Health Tips - ಹಲವು ಶತಮಾನಗಳಿಂದ ನೆಲ್ಲಿಕಾಯಿ (Amla) ಸೇವನೆ ಮಾಡಲಾಗುತ್ತಿದೆ. ನೆಲ್ಲಿಕಾಯಿ ಅಥವಾ ಆಮ್ಲಾ ಆರೋಗ್ಯದ (Amla Health Benefits) ದೃಷ್ಟಿಯಿಂದ ಅನೇಕ ಪ್ರಯೋಜನಗಳನ್ನು ಹೊಂದಿದೆ. ನೆಲ್ಲಿಕಾಯಿಯಲ್ಲಿ ಅನೇಕ ಪೋಷಕಾಂಶಗಳಿವೆ (Amla Hair Benefits), ಇದು ದೇಹವನ್ನು ಸದೃಢವಾಗಿಡಲು ಸಹಾಯ ಮಾಡುತ್ತದೆ. ವಿಟಮಿನ್-ಸಿ ಯಿಂದ ರಂಜಕ, ಕಬ್ಬಿಣ ಮತ್ತು ಕ್ಯಾಲ್ಸಿಯಂನಂತಹ ಪೋಷಕಾಂಶಗಳು ಆಮ್ಲಾದಲ್ಲಿ ಸಾಕಷ್ಟು ಪ್ರಮಾಣದಲ್ಲಿ ಕಂಡುಬರುತ್ತವೆ. ಅದರಲ್ಲೂ ಆಯುರ್ವೇದದಲ್ಲಿ ನೆಲ್ಲಿಕಾಯಿಯನ್ನು ಪ್ರಮುಖ ಔಷಧಿಯಾಗಿ ಬಳಸುತ್ತಾರೆ. ಆಮ್ಲಾವನ್ನು ಮನೆಗಳಲ್ಲಿಯೂ ಸಹ ಆಹಾರದಲ್ಲಿ ಸೇರಿಸಲಾಗುತ್ತದೆ, ಕೆಲವೊಮ್ಮೆ ಸಿಹಿ ಪಚ್ಚಡಿ ರೂಪದಲ್ಲಿ ಸೇವಿಸಿದರೆ ಕೆಲವೊಮ್ಮೆ ಉಪ್ಪಿನಕಾಯಿ ರೂಪದಲ್ಲಿ ಸೇವಿಸಲಾಗುತ್ತದೆ.
ದೇಹದ ಆರೋಗ್ಯದ ಜೊತೆಗೆ, ಕೂದಲಿನ ಆರೋಗ್ಯದ ಕುರಿತು ಹೇಳುವುದಾದರೆ, ನೆಲ್ಲಿಕಾಯಿ ಅಲ್ಲಿಯೂ ತುಂಬಾ ಲಾಭಕಾರಿ ಎಂದು ಸಾಬೀತುಪಡಿಸುತ್ತದೆ. ನಿಮ್ಮ ಕೂದಲು ಆರೋಗ್ಯಕರವಾಗಿರಬೇಕಾದರೆ ನೆಲ್ಲಿಕಾಯಿ ನೀರನ್ನು (Amla Water) ಬಳಸಬೇಕು. ನೆಲ್ಲಿಕಾಯಿಯಂತೆ ಆಮ್ಲಾ ನೀರು (Amla Water Benefits For Hair) ಕೂಡ ಹಲವಾರು ಪ್ರಯೋಜನಗಳನ್ನು ಹೊಂದಿದೆ. ಬಿಳಿ ಕೂದಲಿನ ಸಮಸ್ಯೆಯನ್ನು ಪರಿಹರಿಸುವಲ್ಲಿ ಆಮ್ಲಾ ನೀರು ತುಂಬಾ ಪರಿಣಾಮಕಾರಿಯಾಗಿದೆ.
ಈ ರೀತಿ ನೆಲ್ಲಿಕಾಯಿ ನೀರನ್ನು ಬಳಸಿ
>> ಇತ್ತೀಚಿನ ದಿನಗಳಲ್ಲಿ, ಮಾಲಿನ್ಯ ಮತ್ತು ಒತ್ತಡದಿಂದಾಗಿ, ಜನರ ಕೂದಲು ಚಿಕ್ಕ ವಯಸ್ಸಿನಲ್ಲಿಯೇ ಬಿಳಿಯಾಗಲು ಪ್ರಾರಂಭಿಸುತ್ತದೆ. ಕೆಲವರು ಕೂದಲಿಗೆ ಡೈ ಹಾಕಿಸಿದರೆ, ಇನ್ನೂ ಕೆಲವರು ಡೈ ಬಳಸಲು ಹೆದರುತ್ತಾರೆ. ಇಂತಹ ಪರಿಸ್ಥಿತಿಯಲ್ಲಿ, ನೀವು ನೆಲ್ಲಿಕಾಯಿ ನೀರನ್ನು ಮನೆಮದ್ದಾಗಿ ಬಳಸಬಹುದು. ನೆಲ್ಲಿಕಾಯಿ ನೀರಿನಿಂದ ನಿಮ್ಮ ಕೂದಲನ್ನು ತೊಳೆಯಲು ಪ್ರಾರಂಭಿಸಿ. ಇದಕ್ಕಾಗಿ ಶಾಂಪೂ ಮಾಡುವ ಒಂದು ಗಂಟೆ ಮೊದಲು ನೆಲ್ಲಿಕಾಯಿ ನೀರನ್ನು ಕೂದಲಿಗೆ ಹಚ್ಚಿ. ಒಂದು ಗಂಟೆಯ ನಂತರ ಶಾಂಪೂ ಮಾಡಿ. ಕನಿಷ್ಠ ಮೂರು ತಿಂಗಳ ಕಾಲ ಇದನ್ನು ಮಾಡಿ.
ಇದನ್ನೂ ಓದಿ-ಮನೆಯ ಸುತ್ತ ಈ ಗಿಡಗಳನ್ನು ನೆಟ್ಟರೆ ಸೊಳ್ಳೆ ಹತ್ತಿರವೂ ಸುಳಿಯುವುದಿಲ್ಲ
>> ಇತ್ತೀಚಿನ ದಿನಗಳಲ್ಲಿ ಕೂದಲಿಗೆ ಎಣ್ಣೆ ಹಚ್ಚುವ ಅಭ್ಯಾಸವೂ ಕಡಿಮೆಯಾಗುತ್ತಿದೆ. ಕೂದಲಿನ ಉತ್ತಮ ಆರೋಗ್ಯಕ್ಕೆ ಎಣ್ಣೆಯನ್ನು ಹಚ್ಚುವುದು ಅತ್ಯಗತ್ಯ. ಎಣ್ಣೆಯಂತೆಯೇ ನೆಲ್ಲಿಕಾಯಿ ನೀರಿನಿಂದ ಕೂಡ ಕೂದಲಿಗೆ ಮಸಾಜ್ ಮಾಡಬಹುದು. ಇದಕ್ಕಾಗಿ, ಒಂದು ಬಟ್ಟಲಿನಲ್ಲಿ ಆಮ್ಲಾ ನೀರನ್ನು ತೆಗೆದುಕೊಳ್ಳಿ. ಈಗ ನೆಲ್ಲಿಕಾಯಿ ನೀರನ್ನು ಹತ್ತಿ ಸಹಾಯದಿಂದ ನೆತ್ತಿಯ ಮೇಲೆ ಹಚ್ಚಿ. ಅರ್ಧ ಗಂಟೆ ಹಾಗೆ ಬಿಟ್ಟು ನಂತರ ಕೂದಲನ್ನು ತೊಳೆಯಿರಿ.
ಇದನ್ನೂ ಓದಿ-ಅಸಿಡಿಟಿ ಸಮಸ್ಯೆ ಹೋಗಲಾಡಿಸಲು ಸಿಂಪಲ್ ಮನೆ ಮದ್ದುಗಳಿವು ..!
>> ಒಂದು ವೇಳೆ ನೀವು ನಿಮ್ಮ ಕೂದಲಿಗೆ ಗೋರಂಟಿ ಬಳಸುತ್ತಿದ್ದರೆ, ನೀವು ಅದರಲ್ಲಿ ನೆಲ್ಲಿಕಾಯಿ ನೀರನ್ನು ಬೆರೆಸಬಹುದು. ರಾತ್ರಿ ನೆಲ್ಲಿಕಾಯಿಯ ನೀರಿನಲ್ಲಿ ಗೋರಂಟಿ ನೆನೆಸಿಡಿ. ಇದು ಕೂದಲನ್ನು ನೈಸರ್ಗಿಕ ಕಪ್ಪು ಬಣ್ಣಕ್ಕೆ ತರಲು ಸಹ ಸಹಾಯ ಮಾಡುತ್ತದೆ.
ಇದನ್ನೂ ಓದಿ-Spinach Juice Benefits: ಬೇಸಿಗೆಯಲ್ಲಿ ಆರೋಗ್ಯಕ್ಕೆ ವರದಾನ ಪಾಲಕ್ ಜ್ಯೂಸ್
(Disclaimer: ಈ ಲೇಖನದಲ್ಲಿ ನೀಡಲಾಗಿರುವ ಮಾಹಿತಿ ಸಾಮಾನ್ಯ ಜ್ಞಾನವನ್ನು ಆಧರಿಸಿದೆ. ಅನುಸರಿಸುವ ಮುನ್ನ ವಿಷಯ ತಜ್ಞರನ್ನು ಸಂಪರ್ಕಿಸಿ. ಜೀ ಕನ್ನಡ ನ್ಯೂಸ್ ಈ ಮಾಹಿತಿಯನ್ನು ಖಚಿತಪಡಿಸುವುದಿಲ್ಲ)
ಕನ್ನಡ ಭಾಷೆಯಲ್ಲಿ ಮತ್ತಷ್ಟು ಸ್ವಾರಸ್ಯಕರ ಸುದ್ದಿಗಳನ್ನು ಓದಲು ನಮ್ಮ ಜೀ ಕನ್ನಡ ನ್ಯೂಸ್ ಮೊಬೈಲ್ ಆಪ್ಲಿಕೇಶನ್ ಡೌನ್ಲೋಡ್ ಮಾಡಿ...
Android Link - https://bit.ly/3hDyh4G
Apple Link - https://apple.co/3hEw2hy
ನಮ್ಮ ಸೋಶಿಯಲ್ ಮೀಡಿಯಾ ಪುಟಗಳಿಗೆ ಸಬ್ ಸ್ಕ್ರೈಬ್ ಆಗಲು Twitter, Facebook ಲಿಂಕ್ ಗಳ ಮೇಲೆ ಕ್ಲಿಕ್ಕಿಸಿ.
