ಮದುವೆ ಬಗ್ಗೆ ಕ್ಲಾರಿಟಿ ಕೊಟ್ಟ ಕೀರ್ತಿ..! ಆ ʼಮಿಸ್ಟರಿ ಮ್ಯಾನ್‌ʼ ಯಾರು..?

Keerthy Suresh marriage : ಇತ್ತೀಚೆಗೆ ಹೆಚ್ಚಿನ ಮದುವೆ ರೂಮರ್ಸ್‌ ಬಗ್ಗೆ ಬಹುಭಾಷಾ ನಟಿ ಕೀರ್ತಿ ಸುರೇಶ್ ಪ್ರತಿಕ್ರಿಯೆ ನೀಡಿದ್ದಾರೆ. ಅಲ್ಲದೆ, ಸಮಯ ಬಂದಾಗ ಮಿಸ್ಟರಿ ಮ್ಯಾನ್‌ನ್ನು ಪರಿಚಯಿಸುವುದಾಗಿ ತಿಳಿಸಿದ್ದಾರೆ.

Keerthy Suresh : ತೆಲುಗು ಚಿತ್ರ 'ದಸರಾ'ದಲ್ಲಿ ಕಾಣಿಸಿಕೊಂಡು ಹುಬ್ಬೇರಿಸುವಂತೆ ಅಭಿನಯಿಸಿದ್ದ ನಟಿ ಕೀರ್ತಿ ಸುರೇಶ್ ಇದೀಗ ತಮ್ಮ ವೈಯಕ್ತಿಕ ಜೀವನದ ಬಗ್ಗೆ ಕೇಳಿ ಬಂದಿರುವ ವದಂತಿಗಳಿಗೆ ಪ್ರತಿಕ್ರಿಯಿಸಿದ್ದಾರೆ. ಇತ್ತೀಚೆಗೆ ನಟ ತನ್ನ ಸ್ನೇಹಿತ ಫರ್ಹಾನ್ ಜೊತೆಗಿನ ಚಿತ್ರವನ್ನು ತಮ್ಮ ಇನ್‌ಸ್ಟಾಗ್ರಾಮ್‌ನಲ್ಲಿ ಹಂಚಿಕೊಂಡಿದ್ದರು. ಚಿತ್ರದಲ್ಲಿ, ಇಬ್ಬರೂ ಬಿಳಿ ಮತ್ತು ಹಳದಿ ಉಡುಪು ಧರಿಸಿದ್ದರು. ಈ ಫೋಟೋಸ್‌ ನೋಡಿದ ನೆಟ್ಟಿಗರು ಇಬ್ಬರು ಡೇಟಿಂಗ್ ಮಾಡುತ್ತಿದ್ದಾರೆ ಅಂತ ಗುಲ್ಲೆಬ್ಬಿಸಿದ್ದರು. ಅಲ್ಲದೆ, ಇಬ್ಬರೂ ಶೀಘ್ರದಲ್ಲೇ ದಾಂಪತ್ಯ ಜೀವನಕ್ಕೆ ಕಾಲಿಡುತ್ತಾರೆ ಎಂಬ ಸುದ್ದಿಯೂ ಹಬ್ಬಿತ್ತು.

ಇನ್ನು ಈ ಎಲ್ಲಾ ವದಂತಿಗಳ ಕುರಿತು ಸ್ಪಷ್ಟತೆ ನೀಡಿರುವ ನಟಿ ಕೀರ್ತಿ ಸುರೇಶ್‌, ಹಹಹಾ...! ಈ ಬಾರಿ ನನ್ನ ಆತ್ಮೀಯ ಗೆಳೆಯನನ್ನು ಎಳೆಯಬೇಕಾಗಿಲ್ಲ, ಸಮಯ ಬಂದಾಗ ನಿಜವಾದ ʼರಹಸ್ಯ ಮನುಷ್ಯʼನನ್ನು ಬಹಿರಂಗಪಡಿಸುತ್ತೇನೆ. ಅಲ್ಲಿಯವರೆಗೆ ಚಿಲ್ ಮಾತ್ರೆ ತೆಗೆದುಕೊಳ್ಳಿ..! ಅಂತ ರೂಮರ್ಸ್‌ ಹಬ್ಬಿಸಿರುವ ಕಿಡಿಗೇಡಿಗಳಿಗೆ ಟಾಂಗ್‌ ಕೊಟ್ಟಿದ್ದಾರೆ. ಇದರಿಂದ ಫರ್ಹಾನ್‌ ಮತ್ತು ಕೀರ್ತಿ ಜಸ್ಟ್‌ ಪ್ರೇಂಡ್‌ ಅಂತ ಕ್ಲಾರಿಟಿ ಕೊಟ್ಟಿದ್ದಾರೆ.

Hahaha!! Didn’t have to pull my dear friend, this time!

I will reveal the actual mystery man whenever I have to 😉
Take a chill pill until then!

PS : Not once got it right 😄 https://t.co/wimFf7hrtU

— Keerthy Suresh (@KeerthyOfficial) May 22, 2023

ಇದನ್ನೂ ಓದಿ: ʼಸ್ಲಂ ರಾಜಕುಮಾರಿ'ಗೆ ಹಾಲಿವುಡ್‌ ಆಫರ್‌..! ʼಮಲೀಶಾʼ ಸಾಧನೆ ಬಗ್ಗೆ ನಿಮ್ಗೆ ಗೊತ್ತಾ..?

ಕೀರ್ತಿ ಕೊನೆಯದಾಗಿ ನಾನಿ ನಟನೆಯ ʼದಸರಾʼದಲ್ಲಿ ಕಾಣಿಸಿಕೊಂಡಿದ್ದರು. ಈ ಪ್ಯಾನ್-ಇಂಡಿಯಾ ಚಲನಚಿತ್ರವನ್ನು ಶ್ರೀಕಾಂತ್ ಒಡೆಲಾ ಬರೆದು ನಿರ್ದೇಶಿಸಿದ್ದರು. ದಸರಾ ಚಿತ್ರದಲ್ಲಿ ಕೀರ್ತಿ ಸುರೇಶ್ ಅವರು ʼವೆನ್ನೆಲʼ ಎಂಬ ಪಾತ್ರವನ್ನು ನಿರ್ವಹಿಸುತ್ತಿದ್ದರು. ಚಿತ್ರೀಕರಣದ ಕೊನೆಯ ದಿನದಂದು, ಚಿತ್ರತಂಡಕ್ಕೆ ಕೀರ್ತಿ ಪ್ರತಿಯೊಬ್ಬರಿಗೂ ತಲಾ 10 ಗ್ರಾಂನ 130 ಚಿನ್ನದ ನಾಣ್ಯಗಳನ್ನು ಉಡುಗೊರೆಯಾಗಿ ನೀಡಿದರು. ಈ ನಾಣ್ಯಗಳ ಬೆಲೆ ಸುಮಾರು 70 ಲಕ್ಷ ರೂಪಾಯಿ ಎಂದು ವರದಿಯಾಗಿತ್ತು. 

'ದಸರಾ' ಸಿನಿಮಾ ಮಾರ್ಚ್ 30 ರಂದು ಬಿಡುಗಡೆಯಾಗಿತ್ತು. ಮಿಶ್ರ-ಸಕಾರಾತ್ಮಕ ವಿಮರ್ಶೆಗಳನ್ನು ಪಡೆಯಿತು. 65 ಕೋಟಿ ಬಜೆಟ್‌ನ ಈ ಸಿನಿಮಾ ರೂ. 135 ಕೋಟಿ ಗಳಿಸಿತು. ಸಧ್ಯ ಕೀರ್ತಿ ಅವರ ಕಿಟ್‌ನಲ್ಲಿ ಉದಯನಿಧಿ ಸ್ಟಾಲಿನ್, ಫಹದ್ ಫಾಸಿಲ್ ಮತ್ತು ವಡಿವೇಲು ಅಭಿನಯದ 'ಮಾಮನನ್', ಚಿರಂಜೀವಿ ಜೊತೆಗೆ 'ಭೋಲಾ ಶಂಕರ್' ಸೇರಿದಂತೆ ಹಲವಾರು ಚಿತ್ರಗಳಿವೆ. ಅಲ್ಲದೆ, ಅವರು 'ರಿವಾಲ್ವರ್ ರೀಟಾ' ಮತ್ತು 'ಸೈರನ್' ಚಿತ್ರಗಳಲ್ಲಿಯೂ ಕಾಣಿಸಿಕೊಳ್ಳಲಿದ್ದಾರೆ.