35 ವರ್ಷದ ಖ್ಯಾತ ಸಿರಿಯಲ್‌ ನಟ ನಿತಿನ್ ಹಠಾತ್ ಸಾವು.. ಆತ್ಮಹತ್ಯೆ ಶಂಕೆ..!

Nitin Chauhan death : ಹಲವು ರಿಯಾಲಿಟಿ ಶೋಗಳ ಮೂಲಕ ನಟನಾಗಿ ಗುರುತಿಸಿಕೊಂಡಿದ್ದ ನಟ ನಿತಿನ್‌ ಸಾವನ್ನಪ್ಪಿದ್ದಾರೆ. ತೆರೆಮೇಲೆ ನಟನಾಗಿ ಉತ್ತುಂಗಕ್ಕೆ ಎರುವ ಹೊತ್ತಿನಲ್ಲಿಯೇ ಹಠಾತ್ ನಿಧನವಾಗಿದ್ದು, ಅವರ ಅಭಿಮಾನಿಗಳು ಮತ್ತು ಕುಟುಂಬಸ್ಥರಿಗೆ ಅರಗಿಸಿಕೊಳ್ಳಲು ಆಗುತ್ತಿಲ್ಲ..

Actor Nitin Chauhan died : ಹಿಂದಿ ಕಿರುತೆರೆ ನಟ ನಿತಿನ್ ಚೌಹಾಣ್ ನಿಧನರಾಗಿದ್ದಾರೆ. ಮುಂಬೈನ ತಮ್ಮ ಅಪಾರ್ಟ್‌ಮೆಂಟ್‌ನಲ್ಲಿ ಆತ್ಮಹತ್ಯೆ ಮಾಡಿಕೊಂಡಿದ್ದಾರೆ ಎನ್ನಲಾಗಿದೆ. ನಟನಿಗೆ 35 ವರ್ಷ ವಯಸ್ಸಾಗಿತ್ತು. ನಿತಿನ್ ಚೌಹಾಣ್ ಅವರ ಸ್ನೇಹಿತರಾದ ಸುದೀಪ್ ಸಾಹಿರ್ ಮತ್ತು ವಿಭೂತಿ ಠಾಕೂರ್ ಅವರು ನಿತಿನ್ ಚೌಹಾಣ್ ಅವರ ಸಾವನ್ನು ಖಚಿತಪಡಿಸಿದ್ದಾರೆ. 

ಉತ್ತರ ಪ್ರದೇಶದ ಅಲಿಗಢದಲ್ಲಿ ಹುಟ್ಟಿದ ನಿತಿನ್‌ಗೆ ಬಾಲ್ಯದಿಂದಲೂ ಸಿನಿಮಾ ಮೇಲೆ ತುಂಬಾ ಆಸಕ್ತಿ ಇತ್ತು. ಅದಕ್ಕಾಗಿಯೇ ನಟನೆ ಕಲಿತು ನಟನಾಗಲು ಮುಂಬೈಗೆ ಬಂದಿದ್ದರು. ತಮ್ಮ ನಿವಾಸವನ್ನು ಮುಂಬೈಗೆ ಬದಲಾಯಿಸಿಕೊಂಡಿದ್ದರು. ‘ದಾದಗಿರಿ 2’ ರಿಯಾಲಿಟಿ ಶೋನಲ್ಲಿ ಭಾಗವಹಿಸಿ ವಿಜೇತರಾಗಿದ್ದರು.

ಇದನ್ನೂ ಓದಿ:ಸ್ಟಾರ್‌ ನಟಿಯ ಮೃತ ದೇಹ ಕೊಳೆತ ಸ್ಥಿತಿಯಲ್ಲಿ ಪತ್ತೆ..! ಸತ್ತು 3 ದಿನವಾದ್ರೂ ಯಾರ ಗಮನಕ್ಕೂ ಬರಲಿಲ್ಲ..

ಆ ಕಾರ್ಯಕ್ರಮದ ನಂತರ ನಿತಿನ್ ಚೌಹಾಣ್ ಹೆಸರು ಬಾಲಿವುಡ್ ನಲ್ಲಿ ಸಖತ್ ವೈರಲ್ ಆಗಿತ್ತು. ಆ ಕಾರ್ಯಕ್ರಮದ ನಂತರ ನಿತಿನ್ 'ಸ್ಪ್ಲಿಟ್ಸ್ ವಿಲ್ಲಾ 5', 'ಜಿಂದಗಿ ಕಾಮ್' ಮತ್ತು 'ಕ್ರೈಮ್ ಪೆಟ್ರೋಲ್' ನಂತಹ ರಿಯಾಲಿಟಿ ಶೋಗಳೊಂದಿಗೆ ಜನಪ್ರಿಯರಾದರು.. ನಿತಿನ್ ಕೊನೆಯಬಾರಿದೆ 'ತೇರಾ ಯಾರ್ ಹೂನ್ ಮೈನ್' ನಲ್ಲಿ ಕಾಣಿಸಿಕೊಂಡಿದ್ದರು. ಈಗಷ್ಟೇ ಜನಪ್ರಿಯತೆ ಗಳಿಸುತ್ತಿದ್ದ ನಟನ ಸಾವು ನಿಜವಾಗಲೂ ದುರಂತ.. 

ಇನ್ನೊಂದು ವಾರದಲ್ಲಿ ನಿತಿನ್ 36ನೇ ಹುಟ್ಟುಹಬ್ಬವನ್ನು ಆಚರಿಸಲು ಅವರ ಸ್ನೇಹಿತರು ಮುಂದಾಗಿದ್ದರು. ಇನ್ನು ನಿತಿನ್ ಸಾವಿನ ಬಗ್ಗೆ ಸಂಬಂಧಿಕರು ಮತ್ತು ಸ್ನೇಹಿತರು ಆತ್ಮಹತ್ಯೆ ಬಗ್ಗೆ ಶಂಕೆ ವ್ಯಕ್ತಪಡಿಸಿದ್ದಾರೆ. ಪೊಲೀಸರು ಪ್ರಕರಣ ದಾಖಲಿಸಿಕೊಂಡು ತನಿಖೆ ಆರಂಭಿಸಿದ್ದಾರೆ.