ಅಂತರಾಷ್ಟ್ರೀಯ ಮಟ್ಟದಲ್ಲಿ ಸದ್ದು ಮಾಡಿದ್ದ `ಪಿಂಕಿ ಎಲ್ಲಿ' ಜೂನ್ 2ರಂದು ತೆರೆಗೆ

ಸಕಲ ತಯಾರಿಗಳೊಂದಿಗೆ ಚಿತ್ರರಂಗದಲ್ಲಿ ಹೊಸ ಮೈಲಿಗಲ್ಲು ಸೃಷ್ಟಿಸಲೇಂದೇ ಸಜ್ಜಾಗಿ ಚಿತ್ರಗಳು ಸೆಟ್ಟೇರುತ್ತವೆ. ಅಂಥಹ ಚಿತ್ರಗಳು ಸದ್ದಿಲ್ಲದೇ ವಿಶ್ವ ಮಟ್ಟದಲ್ಲಿ ಹೆಸರಾಗಲು ಶುರುಮಾಡ್ತವೆ. ಅಂಥಹ ಸಿನೆಮಾಗಳ ಪಟ್ಟಿಗೆ ಸೇರುವ  `ಪಿಂಕಿ ಎಲ್ಲಿ?' ಸಿನೆಮಾ ಈಗಾಗಲೇ ಹಲವಾರು ಚಿತ್ರೋತ್ಸವಗಳಲ್ಲಿ ಪ್ರದರ್ಶನಗೊಂಡು, ಪ್ರಶಸ್ತಿಗಳಿಗೆ ಭಾಜನವಾಗಿ ಈಗ ಬಿಡುಗಡೆಗೆ ದಿನಗಣನೆ ಮಾಡ್ತಾಇದೆ.

ಎಸ್ ಕ್ಯಾಚೀ ಟೈಟಲ್ 'ಪಿಂಕಿ ಎಲ್ಲಿ?' ಚಿತ್ರ ಇದೇ ಜೂನ್ 2 ರಂದು ತೆರೆಗೆ ಬರಲು ಅಣಿಯಾಗಿದೆ. ಬಹುಮುಖ ಪ್ರತಿಭೆಯ ಖ್ಯಾತ ನಿರ್ಮಾಪಕ ಕೃಷ್ಣೇ ಗೌಡ ಅವರು ನಿರ್ಮಾಣ ಮಾಡಿ, ಪೃಥ್ವಿ ಕೋಣನೂರು ನಿರ್ದೇಶನದಲ್ಲಿ ಮೂಡಿ ಬಂದಿರುವ ಈ ಚಿತ್ರ 
ಸತ್ಯ ಘಟನೆಯನ್ನಾಧರಿಸಿ ರೂಪುಗೊಂಡಿದೆ.

ಇದನ್ನೂ ಓದಿ- Rosie Moore : ಪ್ರಪಂಚದ ʼಹಾಟ್‌ ಸೈನ್ಸಿಸ್ಟ್‌ʼ ರೋಸಿ ಮೂರ್‌..! ಕಾಡು ಪ್ರಾಣಿಗಳೇ ಈಕೆಯ ಫೇವರಿಟ್

ಈಗಾಗಲೇ ಅಂತರಾಷ್ಟ್ರೀಯ ಮಟ್ಟದಲ್ಲಿ ಹೆಸರಾಗಿರುವ ಪಿಂಕಿ ಎಲ್ಲಿ ಸಿನೆಮಾ ಕಮರ್ಷಿಯಲ್ ಚಿತ್ರವನ್ನೂ ಸೆಡ್ಡು ಹೊಡೆಯುವ ಭಿನ್ನ ದಾಟಿಯಲ್ಲಿ ತಯಾರಾದ ಚಿತ್ರ. ಹಲವು ಆಲೋಚನೆಗಳ ಸುಳಿಗೆ ಸಿಲುಕಿಸಿ, ನೋಡುಗರ ಕಣ್ಣು ಒದ್ದೆಯಾಗುವ ಸೆಂಟಿಮೆಂಟ್ ಗಳ ಮಳೆಯಲ್ಲೂ ಮಿಂದೆಳುವಂತೆ ಮಾಡತ್ತೆ. ಒಡಕು ಮೂಡಿದ ದಂಪತಿಗಳ ನಡುವಿನ ಮನಸಿನ ಕದನ, ಪುಟ್ಟ ಮಗು, ಅಲ್ಲಲ್ಲಿ ತೂರುವ ವಿಶೇಷ ಪಾತ್ರಗಳ ಮೂಲಕ ಕನ್ನಡದ ಮಟ್ಟಿಗೆ ಹೊಸ ದಿಕ್ಕಿನತ್ತ ತೆರೆದುಕೊಳ್ಳುವ ವಿಭಿನ್ನ ಪ್ರಯತ್ನವೆಂದರೂ ತಪ್ಪೇನಲ್ಲ.

ಇದನ್ನೂ ಓದಿ- Nabha Natesh : ʼನಭಾʼ ನಶೆಯ ನೋಟಕ್ಕೆ ನಾಶವಾಯ್ತು ಬೇಸರ.. ಹುಟ್ಟುತ್ತಿದ್ದೆ ಪ್ರೀತಿಯ ಅಂಕುರ..!

ಚಿತ್ರದ ಪ್ರಮುಖ ಪಾತ್ರವನ್ನು ಪ್ರತಿಭಾನ್ವಿತ ರಂಗಭೂಮಿ ಕಲಾವಿದೆ, ನಟಿ ಅಕ್ಷತಾ ಪಾಂಡವಪುರ ನಿಭಾಯಿಸಿದ್ದಾರೆ. ಈ ಮೂಲಕ ಸಖತ್ ಸವಾಲಿನದ್ದಾದ ಈ ಪಾತ್ರವನ್ನು ಲೀಲಾಜಾಲವಾಗಿ ನಟಿಸುವ ಮೂಲಕ ಅಂತಾರಾಷ್ಟ್ರೀಯ ಮಟ್ಟದಲ್ಲಿ ಮನ್ನಣೆ ಗಳಿಸಿಕೊಂಡು, ಹಲವು ಪ್ರಶಸ್ತಿಗೂ ಭಾಜನರಾಗಿದ್ದಾರೆ. 

ದೀಪಕ್ ಸುಬ್ರಮಣ್ಯ, ಪೃಥ್ವಿ ಕೋಣನೂರು ಮುಂತಾದವರ ತಾರಾಗಣ ಪಿಂಕಿ ಎಲ್ಲಿ ಚಿತ್ರದಲ್ಲಿರಲಿದೆ. ಈಗಾಗಲೇ ಇದರ ರೀಮೇಕ್ ಹಕ್ಕುಗಳಿಗೆ ಬೇಡಿಕೆ ಹೆಚ್ಚುತ್ತಿದ್ದು, ಡಬ್ಬಿಂಗ್ ರೈಟ್ಸ್‍ಗೂ ಮಾತುಕಥೆ ಚಾಲ್ತಿಯಲ್ಲಿದೆ. ಈಗಾಗಲೇ ಹಲವು ಪ್ರಶಸ್ತಿಗಳನ್ನ ಹೊದ್ದು ಖ್ಯಾತಿಗಳಿಸಿರುವ ಪಿಂಕಿ ಎಲ್ಲಿ ಚಿತ್ರ ಇದೇ ಜೂನ್ 2ರಂದು ಚಿತ್ರಮಂದಿರಗಳ ಮೂಲಕ ಮತ್ತಷ್ಟು ಪ್ರೇಕ್ಷಕರ ತಲುಪಾಗಲು ಅಣಿಯಾಗಿದೆ.