Diabetic Retinopathy : ಭಾರತದಲ್ಲಿ 77 ಮಿಲಿಯನ್ ಜನರು ಮಧುಮೇಹದೊಂದಿಗೆ ಬದುಕುತ್ತಿದ್ದಾರೆ ಮತ್ತು ಅಂದಾಜು 18% ಮಧುಮೇಹಿಗಳು ಡಯಾಬಿಟಿಕ್ ರೆಟಿನೋಪತಿ (DR) ನಿಂದ ಬಳಲುತ್ತಿದ್ದಾರೆ. ಈ ಆತಂಕಕಾರಿ ಸಂಖ್ಯೆಗಳ ಹೊರತಾಗಿಯೂ, ಡಯಾಬಿಟಿಸ್ ರೆಟಿನೋಪತಿ (DR) ಯಂತಹ ಮಧುಮೇಹದ ತೀವ್ರ ಮತ್ತು ಬದಲಾಯಿಸಲಾಗದ ಪರಿಣಾಮಗಳ ಬಗೆಗಿನ ಜಾಗೃತಿಯು ಭಾರತದಲ್ಲಿ ನೀರಸವಾಗಿದೆ.
ಕೆಲಸದಲ್ಲಿರುವ (20-65 ವರ್ಷಗಳು) ವಯಸ್ಕರಲ್ಲಿ ದೃಷ್ಟಿ ನಷ್ಟಕ್ಕೆ DR ಪ್ರಮುಖ ಕಾರಣವಾಗಿದೆ, ಮತ್ತು ಜಾಗತಿಕವಾಗಿ, ಪ್ರತಿ 3 ರಲ್ಲಿ 1 ಮಧುಮೇಹ ರೋಗಿಗಳಲ್ಲಿ ಡಯಾಬಿಟಿಕ್ ಮ್ಯಾಕ್ಯುಲರ್ ಎಡಿಮಾ (DME) ಉಂಟಾಗುವ ಸಾಧ್ಯತೆ ಇರುತ್ತದೆ. ವಿಶೇಷವಾಗಿ ಮಧುಮೇಹಿಗಳು ಮತ್ತು ವಯಸ್ಸಾದವರಿಗೆ, ಸಕಾಲಿಕ ರೋಗನಿರ್ಣಯ ಮತ್ತು ರೋಗ ನಿರ್ವಹಣೆಯನ್ನು ಸಕ್ರಿಯಗೊಳಿಸಲು ನಿಯಮಿತ ಕಣ್ಣಿನ ತಪಾಸಣೆಯು ಪ್ರಮುಖವಾಗಿದೆ. ಡಯಾಬಿಟಿಕ್ ರೆಟಿನೋಪತಿ ರೋಗನಿರ್ಣಯ ಮಾಡಿದ ನಂತರ, ಮಧುಮೇಹವನ್ನು ಪರಿಣಾಮಕಾರಿಯಾಗಿ ನಿರ್ವಹಿಸಲು ಮತ್ತು ಕಣ್ಣಿನ ಕಾಯಿಲೆಗಳ ಪ್ರಗತಿಯನ್ನು ತಡೆಯಲು ಚಿಕಿತ್ಸೆಗೆ ಬದ್ಧವಾಗಿರುವುದು ಮತ್ತು ಆರೋಗ್ಯಕರ ಜೀವನಶೈಲಿಯನ್ನು ಕಾಪಾಡಿಕೊಳ್ಳುವುದು ಮುಖ್ಯವಾಗಿದೆ.
ಇದನ್ನೂ ಓದಿ : ಬಿಳಿ ಕೂದಲಿನ ಸಮಸ್ಯೆಗೆ ಮನೆ ಮದ್ದು ಕಾಫಿ ಪುಡಿ : ಹೀಗೆ ಬಳಸಿ
ಶಂಕರ ಐ ಫೌಂಡೇಶನ್ ಇಂಡಿಯಾದ ವಿಟ್ರಿಯೋ ರೆಟಿನಾ ಮತ್ತು ಆಕ್ಯುಲರ್ ಆಂಕೊಲಾಜಿಯ ಮುಖ್ಯಸ್ಥರಾದ ಡಾ. ಮಹೇಶ್ ಪಿ. ಷಣ್ಮುಗಂ ಮಾತನಾಡಿ, "ಮಧುಮೇಹ ಬರುವ ಯುವ ವಯಸ್ಕರಲ್ಲಿ ಡಯಾಬಿಟಿಕ್ ರೆಟಿನೋಪತಿ ಬೆಳವಣಿಗೆಯ ಅಪಾಯವು ದ್ವಿಗುಣಗೊಳ್ಳಬಹುದು. ಮಧುಮೇಹಿಗಳಲ್ಲಿ ರೋಗಲಕ್ಷಣಗಳು ಕಾಣಿಸಿಕೊಳ್ಳುವವರೆಗೆ ಕಾಯದಿರುವುದು ಉತ್ತಮ, ಏಕೆಂದರೆ ರೋಗಲಕ್ಷಣಗಳು ಕಾಣಿಸಿಕೊಳ್ಳುವ ವೇಳೆಗೆ, ರೋಗವು ಸಾಕಷ್ಟು ಹೆಚ್ಚಾಗಿರಬಹುದು. ನಾವು ಎಷ್ಟು ಮುಂಚಿತವಾಗಿ ರೋಗನಿರ್ಣಯ ಮತ್ತು ಚಿಕಿತ್ಸೆ ಪ್ರಾರಂಭಿಸುತ್ತೇವೆಯೋ, ಉತ್ತಮ ದೃಷ್ಟಿಯನ್ನು ಕಾಪಾಡಿಕೊಳ್ಳುವ ಸಾಧ್ಯತೆಗಳು ಅಷ್ಟೇ ಹೆಚ್ಚಿರುತ್ತವೆ. ಮಧುಮೇಹ ಪತ್ತೆಯಾದ ತಕ್ಷಣ, ವಿಶೇಷವಾಗಿ ಟೈಪ್ 2 ಮಧುಮೇಹಿಗಳು, ರಲ್ಲಿ ಕಣ್ಣಿನ ತಪಾಸಣೆಯನ್ನು ಪ್ರಾರಂಭಿಸುವುದು ಉತ್ತಮ. ಮಧುಮೇಹದ ಆರಂಭಿಕ ಹಂತಗಳಲ್ಲಿ ಕಣ್ಣಿನ ತಪಾಸಣೆಯ ಆವರ್ತನವನ್ನು ವರ್ಷಕ್ಕೊಮ್ಮೆಗೆ ಸೀಮಿತಗೊಳಿಸಬಹುದು. ದೀರ್ಘಾವಧಿಯ ಮಧುಮೇಹದಿಂದ ಬಳಲುತ್ತಿರುವ ಜನರು ಅಥವಾ ಗರ್ಭಧಾರಣೆಯಂತಹ ವಿಶೇಷ ಸಂದರ್ಭಗಳಲ್ಲಿ ಆಗಾಗ್ಗೆ ತಪಾಸಣೆ ಮಾಡಿಸುವ ಅಗತ್ಯವಿದೆ " ಎಂದರು.
ಮಧುಮೇಹವು ನಿಮ್ಮ ಕಣ್ಣುಗಳ ಮೇಲೆ ಪರಿಣಾಮ ಬೀರುತ್ತಿರುವ ಚಿಹ್ನೆಗಳು:
ಅನಿಯಂತ್ರಿತ ಮಧುಮೇಹವು ಆಖ, ಕಣ್ಣಿನ ಮಸೂರದಲ್ಲಿ ಪದರೆಯಂತೆ ಬರುವ ಕಣ್ಣಿನ ಪೊರೆ ಮತ್ತು ನಿಮ್ಮ ಆಪ್ಟಿಕ್ ನರವನ್ನು ಹಾನಿ ಮಾಡುವ ಗ್ಲುಕೋಮಾದಂತಹ ಹಲವಾರು ಕಣ್ಣಿನ ಸಂಬಂಧಿತ ಕಾಯಿಲೆಗಳಿಗೆ ಕಾರಣವಾಗಬಹುದು. ಮಧುಮೇಹವು ನಿಮ್ಮನ್ನು ಕಣ್ಣಿನ ಕಾಯಿಲೆಗಳಿಗೆ ಹೆಚ್ಚು ಗುರಿಯಾಗಿಸಬಹುದು ಅಥವಾ ಕಿರಿಯ ವಯಸ್ಸಿನಲ್ಲಿಯೇ ನಿಮ್ಮಲ್ಲಿ ಬೆಳೆಯಬಹುದು.
ಇದನ್ನೂ ಓದಿ : ಚಳಿಗಾಲದಲ್ಲಿ ತುಟಿಗಳ ರಕ್ಷಣೆಗೆ ಈ ಮನೆಮದ್ದುಗಳನ್ನು ಅನುಸರಿಸಿ!
ಪ್ರತಿಯೊಬ್ಬರೂ ಜಾಗರೂಕರಾಗಿರಬೇಕು ಮತ್ತು ಈ ರೋಗಲಕ್ಷಣಗಳಲ್ಲಿ ಯಾವುದಾದರೂ ಕಂಡುಬಂದ ಸಂದರ್ಭದಲ್ಲಿ ತಕ್ಷಣವೇ ನೇತ್ರಶಾಸ್ತ್ರಜ್ಞರು ಅಥವಾ ರೆಟಿನಾ ತಜ್ಞರನ್ನು ಭೇಟಿ ಮಾಡಬೇಕು:
- ಅಸ್ಪಷ್ಟ ಅಥವಾ ಮಸುಕು ಅಥವಾ ವಿರೂಪಗೊಂಡ ದೃಷ್ಟಿ
- ಬಣ್ಣದ ಕುರುಡುತನ
- ಕಡಿಮೆಯಾದ ಕಾಂಟ್ರಾಸ್ಟ್ ಅಥವಾ ಬಣ್ಣ ಸಂವೇದನೆ
- ದೃಷ್ಟಿಯಲ್ಲಿ ಕಪ್ಪು ಕಲೆಗಳ ಅನುಭವ
- ಅಲೆಯಂತೆ ಅಥವಾ ವಕ್ರವಾಗಿ ಕಾಣುವ ನೇರ ರೇಖೆಗಳು
- ದೂರದೃಷ್ಟಿಯಲ್ಲಿ ತೊಂದರೆ
- ನಿಧಾನವಾಗಿ ಕುರುಡುತನ
ನವೆಂಬರ್ 14 ರಂದು ಆಚರಿಸಲಾಗುವ ವಿಶ್ವ ಮಧುಮೇಹ ದಿನವು, ಮಧುಮೇಹ-ಸಂಬಂಧಿತ ಅಕ್ಷಿಪಟಲದ ಕಾಯಿಲೆಗಳ ಬೆಳೆಯುತ್ತಿರುವ, ತಡೆಗಟ್ಟಬಹುದಾದ ಹೊರೆಯ ಬಗ್ಗೆ ಜಾಗೃತಿ ಮೂಡಿಸಲು ಒಂದು ಅವಕಾಶವನ್ನು ಸೂಚಿಸುತ್ತದೆ. ಇದು ಆರಂಭಿಕ ರೋಗನಿರ್ಣಯ ಮತ್ತು ರೋಗ ನಿರ್ವಹಣೆಯ ರೂಪದಲ್ಲಿ ಸಕಾಲಿಕ ಆರೈಕೆಯನ್ನು ನಡೆಸಬಹುದು, ಆದರಿಂದ ರೋಗಿಗಳು ತಡೆಗಟ್ಟಬಹುದಾದ ಕುರುಡುತನವನ್ನು ತಪ್ಪಿಸಬಹುದು.
ಕನ್ನಡ ಭಾಷೆಯಲ್ಲಿ ಮತ್ತಷ್ಟು ತಾಜಾ ಸುದ್ದಿಗಳನ್ನು ಓದಲು ನಮ್ಮ ಜೀ ಕನ್ನಡ ನ್ಯೂಸ್ ಮೊಬೈಲ್ ಅಪ್ಲಿಕೇಶನ್ ಡೌನ್ಲೋಡ್ ಮಾಡಿ...
Android Link - https://bit.ly/3AClgDd
Apple Link - https://apple.co/3wPoNgr
ನಮ್ಮ ಸೋಶಿಯಲ್ ಮೀಡಿಯಾ ಪುಟಗಳಿಗೆ ಸಬ್ ಸ್ಕ್ರೈಬ್ ಆಗಲು Twitter, Facebook, Youtube ಲಿಂಕ್ ಗಳ ಮೇಲೆ ಕ್ಲಿಕ್ ಮಾಡಿ.
