Sanjay Gadhvi passes away : ಧೂಮ್ ಚಿತ್ರದ ನಿರ್ದೇಶಕ ಸಂಜಯ್ ಗಧ್ವಿ ಇನ್ನಿಲ್ಲ

Dhoom director death: ಧೂಮ್ ಸಿನಿಮಾ ನಿರ್ದೇಶಕ ಸಂಜಯ್ ಗಧ್ವಿ ಹೃದಯಾಘಾತದಿಂದ ನಿಧನರಾಗಿದ್ದಾರೆ. ತಮ್ಮ ನಿವಾಸದಲ್ಲಿ ಭಾನುವಾರ ಬೆಳಿಗ್ಗೆ ಕೊನೆಯುಸಿರೆಳೆದರು.

Sanjay Gadhvi

Sanjay Gadhvi Passes away: ಬಾಲಿವುಡ್‌ ಚಿತ್ರರಂಗಕ್ಕೆ ಈ ಸುದ್ದಿ ಮತ್ತೊಂದು ಆಘಾತ ನೀಡಿದೆ. ಬಾಲಿವುಡ್‌ನ ಖ್ಯಾತ ನಿರ್ದೇಶಕ ಸಂಜಯ್ ಗಧ್ವಿ ಹೃದಯಾಘಾತದಿಂದ ನಿಧನರಾಗಿದ್ದಾರೆ.  56 ನೇ ವಯಸ್ಸಿನ ಸಂಜಯ್ ಗಧ್ವಿ ಮುಂಬೈನ ತಮ್ಮ ನಿವಾಸದಲ್ಲಿ ಭಾನುವಾರ ಬೆಳಿಗ್ಗೆ ಕೊನೆಯುಸಿರೆಳೆದರು. ಈ ಬಗ್ಗೆ ಅವರ ಹಿರಿಯ ಮಗಳು ಸಂಜಿನಾ ಮಾಧ್ಯಮಗಳಿಗೆ ಮಾಹಿತಿ ನೀಡಿದ್ದಾರೆ. 

ಇದನ್ನೂ ಓದಿ : Shraddha Das: ಶ್ರದ್ಧಾ ಹಾಟ್‌ನೆಸ್‌ಗೆ ಪಡ್ಡೆಹೈಕ್ಳು ಫಿದಾ.. ಪೋಟೋಸ್‌ ನೋಡಿ

ಸಂಜಯ್ ಗಧ್ವಿ ಅವರ ಅಗಲಿಕೆ ಹಿಂದಿ ಚಿತ್ರರಂಗಕ್ಕೆ ಆಘಾತ ತಂದಿದೆ. ಅವರ ನಿಧನದ ಸುದ್ದಿ ಕೇಳಿದ ನಂತರ ಅನೇಕ ಚಿತ್ರರಂಗದ ಗಣ್ಯರು ಮತ್ತು ನೆಟಿಜನ್‌ಗಳು ಸಾಮಾಜಿಕ ಜಾಲತಾಣಗಳಲ್ಲಿ ಸಂತಾಪ ವ್ಯಕ್ತಪಡಿಸುತ್ತಿದ್ದಾರೆ.

2000 ರಲ್ಲಿ ಸಂಜಯ್ ತೇರೆ ಲಿಯೆ ಚಿತ್ರದ ಮೂಲಕ ನಿರ್ದೇಶಕರಾಗಿ ಬಾಲಿವುಡ್‌ಗೆ ಪದಾರ್ಪಣೆ ಮಾಡಿದರು. ಆದರೆ ಈ ಚಿತ್ರ ಪ್ರೇಕ್ಷಕರಿಗೆ ಕನೆಕ್ಟ್ ಆಗಲಿಲ್ಲ. ಅದರ ನಂತರ 2004 ರಲ್ಲಿ ಬಿಡುಗಡೆಯಾದ 'ಧೂಮ್' ಚಿತ್ರದ ಮೂಲಕ ತಮ್ಮ ಮೊದಲ ಯಶಸ್ಸನ್ನು ಪಡೆದರು. ಈ ಚಿತ್ರ ಬಿಡುಗಡೆಯಾದ ಎಲ್ಲಾ ಭಾಷೆಗಳಲ್ಲಿ ಭರ್ಜರಿ ಯಶಸ್ಸು ಕಂಡಿತು. ಅದರ ನಂತರ, 2006 ರಲ್ಲಿ 'ಧೂಮ್ 2' ಬಿಡುಗಡೆಯಾಯಿತು. ಈ ಚಿತ್ರಕ್ಕೂ ಪ್ರೇಕ್ಷಕರು ಮೆಚ್ಚುಗೆ ಸೂಚಿಸಿದರು. ಸಂಜಯ್ ನಿರ್ದೇಶನದ ಕೊನೆಯ ಚಿತ್ರ 2020 ರ ಆಪರೇಷನ್ ಪರಿಂಡೆ. 

ಇದನ್ನೂ ಓದಿ : ‘ಸ್ವಾತಿ ಮುತ್ತಿನ ಮಳೆ ಹನಿಯೇ’ ಚಿತ್ರದ ಟ್ರೇಲರ್ ಗೆ ಫ್ಯಾನ್ಸ್‌ ಫುಲ್‌ ಮಾರ್ಕ್ಸ್!‌