ISISಗಾಗಿ ಯುವಕರನ್ನು ಸಿದ್ಧಗೊಳಿಸುತ್ತಿದೆ ಪಿಎಫ್ಐ, ಭಾರತವನ್ನು ಇಸ್ಲಾಮಿಕ್ ರಾಷ್ಟ್ರ ಮಾಡುವ ಹುನ್ನಾರದಲ್ಲಿದೆ: NIA

NIA Raid: ದೇಶಾದ್ಯಂತ ಇರುವ ಪಿಎಫ್ಐ ಕಛೇರಿಗಳ ಮೇಲೆ ನಡೆಸಿದ ದಾಳಿಯ ನಂತರ ಎನ್ಐಎ ಮಹತ್ವದ ಮಾಹಿತಿ ಬಹಿರಂಗಪಡಿಸಿದೆ. ಲಷ್ಕರ್ ಮತ್ತು ಐಸಿಸ್ ನಂತಹ ಭಯೋತ್ಪಾದಕ ಸಂಘಟನೆಗಳಿಗೆ ಮುಸ್ಲಿಂ ಯುವಕರನ್ನು ಸೇರಿಸಿ ಭಾರತವನ್ನು ಇಸ್ಲಾಮಿಕ್ ರಾಷ್ಟ್ರವನ್ನಾಗಿಸಲು ಪಿಎಫ್ಐ ಸಂಚು ನಡೆಸುತ್ತಿದೆ ಎಂದು ಎನ್ಐಎ ಹೇಳಿದೆ.

NIA ON PFI

NIA claim: ಇತ್ತೀಚೆಗಷ್ಟೇ ಎನ್ಐಎ-ಇಡಿಗಳು ದೇಶಾದ್ಯಂತ ಇರುವ ಹಲವು ರಾಜ್ಯಗಳ ಪಾಪ್ಯುಲರ್ ಫ್ರಂಟ್ ಆಫ್ ಇಂಡಿಯಾ (ಪಿಎಫ್ಐ) ನೆಲೆಗಳ ಮೇಲೆ ದಾಳಿ ನಡೆಸಿದ ನಂತರ ಹಲವು ಸಂಗತಿಗಳನ್ನು ಬಹಿರಂಗಪಡಿಸಲಾಗಿದೆ. ಭಯೋತ್ಪಾದಕ ಸಂಘಟನೆಗಳಾದ ಲಷ್ಕರ್, ಐಸಿಸ್ ಮತ್ತು ಅಲ್-ಖೈದಾಕ್ಕೆ ಸೇರಲು ಯುವಕರನ್ನು ಪಿಎಫ್ಐ ಪ್ರೋತ್ಸಾಹಿಸುತ್ತಿದೆ ಎಂದು ಎನ್ಐಎ ದಾಳಿಯ ನಂತರ ಹೇಳಿಕೊಂಡಿದೆ. ಇದಕ್ಕಾಗಿ ಎನ್ಐಎ ದೇಶಾದ್ಯಂತ ಇರುವ ಮುಸ್ಲಿಂ ಯುವಕರನ್ನು ಗುರಿಯಾಗಿಸಿಕೊಂಡಿದ್ದು, ಬ್ರೇನ್ ವಾಶ್ ಮಾಡಿ ಭಯೋತ್ಪಾದಕರಾಗಲು ತರಬೇತಿ ನೀಡುವಲ್ಲಿ ನಿರತವಾಗಿತ್ತು ಎಂದು ಹೇಳಿದೆ. 

ಭಯೋತ್ಪಾದಕರನ್ನಾಗಿಸಲು ಯುವಕರಿಗೆ ತರಬೇತಿ
ಮಾಹಿತಿಯ ಪ್ರಕಾರ, ಎನ್‌ಐಎ ಕೇರಳದ ವಿಶೇಷ ನ್ಯಾಯಾಲಯದ ಮುಂದೆ ಇದನ್ನು ಬಹಿರಂಗಪಡಿಸಿದೆ. PFI ಸದಸ್ಯರು ಮತ್ತು ಕಾರ್ಯಕರ್ತರು ಶಾಂತಿ ಕದಡುತ್ತಿದ್ದಾರೆ ಮತ್ತು ಭಾರತದ ವಿರುದ್ಧ ಅಸಮಾಧಾನವನ್ನು ಸೃಷ್ಟಿಸುತ್ತಿದ್ದಾರೆ ಎಂದು NIA ಆರೋಪಿಸಿದೆ. ಬಂಧಿತ ಆರೋಪಿಗಳ ನ್ಯಾಯಾಂಗ ವಶವನ್ನು ನ್ಯಾಯಾಲಯದಿಂದ ಕೋರಿರುವ ಎನ್‌ಐಎ, ಪಿಎಫ್‌ಐ ಮುಖಂಡರು, ಸದಸ್ಯರು ಮತ್ತು ಕಾರ್ಯಕರ್ತರು ಮುಸ್ಲಿಂ ಯುವಕರನ್ನು ಆಮೂಲಾಗ್ರಗೊಳಿಸಿ ಇಸ್ಲಾಮಿಕ್ ಸ್ಟೇಟ್ (ಐಎಸ್‌ಐಎಸ್) ನಂತಹ ನಿಷೇಧಿತ ಭಯೋತ್ಪಾದಕ ಸಂಘಟನೆಗಳಿಗೆ ಸೇರ್ಪಡೆಗೊಳಿಸುವಲ್ಲಿ ತೊಡಗಿಸಿಕೊಂಡಿದ್ದಾರೆ ಎಂದು ಆರೋಪಿಸಿದೆ.

ಇದನ್ನೂ ಓದಿ-Big Action: ಚೈಲ್ಡ್ ಪೋರ್ನೋಗ್ರಫಿಗೆ ಸಂಬಂಧಿಸಿದಂತೆ ದೇಶದ 20 ರಾಜ್ಯಗಳ 56 ಸ್ಥಳಗಳಲ್ಲಿ ಸಿಬಿಐ ದಾಳಿ

ಭಾರತದಲ್ಲಿ ಇಸ್ಲಾಮಿಕ್ ಆಡಳಿತವನ್ನು ಸ್ಥಾಪಿಸುವ ಸಂಚು
ಎನ್‌ಐಎ ಕೊಚ್ಚಿ ಶಾಖೆ ಈ ಬಗ್ಗೆ ತನಿಖೆ ನಡೆಸುತ್ತಿದೆ. ಆರೋಪಿ ಕರಮಾನ ಅಶ್ರಫ್ ಮೌಲ್ವಿ, ಪಿಎಫ್‌ಐನ ಶಿಕ್ಷಣ ವಿಭಾಗದ ರಾಷ್ಟ್ರೀಯ ಉಸ್ತುವಾರಿ ಮತ್ತು ಇತರರನ್ನು ಕೊಚ್ಚಿಯ ವಿಶೇಷ ನ್ಯಾಯಾಲಯದ ಮುಂದೆ ಎನ್‌ಐಎ ನ್ಯಾಯಾಂಗ ಬಂಧನಕ್ಕೆ ಕೋರಿದೆ. ಆರೋಪಿಗಳು ಧಾರ್ಮಿಕ ದ್ವೇಷವನ್ನು ಸೃಷ್ಟಿಸುವ ಅಕ್ರಮ ಚಟುವಟಿಕೆಗಳಲ್ಲಿ ತೊಡಗಿಸಿಕೊಳ್ಳಲು ಸಂಚು ರೂಪಿಸಿದ್ದಾರೆ ಎಂದು ಎನ್‌ಐಎ ತನ್ನ ವರದಿಯಲ್ಲಿ ತಿಳಿಸಿದೆ. ಸಂಘಟನೆಯು ಭಾರತದ ವಿರುದ್ಧ ಭಿನ್ನಾಭಿಪ್ರಾಯವನ್ನು ಸೃಷ್ಟಿಸುತ್ತಿದೆ ಮತ್ತು ಪರ್ಯಾಯ ನ್ಯಾಯ ವಿತರಣಾ ವ್ಯವಸ್ಥೆಯನ್ನು ಉತ್ತೇಜಿಸುತ್ತಿದೆ ಎಂದು ಸಂಸ್ಥೆ ಹೇಳಿದೆ. ಹಿಂಸಾತ್ಮಕ ಜಿಹಾದ್‌ನ ಭಾಗವಾಗಿ ಭಯೋತ್ಪಾದಕ ಕೃತ್ಯಗಳನ್ನು ನಡೆಸುವ ಮೂಲಕ ಭಾರತದಲ್ಲಿ ಇಸ್ಲಾಮಿಕ್ ಆಡಳಿತವನ್ನು ಸ್ಥಾಪಿಸಲು ಪಿಎಫ್‌ಐ ಸಂಚು ರೂಪಿಸಿದೆ.

ಇದನ್ನೂ ಓದಿ-PFI Ban: ಪಿಎಫ್ಐವನ್ನು ನಿಷೇಧಿಸುವಂತೆ ಹಿಂದೂ ಮಹಾಸಭಾ-AIBA ಆಗ್ರಹ, ರಸ್ತೆಗಿಳಿಯಲು ಸಿದ್ಧತೆ

ದೋಷಾರೋಪಣೆಯ ವಸ್ತುವನ್ನು ವಶಕ್ಕೆ ಪಡೆಯಲಾಗಿದೆ
ದಾಳಿಯ ಸಂದರ್ಭದಲ್ಲಿ, ಎನ್ಐಎಯ ಪಿಎಫ್ಐ ನೆಲೆಗಳಿಂದ ಆಕ್ಷೇಪಾರ್ಹ ವಸ್ತುಗಳನ್ನು ವಶಕ್ಕೆ ಪಡೆದುಕೊಂಡಿದೆ ಎಂದಿದೆ. ವಶಪಡಿಸಿಕೊಂಡ ದಾಖಲೆಗಳು ನಿರ್ದಿಷ್ಟ ಸಮುದಾಯದ ಪ್ರಮುಖ ನಾಯಕರನ್ನು ಗುರಿಯಾಗಿಸಲು ಸಂಬಂಧಿಸಿದ ಅತ್ಯಂತ ಆಕ್ಷೇಪಾರ್ಹ ವಸ್ತುಗಳನ್ನು ಒಳಗೊಂಡಿವೆ. "ಪಿಎಫ್‌ಐ ತನ್ನ ನಾಯಕರು, ಸದಸ್ಯರು ಮತ್ತು ಸಹವರ್ತಿಗಳ ಮೂಲಕ ಕೆಲಸ ಮಾಡುತ್ತಿದೆ, ಸಮುದಾಯದ ನಡುವೆ ಅಶಾಂತಿಯನ್ನು ಸೃಷ್ಟಿಸಲು ಪ್ರಯತ್ನಿಸುತ್ತಿದೆ ಎಂದು ವಶಪಡಿಸಿಕೊಂಡ ಹಿಟ್ ಲಿಸ್ಟ್ ಸ್ಪಷ್ಟವಾಗಿ ತೋರಿಸುತ್ತದೆ" ಎಂದು ಸಂಸ್ಥೆ ಹೇಳಿದೆ. ಗುರುವಾರ, ಎನ್‌ಐಎ, ಇಡಿ ಮತ್ತು ಕೆಲವು ರಾಜ್ಯಗಳ ಪೊಲೀಸರ ಮೂಲಕ ಪಿಎಫ್‌ಐನ 93 ಸ್ಥಳಗಳ ಮೇಲೆ ದಾಳಿ ನಡೆಸಲಾಗಿದ್ದು, ಇದರಲ್ಲಿ ಒಟ್ಟು 106 ಪಿಎಫ್‌ಐ ಜನರನ್ನು ಬಂಧಿಸಲಾಗಿದೆ.

ಇದನ್ನೂ ನೋಡಿ-