ಜಲ, ವಾಯು, ಭೂಮಿ: ಎಲ್ಲೆಲ್ಲೂ ಕೆಲಸ ಮಾಡುತ್ತೆ ಈ ಕಮಾಂಡೋ: ಭಾರತೀಯ ಸೇನೆಯ ಬಗ್ಗೆ ಇಲ್ಲಿದೆ ವಿಶೇಷ ಮಾಹಿತಿ

Special Forces of India: ಜಲ, ಭೂಮಿ ಮತ್ತು ಗಾಳಿಯಲ್ಲಿ ಕಾರ್ಯಾಚರಣೆ ಕೈಗೊಳ್ಳಬಲ್ಲ ಸಾಮಾರ್ಥ್ಯ ಈ ಪಡೆಗಿದೆ. ಯುದ್ಧದಲ್ಲಿ ಶತ್ರುಗಳ ಹೆಡೆಮುರಿ ಕಟ್ಟುವ ದೇಶದ ಐದು ಮಾರಕ ಕಮಾಂಡೋ ಪಡೆಗಳ ಬಗ್ಗೆ ಇಲ್ಲಿ ಮಾಹಿತಿ ನೀಡಲಿದ್ದೇವೆ.

ಭಾರತೀಯ ಸೇನೆ

Special Forces of India: ವಿಶ್ವದ ಎಲ್ಲಾ ದೇಶಗಳು ಅತ್ಯುತ್ತಮ ಕಮಾಂಡೋ ಪಡೆಗಳನ್ನು ಹೊಂದಿವೆ. ಈ ವಿಚಾರದಲ್ಲಿ ಭಾರತ ಕೂಡ ಯಾರ ಹಿಂದೆಯೂ ಇಲ್ಲ. ನಮ್ಮಲ್ಲಿಯೂ ವಿಶೇಷ ಪಡೆಗಳಿವೆ, ಈ ಕಮಾಂಡೋಗಳು ಶತ್ರುಗಳಿಗೆ ಮರಣ ಶಾಸನವಿದ್ದಂತೆ. ಈ ಕಮಾಂಡೋಗಳು ದೇಶದಲ್ಲಿ ಯಾವುದೇ ರೀತಿಯ ಭಯೋತ್ಪಾದಕ ದಾಳಿಗಳನ್ನು ತಡೆಗಟ್ಟುವಲ್ಲಿ ಮತ್ತು ರಹಸ್ಯ ಕಾರ್ಯಾಚರಣೆಗಳನ್ನು ನಡೆಸುವಲ್ಲಿ ಪ್ರಮುಖ ಪಾತ್ರ ವಹಿಸುತ್ತವೆ, ಇದು ಜಲ, ಭೂಮಿ ಮತ್ತು ಗಾಳಿಯಲ್ಲಿ ಕಾರ್ಯಾಚರಣೆ ಕೈಗೊಳ್ಳಬಲ್ಲ ಸಾಮಾರ್ಥ್ಯ ಈ ಪಡೆಗಿದೆ. ಯುದ್ಧದಲ್ಲಿ ಶತ್ರುಗಳ ಹೆಡೆಮುರಿ ಕಟ್ಟುವ ದೇಶದ ಐದು ಮಾರಕ ಕಮಾಂಡೋ ಪಡೆಗಳ ಬಗ್ಗೆ ಇಲ್ಲಿ ಮಾಹಿತಿ ನೀಡಲಿದ್ದೇವೆ.

ಇದನ್ನೂ ಓದಿ: ಗುಡುಗು-ಬಿರುಗಾಳಿ ಸಹಿತ ಭಾರೀ ಮಳೆ ಎಚ್ಚರಿಕೆ: ಬೆಂಗಳೂರು ಸೇರಿ 10 ಜಿಲ್ಲೆಗಳಲ್ಲಿ ಯೆಲ್ಲೋ ಅಲರ್ಟ್!

ಮಾರ್ಕೋಸ್ ಕಮಾಂಡೋ ಫೋರ್ಸ್:

ಮಾರ್ಕೋಸ್ ಕಮಾಂಡೋ ಫೋರ್ಸ್ ಅನ್ನು ದೇಶದ ನೇವಿ ಸೀಲ್ಸ್ ಎಂದು ಕರೆಯಲಾಗುತ್ತದೆ, ಇದನ್ನು 1987 ರಲ್ಲಿ ರಚಿಸಲಾಯಿತು. ಭಾರತೀಯ ನೌಕಾಪಡೆಗೆ ಸಿದ್ಧವಾಗಿರುವ ಈ ಕಮಾಂಡೋಗಳು ಭೂಮಿ ಮತ್ತು ಆಕಾಶದಲ್ಲಿ ಶತ್ರುಗಳನ್ನು ಎದುರಿಸಲು ತರಬೇತಿ ಪಡೆದಿದ್ದಾರೆ. ಅಮೇರಿಕನ್ ನೇವಿ ಸೀಲ್‌ ಗಳಂತಹ ತರಬೇತಿಯನ್ನು ಪಡೆಯುತ್ತಾರೆ, ಪ್ರಪಂಚದಾದ್ಯಂತದ ಇತ್ತೀಚಿನ ಶಸ್ತ್ರಾಸ್ತ್ರಗಳನ್ನು ಹೇಗೆ ನಿರ್ವಹಿಸಬೇಕೆಂದು ಇವರಿಗೆ ತಿಳಿದಿರುತ್ತದೆ. ಅತ್ಯುತ್ತಮ ಸ್ನೈಪರ್‌ ಗಳ ಮೂಲಕ ಶತ್ರುಗಳ ತಲೆಯನ್ನೇ ಗುರಿಯಾಗಿಸಿ ಹತ್ಯೆ ಮಾಡಬಲ್ಲರು. ಮಾಹಿತಿ ಪ್ರಕಾರ, ಪ್ರಸ್ತುತ ಈ ಪಡೆಯಲ್ಲಿ 1200 ಕಮಾಂಡೋಗಳಿವೆ.

ಕೋಬ್ರಾ ಕಮಾಂಡೋ ಪಡೆ:

ಕೋಬ್ರಾ ಕಮಾಂಡೋ ಫೋರ್ಸ್ ಅನ್ನು 2008 ರಲ್ಲಿ ರಚಿಸಲಾಯಿತು. ಇದರ ಪೂರ್ಣ ಹೆಸರು ಕಮಾಂಡೋ ಬೆಟಾಲಿಯನ್ ಫಾರ್ ರೆಸಲ್ಯೂಟ್ ಆಕ್ಷನ್. ಗೊರಿಲ್ಲಾ ಮತ್ತು ನಕ್ಸಲ್ ಯುದ್ಧದ ತರಬೇತಿಯನ್ನು ಪಡೆಯುತ್ತಾರೆ. ಇದು 3 ತಿಂಗಳ ಅವಧಿಯದ್ದಾಗಿದೆ. ಮಾಹಿತಿ ಪ್ರಕಾರ ಈ ಪಡೆಯಲ್ಲಿ 10 ಸಾವಿರ ಕಮಾಂಡೋಗಳಿದ್ದಾರೆ. ಶತ್ರುಗಳ ಮೇಲೆ ನಿರಂತರವಾಗಿ ದಾಳಿ ನಡೆಸುವ ಪರಿಣಿತರಾದ ಈ ಕಮಾಂಡೋಗಳು ರಾಷ್ಟ್ರಪತಿ ಭವನ, ಸಂಸತ್ತು ಸೇರಿದಂತೆ ದೇಶದ ಪ್ರಮುಖ ಕಟ್ಟಡಗಳನ್ನು ರಕ್ಷಿಸುತ್ತಾರೆ.

ಪ್ಯಾರಾ ಎಸ್‌ಎಫ್:

ಡೋಗ್ರಾ ರೆಜಿಮೆಂಟ್‌ ನ ಅಪಾಯಕಾರಿ ತುಕಡಿಯೊಂದಿಗೆ, ಪಾಕಿಸ್ತಾನದಲ್ಲಿ ಸರ್ಜಿಕಲ್ ಸ್ಟ್ರೈಕ್ ಮಾಡಿದವರು ಪ್ಯಾರಾ ಎಸ್‌ಎಫ್ ಜವಾನರು. ಅವರನ್ನು ಪ್ಯಾರಾಚೂಟ್ ಕಮಾಂಡೋಸ್ ಎಂದೂ ಕರೆಯುತ್ತಾರೆ. 1965 ರಲ್ಲಿ ಭಾರತ-ಪಾಕ್ ಯುದ್ಧದ ಸಮಯದಲ್ಲಿ ಈ ಪಡೆಯನ್ನು ರಚಿಸಲಾಯಿತು. ಅವರ 9 ತಿಂಗಳ ತರಬೇತಿಯಲ್ಲಿ 30-35 ಸಾವಿರ ಎತ್ತರದಿಂದ ಜಿಗಿಯುವುದು ಮತ್ತು 65 ಕೆಜಿ ತೂಕದೊಂದಿಗೆ ಹಲವಾರು ಕಿಲೋಮೀಟರ್ ಓಡುವುದು ಸೇರಿದೆ. ಅಪಾಯಕಾರಿ ತರಬೇತಿಯನ್ನು ಪೂರ್ಣಗೊಳಿಸಿದ ಕೆಡೆಟ್‌ ಗೆ ಮೆರೂನ್ ಕ್ಯಾಪ್ ಸಿಗುತ್ತದೆ. ಇದು ಪ್ಯಾರಾ ಎಸ್‌ಎಫ್ ಜವಾನನ ವಿಶಿಷ್ಟ ಲಕ್ಷಣವಾಗಿದೆ. ಅವರ ಸಮವಸ್ತ್ರವು ಮರೆಮಾಚುವಿಕೆಯ ಸೌಲಭ್ಯವನ್ನು ಹೊಂದಿರುತ್ತದೆ. ಇದು ಸ್ಥಳಗಳಿಗೆ ಅನುಗುಣವಾಗಿ ಮರೆಮಾಡಲು ಸಹಾಯ ಮಾಡುತ್ತದೆ. ಅವರು ದೇಶದಲ್ಲಿ ಒಟ್ಟು 9 ಬೆಟಾಲಿಯನ್‌ ಗಳನ್ನು ಹೊಂದಿದ್ದಾರೆ.

ಎನ್ ಎಸ್ ಜಿ ಕಮಾಂಡೋ ಪಡೆ:

26/11 ಮತ್ತು ಅಕ್ಷರಧಾಮ ದೇವಾಲಯದ ದಾಳಿಯಂತಹ ದೇಶದ ದೊಡ್ಡ ಭಯೋತ್ಪಾದಕ ದಾಳಿಗಳಲ್ಲಿ, ಶತ್ರುಗಳನ್ನು ಕೊಂದದ್ದು ಎನ್ ಎಸ್ ಜಿ ಕಮಾಂಡೋ ಪಡೆ. NSG ಪಡೆಯ ಪೂರ್ಣ ಹೆಸರು ನ್ಯಾಷನಲ್ ಸೆಕ್ಯುರಿಟಿ ಗಾರ್ಡ್, ಇದನ್ನು 1984 ರಲ್ಲಿ ರಚಿಸಲಾಯಿತು. ಮಾಹಿತಿ ಪ್ರಕಾರ, ಪ್ರಸ್ತುತ ಈ ಪಡೆಯಲ್ಲಿ 10 ಸಾವಿರ ಕಮಾಂಡೋಗಳಿದ್ದು, ಅವರು ವಿವಿಧ ತಂಡಗಳಲ್ಲಿ ಕಾರ್ಯನಿರ್ವಹಿಸುತ್ತಿದ್ದಾರೆ. ಈ ಕಮಾಂಡೋಗಳು ಮಿಲಿಟರಿ, ಅರೆಸೈನಿಕ ಪಡೆಗಳು ಅಥವಾ ಪೊಲೀಸರಿಂದ ಇರಬಹುದು. ಅವರಿಗೆ 14 ತಿಂಗಳ ತರಬೇತಿ ನೀಡಲಾಗುತ್ತದೆ.

ಇದನ್ನೂ ಓದಿ: ತಿಂಗಳಾರಂಭದಲ್ಲೇ ಗುಡ್ ನ್ಯೂಸ್: LPG ಸಿಲಿಂಡರ್ ಬೆಲೆಯಲ್ಲಿ ಭಾರೀ ಇಳಿಕೆ: ಇನ್ಮುಂದೆ ಇಷ್ಟೇ ಹಣ!

ಗರುಡ್ ಕಮಾಂಡೋ ಫೋರ್ಸ್

ಗರುಡ್ ಕಮಾಂಡೋ ಫೋರ್ಸ್ ಫೆಬ್ರವರಿ 2004 ರಲ್ಲಿ ರೂಪುಗೊಂಡ ವಾಯುಪಡೆಯ ಮಾರಕ ಶಕ್ತಿಯಾಗಿದೆ. ಅವರ ತರಬೇತಿಯು 72 ವಾರಗಳವರೆಗೆ ಇರುತ್ತದೆ. ಗರುಡ ಕಮಾಂಡೋಗಳು ರಾತ್ರಿಯೂ ವಾಯು ಸೇನೆಯಲ್ಲಿ ಮತ್ತು ಜಲ ಸೇನೆಯಲ್ಲಿ ಕಾರ್ಯಾಚರಣೆ ನಡೆಸುತ್ತದೆ. ಮಾಹಿತಿ ಪ್ರಕಾರ, ಪ್ರಸ್ತುತ 1780 ಗರುಡ ಕಮಾಂಡೋಗಳಿವೆ. ವಾಯುದಾಳಿಗಾಗಿ ತರಬೇತಿ ಪಡೆದ ಈ ಪಡೆ ವಾಯುದಾಳಿ, ವಾಯು ಸಂಚಾರ ನಿಯಂತ್ರಣ, ನಿಕಟ ರಕ್ಷಣೆ, ಹುಡುಕಾಟ ಮತ್ತು ಪಾರುಗಾಣಿಕಾ, ವಾಯುನೆಲೆಗಳನ್ನು ರಕ್ಷಿಸುತ್ತದೆ.