎಟಿಎಂ (ATM) ವಿತ್ ಡ್ರಾ ನಿಯಮದಲ್ಲಿ ಮಾಡಲಾಗಿರುವ ಬದಲಾವಣೆ:
ಯಾವುದೇ ಸಮಯದಲ್ಲಿ ಬ್ಯಾಂಕಿನ ಎಲ್ಲಾ ಎಟಿಎಂಗಳಲ್ಲಿ 10 ಸಾವಿರಕ್ಕೂ ಹೆಚ್ಚು ರೂಪಾಯಿಗಳನ್ನು ಹಿಂತೆಗೆದುಕೊಳ್ಳಲು ಇನ್ನು ಮುಂದೆ ಒಟಿಪಿ ಅಗತ್ಯವಾಗಿದೆ. ಅದನ್ನು ಗ್ರಾಹಕರ ಎಟಿಎಂ ಕಾರ್ಡ್‌ಗೆ ಸಂಬಂಧಿಸಿದ ನೋಂದಾಯಿತ ಮೊಬೈಲ್ ಸಂಖ್ಯೆಗೆ ಕಳುಹಿಸಲಾಗುತ್ತದೆ. ಒಟಿಪಿ ಅನ್ನು ನಮೂದಿಸಿದ ಬಳಿಕವಷ್ಟೇ ವಹಿವಾಟು ಪೂರ್ಣಗೊಳ್ಳಲಿದೆ.
ಎಸ್‌ಬಿಐನ ಈ ಆಫರ್ ಅಡಿಯಲ್ಲಿ ಕೇವಲ 1300 ರೂಪಾಯಿಗಳಿಗೆ ಪಡೆಯಿರಿ Health insurance
ಅನಧಿಕೃತ ವಹಿವಾಟಿನ ಸಂಖ್ಯೆಯನ್ನು ಕಡಿಮೆ ಮಾಡಲು ಒಟಿಪಿ-ಪರಿಶೀಲಿಸಿದ ಎಟಿಎಂ ವಹಿವಾಟುಗಳನ್ನು ಪ್ರಾರಂಭಿಸಲಾಗಿದೆ ಎಂದು ಸ್ಟೇಟ್ ಬ್ಯಾಂಕ್ ಆಫ್ ಇಂಡಿಯಾ (State Bank of India) ಹೇಳಿದೆ. ಇದಕ್ಕೂ ಮೊದಲು ಈ ವರ್ಷದ ಜನವರಿಯಲ್ಲಿ ರಾತ್ರಿ 8 ರಿಂದ ಬೆಳಿಗ್ಗೆ 8 ರವರೆಗೆ ಬ್ಯಾಂಕ್ ಈ ಸೌಲಭ್ಯವನ್ನು ಗ್ರಾಹಕರಿಗೆ ನೀಡಿತ್ತು.
ಈ ದಿನಾಂಕದಂದು YONO SBI ಅಪ್ಲಿಕೇಶನ್ ಬಳಸಲು ಸಾಧ್ಯವಿಲ್ಲ, ಬ್ಯಾಂಕ್ ನೀಡಿದೆ ಸಂದೇಶ
ಸೇವೆಗಳನ್ನು ಯಾರು ಪಡೆಯಬಹುದು?
ಸ್ಟೇಟ್ ಬ್ಯಾಂಕ್ ಕಾರ್ಡ್ ಹೊಂದಿರುವವರು ಮತ್ತೊಂದು ಬ್ಯಾಂಕಿನ ಎಟಿಎಂನಿಂದ ಹಣವನ್ನು ಹಿಂತೆಗೆದುಕೊಳ್ಳುವ ವ್ಯವಹಾರಗಳಿಗೆ ಈ ಸೌಲಭ್ಯ ಅನ್ವಯಿಸುವುದಿಲ್ಲ. ಎಸ್‌ಬಿಐ (SBI) ಪ್ರಕಾರ ಈ ಕಾರ್ಯವನ್ನು ರಾಷ್ಟ್ರೀಯ ಹಣಕಾಸು ಸ್ವಿಚ್ (ಎನ್‌ಎಫ್‌ಎಸ್) ನಲ್ಲಿ ಅಭಿವೃದ್ಧಿಪಡಿಸಲಾಗಿಲ್ಲ. ಎನ್‌ಎಫ್‌ಎಸ್ ದೇಶದ ಅತಿದೊಡ್ಡ ಇಂಟರ್ ಆಪರೆಬಲ್ ಎಟಿಎಂ ನೆಟ್‌ವರ್ಕ್ ಆಗಿದೆ ಮತ್ತು ಇದು ದೇಶೀಯ ಇಂಟರ್‌ಬ್ಯಾಂಕ್ ಎಟಿಎಂ ವಹಿವಾಟಿನ ಶೇಕಡಾ 95 ಕ್ಕಿಂತಲೂ ಹೆಚ್ಚು ನಿರ್ವಹಿಸುತ್ತದೆ.
ಇಂಟರ್ನೆಟ್ ಕ್ಲಿಕ್ ಮಾಡುವ ಮೊದಲು ಒಮ್ಮೆ ಯೋಚಿಸಿ: ಗ್ರಾಹಕರಿಗೆ SBI ಅಲರ್ಟ್
ಎಸ್‌ಬಿಐ ಒಟಿಪಿ ಸೇವೆಯಲ್ಲಿ ಹಣವನ್ನು ಹಿಂಪಡೆಯುವುದು ಹೇಗೆ?
ಒಮ್ಮೆ ಕಾರ್ಡ್ ಹೋಲ್ಡರ್ 10 ಸಾವಿರ ರೂಪಾಯಿಗಳಿಗಿಂತ ಹೆಚ್ಚು ಹಣವನ್ನು ಹಿಂಪಡೆಯಲು ಬಯಸಿದರೆ, ನಂತರ ಎಟಿಎಂ ಪರದೆಯಲ್ಲಿ ಒಟಿಪಿ ವಿಂಡೋ ಕಾಣಿಸುತ್ತದೆ. ಈ ಒಟಿಪಿ ವಿಂಡೋದಲ್ಲಿ ವ್ಯವಹಾರವನ್ನು ಪೂರ್ಣಗೊಳಿಸಲು, ಗ್ರಾಹಕರು ನೋಂದಾಯಿತ ಮೊಬೈಲ್ ಸಂಖ್ಯೆಯಲ್ಲಿ ಸ್ವೀಕರಿಸಿದ ಒಟಿಪಿಯನ್ನು ನಮೂದಿಸಬೇಕು. ಇದರ ನಂತರವೇ ಗ್ರಾಹಕರು ಎಟಿಎಂನಿಂದ 10 ಸಾವಿರಕ್ಕೂ ಹೆಚ್ಚು ರೂಪಾಯಿಗಳನ್ನು ಹಿಂಪಡೆಯಲು ಸಾಧ್ಯವಾಗುತ್ತದೆ. ಇದರರ್ಥ ಎಟಿಎಂನಲ್ಲಿ ಹಣವನ್ನು ಹಿಂಪಡೆಯಲು, ಗ್ರಾಹಕರು ಕಾರ್ಡ್ ಜೊತೆಗೆ ಮೊಬೈಲ್ ಅನ್ನು ಸಹ ಹೊಂದಿರಬೇಕು. ಇಲ್ಲವಾದರೆ ಎಟಿಎಂ ಮೂಲಕ 10 ಸಾವಿರಕ್ಕಿಂತ ಹೆಚ್ಚು ಹಣ ಹಿಂಪಡೆಯಲು ಸಾಧ್ಯವಾಗುವುದಿಲ್ಲ.
