TV Actress Suicide: ಟಿವಿ ಸಿರಿಯಲ್ ಸೆಟ್ ನಲ್ಲಿಯೇ ನೇಣು ಬಿಗಿದುಕೊಂಡು ಆತ್ಮಹತ್ಯೆಗೆ ಶರಣಾದ 20 ವರ್ಷದ ನಟಿ

Tunisha Sharma Death: ವರದಿಗಳ ಪ್ರಕಾರ, ಅಲಿಬಾಬಾ-ದಾಸ್ತಾನ್ ಎ ಕಾಬೂಲ್ ಸಿರಿಯಲ್ ನ ನಾಯಕಿ ನಟಿ ತುನೀಷಾ ಶರ್ಮಾ ಆತ್ಮಹತ್ಯೆಗೆ ಶರಣಾಗಿದ್ದಾಳೆ ಎನ್ನಲಾಗಿದೆ. ಆಕೆಗೆ ಕೇವಲ 20 ವರ್ಷ ವಯಸ್ಸಾಗಿತ್ತು. ಹೀಗಾಗಿ ಆಕೆಯ ಸಾವಿನ ಸುದ್ದಿಯಿಂದ ಇಡೀ ಚಿತ್ರೋದ್ಯಮವೇ ತತ್ತರಿಸಿ ಹೋಗಿದೆ.

Tunisha Sharma (File Photo)

Tunisha Sharma Suicide News: 20 ವರ್ಷದ ಕಿರುತೆರೆ ನಟಿ ತುನೀಶಾ ಶರ್ಮಾ ಆತ್ಮಹತ್ಯೆ ಮಾಡಿಕೊಂಡಿದ್ದಾರೆ.ಈ ಆಘಾತಕಾರಿ ಸುದ್ದಿ ಪ್ರಕಟವಾಗುತ್ತಿದ್ದಂತೆ ಎಲ್ಲರಿಗೂ ಗರ ಬಡಿದಂತಾಗಿದೆ. ಪ್ರಸ್ತುತ, SAB ಟಿವಿಯಲ್ಲಿ ಮೂಡಿಬರುತ್ತಿರುವ ಅಲಿಬಾಬಾ: ದಸ್ತಾನ್-ಎ-ಕಾಬೂಲ್ ಸಿರಿಯಲ್ ನಲ್ಲಿ ತುನಿಶಾ ಪ್ರಮುಖ ಪಾತ್ರವನ್ನು ನಿರ್ವಹಿಸುತ್ತಿದ್ದರು, ಆದ್ದರಿಂದ ಆಕೆ ಏಕೆ ಇಂತಹ ದೊಡ್ಡ ಹೆಜ್ಜೆ ಇಟ್ಟಿದ್ದಾರೆಂದು ಎಂಬುದು ಯಾರಿಗೂ ಅರ್ಥವಾಗುತ್ತಿಲ್ಲ.

Maharashtra | TV actress Tunisha Sharma committed suicide by hanging herself on the set of a TV serial. She was taken to a hospital where she was declared brought dead: Waliv Police

— ANI (@ANI) December 24, 2022

ಸೆಟ್ ನಲ್ಲಿ ನೇಣು ಹಾಕಿಕೊಂಡ ನಟಿ
ಮಾಧ್ಯಮ ವರದಿಗಳ ಪ್ರಕಾರ, ಸಿರಿಯಲ್ ಸೆಟ್‌ನಲ್ಲಿಯೇ ತುನೀಶಾ ಈ ಹೆಜ್ಜೆ ಇಟ್ಟಿದ್ದಾರೆ ಮತ್ತು ಸಿರಿಯಲ್ ನ ನಾಯಕ ನಟನ ಮೇಕಪ್ ರೂಮ್‌ನಲ್ಲಿ ನೇಣು ಬಿಗಿದುಕೊಂಡು ತಮ್ಮ ಜೀವನವನ್ನು ಕೊನೆಗೊಳಿಸಿದ್ದಾಳೆ ಎನ್ನಲಾಗಿದೆ. ಆದರೆ, ಪೊಲೀಸರ ಪ್ರಕಾರ ಆಕೆ ಸ್ನಾನಗೃಹದಲ್ಲಿ ಶವವಾಗಿ ಪತ್ತೆಯಾಗಿದ್ದಾಳೆ ಎನ್ನಲಾಗಿದೆ. ಈ ಘಟನೆ ಶನಿವಾರ ಮಧ್ಯಾಹ್ನ 3.45 ಸುಮಾರಿಗೆ ನಡೆದಿದೆ. ನಂತರ ಆಕೆಯನ್ನು 4.20 ಕ್ಕೆ ಆಸ್ಪತ್ರೆಗೆ ಕರೆದೊಯ್ಯಲಾಗಿದೆ, ಅಲ್ಲಿ ವೈದ್ಯರು ಆಕೆ ಮೃತಪಟ್ಟಿದ್ದಾಳೆ ಎಂದು ಹೇಳಿದ್ದಾರೆ. ಆದರೆ, ಸದ್ಯಕ್ಕೆ ಈ ಕುರಿತು ಯಾವುದೇ ಹೆಚ್ಚಿನ ಮಾಹಿತಿ ಲಭ್ಯವಾಗಿಲ್ಲ. ಇದೀಗ ಪೊಲೀಸರು ಈ ಬಗ್ಗೆ ಸಂಪೂರ್ಣ ತನಿಖೆ ನಡೆಸುತ್ತಿದ್ದಾರೆ.

ಇದನ್ನೂ ಓದಿ-ʼವೀರಸಿಂಹ ರೆಡ್ಡಿʼ ಸಾಂಗ್‌ ಔಟ್‌: ಸುಂದರಿಯರ ಜೊತೆ ಬಾಲಯ್ಯ ಸಖತ್‌ ಸ್ಟೆಪ್..!

ತುನೀಶಾ ಮುಂಬೈನ ವಸಯಿಯ ಸ್ಟುಡಿಯೋದಲ್ಲಿ ಶೂಟಿಂಗ್ ಮಾಡುತ್ತಿದ್ದಳು ಮತ್ತು ಅವಳು ಏಕೆ ಹೀಗೆ ಮಾಡಿಕೊಂಡಿದ್ದಾಳೆ ಮತ್ತು ಇಷ್ಟು ದೊಡ್ಡ ಹೆಜ್ಜೆ ಇಡಲು ಕಾರಣವೇನು ಎಂಬ ಬಗ್ಗೆ ಯಾವುದೇ ಮಾಹಿತಿ ಇಲ್ಲ. ಆದರೆ ಸೆಟ್‌ನಲ್ಲಿಯೇ ಇಂತಹ ನಿರ್ಧಾರ ಕೈಗೊಂಡ ಕಾರಣ ಎಲ್ಲರೂ ಬೆಚ್ಚಿ ಬಿದ್ದಿದ್ದಾರೆ. ತುನೀಶಾಗೆ ಕೇವಲ 20 ವರ್ಷ ವಯಸ್ಸಾಗಿತ್ತು ಮತ್ತು ಇಷ್ಟು ಚಿಕ್ಕ ವಯಸ್ಸಿನಲ್ಲಿ ಜನಪ್ರಿಯ ಶೋನಲ್ಲಿ ಪ್ರಮುಖ ಪಾತ್ರವನ್ನು ನಿರ್ವಹಿಸುವ ಅವಕಾಶ ಆಕೆಗೆ ಲಭಿಸಿತ್ತು. ಇಂತಹ ಪರಿಸ್ಥಿತಿಯಲ್ಲಿ, ಇದು ಅವರಿಗೆ ಉತ್ತಮ ಸಮಯವಾಗಿತ್ತು ಮತ್ತು ಆಕೆ ಸಾಕಷ್ಟು ಜನಪ್ರಿಯತೆಯನ್ನು ಸಂಪಾದಿಸುತ್ತಿದ್ದಳು

ಇದನ್ನೂ ಓದಿ-‘ಸ್ಮೈಲ್ ಗುರು ಡ್ಯಾನ್ಸ್ ಗ್ಯಾರೇಜ್’ ಮೂರನೇ ಬ್ರ್ಯಾಂಚ್ ಲೋಕಾರ್ಪಣೆ

ಈ ಧಾರಾವಾಹಿಗಳಲ್ಲಿ ಕೆಲಸ ಮಾಡಿದ್ದಾಳೆ
ಅಲಿ ಬಾಬಾ-ದಸ್ತಾನ್-ಎ-ಕಾಬೂಲ್‌ನಲ್ಲಿ ಮೇರಿಯಮ್ ಪಾತ್ರವನ್ನು ನಿರ್ವಹಿಸುತ್ತಿದ್ದ ತುನಿಶಾ, ಈ ಹಿಂದೆಯೂ ಅನೇಕ ಧಾರಾವಾಹಿಗಳಲ್ಲಿ ಕಾಣಿಸಿಕೊಂಡಿದ್ದಾಳೆ. ಚಕ್ರವರ್ತಿ ಅಶೋಕ್ ಸಾಮ್ರಾಟ್, ಗಬ್ಬರ್ ಪೂಂಚ್ವಾಲಾ, ಭಾರತ್ ಕಾ ವೀರ್ ಪುತ್ರ - ಮಹಾರಾಣಾ ಪ್ರತಾಪ್, ಇಂಟರ್ನೆಟ್ ವಾಲಾ ಲವ್ ಮತ್ತು ಇಸ್ಕ್ ಸುಭಾನಲ್ಲಾ ಮುಂತಾದ ದಾರಾವಾಹಿಗಳಲ್ಲಿ ಆಕೆ ಕಾಣಿಸಿಕೊಂಡಿದ್ದಳು. ಇದಲ್ಲದೆ, ತುನಿಷಾ ಚಲನಚಿತ್ರಗಳಲ್ಲಿಯೂ ಕೆಲಸ ಮಾಡಿದ್ದಾಳೆ. ಅವರು ಕಹಾನಿ 2, ಬಾರ್ ಬಾ ದೇಖೋ ಮತ್ತು ಫಿತೂರ್‌ನಲ್ಲಿಯೂ ಕಾಣಿಸಿಕೊಂಡಿದ್ದಳು. ಕತ್ರಿನಾ ಕೈಫ್ ಅವರ ಎರಡೂ ಚಿತ್ರಗಳಲ್ಲಿ ಅವರು ಕತ್ರಿನಾ ಪಾತ್ರದ ಬಾಲ್ಯದ ಪಾತ್ರವನ್ನು ನಿರ್ವಹಿಸಿದ್ದಾಳೆ.

ಇದನ್ನೂ ನೋಡಿ-