ನವದೆಹಲಿ: ನೀನೀವು ಚಿನ್ನದ ಸಾಲವನ್ನು ತೆಗೆದುಕೊಳ್ಳಲು ಬಯಸಿದರೆ ನೀವು ಅದನ್ನು ಎಸ್‌ಬಿಐಯಿಂದ ತೆಗೆದುಕೊಳ್ಳಬಹುದು. ಸ್ಟೇಟ್ ಬ್ಯಾಂಕ್ ಆಫ್ ಇಂಡಿಯಾ (State Bank of India) ವೈಯಕ್ತಿಕ ಚಿನ್ನದ ಸಾಲಗಳ ಬಡ್ಡಿದರಗಳನ್ನು ಕಡಿತಗೊಳಿಸಿದೆ. ಎಸ್‌ಬಿಐ ಬಡ್ಡಿದರಗಳನ್ನು 7.75% ರಿಂದ ಈಗ 7.50% ಕ್ಕೆ ಇಳಿಸಿದೆ. ಚಿನ್ನವನ್ನು ಅಡ ಇಡುವ ಮೂಲಕ ಗ್ರಾಹಕರು ಎಸ್‌ಬಿಐನಿಂದ 50 ಲಕ್ಷ ರೂಪಾಯಿಗಳವರೆಗೆ ಸಾಲ ಪಡೆಯಬಹುದು.
ಈ ಯೋಜನೆಯಡಿ ಗ್ರಾಹಕರು ಚಿನ್ನದ ನಾಣ್ಯಗಳು, ಬ್ಯಾಂಕುಗಳು ಮಾರಾಟ ಮಾಡುವ ಆಭರಣಗಳನ್ನು ಅಡಮಾನ ಇಡುವ ಮೂಲಕ ಬ್ಯಾಂಕಿನಿಂದ ಚಿನ್ನದ ಸಾಲವನ್ನು (Gold Loan) ತೆಗೆದುಕೊಳ್ಳಬಹುದು. ಎಸ್‌ಬಿಐನ ಹೊಸ ಬಡ್ಡಿದರ ಸೆಪ್ಟೆಂಬರ್ 30 ರವರೆಗೆ ಮಾನ್ಯವಾಗಿರುತ್ತದೆ.
ಎಸ್‌ಬಿಐನ ಅಗ್ಗದ ಚಿನ್ನದ ಸಾಲ:
ಬಡ್ಡಿದರಗಳನ್ನು ಕಡಿಮೆ ಮಾಡುವುದರ ಜೊತೆಗೆ ಎಸ್‌ಬಿಐ ಚಿನ್ನದ ಸಾಲಗಳ ಸಂಸ್ಕರಣಾ ಶುಲ್ಕವನ್ನು ಸಹ ಕಡಿತಗೊಳಿಸಿದೆ. ಎಸ್‌ಬಿಐ ಈಗ ಬ್ಯಾಂಕ್ ಸಾಲದ ಮೊತ್ತದ 0.25% + ಜಿಎಸ್‌ಟಿಯನ್ನು ಸಂಸ್ಕರಣಾ ಶುಲ್ಕವಾಗಿ ತೆಗೆದುಕೊಳ್ಳುತ್ತಿದೆ. ಇದು ಕನಿಷ್ಠ 250 + ಜಿಎಸ್‌ಟಿ. ಆದರೆ ಯೋನೊ ಆ್ಯಪ್ (YONO APP) ಮೂಲಕ ಅರ್ಜಿ ಸಲ್ಲಿಸುವವರಿಗೆ ಯಾವುದೇ ಸಂಸ್ಕರಣಾ ಶುಲ್ಕವನ್ನು ಪಾವತಿಸಬೇಕಾಗಿಲ್ಲ.
ಎಷ್ಟು ಸಾಲ ಪಡೆಯಬಹುದು?
ಗ್ರಾಹಕರು ಚಿನ್ನದ ಮೌಲ್ಯದ 90% ವರೆಗೆ ಬ್ಯಾಂಕಿನಿಂದ ಸಾಲ ಪಡೆಯುತ್ತಾರೆ. ಆಗಸ್ಟ್ 2020 ರಲ್ಲಿ ಆರ್‌ಬಿಐ (RBI) ಚಿನ್ನದ ಆಭರಣಗಳ ಮೇಲಿನ ಸಾಲದ ಮೌಲ್ಯವನ್ನು ಹೆಚ್ಚಿಸಿದೆ. ಈಗ ಚಿನ್ನದ ಆಭರಣಗಳು ಮಾರ್ಚ್ 2021ರ ವೇಳೆಗೆ ಅದರ ಮೌಲ್ಯದ ಶೇಕಡಾ 90 ರಷ್ಟು ಸಾಲವನ್ನು ಪಡೆಯಲು ಸಾಧ್ಯವಾಗುತ್ತದೆ. ಅದು ಮೊದಲು ಶೇಕಡಾ 75 ರವರೆಗೆ ಇತ್ತು. ಗ್ರಾಹಕರು ಚಿನ್ನದ ಮೇಲೆ ತೆಗೆದುಕೊಂಡ ಸಾಲವನ್ನು 36 ತಿಂಗಳಲ್ಲಿ ಮರುಪಾವತಿಸಬೇಕಾಗುತ್ತದೆ. ಕನಿಷ್ಠ ಸಾಲದ ಮೊತ್ತ 20 ಸಾವಿರ ರೂಪಾಯಿ ಮತ್ತು ಗರಿಷ್ಠ 50 ಲಕ್ಷ ರೂಪಾಯಿವರೆಗೆ ಸಾಲ ಪಡೆಯಬಹುದು.
ಯಾರು ಸಾಲ ಪಡೆಯಬಹುದು?
18 ವರ್ಷಕ್ಕಿಂತ ಮೇಲ್ಪಟ್ಟ ಎಲ್ಲ ವ್ಯಕ್ತಿಗಳು ಎಸ್‌ಬಿಐನಿಂದ ಚಿನ್ನದ ಸಾಲಕ್ಕೆ ಅರ್ಜಿ ಸಲ್ಲಿಸಬಹುದು. ಚಿನ್ನವನ್ನು ಒಂಟಿಯಾಗಿ ಅಥವಾ ಜಂಟಿಯಾಗಿ ತೆಗೆದುಕೊಳ್ಳಬಹುದು. ದೃಢವಾದ ಆದಾಯದ ಮೂಲವಿದ್ದರೆ, ಅಂದರೆ ಉದ್ಯೋಗ ಅಥವಾ ವ್ಯವಹಾರವಿದ್ದರೆ ಮಾತ್ರ ಸಾಲ ಲಭ್ಯವಾಗುತ್ತದೆ. ಆದರೆ ಇದಕ್ಕಾಗಿ ಆದಾಯ ಪ್ರಮಾಣಪತ್ರ ಅಗತ್ಯವಿಲ್ಲ.
