Vande Bharat Express 10 Trains Inauguration: ವಂದೇ ಭಾರತ್ ರೈಲುಗಳ ಸಂಖ್ಯೆ ಈಗಾಗಲೇ ಅರ್ಧ ಶತಮಾನದ ಗಡಿ ದಾಟಲಿದ್ದು, ಇದೇ ಮಾರ್ಚ್‌ 12 ರಂದು ಪ್ರಧಾನಿ ನರೇಂದ್ರ ಮೋದಿ ಅವರು ದೇಶದ ವಿವಿಧ ಮಾರ್ಗಗಳಲ್ಲಿ 10 ಹೊಸ ರೈಲುಗಳನ್ನು ಉದ್ಘಾಟಿಸಲಿದ್ದಾರೆ. 10 ರೈಲುಗಳೆಂದರೆ ಲಕ್ನೋ-ಡೆಹ್ರಾಡೂನ್ ವಂದೇ ಭಾರತ್ ಜೊತೆಗೆ ಪಾಟ್ನಾ-ಲಕ್ನೋ, ನ್ಯೂ ಜಲ್ಪೈಗುರಿ-ಪಾಟ್ನಾ, ಪುರಿ-ವಿಶಾಖಪಟ್ಟಣಂ, ಕಲಬುರಗಿ-ಬೆಂಗಳೂರು, ರಾಂಚಿ-ವಾರಣಾಸಿ, ಮತ್ತು ಖಜುರಾಹೊ-ದೆಹಲಿ ತನಕ ಇರಲಿದೆ. ರೈಲ್ವೆ ಸಚಿವಾಲಯವು ವಂದೇ ಭಾರತ್ ರೈಲುಗಳ ಎರಡನೇ ಸೆಟ್ ಅನ್ನು ಅಹಮದಾಬಾದ್-ಮುಂಬೈ, ಸಿಕಂದರಾಬಾದ್-ವಿಶಾಖಪಟ್ಟಣಂ ಮತ್ತು ಮೈಸೂರು-ಚೆನ್ನೈ ಮಾರ್ಗಗಳಲ್ಲಿ ಓಡಿಸಲಿದೆ.
ಇವುಗಳ ಜೊತೆಗೆ ಅಸ್ತಿತ್ವದಲ್ಲಿರುವ ನಾಲ್ಕು ವಂದೇ ಭಾರತ್ ರೈಲುಗಳ ಮಾರ್ಗವನ್ನು ಸಹ ವಿಸ್ತರಿಸಲಾಗುತ್ತದೆ. ಅಹಮದಾಬಾದ್-ಜಾಮ್ನಗರ ವಂದೇ ಭಾರತ್ ದ್ವಾರಕಾವರೆಗೆ, ಅಜ್ಮೀರ್-ದೆಹಲಿ ರೈಲು ಚಂಡೀಗಢದವರೆಗೆ, ಗೋರಖ್‌ಪುರ-ಲಖನೌ ಪ್ರಯಾಗ್‌ರಾಜ್‌ವರೆಗೆ ಮತ್ತು ತಿರುವನಂತಪುರಂ-ಕಾಸರಗೋಡು ವಂದೇ ಭಾರತ್ ಮಂಗಳೂರಿನವರೆಗೆ ವಿಸ್ತರಿಸಲಾಗುತ್ತದೆ. ವಂದೇ ಭಾರತ್ ಬ್ರಾಡ್ ಗೇಜ್ ಎಲೆಕ್ಟ್ರಿಫೈಡ್ ನೆಟ್‌ವರ್ಕ್‌ನೊಂದಿಗೆ ರಾಜ್ಯಗಳಾದ್ಯಂತ ಚಲಿಸುತ್ತದೆ.
ಇದನ್ನೂ ಓದಿ: Vande bharat express : ಬೆಂಗಳೂರು-ಚೆನ್ನೈ ನಡುವೆ ಮತ್ತೊಂದು ವಂದೇ ಭಾರತ್ ಎಕ್ಸ್‌ಪ್ರೆಸ್ ರೈಲು ಸಂಚಾರ
ಡಿಸೆಂಬರ್ 2023 ರಲ್ಲಿ, ಪ್ರಧಾನಿ ಆರು ಹೊಸ ವಂದೇ ಭಾರತ್ ರೈಲುಗಳನ್ನು ಉದ್ಘಾಟಿಸಿದ್ದರು. ಇದರಲ್ಲಿ ಕತ್ರಾ-ಹೊಸದಿಲ್ಲಿ ನಡುವಿನ ಎರಡನೇ ರೈಲು ಸೇರಿದೆ. ಇತರ ರೈಲುಗಳು ಅಮೃತಸರ-ದೆಹಲಿ, ಕೊಯಮತ್ತೂರು-ಬೆಂಗಳೂರು, ಮಂಗಳೂರು-ಮಡ್ಗಾಂವ್, ಜಲ್ನಾ-ಮುಂಬೈ, ಅಯೋಧ್ಯೆ-ದೆಹಲಿ ಮತ್ತು ದೆಹಲಿ-ವಾರಣಾಸಿ ನಡುವಿನ ಎರಡನೇ ರೈಲು ಕೂಡ ಉದ್ಘಾಟನೆಯಾಯಿತು. ಉದ್ಘಾಟನೆಯ ನಂತರ, ದೇಶಾದ್ಯಂತ ಓಡುತ್ತಿರುವ ಒಟ್ಟು ವಂದೇ ಭಾರತ್ ರೈಲುಗಳ ಎಣಿಕೆ 51 ತಲುಪುತ್ತದೆ. ಈ ರೈಲುಗಳು 45 ಮಾರ್ಗಗಳಲ್ಲಿ ಕಾರ್ಯನಿರ್ವಹಿಸಲಿವೆ.
ಕನಿಷ್ಠ ಆರು ರೈಲುಗಳು ಒಂದೇ ಸ್ಥಳಗಳ ನಡುವೆ ಕಾರ್ಯನಿರ್ವಹಿಸುತ್ತವೆ. ತಲಾ ಎರಡು ರೈಲುಗಳು ದೆಹಲಿ ಮತ್ತು ಕತ್ರಾ ಜೊತೆಗೆ ದೆಹಲಿ ಮತ್ತು ವಾರಣಾಸಿ ಸಂಪರ್ಕಿಸುತ್ತವೆ. ಮುಂಬೈ -ಅಹಮದಾಬಾದ್, ಮೈಸೂರು -ಚೆನ್ನೈ , ಮತ್ತು ಕೇರಳದ ಕಾಸರಗೋಡು-ತಿರುವನಂತಪುರಂ ಸ್ಥಳಗಳ ನಡುವೆ ಕೂಡ ಎರಡು ರೈಲುಗಳನ್ನು ಓಡಿಸುತ್ತಿದೆ. ಹೊಸ ಹೆಚ್ಚುವರಿ ರೈಲುಗಳ ಉದ್ಘಾಟನೆಯ ನಂತರ, ವಿಶಾಖಪಟ್ಟಣಂ-ಸಿಕಂದರಾಬಾದ್ ಎರಡು ವಂದೇ ಭಾರತ್ ರೈಲುಗಳೊಂದಿಗೆ ಗಮ್ಯಸ್ಥಾನಗಳ ಪಟ್ಟಿಗೆ ಸೇರುತ್ತದೆ.
ಇದನ್ನೂ ಓದಿ: PMAY 2024: ಬಡವರಿಗೆ ಉಚಿತ ಮನೆ ಯೋಜನೆಯಡಿ ರೂ. 1 ಲಕ್ಷ ಸಹಾಯಧನ..! ಹೀಗೆ ಅರ್ಜಿ ಸಲ್ಲಿಸಿ
ಹೊಸ ಸೇವೆಗಳ ಉದ್ಘಾಟನೆಯ ನಂತರ, ಒಟ್ಟು 51 ವಂದೇ ಭಾರತ್ ರೈಲುಗಳಲ್ಲಿ, 10 ದೆಹಲಿಯನ್ನು ಅಂತಿಮ ತಾಣವಾಗಿ ಹೊಂದಿರುತ್ತದೆ. ಇಲ್ಲಿಯವರೆಗೆ, ನಗರವು ಡೆಹ್ರಾಡೂನ್, ಅಂಬ್ ಅಂದೌರಾ, ಭೋಪಾಲ್, ಅಯೋಧ್ಯೆ ಮತ್ತು ಅಮೃತಸರಕ್ಕೆ ನೇರ ವಂದೇ ಭಾರತ್ ರೈಲುಗಳನ್ನು ಹೊಂದಿದೆ. ಮಂಗಳವಾರದಿಂದ ಖಜುರಾಹೊ ಪಟ್ಟಿಗೆ ಸೇರ್ಪಡೆಯಾಗಲಿದೆ. ದೆಹಲಿಯು ವಾರಣಾಸಿ ಮತ್ತು ಕತ್ರಾಗೆ ತಲಾ ಎರಡು ರೈಲುಗಳನ್ನು ಹೊಂದಿದೆ.
ಮುಂಬೈ ಆರು ಮೀಸಲಾದ ರೈಲುಗಳನ್ನು ಹೊಂದಿದೆ - ಜಲ್ನಾ, ಮಡಗಾಂವ್, ಸಾಯಿನಗರ ಶಿರಡಿ ಮತ್ತು ಸೊಲ್ಲಾಪುರಕ್ಕೆ ತಲಾ ಒಂದು. ಮಂಗಳವಾರದಿಂದ, ಮುಂಬೈ ಮತ್ತು ಅಹಮದಾಬಾದ್ ನಡುವೆ ಎರಡು ವಂದೇ ಭಾರತ್ ರೈಲುಗಳು ಓಡಲಿವೆ, ಇವುಗಳಲ್ಲಿ ಒಂದಾದ ಗುಜರಾತ್‌ನ ಗಾಂಧಿನಗರದವರೆಗೆ ಕಾರ್ಯನಿರ್ವಹಿಸುತ್ತದೆ. ಚೆನ್ನೈ ಐದು ರೈಲುಗಳನ್ನು ಹೊಂದಿದ್ದು ತಿರುನಲ್ವೇಲಿ, ಕೊಯಮತ್ತೂರು ಮತ್ತು ವಿಜಯವಾಡಕ್ಕೆ ತಲಾ ಒಂದು ಮತ್ತು ಮೈಸೂರಿಗೆ ಎರಡು ರೈಲುಗಳು ಸಂಪರ್ಕಿಸುತ್ತದೆ. ಮೈಸೂರಿಗೆ ಎರಡನೇ ರೈಲು ಮಂಗಳವಾರದಿಂದ ಆರಂಭವಾಗಲಿದೆ.
ಕನ್ನಡ ಭಾಷೆಯಲ್ಲಿ ಇತ್ತೀಚಿನ ಕರ್ನಾಟಕ, ದೇಶ, ವಿದೇಶ, ಮನರಂಜನೆ, ಶಿಕ್ಷಣ, ಉದ್ಯೋಗ, ಆರೋಗ್ಯ, ಜೀವನಶೈಲಿ, ಆಧ್ಯಾತ್ಮ, ಕ್ರೀಡೆ, ಕ್ರೈಂ, ವೈರಲ್, ವ್ಯಾಪಾರ, ತಂತ್ರಜ್ಞಾನ ಸುದ್ದಿಗಳನ್ನು ಓದಲು ಈಗಲೇ ನಮ್ಮ ಜೀ ಕನ್ನಡ ನ್ಯೂಸ್ ಮೊಬೈಲ್ ಅಪ್ಲಿಕೇಶನ್ ಡೌನ್ಲೋಡ್ ಮಾಡಿ...
Android Link - https://bit.ly/3AClgDd
Apple Link - https://apple.co/3wPoNgr
ನಮ್ಮ ಸೋಶಿಯಲ್ ಮೀಡಿಯಾ ಪುಟಗಳಿಗೆ ಸಬ್ ಸ್ಕ್ರೈಬ್ ಆಗಲು
Twitter Link - https://bit.ly/3n6d2R8
Facebook Link - https://bit.ly/3Hhqmcj
Youtube Link - https://www.youtube.com/live/RNn4I7iIaYE?si=3G4W5dh0oCdFnu-T
Instagram Link - https://bit.ly/3LyfY2l
Sharechat Link - https://bit.ly/3LCjokI
Threads Link- https://www.threads.net/@zeekannadanews
WhatsApp Channel- bit.ly/46lENGm ಲಿಂಕ್ ಗಳ ಮೇಲೆ ಕ್ಲಿಕ್ ಮಾಡಿ.
