Corona Virus ಬಗ್ಗೆ ಭಯ ಹುಟ್ಟಿಸುವ ಆಹಾರ!

ಇತ್ತೀಚಿನ ದಿನಗಳಲ್ಲಿ ಜನರು ಚೀನೀ ರೆಸ್ಟೋರೆಂಟ್‌ಗಳನ್ನು ತಪ್ಪಿಸಲು ಪ್ರಾರಂಭಿಸಿದ್ದಾರೆ.

ನವದೆಹಲಿ: ಕರೋನಾ ವೈರಸ್(Corona Virus)ನ ಭೀತಿ ಎಷ್ಟರ ಮಟ್ಟಿಗೆ ಜನರನ್ನು ತಲ್ಲಣಗೊಳಿಸಿದೆ ಎಂದರೆ ಜನರು ಹಲವು ರೀತಿಯ ಮುನ್ನೆಚ್ಚರಿಕಾ ಕ್ರಮಗಳನ್ನು ಕೈಗೊಲ್ಲಳಲು ಪ್ರಾರಂಭಿಸಿದ್ದಾರೆ. ಅದರಲ್ಲೂ ಮುಖ್ಯವಾಗಿ ತಾವು ಸೇವಿಸುವ ಆಹಾರದ ಬಗ್ಗೆ ಹೆಚ್ಚು ಜಾಗರೂಕರಾಗುತ್ತಿದ್ದು, ಚೀನೀ ಆಹಾರವನ್ನು ತಿನ್ನುವುದನ್ನು ನಿಲ್ಲಿಸುತ್ತಿರುವುದು ಇದರಲ್ಲಿ ಅತ್ಯಂತ ಆಶ್ಚರ್ಯಕರವಾಗಿದೆ. ವರದಿಯ ಪ್ರಕಾರ ಚೀನೀ ಕರೋನಾ ವೈರಸ್ ನಿಂದ ರಕ್ಷಣೆ ಪಡೆಯಲು ಪ್ರಪಂಚದಾದ್ಯಂತ ಜನರು ಚೌಮಿನ್ ಮತ್ತು ಫ್ರೈಡ್ ರೈಸ್ ತಿನ್ನುವುದನ್ನು ನಿಲ್ಲಿಸಿದ್ದಾರೆ. ಈ ವೈರಸ್ ಭೀತಿಯಿಂದ ತಮ್ಮನ್ನು ರಕ್ಷಿಸಿಕೊಳ್ಳಲು, ಜನರು ಚೀನೀ ರೆಸ್ಟೋರೆಂಟ್‌ಗಳಿಗೆ ಭೇಟಿ ನೀಡುವುದನ್ನು ತಪ್ಪಿಸಲು ಪ್ರಾರಂಭಿಸಿದ್ದಾರೆ ಎಂದು ತಿಳಿದು ಬಂದಿದೆ.

ಜಗತ್ತಿನಾದ್ಯಂತ ಚೀನೀ ಆಹಾರಗಳಿಗೆ ನೋ... ನೋ...!
ವಿವಿಧ ಮಾಧ್ಯಮ ವರದಿಗಳ ಪ್ರಕಾರ, ಚೀನೀ ಆಹಾರವನ್ನು ನೀಡುವ ರೆಸ್ಟೋರೆಂಟ್‌ಗಳಲ್ಲಿ ಚೀನೀ ಕರೋನಾ ವೈರಸ್(Corona Virus) ಹೆಚ್ಚಿನ ಪರಿಣಾಮವನ್ನು ಬೀರುತ್ತದೆ ಎಂಬ ಬಗ್ಗೆ ಜನರು ಭೀತಿ ವ್ಯಕ್ತಪಡಿಸುತ್ತಿದ್ದಾರೆ. ಅಮೆರಿಕ, ವಿಯೆಟ್ನಾಂ, ಫಿಲಿಪೈನ್ಸ್ ಮತ್ತು ಯುರೋಪ್ ಸೇರಿದಂತೆ ಅನೇಕ ದೇಶಗಳಲ್ಲಿ ಜನರು ಚೀನಾದ ರೆಸ್ಟೋರೆಂಟ್‌ಗಳಿಗೆ ತೆರಳುವುದನ್ನು ನಿಲ್ಲಿಸಿದ್ದಾರೆ. ಇದು ಅಮೆರಿಕದಲ್ಲಿ ಅತಿ ಹೆಚ್ಚು ಪರಿಣಾಮ ಬೀರಿದೆ. ಜನರು ಈಗ ಚೌಮಿನ್, ಫ್ರೈಡ್ ರೈಸ್ ಮತ್ತು ಚಿಕನ್ ರೋಲ್‌ಗಳನ್ನು ತಿನ್ನುವ ಬದಲು ಬರ್ಗರ್ ಮತ್ತು ಹಾಟ್ ಡಾಗ್‌ಗಳಿಗೆ ಆದ್ಯತೆ ನೀಡುತ್ತಿದ್ದಾರೆ. ಕರೋನಾ ವೈರಸ್ ಪ್ರಪಂಚದಾದ್ಯಂತದ ಚೀನೀ ಪಾಕಪದ್ಧತಿಯ ಮೇಲೆ ಕೆಟ್ಟ ಪರಿಣಾಮ ಬೀರುತ್ತಿದೆ ಎಂದು ತಜ್ಞರು ಹೇಳುತ್ತಾರೆ.

ಚೀನಾದ ನಾಗರಿಕರು ಏನ್ ಹೇಳ್ತಾರೆ?
ಏತನ್ಮಧ್ಯೆ, ಚೀನಾದ ನಾಗರಿಕರು ತಮ್ಮ ಪಾಕಪದ್ಧತಿಯನ್ನು ವಿವಿಧ ಸಾಮಾಜಿಕ ತಾಣಗಳು ಮತ್ತು ಲೇಖನಗಳ ಮೂಲಕ ರಕ್ಷಿಸಲು ಬಂದಿದ್ದಾರೆ. ಪಾರುಗಾಣಿಕಾ ಪಟ್ಟಿಯಲ್ಲಿ ವಿಶ್ವ ಆರೋಗ್ಯ ಸಂಸ್ಥೆ (ಡಬ್ಲ್ಯುಎಚ್‌ಒ) ಚೀನಾದ ಆಹಾರವನ್ನು ಉಲ್ಲೇಖಿಸಿಲ್ಲ ಎಂದು ಚೀನಾದ ಜನರು ಹೇಳುತ್ತಾರೆ. ಈ ಜನರು ಚೀನೀ ಆಹಾರವು ಸಂಪೂರ್ಣವಾಗಿ ಸುರಕ್ಷಿತವಾಗಿದೆ ಮತ್ತು ಜನರು ಅದನ್ನು ತಿನ್ನುವ ಮೂಲಕ ಯಾವುದೇ ಸೋಂಕಿಗೂ ತುತ್ತಾಗುವುದಿಲ್ಲ ಎಂದು ಹೇಳುತ್ತಾರೆ.

20 ದೇಶಗಳಲ್ಲಿ ಹರಡಿದ ಸೋಂಕು:
ವಿಶ್ವ ಆರೋಗ್ಯ ಸಂಸ್ಥೆ (ಡಬ್ಲ್ಯುಎಚ್‌ಒ) ಬಿಡುಗಡೆ ಮಾಡಿದ ಹೇಳಿಕೆಯ ಪ್ರಕಾರ, ಇದುವರೆಗೆ 20 ದೇಶಗಳು ಕರೋನಾ ವೈರಸ್ ಸೋಂಕಿನಿಂದ ಪ್ರಭಾವಿತವಾಗಿವೆ. ಚೀನಾದಿಂದ ಸುಮಾರು 130 ಪ್ರಕರಣಗಳು ವಿವಿಧ ದೇಶಗಳಿಂದ ವರದಿಯಾಗಿವೆ. ಅಮೆರಿಕದಲ್ಲಿ ಕೇವಲ ಎಂಟು ಸಕಾರಾತ್ಮಕ ಪ್ರಕರಣಗಳು ವರದಿಯಾಗಿವೆ. ಕರೋನಾ ವೈರಸ್ ಸೋಂಕಿನಿಂದ ಇದುವರೆಗೆ 360 ಜನರು ಸಾವನ್ನಪ್ಪಿದ್ದಾರೆ. ಇದಲ್ಲದೆ, ಚೀನಾ ಸೇರಿದಂತೆ ದೇಶದ ಹಲವು ರಾಷ್ಟ್ರಗಳಲ್ಲಿ 17,000 ಜನರು ಈ ಮಾರಕ ಸೋಂಕಿನಿಂದ ಬಳಲುತ್ತಿದ್ದಾರೆ.

ಜಾಗತಿಕ ತುರ್ತು ಪರಿಸ್ಥಿತಿ ಘೋಷಿಸಿದ WHO:
ಹೆಚ್ಚುತ್ತಿರುವ ಸೋಂಕಿನ ಪ್ರಕರಣಗಳನ್ನು ಗಮನದಲ್ಲಿಟ್ಟುಕೊಂಡು ಡಬ್ಲ್ಯುಎಚ್‌ಒ ಕಳೆದ ವಾರದಲ್ಲಿ ಕರೋನಾ ವೈರಸ್‌ನ್ನು ಅಂತರರಾಷ್ಟ್ರೀಯ ಸಾಂಕ್ರಾಮಿಕ ರೋಗವೆಂದು ಘೋಷಿಸಿದೆ. ವಿಶ್ವ ಆರೋಗ್ಯ ಸಂಸ್ಥೆ (ಡಬ್ಲ್ಯುಎಚ್‌ಒ) ವಿಶ್ವದಾದ್ಯಂತ ಕರೋನಾ ವೈರಸ್ ಸೋಂಕನ್ನು ಗಮನದಲ್ಲಿಟ್ಟುಕೊಂಡು ಜಾಗತಿಕ ತುರ್ತು ಪರಿಸ್ಥಿತಿ ಘೋಷಿಸಿದೆ. ಇದರೊಂದಿಗೆ, ಇಡೀ ಜಗತ್ತಿನಲ್ಲಿ ಈ ವೈರಸ್ ವಿರುದ್ಧ ಹೋರಾಡಲು ಮತ್ತು ಅದರ ಸೋಂಕನ್ನು ತಡೆಗಟ್ಟಲು ಈಗ ಒಟ್ಟಾಗಿ ಕೆಲಸ ಮಾಡಲಾಗುವುದು, ಜಾಗತಿಕ ಮಟ್ಟದಲ್ಲಿ ಲಸಿಕೆಗಳನ್ನು ತಯಾರಿಸಲಾಗುತ್ತದೆ.