close

News WrapGet Handpicked Stories from our editors directly to your mailbox

ಡಾ.ಎಂ.ಎಂ.ಕಲ್ಬುರ್ಗಿ ಹತ್ಯೆ ಪ್ರಕರಣ: 6 ಆರೋಪಿಗಳ ಮೇಲೆ ಎಸ್‌ಐಟಿ ಚಾರ್ಜ್ ಶೀಟ್

ಪತ್ರಕರ್ತೆ ಗೌರಿ ಲಂಕೇಶ್ ಅವರ ಹತ್ಯೆಯಲ್ಲಿ ಭಾಗಿಯಾಗಿದ್ದಾನೆ ಎಂದು ಹೇಳಲಾದ ಹಿಟ್ಮ್ಯಾನ್ ಗಣೇಶ್ ಮಿಸ್ಕಿನ್ ಅವರು ಸಂಶೋಧಕ ಡಾ.ಎಂ ಎಂ ಕಲ್ಬುರ್ಗಿ ಅವರನ್ನು ಆಗಸ್ಟ್ 2015 ರಲ್ಲಿ ಗುಂಡಿಕ್ಕಿ ಕೊಂದಿದ್ದಾರೆ ಎಂದು ವಿಶೇಷ ತನಿಖಾ ತಂಡ (ಎಸ್‌ಐಟಿ) ತಿಳಿಸಿದೆ.

PTI | Updated: Aug 17, 2019 , 09:03 PM IST
ಡಾ.ಎಂ.ಎಂ.ಕಲ್ಬುರ್ಗಿ ಹತ್ಯೆ ಪ್ರಕರಣ: 6 ಆರೋಪಿಗಳ ಮೇಲೆ ಎಸ್‌ಐಟಿ ಚಾರ್ಜ್ ಶೀಟ್

ಬೆಂಗಳೂರು : ಪತ್ರಕರ್ತೆ ಗೌರಿ ಲಂಕೇಶ್ ಅವರ ಹತ್ಯೆಯಲ್ಲಿ ಭಾಗಿಯಾಗಿದ್ದಾನೆ ಎಂದು ಹೇಳಲಾದ ಹಿಟ್ಮ್ಯಾನ್ ಗಣೇಶ್ ಮಿಸ್ಕಿನ್ ಅವರು ಸಂಶೋಧಕ ಡಾ.ಎಂ ಎಂ ಕಲ್ಬುರ್ಗಿ ಅವರನ್ನು ಆಗಸ್ಟ್ 2015 ರಲ್ಲಿ ಗುಂಡಿಕ್ಕಿ ಕೊಂದಿದ್ದಾರೆ ಎಂದು ವಿಶೇಷ ತನಿಖಾ ತಂಡ (ಎಸ್‌ಐಟಿ) ತಿಳಿಸಿದೆ.

ಪ್ರಕರಣದ ತನಿಖೆ ನಡೆಸುತ್ತಿರುವ ಎಸ್‌ಐಟಿ ಹುಬ್ಬಳ್ಳಿ-ಧಾರವಾಡದ ಜಿಲ್ಲಾ ನ್ಯಾಯಾಲಯದಲ್ಲಿ ಸಲ್ಲಿಸಿದ ಚಾರ್ಜ್‌ಶೀಟ್‌ನಲ್ಲಿ ತಿಳಿಸಿದೆ. ಈ ಪ್ರಕರಣದ ಇತರ ಆರೋಪಿಗಳಾದ ಅಮೋಲ್ ಕೇಲ್, ಪ್ರವೀಣ್ ಪ್ರಕಾಶ್ ಚತುರ್, ವಾಸುದೇವ್ ಭಗವಾನ್ ಸೂರ್ಯವಂಶಿ, ಶರದ್ ಕಲಾಸ್ಕರ್ ಮತ್ತು ಅಮಿತ್ ರಾಮಚಂದ್ರ ಬಡ್ಡಿ ಎಂದು ಎಸ್ಐಟಿ ಪತ್ರಿಕಾ ಪ್ರಕಟಣೆಯಲ್ಲಿ ತಿಳಿಸಿದೆ. ಹಿಂದೂ ಸಂಘಟನೆಯಾದ ಸನಾತನ ಸಂಸ್ಥೆಯು ಹೊರತಂದಿರುವ 'ಕ್ಷಾತ್ರ ಧರ್ಮ ಸಾಧನಾ' ಪುಸ್ತಕದಿಂದ ಇವರು ಪ್ರೇರಿತವಾಗಿದೆ ಎಂದು ಎಸ್ಐಟಿ ತಿಳಿಸಿದೆ. ಡಾ. ಕಲ್ಬುರ್ಗಿಯನ್ನು ಕೊಲ್ಲುವ ಹಿಂದಿನ ಕಾರಣ, ಜೂನ್ 9, 2014 ರಂದು ಒಂದು ಮೂಢನಂಬಿಕೆ ಮುಕ್ತ ಸಮಾಜದ ಕಡೆಗೆ ಚರ್ಚೆಯ ಸಂದರ್ಭದಲ್ಲಿ ಮುಖ್ಯ ಭಾಷಣ ಇದಕ್ಕೆ ಕಾರಣ ಎಂದು ಎಸ್ಐಟಿ ಹೇಳಿದೆ.

ಬೆಂಗಳೂರಿನ ವಿಜ್ಞಾನ ಭವನದಲ್ಲಿ ಕರ್ನಾಟಕ ಮೂಢ ನಂಬಿಕೆ ಅಭ್ಯಾಸಗಳ ಮಸೂದೆ, 2013ನ್ನು ಜಾರಿಗೊಳಿಸುವ ಕುರಿತು ನೀಡಿದ  ಭಾಷಣವನ್ನು ಆಧರಿಸಿ, ಈ ಗ್ಯಾಂಗ್ ಅವರನ್ನು ಕ್ಷಾತ್ರ ಧರ್ಮ ಸಾಧನದಲ್ಲಿ ಉಲ್ಲೇಖಿಸಿರುವಂತೆ 'ದುರ್ಜನ್' (ದೆವ್ವ ಅವತಾರ) ಎಂದು ಚಿತ್ರಿಸಿದೆ. ಅವರೆಲ್ಲರೂ ಜಂಟಿಯಾಗಿ ತಮ್ಮ ಗುರಿಗಳ ಸಾಧನೆಗಾಗಿ ಕಲ್ಬುರ್ಗಿಯನ್ನು ಕೊಲ್ಲುವ ಸಂಚು ಹೂಡಿದರು ಮತ್ತು ಅದನ್ನು ಕಾರ್ಯಗತಗೊಳಿಸಿದರು ಎಂದು ಎಸ್ಐಟಿ ಹೇಳಿದೆ. ಗ್ಯಾಂಗ್ ಸದಸ್ಯರು ತಮ್ಮ ಯೋಜನೆಯನ್ನು ಕಾರ್ಯಗತಗೊಳಿಸಲು ಬೈಕು ಕದ್ದು, ದಕ್ಷಿಣ ಕನ್ನಡ ಜಿಲ್ಲೆಯ ಪಿಲಥಾಬೆಟ್ಟು ಗ್ರಾಮದಲ್ಲಿ ರಬ್ಬರ್ ತೋಟದಲ್ಲಿ ಶೂಟಿಂಗ್ ಅಭ್ಯಾಸ ಮಾಡಿದ್ದರು ಎಂದು ಎಸ್ಐಟಿ ಹೇಳಿದೆ.

ನಂತರ ಪ್ರವೀಣ್ ಚತೂರ್ ಮತ್ತು ಗಣೇಶ್ ಮಿಸ್ಕಿನ್ ಅವರು ಕದ್ದ ಬೈಕ್‌ನಲ್ಲಿ ಹೋಗಿ 2015 ರ ಆಗಸ್ಟ್ 30 ರಂದು ಬೆಳಿಗ್ಗೆ 8.30 ರ ಸುಮಾರಿಗೆ ಕಲ್ಬುರ್ಗಿಯವರ ಮನೆಗೆ ತಲುಪಿದರು. ನಂತರ ಗಣೇಶ್ ಮಿಸ್ಕಿನ್ ಮನೆಗೆ ಹೋಗಿ ಕಲ್ಬುರ್ಗಿಯನ್ನು ಹಣೆಯ ಮೇಲೆ ಎರಡು ಬಾರಿ ಹೊಡೆದು ಹತ್ಯೆಗೈದರು ಎಂದು ಎಸ್‌ಐಟಿ ತಿಳಿಸಿದೆ. ಅದೇ ಗ್ಯಾಂಗ್ ಗೌರಿ ಲಂಕೇಶ್ ಅವರನ್ನು ಸೆಪ್ಟೆಂಬರ್ 5, 2017 ರ ಸಂಜೆ ತನ್ನ ಮನೆಯ ಹೊರಗೆ ಕೊಂದಿದೆ. ಎರಡೂ ಹತ್ಯೆಗಳು ರಾಷ್ಟ್ರವ್ಯಾಪಿ ಪ್ರತಿಭಟನೆಗೆ ನಾಂದಿ ಹಾಡಿದವು. ಲಂಕೇಶ್ ಪ್ರಕರಣದಲ್ಲಿ ಮಿಸ್ಕಿನ್ ಬೈಕ್ ಸವಾರಿ ಮಾಡಿದ್ದರೆ, ಪ್ರಕರಣದ ಮತ್ತೊಬ್ಬ ಆರೋಪಿ ಪರಶುರಾಮ್ ವಾಘಮರೆ ಗುಂಡು ಹಾರಿಸಿದ್ದಾರೆ ಎಂದು ಎಸ್ಐಟಿ ತಿಳಿಸಿದೆ.

ಗೌರಿ ಲಂಕೇಶ್ ಹತ್ಯೆಯ ಸ್ಥಳದಲ್ಲಿ ದೊರೆತ ಗುಂಡುಗಳು ಮತ್ತು ಖಾಲಿ ಕಾರ್ಟ್ರಿಜ್ಗಳು ಕಲ್ಬುರ್ಗಿಯನ್ನು ಕೊಲ್ಲಲು ಅದೇ ದೇಶೀಯ ಪಿಸ್ತೂಲ್ ಅನ್ನು ಬಳಸಲಾಗಿದೆ ಎಂದು ವರದಿಯಾಗಿದೆ, ಈ ಎರಡೂ ಹತ್ಯೆಗಳಿಗೆ ಒಂದೇ ಗುಂಪು ಕಾರಣ ಎಂದು ಸೂಚಿಸುತ್ತದೆ.ಗೌರಿ ಲಂಕೇಶ್ ಪ್ರಕರಣದ ತನಿಖೆಗಾಗಿ ರಚಿಸಲಾದ ಎಸ್‌ಐಟಿಗೆ ಕಲ್ಬುರ್ಗಿ ಪ್ರಕರಣದ ಬಗ್ಗೆಯೂ ತನಿಖೆ ನಡೆಸುವಂತೆ ಸುಪ್ರೀಂ ಕೋರ್ಟ್ ತಿಳಿಸಿತ್ತು.