Cancer ಕಾಯಿಲೆಯಿಂದ ಹಿಡಿದು ಮಧುಮೇಹದವರೆಗೆ ಹಲವು ಕಾಯಿಲೆ ನಿವಾರಣೆಗೆ ವರದಾನ 'ಸಿಹಿ ತುಳಸಿ'!

Health Benefits Of Stevia: ಸಕ್ಕರೆಯಿಂದ ಅಂತರ ಕಾಯ್ದುಕೊಳ್ಳಲು ಬಯಸುವವರಿಗೆ 'ಸಿಹಿ ತುಳಸಿ' ಅಥವಾ ಸ್ಟೇವಿಯ ಒಂದು ವರದಾನವಾಗಿದೆ. ಏಕೆಂದರೆ ಆಹಾರದಲ್ಲಿ ಈ ಜನರು ಸಕ್ಕರೆಯ ಬದಲು ಸ್ಟೇವಿಯ ಬಳಸಬಹುದು.

ಸಿಹಿ ತುಳಸಿ ಆರೋಗ್ಯ ಲಾಭಗಳು!

Health Benefits Of Stevia: ಸ್ಟೀವಿಯಾ ಹಲವು  ಪ್ರಯೋಜನಗಳನ್ನು ಹೊಂದಿರುವ ಅದ್ಭುತ ಗಿಡಮೂಲಿಕೆಯಾಗಿದೆ. ಇದು ಸಕ್ಕರೆಯಂತೆ ಸಿಹಿಯಾಗಿರುತ್ತದೆ. ಇದನ್ನು ಸಿಹಿ ತುಳಸಿ ಎಂದೂ ಕರೆಯುತ್ತಾರೆ. ಸ್ಟೀವಿಯಾ ಎಲೆಗಳು ತುಳಸಿ ಎಲೆಗಳಂತೆಯೇ ಕಾಣುತ್ತವೆ. ತುಳಸಿಯಂತೆ ಇದನ್ನು ನಿಮ್ಮ ಮನೆಯಲ್ಲಿಯೂ ಸುಲಭವಾಗಿ ಬೆಳೆಯಬಹುದು. ಸ್ಟೀವಿಯಾ ಗಿಡದಲ್ಲಿ ಹಲವು ಔಷಧೀಯ ಗುಣಗಳಿವೆ. ಮಧುಮೇಹ ರೋಗಿಗಳಿಗೆ ಈ ಸಸ್ಯವು ತುಂಬಾ ಉಪಯುಕ್ತವಾಗಿದೆ. ಇದರಲ್ಲಿ ಕ್ಯಾಲೋರಿಗಳು ತುಂಬಾ ಕಡಿಮೆ ಅಥವಾ ಇಲ್ಲದಕ್ಕೆ ಸಮಾನ ಎಂದರೆ ತಪ್ಪಾಗಲಾರದು.

ಸಕ್ಕರೆಯಿಂದ ಅಂತರ ಕಾಯ್ದುಕೊಳ್ಳಲು ಬಯಸುವವರಿಗೆ ಸ್ಟೀವಿಯಾ ಒಂದು ಅತ್ಯುತ್ತಮ ಆಯ್ಕೆಯಾಗಿದೆ. ಈ ಜನರು ಸಕ್ಕರೆಯ ಬದಲಿಗೆ ಸ್ಟೀವಿಯಾವನ್ನು ಬಳಸಬಹುದು. ನೀವು ಇದರ ಸಹಾಯದಿಂದ ಚಹಾ ಅಥವಾ ಕಾಫಿಯನ್ನು ಮಾತ್ರ ತಯಾರಿಸದೆ,  ಅದನ್ನು ನಿಂಬೆ ಪಾನಕ ಮತ್ತು ಸ್ಮೂಥಿಗಳಿಗೆ ಸಹ ಬಳಸಬಹುದು. ಇದಲ್ಲದೆ, ಇದನ್ನು ಮೊಸರಿನಲ್ಲಿ ಇದನ್ನು ಬೆರೆಸಿ ಕೂಡ ಸೇವಿಸಬಹುದು.

ಅನೇಕ ಜನರು ಕಾಫಿ ಮತ್ತು ಚಹಾವನ್ನು ಸಿಹಿಗೊಳಿಸಲು ಒಣಗಿದ ಸ್ಟೀವಿಯಾ ಎಲೆಗಳನ್ನು ಬಳಸುತ್ತಾರೆ. ಸ್ಟೀವಿಯಾ ಎಲೆಗಳು ಉತ್ಕರ್ಷಣ ನಿರೋಧಕ ಗುಣಗಳನ್ನು ಹೊಂದಿವೆ. ಫೈಬರ್, ಕಬ್ಬಿಣ, ಪ್ರೋಟೀನ್, ಪೊಟ್ಯಾಸಿಯಮ್, ಸೋಡಿಯಂ, ಮೆಗ್ನೀಸಿಯಮ್, ವಿಟಮಿನ್ ಎ ಮತ್ತು ಸಿ ಮುಂತಾದ ಅಗತ್ಯ ಪೋಷಕಾಂಶಗಳು ಇದರಲ್ಲಿ ಹೇರಳ  ಪ್ರಮಾಣದಲ್ಲಿ ಕಂಡುಬರುತ್ತವೆ. ಈ ಎಲ್ಲಾ ಪೋಷಕಾಂಶಗಳು ನಮ್ಮ ಉತ್ತಮ ಆರೋಗ್ಯಕ್ಕೆ ಅಗತ್ಯವೆಂದು ಪರಿಗಣಿಸಲಾಗುತ್ತದೆ.  ಸ್ಟೀವಿಯಾ ಕೇವಲ ಮಧುಮೆಹಿಗಳಿಗೆ ಮಾತ್ರ ಸೀಮಿತವಾಗಿಲ್ಲ. ಔಷಧೀಯ ಗುಣಗಳಿಂದ ಕೂಡಿರುವ ಸ್ಟೀವಿಯಾದ ಇತರ ಹಲವು ಪ್ರಯೋಜನಗಳನ್ನು ಕೂಡ ಹೊಂದಿದೆ. ಅವು ಯಾವುವು ತಿಳಿದುಕೊಳ್ಳೋಣ ಬನ್ನಿ,

ಸ್ಟೀವಿಯಾದ ಪ್ರಯೋಜನಗಳು
1. ಮಧುಮೇಹ ರೋಗಿಗಳಿಗೆ ಪ್ರಯೋಜನಕಾರಿ: ಸ್ಟೀವಿಯಾದಲ್ಲಿನ ಕ್ಯಾಲೋರಿಗಳು ತುಂಬಾ ಕಡಿಮೆ ಪ್ರಮಾಣದಲ್ಲಿವೆ. ಅಧ್ಯಯನದ ಪ್ರಕಾರ, ಸ್ಟೀವಿಯಾ ಸೇವನೆಯು ಇನ್ಸುಲಿನ್ ಮಟ್ಟದ ಮೇಲೆ ಯಾವುದೇ ಪರಿಣಾಮ ಬೀರುವುದಿಲ್ಲ. ಮಧುಮೇಹ ರೋಗಿಗಳು ಈ ಸಸ್ಯದ ಎಲೆಗಳನ್ನು ಅನೇಕ ಆಹಾರ ಪದಾರ್ಥಗಳಲ್ಲಿ  ಸುಲಭವಾಗಿ ಬಳಸುವುದಕ್ಕೆ ಇದು ಒಂದು  ಕಾರಣವಾಗಿದೆ. ಸಕ್ಕರೆಯ ಮಟ್ಟವನ್ನು ನಿಯಂತ್ರಿಸುವಲ್ಲಿ ಸ್ಟೀವಿಯಾ ಕೂಡ ಬಹಳಷ್ಟು ಸಹಾಯ ಮಾಡುತ್ತದೆ.

2. ಕ್ಯಾನ್ಸರ್ ತಡೆಗಟ್ಟುವಿಕೆ: ಈ ಗಿಡಮೂಲಿಕೆಯಲ್ಲಿ ಶಕ್ತಿಯುತವಾದ ಉತ್ಕರ್ಷಣ ನಿರೋಧಕಗಳು ಕಂಡುಬರುತ್ತವೆ. ಈ ಉತ್ಕರ್ಷಣ ನಿರೋಧಕಗಳು ಇದನ್ನು ಕ್ಯಾನ್ಸರ್ ವಿರೋಧಿ ಆಹಾರವನ್ನಾಗಿ ಮಾಡುತ್ತದೆ. ಸ್ಟೀವಿಯಾವು ಕೆಂಪ್ಫೆರಾಲ್ ಎಂಬ ಉತ್ಕರ್ಷಣ ನಿರೋಧಕ ಅಂಶವನ್ನು ಹೊಂದಿರುತ್ತದೆ. ಇದು ಕ್ಯಾನ್ಸರ್ ಅಪಾಯವನ್ನು ಕಡಿಮೆ ಮಾಡಲು ಕೆಲಸ ಮಾಡುತ್ತದೆ. ಇದಲ್ಲದೆ, ಮೇದೋಜ್ಜೀರಕ ಗ್ರಂಥಿಯ ಕ್ಯಾನ್ಸರ್ ತಡೆಗಟ್ಟುವಲ್ಲಿ ಇದು ತುಂಬಾ ಸಹಾಯಕವಾಗಿದೆಯೆಂದು ಸಾಬೀತಾಗುತ್ತದೆ.

3. ಸ್ಟೀವಿಯಾ ತೂಕ ಇಳಿಕೆಗೂ ಕೂಡ ಸಹಕಾರಿಯಾಗಿದೆ: ಸಿಹಿಯಾಗಿದ್ದರೂ, ಸ್ಟೀವಿಯಾದಲ್ಲಿನ ಕ್ಯಾಲೋರಿಗಳ ಪ್ರಮಾಣವು ತುಂಬಾ ಕಡಿಮೆಯಾಗಿದೆ. ನಿಮ್ಮ ತೂಕ ಹೆಚ್ಚಳದ ಬಗ್ಗೆ ಚಿಂತಿಸದೆ ನೀವು ಇದನ್ನು ಸೇವಿಸಲು ಮುಂದಾಗಬಹುದು. ನೀವು ಅದನ್ನು ನಿಮ್ಮ ಸಿಹಿತಿಂಡಿಗಳು ಅಥವಾ ಕುಕೀಗಳಲ್ಲಿ ಸೇರಿಸಿಕೊಳ್ಳಬಹುದು. ಸಿಹಿತಿಂಡಿಗಳ ಸೇವನೆ ವರ್ಜ ಎನ್ನಲಾದ ಜನರಿಗೆ ಸ್ಟೀವಿಯಾ ಅತ್ಯುತ್ತಮ ಆಯ್ಕೆಯಾಗಿದೆ. ಏಕೆಂದರೆ ಇದು ನಿಮ್ಮ ಸಿಹಿ ತಿನ್ನುವ ಬಯಕೆಯನ್ನು ಕಡಿಮೆ ಮಾಡುತ್ತದೆ ಮತ್ತು ಸಕ್ಕರೆಯಂತೆ ದೇಹದ ಮೇಲೆ ಪರಿಣಾಮ ಬೀರುವುದಿಲ್ಲ. ನೀವು ಇದನ್ನು ನಿಮ್ಮ  ಮಕ್ಕಳ ಆಹಾರದಲ್ಲಿ ಸೇರಿಸಬಹುದು. ನೀವು ತೂಕ ಇಳಿಸಿಕೊಳ್ಳಲು ಬಯಸಿದರೆ, ನೀವು ಸಕ್ಕರೆಯನ್ನು ಬಿಟ್ಟು ಸ್ಟೀವಿಯಾವನ್ನು ಸ್ವೀಕರಿಸಬಹುದು.

ಇದನ್ನೂ ಓದಿ-Cholesterol: ಕಡಲೆ ಹಿಟ್ಟಿನಲ್ಲಿದೆ ಕೊಳೆಸ್ತ್ರಾಲ್ ನಿಯಂತ್ರಿಸುವ, ತೂಕ ಇಳಿಸುವ ತಾಕತ್ತು!

4. ರಕ್ತದೊತ್ತಡದ ಮಟ್ಟವನ್ನು ಕಡಿಮೆ ಮಾಡುತ್ತದೆ: ಸ್ಟೀವಿಯಾ ಗ್ಲೈಕೋಸೈಡ್‌ಗಳನ್ನು ಹೊಂದಿರುತ್ತದೆ. ದೇಹದಿಂದ ಹೆಚ್ಚುವರಿ ಸೋಡಿಯಂ ಅನ್ನು ತೆಗೆದುಹಾಕಲು ಅವು ಸಹಾಯ ಮಾಡುತ್ತವೆ. ಅಷ್ಟೇ ಅಲ್ಲ, ರಕ್ತದೊತ್ತಡವನ್ನು ಸ್ಥಿರವಾಗಿಡಲು ಇದು ಸಹಾಯ ಮಾಡುತ್ತದೆ.  ಹೃದಯಾಘಾತ ಮತ್ತು ಪಾರ್ಶ್ವವಾಯುಗಳಂತಹ ಹೃದಯ ಕಾಯಿಲೆಗಳ ಅಪಾಯವನ್ನು ಸಹ ಇದು ಕಡಿಮೆ ಮಾಡುತ್ತಾರೆ.

ಇದನ್ನೂ ಓದಿ-H3N2 ಆರೋಗ್ಯಕ್ಕೆ ಎಷ್ಟು ಮಾರಕ? ವ್ಯಾಕ್ಸಿನ್ ಪ್ರಾಣ ರಕ್ಷಿಸುತದೆಯೇ? ಇಲ್ಲಿವೆ ಅದರ ಲಕ್ಷಣ ಮತ್ತು ಅದರಿಂದ ಪಾರಾಗುವ ವಿಧಾನ!

(ಹಕ್ಕುತ್ಯಾಗ- ಈ ಲೇಖನದಲ್ಲಿ ನೀಡಲಾಗಿರುವ ಮಾಹಿತಿ ಮನೆಮದ್ದು ಮಾಹಿತಿ ಹಾಗೂ ಸಾಮಾನ್ಯ ಮಾಹಿತಿಯನ್ನು ಆಧರಿಸಿದೆ. ಅನುಸರಿಸುವ ಮುನ್ನ ವೈದ್ಯಕೀಯ ಸಲಹೆ ಪಡೆದುಕೊಳ್ಳಿ. ಜೀ ಕನ್ನಡ ನ್ಯೂಸ್ ಈ ಮಾಹಿತಿಯನ್ನು ಖಚಿತಪಡಿಸುವುದಿಲ್ಲ)

ಇದನ್ನೂ ನೋಡಿ-