ಶಿಶಿರ್‌ ಶಾಸ್ತ್ರಿ ಗೆ ಅಂಥದ್ದೇನಂದ್ರು ಯಮುನಾ! ಬಿಗ್‌ ಬಾಸ್‌ ನಲ್ಲಿ ಸ್ವರ್ಗವೂ ನರಕವಾಗಿದ್ದೇಕೆ?

Shishir Shastry Fight with Yamuna Srinidhi: ಬಿಗ್‌ ಬಾಸ್‌ ಹಳೆಯ ಸೀಸನ್‌ಗಳಲ್ಲಿ ಕೆಲವು ವಾರಗಳು ಕಳೆದ ಬಳಿಕ ಜಗಳ, ಮನಸ್ತಾಪಗಳು ಶುರುವಾಗುತ್ತಿದ್ದವು. ಆದರೆ ಈ ಬಾರಿ ಬಿಗ್‌ ಬಾಸ್‌ ಕನ್ನಡ 11 ರಲ್ಲಿ ಮೊದಲ ದಿನದಿಂದಲೇ ಪೈಪೋಟಿ ಆರಂಭವಾಗಿದೆ. ನರಕವೇ ಹೆಚ್ಚು ಶಾಂತವಾಗಿದ್ದು, ಸ್ವರ್ಗದಲ್ಲಿ ನರಕದ ಛಾಯೆ ಮೂಡಿದೆ. 

ಬಿಗ್‌ ಬಾಸ್‌ ಮನೆಯಲ್ಲಿ ಈ ವಾರದ ನಾಮಿನೇಷನ್‌ ಪ್ರಕ್ರಿಯೆ ನಡೆದಿದ್ದು, ಯಮುನಾ ಅವರು ಗೌತಮಿ ಜಾದವ್ ಅವರನ್ನು ನಾಮಿನೇಟ್ ಮಾಡಿದ್ದಾರೆ. ಅವರು ತಾವು ಸೇರಿರುವ 'ಸ್ವರ್ಗವಾಸಿಗಳ' ಬದಲಿಗೆ 'ನರಕವಾಸಿಗಳ' ಜೊತೆ ಗೌತಮಿ ಹೆಚ್ಚು ಸಮಯ ಕಳೆಯುತ್ತಿದ್ದಾರೆ ಎಂದು ಕಾರಣ ನೀಡಿದ್ದಾರೆ. 

ಇದನ್ನೂ ಓದಿ: ಬಿಗ್‌ ಬಾಸ್‌ ಸಮೀರ್‌ ಆಚಾರ್ಯ ವಿರುದ್ಧ ಠಾಣೆ ಮೆಟ್ಟಿಲೇರಿದ ಪತ್ನಿ ಶ್ರಾವಣಿ !

ಗೌತಮಿಯ ಕ್ರಮಗಳು ತನ್ನದೇ ಗುಂಪಿಗೆ ನಿಷ್ಠೆ ತೋರುತ್ತಿಲ್ಲ ಎಂದು ಹೇಳುವ ಮೂಲಕ ಯಮುನಾ ತನ್ನ ನಿರ್ಧಾರವನ್ನು ಸಮರ್ಥಿಸಿಕೊಂಡಿದ್ದಾರೆ. ಈ ಹೇಳಿಕೆಯ ಬಳಿಕ ಗೌತಮಿಯ ರಕ್ಷಣೆಗೆ ಬಂದ ಶಿಶಿರ್‌ ಜೊತೆಯೂ ಯಮುನಾ ಜಗಳಕ್ಕೆ ನಿಂತಿದ್ದಾರೆ. 

ಮೊದಲ ನಾಮಿನೇಶನ್‍‍ ತಾಪ ಸ್ವರ್ಗಕ್ಕೂ ವ್ಯಾಪಿಸಿದ್ಯಾ?

ಬಿಗ್ ಬಾಸ್ ಕನ್ನಡ ಸೀಸನ್ 11 | ಸೋಮ-ಶುಕ್ರ 9:30#BiggBossKannada11 #BBK11 #HosaAdhyaya #ColorsKannada #BannaHosadaagideBandhaBigiyaagide #ಕಲರ್‌ಫುಲ್‌‌ಕತೆ #colorfulstory #Kicchasudeepa pic.twitter.com/hOSwZCCMjv

— Colors Kannada (@ColorsKannada) October 1, 2024

ಶಿಶಿರ್ ಮತ್ತು ಯಮುನಾ ನಡುವೆ ಮಾತಿನ ಚಕಮಕಿ ನಡೆದಿದೆ. ಅಸಮಾಧಾನಗೊಂಡ ಶಿಶಿರ್, ಯಮುನಾ ಅವರ ಹೇಳಿಕೆಯನ್ನು ಪ್ರಶ್ನಿಸಿದರು, "ನನ್ನ ನಿರ್ಧಾರವನ್ನು ಪ್ರಶ್ನಿಸಲು ನೀವು ಯಾರು?" ಎಂದು ಯಮುನಾ ಕೇಳಿದ್ದಾರೆ.  

ಇದೇ ಕಾರಣವನ್ನು ಮುಂದಿಟ್ಟುಕೊಂಡು ಮತ್ತೊಬ್ಬ ಸ್ಪರ್ಧಿ ಭವ್ಯಾ ಗೌಡ ಕೂಡ ಗೌತಮಿ ಜಾಧವ್ ಅವರನ್ನು ನಾಮಿನೇಟ್ ಮಾಡಿದ್ದಾರೆ. ಗೌತಮಿ 'ನರಕವಾಸಿಗಳ' ಬಗ್ಗೆ ಸಾಫ್ಟ್ ಕಾರ್ನರ್ ಹೊಂದಿರುವಂತೆ ತೋರುತ್ತಿದೆ ಎಂದು ಭವ್ಯಾ ಹೇಳಿದ್ದಾರೆ. ಇದು ನಡೆಯುತ್ತಿರುವ ಜಗಳದ ಬೆಂಕಿಗೆ ತುಪ್ಪ ಸುರಿದಂತಾಗಿದೆ. ಬಿಗ್ ಬಾಸ್ ಕನ್ನಡ 11 ರ ಮೊದಲ ವಾರವು ಈಗಾಗಲೇ ಶುರುವಾಗಿದ್ದು, ಮನೆಯಲ್ಲಿ ಜಗಳದ ಬಿಸಿಯೂ ಹೆಚ್ಚಿದೆ. 

ಇದನ್ನೂ ಓದಿ: ಬಿಗ್‌ ಬಾಸ್‌ ಮೊದಲ ವಾರವೇ ಎಲಿಮಿನೇಟ್‌ ಆಗ್ತಾರಾ ಚೈತ್ರಾ ಕುಂದಾಪುರ ?