ಭಾರತದ ಅತ್ಯಂತ ಶ್ರೀಮಂತ ಹಾಸ್ಯ ನಟ ಯಾರು..? ಇವರು ಗಿನ್ನಿಸ್ ದಾಖಲೆ ಬರೆದಿದ್ದಾರೆ

Indian richest comedian : ಸ್ಟಾರ್‌ ನಟರಿಗೆ ಹೊಲಿಸಿದರೆ ಹಾಸ್ಯ ನಟರ ಸಂಭಾವನೆ ತೀರಾ ಕಡಿಮೆ ಇರುತ್ತದೆ. ಆದ್ರೆ ದಿಗ್ಗಜ ನಟರನ್ನೂ ಸಹ ಹಿಂದಿಕ್ಕಿ ಇಲ್ಲೊಬ್ಬ ಹಾಸ್ಯ ನಟ ಕೋಟಿಗಟ್ಟಲೇ ಸಂಭಾವನೆ ಪಡೆಯುತ್ತಾರೆ. ಹಾಗೂ ಅವರ ಕಾಲ್‌ಶೀಟ್‌ಗಾಗಿ ನಿರ್ದೇಶಕ, ನಿರ್ಮಾಪಕರು ಕಾಯ್ದು ಕುಳಿತಿರುತ್ತಾರೆ. ಅಲ್ಲದೆ, ಅವರೇ ಭಾರತದ ಶ್ರೀಮಂತ ಹಾಸ್ಯ ನಟ.. ಹಾಗಿದ್ರೆ ಯಾರವರು..? ಅವರ ಆಸ್ತಿ ಎಷ್ಟಿದೆ..? ಅಂತ ನೋಡೋಣ ಬನ್ನಿ..

Actor Brahmanandam : ಭಾರತೀಯ ಸಿನಿರಂಗದಲ್ಲಿ ಸಾಕಷ್ಟು ಪ್ರತಿಭಾನ್ವಿತ ಹಾಸ್ಯ ನಟರಿದ್ದಾರೆ. ಅವರಿಗೆ ಇರುವ ಡಿಮ್ಯಾಂಡ್‌ ಸ್ಟಾರ್‌ ನಟರಿಗೂ ಸಹ ಇಲ್ಲ. ಅಲ್ಲದೆ, ಸಂಭಾವನೆಯಲ್ಲಿಯೂ ಸಹ ದಿಗ್ಗಜ ನಾಯಕ ನಟರನ್ನೇ ಮೀರಿಸುವ ಹಾಸ್ಯ ಕಲಾವಿದರು ಸಹ ಚಿತ್ರರಂಗದಲ್ಲಿ ಇದ್ದಾರೆ. ಈ ಪೈಕಿ ತೆಲುಗು ಹಾಸ್ಯನಟ ಬ್ರಹ್ಮಾನಂದಂ ಕೂಡ ಒಬ್ಬರು..

ಹೌದು.. ಬ್ರಹ್ಮಾನಂದಂ ಅವರು ಒಬ್ಬ ಅದ್ಭುತ ಹಾಸ್ಯನಟ. ತೆಲುಗು ಚಿತ್ರರಂಗದಲ್ಲಿ ಸಾಕಷ್ಟು ಚಿತ್ರಗಳಲ್ಲಿ ನಟಿಸಿದ್ದಾರೆ. ಕನ್ನಡದ ಸಿನಿಮಾದಲ್ಲಿಯೂ ಸಹ ಕಾಣಿಸಿಕೊಂಡಿದ್ದಾರೆ. ಅತಿ ಹೆಚ್ಚು ಚಿತ್ರಗಳಲ್ಲಿ ನಟಿಸಿ ಗಿನ್ನಿಸ್ ದಾಖಲೆ ಬರೆದಿದ್ದಾರೆ. ಇವರ ಮೂಲ ಹೆಸರು ಕನ್ನೆಕಂಡಿ ಬ್ರಹ್ಮಾನಂದಂ. ಇವರ ನಟನಾ ಕೌಶಲ್ಯಕ್ಕೆ, ಕಾಮಿಡಿ ಸೆನ್ಸ್‌ಗೆ ಮರುಳಾಗದವರೇ ಇಲ್ಲ. ಕಡು ಬಡತನದ ಕುಟುಂಬದಲ್ಲಿ ಹುಟ್ಟಿ ಕಠಿಣ ಹೋರಾಟದ ನಂತರ ಇಂದು ದೊಡ್ಡ ನಟರಾಗಿ ಹೊರಹೊಮ್ಮಿದ್ದಾರೆ. 

ಇದನ್ನೂ ಓದಿ: ರಶ್ಮಿಕಾ ಬಳಿಕ ಸಾರಾ ತೆಂಡೂಲ್ಕರ್‌ ಡೀಪ್‌ಫೇಕ್ ಫೋಟೋ ವೈರಲ್..! ಬೆಚ್ಚಿ ಬಿದ್ದ ಸಚಿನ್‌ ಪುತ್ರಿ

ಬ್ರಹ್ಮಾನಂದಂ ಫೆಬ್ರವರಿ 1, 1985 ರಂದು ಶ್ರೀ ತಡವತಾರಂ ಚಿತ್ರದಲ್ಲಿ ನಟಿಸುವ ಮೂಲಕ ಸಿನಿರಂಗ ಪ್ರವೇಶ ಮಾಡಿದರು. 1988 ರಲ್ಲಿ ಬಿಡುಗಡೆಯಾದ ಈ ಚಿತ್ರವನ್ನು ಸತ್ಯನಾರಾಯಣ ವೆಜೆಲ್ಲಾ ನಿರ್ದೇಶಿಸಿದ್ದಾರೆ. ಚಂಟಬ್ಬಾಯಿ ಚಿತ್ರದ ಶೂಟಿಂಗ್ ವೇಳೆ ಬ್ರಹ್ಮಾನಂದಂ ಜನಪ್ರಿಯ ನಟ ಚಿರಂಜೀವಿ ಅವರನ್ನು ಭೇಟಿಯಾದರು. ಆಗ ಬ್ರಹ್ಮಾಜಿ ತಮ್ಮ ಮಿಮಿಕ್ರಿ ಕೌಶಲ್ಯವನ್ನು ಅವರಿಗೆ ಪ್ರದರ್ಶಿಸಿದರು. ಬ್ರಹ್ಮಾನಂದ್ ಅಭಿನಯ ಮೆಚ್ಚಿದ ಚಿರಂಜೀವಿ ಅವರನ್ನು ಚೆನ್ನೈಗೆ ಕರೆಸಿ ಸಿನಿಮಾ ಅವಕಾಶಗಳನ್ನು ಪಡೆಯಲು ಸಹಾಯ ಮಾಡುವ ಭರವಸೆ ನೀಡಿದ್ದರು.

ಅಹಾ ನಾ-ಪೆಲ್ಲಂಟ ಚಿತ್ರದಲ್ಲಿನ ಅಭಿನಯಕ್ಕಾಗಿ ಬ್ರಹ್ಮಾನಂದಂ ಅವರು ತಮ್ಮ ಮೊದಲ ಅತ್ಯುತ್ತಮ ಹಾಸ್ಯನಟ ಪ್ರಶಸ್ತಿಯನ್ನು ಪಡೆದರು. ಜನವರಿ 2009 ರಲ್ಲಿ ಪದ್ಮಶ್ರೀ ಪಡೆದರು. ಅಲ್ಲದೆ, ಆರು ರಾಜ್ಯ ನಂದಿ ಮತ್ತು ಆರು ಸಿನಿಮಾ ಪ್ರಶಸ್ತಿಗಳು, ಒಂದು ಫಿಲ್ಮ್‌ಫೇರ್ ಪ್ರಶಸ್ತಿ ಮತ್ತು ಮೂರು ದಕ್ಷಿಣ ಭಾರತೀಯ ಅಂತರರಾಷ್ಟ್ರೀಯ ಚಲನಚಿತ್ರ ಪ್ರಶಸ್ತಿಗಳನ್ನು ಗೆದ್ದಿದ್ದಾರೆ.

ಇದನ್ನೂ ಓದಿ: ಸುವರ್ಣ ಜಾಕ್‌ಪಾಟ್‌ : ಗೇಮ್ ಶೋದಲ್ಲಿ ಸೆಲೆಬ್ರಿಟಿಗಳು ಭಾಗಿ!

24 ಜೂನ್ 2010 ರಂದು, ಬ್ರಹ್ಮಾನಂದಂ ಅತಿ ಹೆಚ್ಚು ಚಲನಚಿತ್ರಗಳಲ್ಲಿ ನಟಿಸಿದ್ದಕ್ಕಾಗಿ ಗಿನ್ನೆಸ್ ವಿಶ್ವ ದಾಖಲೆ ನಿರ್ಮಿಸಿದರು. ಆಗ ಅವರು 857 ಚಿತ್ರಗಳಲ್ಲಿ ನಟಿಸಿದ್ದರು. ಡಿಸೆಂಬರ್ 2021 ರ ಹೊತ್ತಿಗೆ, ಬ್ರಹ್ಮಾನಂದಂ ಅವರು ಒಟ್ಟು 1154 ಚಿತ್ರಗಳಲ್ಲಿ ನಟಿಸಿದ್ದಾರೆ. 

ಮಾಸಿಕ ರೂ. 2 ಕೋಟಿಗೂ ಹೆಚ್ಚು ಸಂಭಾವನೆ ಪಡೆಯುವ ಬ್ರಹ್ಮಾನಂದಂ ಅವರ ಒಟ್ಟು ಆಸ್ತಿ ಮೌಲ್ಯ ರೂ.490 ಕೋಟಿ. ಭಾರತದಲ್ಲಿ ಅತಿ ಹೆಚ್ಚು ಸಂಭಾವನೆ ಪಡೆಯುವ ಹಾಸ್ಯನಟರಲ್ಲಿ ಇವರೂ ಒಬ್ಬರು. ಕಪಿಲ್ ಶರ್ಮಾ, ಭಾರತಿ ಸಿಂಗ್ ಮತ್ತು ಇತರರ ಪ್ರಸಿದ್ಧ ಹೆಸರುಗಳಿಗಿಂತ ಮೊದಲು ಬ್ರಹ್ಮಾನಂದಂ ಭಾರತದ ಅತಿ ಹೆಚ್ಚು ಸಂಭಾವನೆ ಪಡೆಯುವ ಹಾಸ್ಯನಟರಲ್ಲಿ ಒಬ್ಬರೆಂದು ಪರಿಗಣಿಸಲ್ಪಟ್ಟರು. ಗಮನಾರ್ಹವಾಗಿ, ಅವರು ತಮ್ಮ ಚಲನಚಿತ್ರ ಪಾತ್ರಗಳಿಗೆ ರೂ. 1 ಕೋಟಿಯಿಂದ ರೂ. 2 ಕೋಟಿ ಮತ್ತು ಬ್ರಾಂಡ್ ಎಂಡಾರ್ಸ್‌ಮೆಂಟ್‌ಗಳಿಗೆ ರೂ 1 ಕೋಟಿ ಪಡೆಯುತ್ತಾರೆ.