ಸುಂದರವಾಗಿಲ್ಲ ಅಂತ ತಿರಸ್ಕಾರ.. 15 ವರ್ಷ ಒಂದೇ ಒಂದು ಹಿಟ್ ಇಲ್ಲ.. ಈಗ ಫ್ಯಾನ್‌ ಇಂಡಿಯಾ ಸೆಲೆಬ್ರಿಟಿ ಈ ನಟಿ..!

Adah Sharma : ಸಿನಿರಂಗಕ್ಕೆ ಬಂದ ತಕ್ಷಣ ಸ್ಟಾರ್‌ ಆಗುತ್ತೇವೆ ಎನ್ನುವುದು ಅಷ್ಟು ಸುಲಭವಲ್ಲ. ಒಬ್ಬ ನಟಿ ಸಣ್ಣ ಪಾತ್ರಗಳನ್ನು ಮಾಡುತ್ತ, ಎರಡನೇ ನಾಯಕಿಯಾಗಿ ಕಾಣಿಸಿಕೊಂಡು ಸತತ 15 ವರ್ಷಗಳನ್ನು ಕಳೆದರು. ಆದರೆ, ಇದೀಗ ಒಂದೇ ಒಂದು ಸಿನಿಮಾದಿಂದ ದೇಶಾದ್ಯಂತ ಜನಪ್ರಿಯತೆ ಗಳಿಸಿದರು. ಯಾರು ಆ ನಟಿ.. ಬನ್ನಿ ತಿಳಿಯೋಣ..

Adah Sharma life story : ಕೆಲವರು ಅವಕಾಶಗಳಿಗಾಗಿ ವರ್ಷಗಳ ಕಾಲ ಕಾಯುತ್ತಾರೆ, ಕೆಲವು ಹಂತದಲ್ಲಿ ಯಶಸ್ವಿಯಾಗುತ್ತಾರೆ. ಈ ಪೈಕಿ ಇಲ್ಲೊಬ್ಬ ನಾಯಕಿಯೊಬ್ಬರು ತುಂಬಾ ವಿಶೇಷ. ನಟನೆಗಾಗಿ ಶಾಲೆಯನ್ನು ತೊರೆದು, ಸಣ್ಣ ಮತ್ತು ಎರಡನೇ ನಾಯಕಿ ಪಾತ್ರಗಳನ್ನು ಮಾಡುತ್ತಾ 15 ವರ್ಷಗಳನ್ನು ಕಳೆದರು. ಆದರೆ ಒಂದೇ ಒಂದು ಸಿನಿಮಾದಿಂದ ದೇಶಾದ್ಯಂತ ಜನಪ್ರಿಯತೆ ಗಳಿಸಿದರು. 

ಆಕೆ ಬೇರೆ ಯಾರೂ ಅಲ್ಲ, ‘ದಿ ಕೇರಳ ಸ್ಟೋರಿ’ ಚಿತ್ರದ ಮೂಲಕ ಕ್ರೇಜ್ ಪಡೆದ ಅದಾ ಶರ್ಮಾ. 16 ನೇ ವಯಸ್ಸಿನಲ್ಲಿ, ಆಧಾ ಶರ್ಮಾ ಶಾಲೆಯನ್ನು ತೊರೆದರು ಮತ್ತು ಚಲನಚಿತ್ರಗಳಲ್ಲಿ ಅವಕಾಶಗಳ ಹುಡುಕಾಟದಲ್ಲಿ ಮುಂಬೈಗೆ ತೆರಳಿದರು. ಆದರೆ ಅನೇಕ ಜನರು ಸುಂದರವಾಗಿಲ್ಲ ಎಂದು ತಿರಸ್ಕರಿಸಿದರು ಅಂತ ಅದಾ ಸಂದರ್ಶನವೊಂದರಲ್ಲಿ ಹೇಳಿಕೊಂಡಿದ್ದಾರೆ.

ಇದನ್ನೂ ಓದಿ:ಜಾನ್ವಿ ಕಪೂರ್‌ ಭಾವಿ ಪತಿ ಹೇಗಿರಬೇಕು ಗೊತ್ತೆ..? ಆ ಗುಣ ಇದ್ರೆ ಸುಂದರಿಗೆ ಓಕೆ ಅಂತೆ.. ನೋಡಿ..

ಹಾರರ್‌ ಸಿನಿಮಾಗಳಲ್ಲಿ ನಟಿಸಲು ಮುಂದಾದ ನಟಿ, '1920: ಇವಿಲ್ ರಿಟರ್ನ್ಸ್' (2008) ಚಿತ್ರದಲ್ಲಿ ಮಹಿಳಾ ಪ್ರಮುಖ ಪಾತ್ರವನ್ನು ನಿರ್ವಹಿಸುವ ಅವಕಾಶವನ್ನು ಪಡೆದರು. ವಿಕ್ರಮ್ ಭಟ್ ನಿರ್ದೇಶನದ ಈ ಭಯಾನಕ ಚಿತ್ರವು ಬಾಕ್ಸ್ ಆಫೀಸ್‌ನಲ್ಲಿ ಯಶಸ್ವಿಯಾಯಿತು. ಆದರೆ, ಈ ಸಿನಿಮಾದ ನಂತರ ತೆರೆ ಕಂಡ ಫಿರ್, ಹಮ್ ಹೈ ರಾಹಿ ಕಾರ್ ಕೆ, ಕಮಾಂಡೋ 2, ಹಸಿತೋ ಫಾಸಿ ಮುಂತಾದ ಹಲವು ಸಿನಿಮಾಗಳು ಸೋಲು ಕಂಡವು.

ತೆಲುಗು, ಕನ್ನಡ ಮತ್ತು ತಮಿಳು ಚಿತ್ರಗಳಲ್ಲೂ ಅದಾ ನಟಿಸಿದ್ದಾರೆ. 'ಹಾರ್ಟ್ ಅಟ್ಯಾಕ್', ಗರಂ, ಸುಬ್ರಮಣ್ಯಂ ಫಾರ್ ಸೇಲ್, ಸಂಶಂ, ಕಲ್ಕಿ ಮುಂತಾದ ತೆಲುಗು ಸಿನಿಮಾಗಳಲ್ಲಿ ನಟಿಸಿದ್ದಾರೆ. ಕನ್ನಡದ ರಣ ವಿಕ್ರಮ ಸಿನಿಮಾದಲ್ಲಿ ಕಾಣಿಸಿಕೊಂಡಿದ್ದಾರೆ. ಆದರೆ, ನಾಯಕಿಯಾಗಿ ನಟಿಸಿದರೂ ಸಹ 15 ವರ್ಷಗಳ ಕಾಲ ಅದಾ ಶರ್ಮಾಗೆ ಒಂದೇ ಒಂದು ಹಿಟ್ ಸಿಗಲಿಲ್ಲ.

ಇದನ್ನೂ ಓದಿ:ಎನ್‌ಟಿಆರ್‌ ಅಭಿಮಾನಿಗಳಿಗೆ ಬಿಗ್‌ ನ್ಯೂಸ್‌..! ʼದೇವರʼ ಫಸ್ಟ್‌ ಸಾಂಗ್‌ ರಿಲೀಸ್‌ ಡೇಟ್‌ ಫಿಕ್ಸ್‌

ಇದರಿಂದ ಸ್ಟಾರ್ ಹೀರೋಯಿನ್ ಆಗಲು ಸಾಧ್ಯವಾಗದೆ ಕೆರಿಯರ್ ನಲ್ಲಿ ಸಾಕಷ್ಟು ನೊಂದಿದ್ದರು. ಸುದೀಪ್ ಸೇನ್ ನಿರ್ದೇಶನದ "ದಿ ಕೇರಳ ಸ್ಟೋರಿ" ಚಿತ್ರದ ಮೂಲಕ ಆಕೆಯ ಜೀವನ ಬದಲಾಯಿತು. ಈ ಚಿತ್ರ ಈ ಸುಂದರಿಗೆ ಸ್ಟಾರ್ ಸ್ಥಾನಮಾನ ತಂದುಕೊಟ್ಟಿತ್ತು. ರೂ.20 ಕೋಟಿ ಬಜೆಟ್‌ನಲ್ಲಿ ತಯಾರಾದ ಈ ಸಿನಿಮಾ ವಿಶ್ವಾದ್ಯಂತ ರೂ.303 ಕೋಟಿ ಕಲೆಕ್ಷನ್ ಮಾಡಿದೆ.