ಅಂದು ದರ್ಶನ್ ಪರ ಬ್ಯಾಟಿಂಗ್, ಇಂದು ದರ್ಶನ್ ವಿರುದ್ಧ FIR : ಬೂಟಿನ ಪೆಟ್ಟು ಗ್ಯಾರಂಟಿ ಅಂದ್ರು ಡೆವಿಲ್‌ ಫ್ಯಾನ್ಸ್..!

Lawyer Jagadish on Darshan : ದರ್ಶನ್ ಪರವಾಗಿ ಮಾತಾಡುತ್ತಾ ಬಿಗ್ ಮನೆಗೆ ಎಂಟ್ರಿಕೊಟ್ಟ ಲಾಯರ್ ಜಗದೀಶ್ ಸ್ವಲ್ಪ ಜನಪ್ರಿಯತೆ ಸಿಕ್ಕಂತೆ ಈಗ ದರ್ಶನ್ ವಿರುದ್ಧ ಮಾತನಾಡಲು ಶುರು ಮಾಡಿದಂತಿದೆ.. ಇದರಿಂದಾಗಿ ದಾಸನ ಅಭಿಮಾನಿಗಳು ಇವನೇನು ಸೈಕೋನಾ ಅಂತ ಕೇಳ್ತಾ ಇದ್ದಾರೆ..

Lawyer Jagdish : ಹುಚ್ಚ ಅನ್ನೋ ಪದ ಪಕ್ಕಾ ಸೂಟ್ ಆಗೋದು ಲಾಯರ್ ಜಗದೀಶ್ ಗೆ ಅನಿಸುತ್ತೆ. ರಾಜಕಾರಣಿಗಳು ಮತ್ತು ಸಿನಿಮಾ ನಟನಟಿಯರ ಆ ವಿಡಿಯೋ ಬಿಡ್ತೀನಿ, ಈ ವಿಡಿಯೋ ಬಿಡ್ತೀನಿ ಅಂತ ಸಾಮಾಜಿಕ ಜಾಲತಾಣದಲ್ಲಿ ಪುಂಗಿದಾಸನಂತೆ ಸುಖಾಸುಮ್ಮನೆ ಪುಂಗಿ ಜನಪ್ರಿಯತೆ ಗಳಿಸಲು ತೀರ್ಮಾನ ಮಾಡೇಬಿಟ್ಟ. ಕೊನೆಗೆ ದರ್ಶನ್ ಪರವಾಗಿ ಮಾತನಾಡುತ್ತಾ Bigboss Kannada ಮನೆಗೆ ಎಂಟ್ರಿ ಕೊಟ್ಟ.

ಅಲ್ಲೂ ಬಾಯಿಗೆ ಬಂದಹಾಗೇ ಮಾತಾಡಿ ಗುದ್ದಿಸಿಕೊಂಡು ಹೊರಬಿದ್ದ ಲಾಯರ್ ಜಗದೀಶ್ ಪ್ರಚಾರ ಹುಚ್ಚಿಗೆ ಬಿದ್ದು ಬೆಳಗಾದ್ರೆ ಮಾಧ್ಯಮಗಳ ಮುಂದೆ ನಾಟಕ ಶುರುಮಾಡಿಯೇ ಬಿಟ್ಟ. ಇದೀಗ ನಾನು ದರ್ಶನ್ ವಿರುದ್ಧ ಏಕವಚನದಲ್ಲಿ ಮಾತನಾಡಿದ್ದೇ ಎಂದು ದರ್ಶನ್ ಅಭಿಮಾನಿಗಳು ನನಗೆ ಜೀವ ಬೆದರಿಕೆ ಹಾಕುತ್ತಿದ್ದಾರೆ ಎನ್ನುತ್ತಿದ್ದಾನೆ. 

ಇದನ್ನೂ ಓದಿ:ಪ್ರಚಾರದ ಹುಚ್ಚು, ಹೆಣ್ಣು ಮಕ್ಕಳಿಗೆ ಅಗೌರವ : ಲಾಯರ್‌ ಜಗದೀಶ್‌ ಹುಚ್ಚನಾಗಿ ಬೀದಿ ಬೀದಿ ಅಲೆಯೋದು ಕನ್ಫರ್ಮ್‌..!

ದರ್ಶನ್‌ ಅಭಿಮಾನಿಗಳಿಂದ ನನಗೆ ಮತ್ತು ನನ್ನ ಕುಟುಂಬಕ್ಕೆ ಕಳೆದ 2 ದಿನಗಳಲ್ಲಿ ಬರೋಬ್ಬರಿ 1,000ಕ್ಕೂ ಹೆಚ್ಚು ಬಾರಿ ಬೆದರಿಕೆ ಕರೆಗಳು ಬಂದಿವೆ. ದರ್ಶನ್ ಅಭಿಮಾನಿ ರಿಷಿ ಎನ್ನುವ ವ್ಯಕ್ತಿಯೇ ನನಗೆ ಕರೆ ಮಾಡಿ ಕೊಲೆ ಬೆದರಿಕೆ ಹಾಕಿದ್ದಾರೆ. ಇದೆಲ್ಲದಕ್ಕೂ ಜಾಮೀನಿನ ಮೇಲೆ ಹೊರಬಂದು ಆಸ್ಪತ್ರೆಗೆ ದಾಖಲಾಗಿರುವ ನಟ ದರ್ಶನ್ ಸೂಚನೆ ಕೊಟ್ಟಿದ್ದಾರೆಂದು ಆರೋಪ ಮಾಡಿದ್ದಾನೆ. 

ನಾನು ಬೆಳಿತಾ ಇರೋದು ದರ್ಶನ್‌ಗೆ ಆಗುತ್ತಿಲ್ಲ ಅಂತ ವಿಡಿಯೋ ಮಾಡಿ ಹರಿಬಿಡುತ್ತಿದ್ದಾನೆ. ಅಯ್ಯೋ ಮಾರಾಯ ಮನೆಯಲ್ಲಿ ಸುಮ್ನೆ ಕಂಬ್ಳಿ ಹೊದ್ದು ಮಲಗು.. ಅಂತ ಬಾಯಿಗೆ ಬಂದ ಹಾಗೇ ಮಾತನಾಡುತ್ತಿದ್ದಾರೆ. ಇನ್ನಾದ್ರೂ ಎಚ್ಚೆತ್ತುಕೊಳ್ಳದೇ ಹೋದರೆ ಬೂಟಿನಲ್ಲಿ ಪೆಟ್ಟು ಗ್ಯಾರಂಟಿ ಅಂತಿದ್ದಾರೆ ಡಿಬಾಸ್ ಫ್ಯಾನ್ಸ್..