ಮಧುಮೇಹದ ಆರಂಭಿಕ ಲಕ್ಷಣಗಳಿವು ! ಕಾಣಿಸಿಕೊಂಡ ತಕ್ಷಣ ಎಚ್ಚೆತ್ತುಕೊಳ್ಳಿ

ಬೆಂಗಳೂರು : ಮಧುಮೇಹವು ಜೀವನಶೈಲಿಗೆ ಸಂಬಂಧಿಸಿದ ಸಮಸ್ಯೆಯಾಗಿದೆ. ವಿಶೇಷವಾಗಿ ಅಧಿಕ ರಕ್ತದ ಸಕ್ಕರೆಯು ದೊಡ್ಡ ಸಮಸ್ಯೆಗಳನ್ನು ಸೃಷ್ಟಿಸುತ್ತದೆ. ಇದು ದೇಹದಲ್ಲಿ ಇನ್ಸುಲಿನ್ ಮಟ್ಟವು ಕಡಿಮೆಯಾಗುವ ಸ್ಥಿತಿಯಾಗಿದೆ. ಆದರೆ, ಯಾರಿಗಾದರೂ ಮಧುಮೇಹವಿದೆಯೇ ಎಂದು ತಿಳಿಯುವುದು ಹೇಗೆ? ಯಾವುದೇ ಕಾಯಿಲೆ ಅಥವಾ ಸಮಸ್ಯೆಯ ಚಿಕಿತ್ಸೆಯನ್ನು ತಿಳಿದುಕೊಳ್ಳಲು, ಅದರ ಲಕ್ಷಣಗಳನ್ನು ತಿಳಿದುಕೊಳ್ಳುವುದು ಬಹಳ ಮುಖ್ಯ. ವ್ಯಕ್ತಿಯ ರಕ್ತದಲ್ಲಿನ ಗ್ಲೂಕೋಸ್ ಮಟ್ಟದಲ್ಲಿನ ಹೆಚ್ಚಳವಾಗುವುದು ಮಧುಮೇಹದ ಆರಂಭಿಕ ಲಕ್ಷಣಗಳಲ್ಲಿ ಒಂದಾಗಿದೆ. ಈ ಲಕ್ಷಣದ ಮೂಲಕ ವ್ಯಕ್ತಿಯು ಮಧುಮೇಹದಿಂದ ಬಳಲುತ್ತಿದ್ದಾನೆ ಎನ್ನುವುದನ್ನು ಅರ್ಥಮಾಡಿಕೊಳ್ಳಬಹುದು.

ಸಾಮಾನ್ಯವಾಗಿ ಮಧುಮೇಹದ ಆರಂಭಿಕ ಲಕ್ಷಣಗಳು ತುಂಬಾ ಸೌಮ್ಯವಾಗಿರುತ್ತವೆ. ಟೈಪ್ 2 ಮಧುಮೇಹದಲ್ಲಿ ಅನೇಕ ಬಾರಿ ಜನರಿಗೆ ಮಧುಮೇಹವಿದೆ ಎನ್ನವುದೇ ದೀರ್ಘಕಾಲದವರೆಗೆ ತಿಳಿದಿರುವುದಿಲ್ಲ. ಟೈಪ್-1 ಮಧುಮೇಹದಲ್ಲಿ, ರೋಗಲಕ್ಷಣಗಳು ಸಾಮಾನ್ಯವಾಗಿ ಆರಂಭದಲ್ಲಿ ಕಾಣಿಸಿಕೊಳ್ಳುತ್ತವೆ. ವ್ಯಕ್ತಿಯು ಟೈಪ್-1 ಮಧುಮೇಹದಿಂದ ಬಳಲುತ್ತಿದ್ದರೆ, ದಿನಗಳು ಅಥವಾ ವಾರಗಳಲ್ಲಿ ರೋಗಲಕ್ಷಣಗಳು ಕಾಣಿಸಿಕೊಳ್ಳಲು ಪ್ರಾರಂಭಿಸುತ್ತವೆ. ಕೆಲವೊಮ್ಮೆ ಮಧುಮೇಹದ ಲಕ್ಷಣಗಳು ತುಂಬಾ ತೀವ್ರವಾಗಿರಬಹುದು. 

ಇದನ್ನೂ ಓದಿ : Fiber Rich Breakfast: ಉತ್ತಮ ಆರೋಗ್ಯಕ್ಕಾಗಿ ಅತ್ಯುತ್ತಮ ಫೈಬರ್ ಭರಿತ ಉಪಹಾರಗಳಿವು

ಎರಡೂ ವಿಧದ ಮಧುಮೇಹವು ಕೆಲವು ರೀತಿಯ ರೋಗಲಕ್ಷಣಗಳನ್ನು ಹೊಂದಿದೆ. ಟೈಪ್-1 ಮತ್ತು ಟೈಪ್-2 ಡಯಾಬಿಟಿಸ್ ಲಕ್ಷಣಗಳ ಬಗ್ಗೆ ಮೊದಲು  ತಿಳಿದುಕೊಳ್ಳೋಣ. 

ಹಸಿವು ಮತ್ತು ಆಯಾಸ: 
ನಾವು ಯಾವುದೇ ಆಹಾರವನ್ನು ಸೇವಿಸಿದರೂ ನಮ್ಮ ದೇಹವು ಅದನ್ನು ಗ್ಲೂಕೋಸ್ ಆಗಿ ಪರಿವರ್ತಿಸುತ್ತದೆ. ಇದು ದೇಹದ ಜೀವಕೋಶಗಳನ್ನು ಶಕ್ತಿಯಾಗಿ ಬಳಸಲು ಅನುಮತಿಸುತ್ತದೆ. ಆದರೆ ಜೀವಕೋಶಗಳಿಗೆ ಗ್ಲೂಕೋಸ್ ಅನ್ನು ಶಕ್ತಿಯನ್ನಾಗಿ ಪರಿವರ್ತಿಸಲು ಇನ್ಸುಲಿನ್ ಅಗತ್ಯವಿರುತ್ತದೆ. ದೇಹವು ಕಡಿಮೆ ಇನ್ಸುಲಿನ್ ಉತ್ಪಾದಿಸಿದಾಗ ಅಥವಾ ಉತ್ಪಾದಿಸಿದೇ ಇದ್ದಾಗ  ಗ್ಲೂಕೋಸ್ ಶಕ್ತಿಯಾಗಿ ಪರಿವರ್ತಿತವಾಗುವುದಿಲ್ಲ.  ಈ ಕಾರಣದಿಂದಾಗಿ, ಸಾಮಾನ್ಯಕ್ಕಿಂತ ಹೆಚ್ಚು ಹಸಿವು ಮತ್ತು ಆಯಾಸವಾಗುತ್ತದೆ.

ಪದೇ ಪದೇ ಮೂತ್ರ ವಿಸರ್ಜನೆ:
ಒಬ್ಬ ಸಾಮಾನ್ಯ ವ್ಯಕ್ತಿ 24 ಗಂಟೆಗಳಲ್ಲಿ 4 ರಿಂದ 7 ಬಾರಿ ಮೂತ್ರ ವಿಸರ್ಜನೆ ಮಾಡುತ್ತಾನೆ. ಆದರೆ ಮಧುಮೇಹಿಗಳು ಇದಕ್ಕಿಂತ ಹೆಚ್ಚಾಗಿ ಮೂತ್ರ ವಿಸರ್ಜನೆ ಮಾಡುತ್ತಾರೆ. ಸಾಮಾನ್ಯವಾಗಿ, ಗ್ಲೂಕೋಸ್ ಮೂತ್ರಪಿಂಡಗಳ ಮೂಲಕ ಹಾದುಹೋದಾಗ, ದೇಹವು ಅದನ್ನು ಹೀರಿಕೊಳ್ಳುತ್ತದೆ. ಆದರೆ ಮಧುಮೇಹದಿಂದ ರಕ್ತದಲ್ಲಿನ ಸಕ್ಕರೆಯ ಮಟ್ಟವು ಹೆಚ್ಚಾದಾಗ, ಮೂತ್ರಪಿಂಡಗಳು ಗ್ಲೂಕೋಸ್ ಅನ್ನು ಸಂಪೂರ್ಣವಾಗಿ ಬಳಸಿಕೊಳ್ಳಲು ಸಾಧ್ಯವಾಗುವುದಿಲ್ಲ. ಈ ಕಾರಣದಿಂದಾಗಿ, ದೇಹವು ಹೆಚ್ಚು ಮೂತ್ರವನ್ನು ಉತ್ಪಾದಿಸುತ್ತದೆ. ಇದು ಆಗಾಗ್ಗೆ ಮೂತ್ರ ವಿಸರ್ಜನೆಗೆ ಕಾರಣವಾಗುತ್ತದೆ. 

ಇದನ್ನೂ ಓದಿ : ಮಧುಮೇಹದ ಈ ಹೊಸ ಲಕ್ಷಣ ಇಗ್ನೊರ್ ಮಾಡ್ಬೇಡಿ, ದೇಹದಲ್ಲಿ ಈ ಲಕ್ಷಣ ಕಂಡ್ರೆ ಪರೀಕ್ಷೆಗೊಳಗಾಗಿ!

ಬಾಯಿ ಒಣಗುವುದು ಮತ್ತು ತುರಿಕೆ :
ಮೂತ್ರವನ್ನು ಹೊರಹಾಕುವಾಗ ದೇಹವು ದ್ರವವನ್ನು ಬಳಸುತ್ತದೆ. ಆಗ  ದೇಹದ ಇತರ ಕಾರ್ಯಗಳಿಗೆ  ನೀರಿನ ಕೊರತೆಯಾಗುತ್ತದೆ. ಈ ಕಾರಣದಿಂದಾಗಿ, ದೇಹವು ನಿರ್ಜಲೀಕರಣಗೊಳ್ಳುತ್ತದೆ, ಬಾಯಿ ಒಣಗುತ್ತದೆ. ಒಣ ಚರ್ಮದಿಂದಾಗಿ ತುರಿಕೆ ಪ್ರಾರಂಭವಾಗುತ್ತದೆ.

ಮಂದ ದೃಷ್ಟಿ:
ದೃಷ್ಟಿ ಮಂದವಾಗುವುದು ಕೂಡಾ ಮಧುಮೇಹದ ಪ್ರಮುಖ ಲಕ್ಷಣವಾಗಿದೆ. ದೇಹದಲ್ಲಿನ ದ್ರವದ ಮಟ್ಟದಲ್ಲಿನ ಬದಲಾವಣೆಯು ಕಣ್ಣಿನ ಮಸೂರದ ಊತವನ್ನು ಉಂಟುಮಾಡಬಹುದು. ಈ ಕಾರಣದಿಂದಾಗಿ, ಮಸೂರಗಳ ಆಕಾರವು ಬದಲಾಗುತ್ತದೆ. ಇದರಿಂದ ಕಣ್ಣುಗಳು ಕೇಂದ್ರೀಕರಿಸಲು ಕಷ್ಟವಾಗುತ್ತದೆ. 

ಇದನ್ನೂ ಓದಿ :Health Tips: ಕೈ ಮತ್ತು ಬೆರಳುಗಳ ಚರ್ಮದ ಸಿಪ್ಪೆ ಸುಲಿಯಲು ಕಾರಣವೇನು?

ಟೈಪ್-2 ಮಧುಮೇಹದ ಲಕ್ಷಣಗಳು  : 
ದೀರ್ಘಕಾಲದವರೆಗೆ ಗ್ಲೂಕೋಸ್ ಮಟ್ಟವು ಅಧಿಕವಾಗಿದ್ದರೆ, ಈ ಲಕ್ಷಣಗಳು ಕಂಡುಬರುತ್ತವೆ:
ಯೀಸ್ಟ್ ಸೋಂಕು:
ಮಧುಮೇಹ ಹೊಂದಿರುವ ಪುರುಷರು ಮತ್ತು ಮಹಿಳೆಯರು ಇಬ್ಬರೂ ಈ 
ಸಮಸ್ಯೆಯಿಂದ ಬಳಲುತ್ತಾರೆ. ಯೀಸ್ಟ್ ಗ್ಲೂಕೋಸ್‌ನಲ್ಲಿ ಬೆಳೆಯುತ್ತದೆ. ಹೆಚ್ಚು ಗ್ಲೂಕೋಸ್ ಇದ್ದಾಗ ಅವು ವೇಗವಾಗಿ ಬೆಳೆಯುತ್ತವೆ. ಯೀಸ್ಟ್ ಸೋಂಕುಗಳು ಚರ್ಮ ಮತ್ತು ಕೀಲುಗಳ ಬೆಚ್ಚಗಿನ ಮತ್ತು ಆರ್ದ್ರ ಪ್ರದೇಶಗಳಲ್ಲಿ ಸಂಭವಿಸುತ್ತವೆ. ಯೀಸ್ಟ್ ಸೋಂಕು ಈ ಭಾಗದಲ್ಲಿ ಕಂಡು ಬರುತ್ತದೆ. 

- ಬೆರಳುಗಳು ಮತ್ತು ಹೆಬ್ಬೆರಳಿನ ನಡುವೆ
- ಸ್ತನದ ಕೆಳಗೆ
- ಜನನಾಂಗಗಳು ಮತ್ತು ಅವುಗಳ ಸುತ್ತಲೂ

ಇದನ್ನೂ ಓದಿ : ಆರೋಗ್ಯಕರ ಸೀತಾಫಲದ ಪ್ರಯೋಜನ: ಮಾಲಿನ್ಯಕಾರಕಗಳಿಂದ ಶ್ವಾಸಕೋಶವನ್ನು ನೈಸರ್ಗಿಕವಾಗಿ ನಿರ್ವಿಷಗೊಳಿಸುತ್ತದೆ!

ಗಾಯ ಗುಣವಾಗಲು ಹೆಚ್ಚು ಸಮಯ ಬೇಕಾಗುತ್ತದೆ : 
ದೀರ್ಘಕಾಲದ ಅಧಿಕ ಗ್ಲೂಕೋಸ್ ಮಟ್ಟವು ರಕ್ತದ ಹರಿವಿನ ಮೇಲೆ ಪರಿಣಾಮ ಬೀರುತ್ತದೆ. ಈ ಕಾರಣದಿಂದಾಗಿ, ನರಗಳು ಹಾನಿಗೊಳಗಾಗುತ್ತವೆ. ಆದ್ದರಿಂದ ಗಾಯಗಳು ಗುಣವಾಗಲು ಹೆಚ್ಚು ಸಮಯ ತೆಗೆದುಕೊಳ್ಳುತ್ತದೆ. ನರಗಳ ಹಾನಿಯು ಕಾಲುಗಳಲ್ಲಿ ನೋವು ಅಥವಾ ಮರಗಟ್ಟುವಿಕೆಗೆ ಕಾರಣವಾಗುತ್ತದೆ.

ಟೈಪ್-1 ಮಧುಮೇಹದ ಲಕ್ಷಣಗಳು
ಹಠಾತ್ ತೂಕ ನಷ್ಟ:
ನಿಮ್ಮ ದೇಹವು ಆಹಾರದಿಂದ ಶಕ್ತಿಯನ್ನು ಉತ್ಪಾದಿಸಲು ಸಾಧ್ಯವಾಗದಿದ್ದರೆ, ಅದು ಸ್ನಾಯುಗಳು ಮತ್ತು ದೇಹದ ಕೊಬ್ಬಿನಿಂದ ಶಕ್ತಿಯನ್ನು ಉತ್ಪಾದಿಸಲು ಪ್ರಾರಂಭಿಸುತ್ತದೆ. ಟೈಪ್-1 ಮಧುಮೇಹದಿಂದ, ನಿಮ್ಮ ಆಹಾರದಲ್ಲಿ ಯಾವುದೇ ಬದಲಾವಣೆಗಳನ್ನು ಮಾಡದಿದ್ದರೂ ದೇಹ ತೂಕವನ್ನು ಕಳೆದುಕೊಳ್ಳಲು ಪ್ರಾರಂಭಿಸುತ್ತದೆ. 

ಗರ್ಭಾವಸ್ಥೆಯ ಮಧುಮೇಹದ ಲಕ್ಷಣಗಳು :
ಸಾಮಾನ್ಯವಾಗಿ ಗರ್ಭಾವಸ್ಥೆಯಲ್ಲಿ ಅಧಿಕ ರಕ್ತದ ಸಕ್ಕರೆಯ ಯಾವುದೇ ಲಕ್ಷಣಗಳಿರುವುದಿಲ್ಲ. ಸಾಮಾನ್ಯ ಲಕ್ಷಣವೆಂದರೆ ಅತಿಯಾದ ಮೂತ್ರ ವಿಸರ್ಜನೆ ಮತ್ತು ಅತಿಯಾದ ಬಾಯಾರಿಕೆ. 

ಇದನ್ನೂ ಓದಿ :ನಿಮ್ಮ ಆಹಾರದಲ್ಲಿ ಅನ್ನಕ್ಕೆ ಮೀತಿ ಇರಲಿ...ಇಲ್ಲದಿದ್ರೆ ಈ ಎಲ್ಲಾ ಸಮಸ್ಯೆ ಎದುರಿಸಬೇಕಾಗುತ್ತದೆ...!

ಕೆಳಗಿನ ಪರೀಕ್ಷೆಗಳಿಂದ ರಕ್ತದಲ್ಲಿನ ಅಧಿಕ ಸಕ್ಕರೆಯನ್ನು ಕಂಡುಹಿಡಿಯುವುದು ಸಾಧ್ಯವಾಗುತ್ತದೆ : 
- HbA1C ಪರೀಕ್ಷೆಯು ಕಳೆದ 2-3 ತಿಂಗಳ ಸಕ್ಕರೆ ಮಟ್ಟವನ್ನು ಪತ್ತೆ ಮಾಡುತ್ತದೆ.
- ರ‍್ಯಾಂಡಂ ಸಕ್ಕರೆ ಪರೀಕ್ಷೆ - ಇದಕ್ಕೆ ಉಪವಾಸದ ಅಗತ್ಯವಿಲ್ಲ. 
- ಫಾಸ್ಟಿಂಗ್ ಬ್ಲಡ್ ಶುಗರ್ ಪರೀಕ್ಷೆ - ಇದನ್ನು ಊಟವಾದ 6-8 ಗಂಟೆಗಳ ನಂತರ ತೆಗೆದುಕೊಳ್ಳಬೇಕು.