close

News WrapGet Handpicked Stories from our editors directly to your mailbox

ಪುಲ್ವಾಮಾದಲ್ಲಿ ಸರ್ಕಾರದಿಂದ ವಿದ್ಯಾರ್ಥಿಗಳಿಗೆ ಇಂಟರ್ನೆಟ್ ಸೌಲಭ್ಯ ಕೇಂದ್ರ ಆರಂಭ

 ಶೋಪಿಯಾನ್ ಮತ್ತು ಪುಲ್ವಾಮಾ ವಿದ್ಯಾರ್ಥಿಗಳಿಗಾಗಿ  ಇಲ್ಲಿನ ಜಿಲ್ಲಾಧಿಕಾರಿ ಕಚೇರಿಯಲ್ಲಿ ಇಂಟರ್ನೆಟ್ ಸೌಲಭ್ಯ ಕೇಂದ್ರವನ್ನು ಆರಂಭಿಸಲಾಗಿದೆ.

Updated: Sep 23, 2019 , 01:57 PM IST
ಪುಲ್ವಾಮಾದಲ್ಲಿ ಸರ್ಕಾರದಿಂದ ವಿದ್ಯಾರ್ಥಿಗಳಿಗೆ ಇಂಟರ್ನೆಟ್ ಸೌಲಭ್ಯ ಕೇಂದ್ರ ಆರಂಭ

ಪುಲ್ವಾಮಾ: ಜಮ್ಮು-ಕಾಶ್ಮೀರದಲ್ಲಿ ಅಂತರ್ಜಾಲ ಮತ್ತು ಸಂವಹನ ನಿರ್ಬಂಧಗಳಿಂದ ಎದುರಾದ ಅನಾನುಕೂಲತೆಯ ಹಿನ್ನೆಲೆಯಲ್ಲಿ ಶೋಪಿಯಾನ್ ಮತ್ತು ಪುಲ್ವಾಮಾ ವಿದ್ಯಾರ್ಥಿಗಳಿಗಾಗಿ  ಇಲ್ಲಿನ ಜಿಲ್ಲಾಧಿಕಾರಿ ಕಚೇರಿಯಲ್ಲಿ ಇಂಟರ್ನೆಟ್ ಸೌಲಭ್ಯ ಕೇಂದ್ರವನ್ನು ಆರಂಭಿಸಲಾಗಿದೆ.

ಇದರಿಂದಾಗಿ ವಿದ್ಯಾರ್ಥಿಗಳು ಯುಜಿಸಿ-ನೆಟ್, ಗೇಟ್ ಮತ್ತು ಮೇನ್ಸ್-ಐಐಟಿ ಮೊದಲಾದ ಪರೀಕ್ಷೆಗಳಿಗೆ ಅರ್ಜಿ ಸಲ್ಲಿಸಲು, ಪ್ರವೇಶ ಪತ್ರ ಪಡೆಯಲು ಸಹಾಯವಾಗಲಿದೆ. 

"ನಮ್ಮ ಕಚೇರಿಯಲ್ಲಿ ವಿದ್ಯಾರ್ಥಿಗಳಿಗೆ ಅಂತರ್ಜಾಲ ಸೌಲಭ್ಯವನ್ನು ಒದಗಿಸಲಾಗಿದೆ. ಇದರಿಂದಾಗಿ ಅವರು ಪ್ರವೇಶ ಪತ್ರಗಳನ್ನು ಪಡೆಯಲು, ಅರ್ಜಿ ನಮೂನೆಗಳನ್ನು ಭರ್ತಿ ಮಾಡಲು ಸಹಾಯವಾಗಲಿದೆ. ಈ ಕೆಲಸಗಳಿಗಾಗಿ ಅವರು ದೂರದ ಪ್ರದೇಶಗಳಿಗೆ ಹೋಗುವ ಅಗತ್ಯವಿಲ್ಲ" ಎಂದು ಹೆಚ್ಚುವರಿ ಜಿಲ್ಲಾಧಿಕಾರಿ ಮುಹಮ್ಮದ್ ಅಶ್ರಫ್ ಹಕ್ಕಕ್ ಹೇಳಿದ್ದಾರೆ.

"ಕಾಶ್ಮೀರದಲ್ಲಿರುವ ಪ್ರಸ್ತತ ಪರಿಸ್ಥಿತಿಯಲ್ಲಿ ಬ್ರಾಡ್ಬ್ಯಾಂಡ್ ಮತ್ತು ಇಂಟರ್ನೆಟ್ ಸೇವೆಗಳು ಈ ಹಿಂದೆ ಇರಲಿಲ್ಲ. ಆದರೀಗ ಅಂತರ್ಜಾಲ ಸೌಲಭ್ಯ ಕೇಂದ್ರ ಆರಂಭವಾಗಿರುವುದರಿಂದ ಇಲ್ಲೇ ಜೆಇಇ ಮೇನ್ಸ್‌ಗೆ ಅರ್ಜಿ ಸಲ್ಲಿಸುತ್ತಿದ್ದೇನೆ. ಇದು ನಿಜಕ್ಕೂ ಉತ್ತಮ ಬೆಳವಣಿಗೆ" ಎಂದು  ಮಿಲಾಡ್ ಮೆಹಮೂದ್ ಹೇಳಿದ್ದಾರೆ.