ಕೇವಲ 21ನೇ ವಯಸ್ಸಿನಲ್ಲಿ ಕ್ಯಾನ್ಸರ್‌ಗೆ ಬಲಿಯಾದ ಖ್ಯಾತ ನಿರ್ಮಾಪಕ, ನಟನ ಪುತ್ರಿ.!

Tishaa Kumar death : ಟಿ-ಸೀರೀಸ್ ಸಹ ನಿರ್ಮಾಪಕ ಕ್ರಿಶನ್ ಕುಮಾರ್ ಅವರ ಪುತ್ರಿ ದಿಶಾ ಕ್ಯಾನ್ಸರ್‌ಗೆ ಬಲಿಯಾಗಿದ್ದಾರೆ.. ʼಅನಿಮಲ್‌' ಸಿನಿಮಾ ಸೇರಿದಂತೆ ಹಲವು ಹಿಟ್‌ ಚಿತ್ರಗಳಿಗೆ ಕ್ರಿಶನ್‌ ಸಹ-ನಿರ್ಮಾಪಕರಾಗಿದ್ದರು, ನಟರಾಗಿಯೂ ಸಹ ಗುರುತಿಸಿಕೊಂಡಿದ್ದರು. ಸಧ್ಯ ಅವರ ಪುತ್ರಿ ಕ್ಯಾನ್ಸರ್ ನಿಂದ 21 ನೇ ವಯಸ್ಸಿನಲ್ಲಿ ನಿಧನರಾಗಿದ್ದಾರೆ...

Tishaa kumar

T Series owner daughter death : ನಿರ್ಮಾಪಕ ಮತ್ತು ನಟ ಕ್ರಿಶನ್ ಕುಮಾರ್ ಅವರು ಪ್ರಮುಖ ನಿರ್ಮಾಣ ಕಂಪನಿ ಟಿ-ಸಿರೀಸ್ ಅಡಿಯಲ್ಲಿ ಅನೇಕ ಬಾಲಿವುಡ್ ಚಲನಚಿತ್ರಗಳನ್ನು ನಿರ್ಮಿಸಿದ್ದಾರೆ. ಅನಿಮಲ್, ಶ್ರೀಕಾಂತ್, ಪೋರ್, ಆದಿಪುರುಷ, ಸರ್ಕಸ್, ದೃಶ್ಯಂ 2 ಸೇರಿದಂತೆ 70 ಕ್ಕೂ ಹೆಚ್ಚು ಚಿತ್ರಗಳಿಗೆ ಸಹ ನಿರ್ಮಾಪಕರಾಗಿದ್ದಾರೆ.

ಕುಶಾಲ್ ಕುಮಾರ್ T Series ಕಂಪನಿಯನ್ನು ಸ್ಥಾಪಿಸಿದರು. ನಂತರ ಅವರ ಕುಟುಂಬ ಸದಸ್ಯರಾದ ಭೂಷಣ್ ಕುಮಾರ್ ಮತ್ತು ಕ್ರಿಶನ್ ಕುಮಾರ್ ಈ ಕಂಪನಿಯ ಮುಖ್ಯ ಭಾಗವಾಗಿದ್ದಾರೆ. ಟಿ-ಸೀರೀಸ್ ತನ್ನ ಯೂಟ್ಯೂಬ್ ಚಾನೆಲ್ ಮೂಲಕ ಅನೇಕ ಆಲ್ಬಮ್ ಹಾಡುಗಳು ಮತ್ತು ಚಲನಚಿತ್ರ ಹಾಡುಗಳು, ಟ್ರೇಲರ್‌ಗಳು ಇತ್ಯಾದಿಗಳ ಹಕ್ಕುಗಳನ್ನು ಪಡೆದು ಬಿಡುಗಡೆ ಮಾಡಿದೆ.

ಇದನ್ನೂ ಓದಿ:ನಟಿ, ಆಂಕರ್ ಅನುಶ್ರೀ ಲವ್ ಮಾಡ್ತಿದ್ದಾರಂತೆ ನಟ ಜಗ್ಗೇಶ್ ಸಹೋದರ!

ಈ ಜನಪ್ರಿಯ ಕಂಪನಿಯ ಸಹ-ಮಾಲೀಕ ಕ್ರಿಶನ್ ಕುಮಾರ್ ಅವರ ಪುತ್ರಿ ದಿಶಾ ಕುಮಾರ್ ಕಳೆದ ಕೆಲವು ವರ್ಷಗಳಿಂದ ಗಂಭೀರ ಕ್ಯಾನ್ಸರ್ ನಿಂದ ಬಳಲುತ್ತಿದ್ದರು. ಜರ್ಮನಿಯಲ್ಲಿ ದಿಶಾ ಉತ್ತಮ ಗುಣಮಟ್ಟದ ಚಿಕಿತ್ಸೆ ಪಡೆದರೂ ಚಿಕಿತ್ಸೆ ಫಲಕಾರಿಯಾಗದೆ ಸಾವನ್ನಪ್ಪಿದ್ದಾಳೆ. 

ದಿಶಾ ಕೊನೆಯ ಬಾರಿಗೆ ಅನಿಮಲ್ ಫಿಲ್ಮ್ ಫೆಸ್ಟಿವಲ್‌ನಲ್ಲಿ ಕಾಣಿಸಿಕೊಂಡಿದ್ದರು. ಆ ನಂತರ ಯಾವುದೇ ಪ್ರಮುಖ ಕಾರ್ಯಕ್ರಮಗಳಲ್ಲಿ ಭಾಗವಹಿಸಿರಲಿಲ್ಲ. ದಿಶಾ ಕುಮಾರ್ ಅವರು 21ನೇ ವಯಸ್ಸಿನಲ್ಲಿ ಕ್ಯಾನ್ಸರ್ ನಿಂದ ಸಾವನ್ನಪ್ಪಿದ್ದಾರೆ. ಇದು ಬಾಲಿವುಡ್ ವಲಯವನ್ನು ಬೆಚ್ಚಿಬೀಳಿಸಿದೆ.