Covid-19 ವಿರುದ್ಧದ ಹೋರಾಟದಲ್ಲಿ Bharat Biotech ನ Covaxin ಗೆ ಸಿಕ್ತು ಅನುಮತಿ

Covaxin Gets Govt. Approval: ಶುಕ್ರವಾರ ಸೀರಮ್ ಇನ್ಸ್ಟಿಟ್ಯೂಟ್ ನ ಕೋವಿಶಿಲ್ದ್ ಗೆ ಅನುಮತಿ ನೀಡಿದ್ದ ವಿಷಯ ತಜ್ಞರ ಸಮೀತಿ (SEC), ಶನಿವಾರ ಭಾರತ ಬಯೋಟಿಕ್ ಕೊವಿಡ್ -19 ಲಸಿಕೆಯಾಗಿರುವ Covaxinಗೂ ಕೂಡ ತುರ್ತು ಬಳಕೆಗೆ ಅನುಮತಿ ನೀಡಿದೆ. ಸಭೆ ಮುಕ್ತಾಯದ ಬಳಿಕ ಈ ಕುರಿತು ಅಧಿಕೃತ ಘೋಷಣೆ ಕೂಡ ಮಾಡಲಾಗಿದೆ.

Covaxin Gets Govt. Approval (File Image)

ನವದೆಹಲಿ: Covaxin Gets Govt. Approval - ಹೊಸ ವರ್ಷ ಆರಂಭವಾಗುತ್ತಿದ್ದಂತೆ ಭಾರತಕ್ಕೆ ಇಂದು ಎರಡನೇ ಕರೋನಾ ಲಸಿಕೆಯ (India's Second Corona Vaccine) ಉಡುಗೊರೆ ಲಭಿಸಿದೆ. ಶನಿವಾರ, ವಿಷಯ ತಜ್ಞರ ಸಮಿತಿ (ಎಸ್‌ಇಸಿ) ಭಾರತ್ ಬಯೋಟೆಕ್ ತಯಾರಿಸಿದ ಸ್ಥಳೀಯ ಲಸಿಕೆ ಕೋವಾಕ್ಸಿನ್‌ನ (Covaxin) ತುರ್ತು ಬಳಕೆಗೆ ಅನುಮೋದನೆ ನೀಡಿದೆ. ಇದಕ್ಕೂ ಮುನ್ನ ಶುಕ್ರವಾರ ನಡೆದ ಸಭೆಯಲ್ಲಿ, ಸೀರಮ್ ಇನ್‌ಸ್ಟಿಟ್ಯೂಟ್ ಆಫ್ ಇಂಡಿಯಾ ತಯಾರಿಸಿದ ಕೋವಿಶೀಲ್ಡ್ (Covishield) ಕರೋನಾ ಲಸಿಕೆಯ ತುರ್ತು ಬಳಕೆಗೆ ಸಮಿತಿ ಅನುಮೋದನೆ ನೀಡಿತ್ತು.

ಇದನ್ನು ಓದಿ- COVID 19 Vaccine ವಿತರಣೆಗೆ ಸಿದ್ಧತೆ ದೇಶಾದ್ಯಂತ ಡ್ರೈ ರನ್

100 ರೂ. ಆಸುಪಾಸಿನಲ್ಲಿರಲಿದೆ ಪ್ರತಿ ಡೋಸ್ ಬೆಲೆ
ಮೂಲಗಳಿಂದ ಲಭಿಸಿದ ಮಾಹಿತಿಯ ಪ್ರಕಾರ ವಿಷಯ ತಜ್ಞರ ಸಮಿತಿ (SEC) ಇಂದಿನ ಸಭೆಯಲ್ಲಿ ಭಾರತದ ಸ್ಥಳೀಯ ಕರೋನಾ ಲಸಿಕೆಯ ಶಿಫಾರಸ್ಸು ಮಾಡಿದೆ. ಆದರೆ, ಈ ಕುರಿತಾದ ಅಂತಿಮ ರ್ಧಾರವನ್ನು ಡಿಸಿಜಿಐ (ಡ್ರಗ್ಸ್ ಕಂಟ್ರೋಲರ್ ಜನರಲ್ ಆಫ್ ಇಂಡಿಯಾ) ಮಾತ್ರ ತೆಗೆದುಕೊಳ್ಳಲಿದೆ ಎಂದು ಸ್ಪಷ್ಟಪಡಿಸಿದೆ. ಅಂದರೆ, ಡಿಸಿಜಿಐ ಅನುಮೋದನೆಯ ನಂತರ, ಮುಂದಿನ 6-7 ದಿನಗಳಲ್ಲಿ ವ್ಯಾಕ್ಸಿನೇಷನ್ ಪ್ರಕ್ರಿಯೆಯನ್ನು ಪ್ರಾರಂಭಿಸಲಾಗುತ್ತದೆ. ಇತರ ಲಸಿಕೆಗಳಿಗೆ ಹೋಲಿಸಿದರೆ ಈ ಲಸಿಕೆ ಅಗ್ಗದ ದರದಲ್ಲಿ ಲಭಿಸಲಿದೆ ಎಂದು ನಂಬಲಾಗಿದೆ. Covaxin ಲಸಿಕೆಯ ಒಂದು ಡೋಸ್ ಬೆಲೆ  100 ರೂ. ಇರಬಹುದು ಎಂದು ಅಂದಾಜಿಸಲಾಗಿದೆ. ಇದರ ಪ್ರಕಾರ, ಈ ಲಸಿಕೆಯನ್ನು ದೇಶದ ಎಲ್ಲಾ ಜನರಿಗೆ ಅನ್ವಯಿಸಿದರೆ, ಸರ್ಕಾರದ ಓಟು ವೆಚ್ಚ ಸುಮಾರು 13 ಸಾವಿರ 500 ಗಳಷ್ಟು ಆಗಲಿದೆ.

ಇದನ್ನು ಓದಿ- BIG NEWS: ಸ್ಥಳೀಯ ಲಸಿಕೆ 'Covaxin' ಸುರಕ್ಷಿತ ಮತ್ತು ಪರಿಣಾಮಕಾರಿ ಎಂದ ICMR

ಭಾರತದಲ್ಲಿ ಇದುವರೆಗೆ 4 ವ್ಯಾಕ್ಸಿನ್ ಗಳು ಸಿದ್ಧಗೊಂಡಿವೆ
ಕೋವಿಶೀಲ್ಡ್ ನ ತುರ್ತುಬಳಕೆಗೆ ಅನುಮೋದನೆ ದೊರೆತ ಬಳಿಕ ಮಾತನಾಡಿರುವ ಕೇಂದ್ರ ಸಚಿವ ಪ್ರಕಾಶ್ ಜಾವಡೆಕರ್, ಖುಷಿ ವ್ಯಕ್ತಪಡಿಸಿದ್ದಾರೆ. ಈ ಸಂದರ್ಭದಲ್ಲಿ ಮಾತನಾಡಿರುವ ಅವರು, ಭಾರತ ವಿಶ್ವದ ಏಕೈಕ ದೇಶವಾಗಿದ್ದು, ಇಲ್ಲಿ ಕೊರೊನಾ ವಿರುದ್ಧ ಹೋರಾಡುವ ಒತ್ತು ನಾಲ್ಕು ವ್ಯಾಕ್ಸಿನ್ ಗಳು  ಅಭಿವೃದ್ಧಿಗೊಂಡಿವೆ ಎಂದಿದ್ದಾರೆ. ಈ ನಾಲ್ಕು ವ್ಯಾಕ್ಸಿನ್ ಗಳಲ್ಲಿ ಕೋವಿಶೀಲ್ಡ್, ಕೊವ್ಯಾಕ್ಸಿನ್, ಫೈಜರ್ ಹಾಗೂ ಜೈಡಸ್ ಕ್ಯಾಡಿಲಾ ಶಾಮೀಲಾಗಿವೆ. ಭಾರತ ಬಯೋಟೆಕ್, ನವದೆಹಲಿಯ ICMR ದೆಹಲಿ ಹಾಗೂ ನ್ಯಾಷನಲ್ ಇನ್ಸ್ಟಿಟ್ಯೂಟ್ ಆಫ್ ವೈರಲಾಜಿ ಸಹಯೋಗದೊಂದಿಗೆ ತನ್ನ ವ್ಯಾಕ್ಸಿನ್ ತಯಾರಿಸಿದೆ ಎಂಬುದು ಇಲ್ಲಿ ಉಲ್ಲೇಖನೀಯ.