ಲಕ್ನೋ: ಬಾಲಿವುಡ್ ಗಾಯಕಿ ಕನಿಕಾ ಕಪೂರ್ ಅವರಿಗೆ ಸತತ ಐದನೇ ಬಾರಿಗೆ ಮಾಡಲಾದ COVID-19 ಪರೀಕ್ಷೆ ಕೂಡ ಸಕಾರಾತ್ಮಕವಾಗಿದೆ.
ಪ್ರತಿ 48 ಗಂಟೆಗಳಿಗೊಮ್ಮೆ ಕರೋನಾ ರೋಗಿಗಳ ರಕ್ತ ಮಾದರಿ ಪರೀಕ್ಷೆಗಳನ್ನು ನಡೆಸಲಾಗುತ್ತಿದೆ.
ಕಾನಿಕಾ ಕಪೂರ್ (Kanika Kapoor) ಅವರನ್ನು ಪ್ರಸ್ತುತ ಸಂಜಯ್ ಗಾಂಧಿ ಸ್ನಾತಕೋತ್ತರ ವೈದ್ಯಕೀಯ ವಿಜ್ಞಾನ ಸಂಸ್ಥೆಯಲ್ಲಿ (SGPGIMS) ದಾಖಲಿಸಲಾಗಿದೆ.
ಆಸ್ಪತ್ರೆ ಮೂಲಗಳಿಂದ ಲಭಿಸಿದ ಮಾಹಿತಿ ಪ್ರಕಾರ ಗಾಯಕಿಯ ಆರೋಗ್ಯ ಸ್ಥಿತಿ ಸ್ಥಿರವಾಗಿದೆ. ಆತಂಕ ಪಡುವ ಅಗತ್ಯವಿಲ್ಲ ಎಂದು ಸಂಸ್ಥೆಯ ನಿರ್ದೇಶಕ ಪ್ರೊ.ಆರ್.ಕೆ.ಧೀಮನ್ ಹೇಳಿದ್ದಾರೆ.
ವಾಸ್ತವವಾಗಿ, ಮಾರ್ಚ್ 15 ರಂದು ಲಖನೌದಲ್ಲಿ ರಾಜಸ್ಥಾನದ ಮಾಜಿ ಮುಖ್ಯಮಂತ್ರಿಗಳಾದ ವಸುಂಧರಾ ರಾಜೆ ಮತ್ತು ದುಶ್ಯಂತ್ ಸಿಂಗ್ ಅವರು ಕನಿಕಾ ಕಪೂರ್ ಅವರ ಪಾರ್ಟಿಯಲ್ಲಿ ಭಾಗವಹಿಸಿದ್ದರು. ಕನಿಕಾ ಕಪೂರ್ ಅವರು ಶುಕ್ರವಾರ ಕರೋನಾ ಪಾಸಿಟಿವ್ ಎಂಬ ವರದಿಗಳು ಬಂದಾಗಿನಿಂದ ವಸುಂಧರಾ ಮತ್ತು ದುಶ್ಯಂತ್ ಸ್ವಯಂ ಪ್ರತ್ಯೇಕತೆಗೆ ಹೋಗಿದ್ದಾರೆ. ವಿಶೇಷವೆಂದರೆ, ಮಾರ್ಚ್ 15 ರ ಈ ಪಾರ್ಟಿಯಲ್ಲಿ ಭಾಗವಹಿಸಿದ ನಂತರ ಮರುದಿನ ಮಾರ್ಚ್ 16 ರಂದು ದುಶ್ಯಂತ್ ಸಿಂಗ್ ಅವರು ಸಂಸತ್ ಭವನವನ್ನು ತಲುಪಿ ನಡಾವಳಿಯಲ್ಲಿ ಭಾಗವಹಿಸಿದರು.
