ರಿಯಲ್ ಆಗೂ ಕಪಲ್ಸ್ ಆಗಲಿದ್ದಾರೆಯೇ ಬಾಹುಬಲಿಯ ಈ ಜೋಡಿ: ಕಡೆಗೂ ಮೌನ ಮುರಿದ ಅನುಷ್ಕಾ ಶೆಟ್ಟಿ

ಅನುಷ್ಕಾ ಶೆಟ್ಟಿ ಮತ್ತು ಪ್ರಭಾಸ್ ಸಂಬಂಧದಲ್ಲಿದ್ದಾರೆ ಎಂಬ ವದಂತಿ ಇದೆ. 'ಮಿರ್ಚಿ' ಮತ್ತು 'ಬಾಹುಬಲಿ' ಚಿತ್ರಗಳಲ್ಲಿ ಒಟ್ಟಿಗೆ ಕೆಲಸ ಮಾಡಿದ್ದಕ್ಕಾಗಿ ಈ ಜೋಡಿ ನೆನಪಾಗುತ್ತದೆ.

ನವದೆಹಲಿ: ಅನುಷ್ಕಾ ಶೆಟ್ಟಿ ದೀರ್ಘಕಾಲದಿಂದ ಟ್ವಿಟರ್‌ನಲ್ಲಿ ಸಕ್ರಿಯರಾಗಿದ್ದಾರೆ. ಈಗ ಅವರು ಪ್ರಭಾಸ್ ಬಗ್ಗೆ ತಮ್ಮ ಮದುವೆಗೆ ಸಂಬಂಧಿಸಿದಂತೆ ಹರಿದಾಡುತ್ತಿರುವ ವದಂತಿ ಬಗ್ಗೆ ಮೌನ ಮುರಿದಿದ್ದಾರೆ. ಅವರು #AskAnushka ಅಧಿವೇಶನವನ್ನು ಆಯೋಜಿಸಿದ್ದರು ಮತ್ತು ಅವರ 'ನಿಶಾಬ್ದಮ್' ಚಿತ್ರ ಸೇರಿದಂತೆ ಅನೇಕ ವಿಷಯಗಳ ಬಗ್ಗೆ ತಮ್ಮ ಅಭಿಮಾನಿಗಳೊಂದಿಗೆ ಮಾತನಾಡಿದರು. ಈ ಚಿತ್ರದಲ್ಲಿ ಅವರು ಆರ್ ಮಾಧವನ್ ಅವರೊಂದಿಗೆ ತೆರೆ ಹಂಚಿಕೊಂಡಿದ್ದಾರೆ.

ಪ್ರಭಾಸ್ ಅವರೊಂದಿಗೆ ಕೆಲಸ ಮಾಡಲು ಸಿದ್ಧ ಎಂದ ಅನುಷ್ಕಾ!
ಅಭಿಮಾನಿಯೊಬ್ಬರು ಅನುಷ್ಕಾ ಶೆಟ್ಟಿ (Anushka Shetty) ಅವರಿಗೆ ಪ್ರಭಾಸ್ ಅವರೊಂದಿಗೆ ಮತ್ತೊಂದು ಚಿತ್ರ ಮಾಡಲು ಕೇಳಿದಾಗ, 'ನಮ್ಮಿಬ್ಬರನ್ನೂ ಚಿತ್ರದ ಚಿತ್ರಕಥೆಗೆ ಆಯ್ಕೆ ಮಾಡಿದರೆ, ನಾನು ನಿಮ್ಮೆಲ್ಲರಿಗೂ ಧನ್ಯವಾದ ಹೇಳುತ್ತೇನೆ ಎಂದು ಭರವಸೆ ನೀಡುವುದಾಗಿ' ತಿಳಿಸಿದ್ದಾರೆ.

hi if a script comes by with the pairing required for the story ...I'm sure ...would love to thank u for the love all of you out there,#AskAnushka #NishabdhamOnPrime https://t.co/dAc3UFjXMc

— Anushka Shetty (@MsAnushkaShetty) October 4, 2020

'ಮಿರ್ಚಿ' ಸೆಟ್ನ ಈ ವೈರಲ್ ಫೋಟೋ...
ಇನ್ನೊಬ್ಬ ಅಭಿಮಾನಿ ಅನುಷ್ಕಾ ಮತ್ತು ಪ್ರಭಾಸ್ (Prabhas) ಅವರ ವಿವಾಹದ ವೈರಲ್ ಚಿತ್ರವನ್ನು ಹಂಚಿಕೊಂಡಿದ್ದಾರೆ. ಈ ಫೋಟೋ ದೀರ್ಘಕಾಲದವರೆಗೆ ಅಂತರ್ಜಾಲದಲ್ಲಿ ಪ್ರಾಬಲ್ಯ ಹೊಂದಿದೆ. ಅನುಷ್ಕಾ ಶೆಟ್ಟಿ ಮತ್ತು ಪ್ರಭಾಸ್ ವಿವಾಹದ ವದಂತಿಗಳ ನಡುವೆ ಈ ಫೋಟೋ ಇನ್ನಷ್ಟು ವೈರಲ್ ಆಗುತ್ತಿದೆ.

ಈ ಫೋಟೋ ಬಗ್ಗೆಯೂ ಪ್ರತಿಕ್ರಿಯಿಸಿರುವ ಅನುಷ್ಕಾ ಫೋಟೋ ತೆಗೆದುಕೊಂಡು ಈ ಫೋಟೋ  'ಮಿರ್ಚಿ' ಚಿತ್ರದ ಶೂಟಿಂಗ್ ಸಮಯದಲ್ಲಿ ತೆಗೆಯಲಾಗಿರುವ ಫೋಟೋ ಎಂದು ಸ್ಪಷ್ಟನೆ ನೀಡಿದರು. 

ಈ ವೈರಲ್ ಫೋಟೋವನ್ನು ಅನುಷ್ಕಾ ಮತ್ತು ಪ್ರಭಾಸ್ ಅವರ ಮೊದಲ ಚಿತ್ರ ಮಿರ್ಚಿಯ ಸೆಟ್ ನಲ್ಲಿ ತೆಗೆಯಲಾಗಿದೆ. ಈ ಚಿತ್ರದಿಂದ ಜನರು ಈ ಜೋಡಿಯನ್ನು ತುಂಬಾ ಇಷ್ಟಪಟ್ಟಿದ್ದಾರೆ.

ಪ್ರಭಾಸ್ ತಮ್ಮ ಮುಂದಿನ ಚಿತ್ರ 'ರಾಧೇಶ್ಯಾಮ್' ಘೋಷಿಸಿದ್ದಾರೆ!
ಪ್ರಭಾಸ್ ಕೊನೆಯ ಬಾರಿಗೆ 'ಸಾಹೋ' ಚಿತ್ರದಲ್ಲಿ ಕಾಣಿಸಿಕೊಂಡರೆ, ಅನುಷ್ಕಾ ಶೆಟ್ಟಿ ಅವರ 'ನಿಶಬ್ದಮ್' (ತೆಲುಗು) ಮತ್ತು 'ಸೈಲೆನ್ಸ್' (ತಮಿಳು) ಚಿತ್ರಗಳು ಕೆಲವು ದಿನಗಳ ಹಿಂದೆ ಡಿಜಿಟಲ್ ರೂಪದಲ್ಲಿ ಬಿಡುಗಡೆಯಾದವು. ಮತ್ತೊಂದೆಡೆ ಪ್ರಭಾಸ್ ತಮ್ಮ ಮುಂದಿನ ಚಿತ್ರ 'ರಾಧೇಶ್ಯಾಮ್' ಅನ್ನು ಪೂಜಾ ಹೆಗ್ಡೆ ಅವರೊಂದಿಗೆ ಘೋಷಿಸಿದ್ದಾರೆ, ಇದರಲ್ಲಿ ಸೈಫ್ ಅಲಿ ಖಾನ್ ಕೂಡ ಕಾಣಿಸಿಕೊಳ್ಳಲಿದ್ದಾರೆ.