ನವದೆಹಲಿ: ಕಳೆದ ವರ್ಷದಿಂದ ಬಾಲಿವುಡ್ ನಲ್ಲಿ ಬಯೋಪಿಕ್'ಗಳದ್ದೇ ಅಬ್ಬರ ಆರಂಭವಾಗಿದೆ. ಇದೀಗ ಚುನಾವಣೆ ಹಿನ್ನೆಲೆಯಲ್ಲಿ ರಾಜಕೀಯ ನಾಯಕರ ಬಯೋಪಿಕ್ ಸಿದ್ಧವಾಗುತ್ತಿದೆ. ಈ ಸರದಿಯಲ್ಲೀಗ ತಮಿಳುನಾಡಿನ ಮಾಜಿ ಮುಖ್ಯಮಂತ್ರಿ ಹಾಗೂ ಅಭಿನೇತ್ರಿ ದಿವಂಗತ ಜಯಲಲಿತಾ ಬಯೋಪಿಕ್ ಸಿದ್ದವಾಗುತ್ತಿದ್ದು, ಬಾಲಿವುಡ್ ಕ್ವೀನ್ ಕಂಗನಾ ರಾವತ್ ಈ ಚಿತ್ರದಲ್ಲಿ ಪ್ರಮುಖ ಪಾತ್ರದಲ್ಲಿ ಕಾಣಿಸಿಕೊಳ್ಳಲಿದ್ದಾರೆ.
ವರ್ಷಾರಂಭದಲ್ಲಿ ಕಂಗನಾ ಅಭಿನಯಿಸಿದ್ದ ಝಾನ್ಸಿ ರಾಣಿಯ ಬಯೋಪಿಕ್ 'ಮಣಿಕರ್ಣಿಕಾ ದಿ ಕ್ವೀನ್ ಆಫ್ ಝಾನ್ಸಿ' ಚಿತ್ರ ಗಲ್ಲಾ ಪೆಟ್ಟಿಗೆ ಕೊಳ್ಳೆ ಹೊಡೆದಿತ್ತು. ಇದೀಗ ಮುಂಬರುವ ವರ್ಷದಲ್ಲಿ ಜಯಲಲಿತಾ ಬಯೋಪಿಕ್'ನಲ್ಲಿ ಕಂಗನಾ ತಲೈವಿಯಾಗಿ ಅಭಿನಯಿಸಲಿದ್ದಾರೆ.
ಈ ಬಗ್ಗೆ ಖ್ಯಾತ ವಿಮರ್ಶಕ ತರಣ್ ಆದರ್ಶ್ ಟ್ವೀಟ್ ಮಾಡಿದ್ದು, ಜಯಲಲಿತಾ ಬಯೋಪಿಕ್ ನಲ್ಲಿ ಜಯಲಲಿತಾ ಪಾತ್ರಧಾರಿಯಾಗಿ ಕಂಗನಾ ನಟಿಸಲಿದ್ದಾರೆ. ಈ ಬಯೋಪಿಕ್ ತಮಿಳಿನಲ್ಲಿ 'ತಲೈವಿ' ಶೀರ್ಷಿಕೆಯಲ್ಲಿ ಹಾಗೂ ಹಿಂದಿಯಲ್ಲಿ 'ಜಯಾ' ಹೆಸರಿನಲ್ಲಿ ನಿರ್ಮಾಣವಾಗಲಿದೆ. ಚಿತ್ರವನ್ನು ಎ.ಎಲ್.ವಿಜಯ್ ನಿರ್ದೇಶಿಸುತ್ತಿದ್ದು, ಬಾಹುಬಲಿ ಮತ್ತು ಮಣಿಕರ್ಣಿಕಾ ಚಿತ್ರಗಳಿಗೆ ಕಥೆ ಬರೆದಿರುವ ವಿಜಯೇಂದ್ರ ಪ್ರಸಾದ್ ಈ ಸಿನಿಮಾಕ್ಕೂ ಕಥೆ ಬರೆದಿದ್ದಾರೆ. ಚಿತ್ರದ ನಿರ್ಮಾಣವನ್ನು ವಿಷ್ಣುವರ್ಧನ್ ಇಂದೂರಿ ಮತ್ತು ಶೈಲೇಶ್ ಸಿಂಗ್ ತಲೈವಿ ನಿರ್ಮಾಣ ಮಾಡಲಿದ್ದಾರೆ" ಎಂದು ತರಣ್ ವಿವರಿಸಿದ್ದಾರೆ.
#BigNews: Kangana Ranaut to play Jayalalithaa... Biopic will be made in two languages. Titled #Thalaivi in Tamil and #Jaya in Hindi... Directed by AL Vijay... Written by KV Vijayendra Prasad [#Baahubali and #Manikarnika]... Produced by Vishnu Vardhan Induri and Shaailesh R Singh.
— taran adarsh (@taran_adarsh) March 23, 2019
ಸಿನಿಮಾದೊಂದಿಗೆ ಭಾರತೀಯ ರಾಜಕಾರಣಕ್ಕೆ ಜಯಲಲಿತಾ ಕೊಡುಗೆ ಅಪಾರ. ಕನ್ನಡ, ತಮಿಳು, ತೆಲುಗು ಸಿನಿಮಾಗಳಲ್ಲಿ ನಟಿಸುವುದರೊಂದಿಗೆ 1991 ರಿಂದ 2016ರ ವರೆಗೆ ತಮಿಳುನಾಡಿನ ಮುಖ್ಯಮಂತ್ರಿಯಾಗಿ ಆಡಳಿತ ನಡೆಸಿದ್ದ ಜಯಲಲಿತಾ ಅವರು ಅನಾರೋಗ್ಯದಿಂದಾಗಿ 2016ರಲ್ಲಿ ನಿಧನರಾದರು.
