SSE Side-B : ಸಪ್ತ ಸಾಗರದಾಚೆ ಎಲ್ಲೋ ಸೈಡ್-ಎ ನೋಡಿದ್ರಾ, ಹಾಗಿದ್ರೆ ಇದೇ 24ರಂದು ಬರ್ತಿದೆ ಸೈಡ್-ಬಿ, ಕುತೂಹಲದಿಂದ ಕಾಯ್ತಾ ಇರಿ

Sapta Sagardaache Ello Side-B : ಹೇಮಂತ್ ಎಂ.ರಾವ್ ನಿರ್ದೇಶನದ ಸಪ್ತ ಸಾಗರದಾಚೆ ಎಲ್ಲೋ – ಸೈಡ್ ಬಿ ಇದೇ 24ರಂದು ಜೀ ಕನ್ನಡ ವಾಹಿನಿಯಲ್ಲಿ ಪ್ರಸಾರವಾಗಲಿದೆ.

SSE Side-B :  ಸಪ್ತ ಸಾಗರದಾಚೆ ಎಲ್ಲೋ – ಸೈಡ್ ಬಿ ಚಿತ್ರ ಸಪ್ತ ಸಾಗರದಾಚೆ ಎಲ್ಲೋ – ಸೈಡ್ ಎ ಸಿನಿಮಾದ ಮುಂದುವರಿದ ಭಾಗವಾಗಿದೆ. ರಕ್ಷಿತ್ ಶೆಟ್ಟಿ, ರುಕ್ಮಿಣಿ ವಸಂತ್ ಮತ್ತು ಚೈತ್ರ ಜೆ.ಆಚಾರ್ ಪ್ರಮುಖ ಪಾತ್ರಗಳಲ್ಲಿ ನಟಿಸಿದ್ದಾರೆ. ಚರಣ್ ರಾಜ್ ಸಂಗೀತ ಸಂಯೋಜಿಸಿದ್ದರೆ, ಅದ್ವೈತ ಗುರುಮೂರ್ತಿ ಅವರ ಛಾಯಾಗ್ರಹಣ ಮತ್ತು ಸುನಿಲ್ ಎಸ್ ಭಾರದ್ವಾಜ್ ಮತ್ತು ಹೇಮಂತ್ ಎಂ ರಾವ್ ಸಂಕಲನವನ್ನು ನಿರ್ವಹಿಸಿದ್ದಾರೆ.

2021 ರಲ್ಲಿ, ಸೈಡ್ A ನ ಘಟನೆಗಳಿಂದ 10 ವರ್ಷಗಳ ನಂತರ ಮತ್ತು COVID-19 ಸಾಂಕ್ರಾಮಿಕ ಸಮಯದಲ್ಲಿ , ಮನು ಜೈಲಿನಿಂದ ಹೊರಬಂದು ಪ್ರಿಯಾಳನ್ನು ಹುಡುಕುತ್ತಿದ್ದಾನೆ. ಅದೇ ಕಥೆಯ  ಸುರಳಿಯನ್ನು ಬಿಡಿಸಿಕೊಳ್ಳುತ್ತಾ ಕಥೆಯು ವಿಭನ್ನ ರೀತಿಯಲ್ಲಿ ವೀಕ್ಷಕರನ್ನು ತನ್ನೆಡೆಗೆ ಸೆಳೆಯಲಿದೆ.

View this post on Instagram

A post shared by Zee Kannada (@zeekannada)

ಸೈಡ್ ಎ ಸಂಗೀತ ಪ್ರಿಯರನ್ನು ಸೆಳೆದ ಹಾಗೆ ಸೈಡ್ ಬಿ ಚಿತ್ರವು ಆ ಒಂದು ವಿಷಯದಲ್ಲಿ ಮತ್ತೆ ಜನರ ಮನವನ್ನು ಗೆದ್ದಿದೆ ಹಾಗೂ ಮತ್ತೆ ಕಿರುತೆರೆಯಲ್ಲಿ ಪ್ರಸಾರವಾಗುವ ಮೂಲಕ ಮತ್ತೆ ಗೆಲ್ಲಲಿದೆ. 

ಇದನ್ನು ಓದಿ : Lok Sabha Election 2024: ಇಲೇಕ್ಟೊರಲ್ ಬಾಂಡ್ ಮೂಲಕ ಯಾವ ಪಕ್ಷಕ್ಕೆ ಎಷ್ಟು ದೇಣಿಗೆ ಬಂದಿದೆ?

ಸಪ್ತ ಸಾಗರದಾಚೆ ಎಲ್ಲೋ – ಸೈಡ್ ಎ ಸೆಪ್ಟೆಂಬರ್ 01 ರಂದು ಥಿಯೇಟರ್ ಗಳಲ್ಲಿ ಬಿಡುಗಡೆಗೊಂಡಿತ್ತು ಅದಾದ ನಂತರ ಸಪ್ತ ಸಾಗರದಾಚೆ ಎಲ್ಲೋ (ಸೈಡ್ ಬಿ) , ಮೂಲತಃ ಅಕ್ಟೋಬರ್ 20 2023 ರಂದು ಬಿಡುಗಡೆಗೆ ಸಿದ್ಧವಾಗಿತ್ತು ಆದರೆ ಅದನ್ನು ಮರು ನಿಗದಿಪಡಿಸಲಾಯಿತು. ಚಲನಚಿತ್ರವು 17 ನವೆಂಬರ್ 2023 ರಂದು ಥಿಯೇಟರ್‌ಗಳಲ್ಲಿ ಬಿಡುಗಡೆಯಾಯಿತು. 

ಈ ಚಲನಚಿತ್ರವು ಅಮೆಜಾನ್ ಪ್ರೈಮ್ ವಿಡಿಯೋದಲ್ಲಿ 25 ಜನವರಿ 2024 ರಂದು ಕನ್ನಡದಲ್ಲಿ ತೆಲುಗು, ತಮಿಳು ಮತ್ತು ಮಲಯಾಳಂ ಭಾಷೆಗಳ ಡಬ್ ಆವೃತ್ತಿಗಳೊಂದಿಗೆ ಪ್ರಥಮ ಪ್ರದರ್ಶನಗೊಂಡಿತು .

ಇದನ್ನು ಓದಿ : Maryada Prashne : ಸ್ಯಾಂಡಲ್ ವುಡ್ ನಲ್ಲಿ ಸಕತ್ ಸದ್ದು ಮಾಡಿದ "ಮರ್ಯಾದೆ ಪ್ರಶ್ನೆ" : ಗುಟ್ಟು ರಟ್ಟು

ಇದೀಗ ಸಿನಿಮಾ ಇದೇ 24ರಂದು ಜೀ ಕನ್ನಡ ವಾಹಿನಿಯಲ್ಲಿ ಪ್ರಸಾರಗೊಳ್ಳಲಿದ್ದು, ಈ ಕುರಿತು ಜೀ ಕನ್ನಡ ವಾಹಿನಿಯು ತನ್ನ ಇನ್ಸ್ಟಾಗ್ರಾ ಖಾತೆಯಲ್ಲಿ ಮಾಹಿತಿಯನ್ನು ಹಂಚಿಕೊಂಡಿದೆ ಮತ್ತು ಸಿನಿಮಾದ ಪ್ರೊಮೋ ಒಂದನ್ನು ಹಂಚಿಕೊಂಡಿದೆ .