ದುಬೇ ಮೋದಿಯವರ ಪಾದ ತೊಳೆದು ನೀರು ಕುಡಿಯುತ್ತಾರೆಯೇ? ಕಪಿಲ್ ಸಿಬಲ್ ಪ್ರಶ್ನೆ

ನವದೆಹಲಿ: ಜಾರ್ಖಂಡ್ ಸಂಸದ ನಿಶಿಕಾಂತ್ ದುಬೇ ಅವರ ಪಾದ ತೊಳೆದ ಬಿಜೆಪಿ ಕಾರ್ಯಕರ್ತನೊಬ್ಬ ಅದನ್ನು ಕುಡಿದ ಬೆನ್ನಲ್ಲೇ, ಕಾಂಗ್ರೆಸ್ ನಾಯಕ ಕಪಿಲ್ ಸಿಬಲ್ ಈ ನಡೆಯನ್ನು ವಿರೋಧಿಸಿದ್ದಾರೆ. 

ಸೆಪ್ಟೆಂಬರ್ 16ರಂದು ರಾಂಚಿಯಲ್ಲಿ ನಡೆದ ಸಾರ್ವಜನಿಕ ಕಾರ್ಯಕ್ರಮದಲ್ಲಿ ಬಿಜೆಪಿ ಕಾರ್ಯಕರ್ತರೊಬ್ಬರು ಸಂಸದ ನಿಶಿಕಾಂತ್ ದುಬೇ ಅವರ ಪಾದ ತೊಳೆದು, ಆ ನೀರನ್ನು ಕುಡಿದಿದ್ದರು. ಈ ವಿಚಾರ ಎಲ್ಲೆಡೆ ತೀವ್ರ ಚರ್ಚೆಗೆ ಗ್ರಾಸವಾಗಿತ್ತು. ಆದರೆ, ಈ ನಡೆಯನ್ನು ಸಮರ್ಥಿಸಿಕೊಂಡಿದ್ದ ದುಬೇ ಅವರು ಇದರಲ್ಲಿ ತಪ್ಪೇನಿದೆ, ಅದು ಅಭಿಮಾನಿಯ ಪ್ರೀತಿ ಎಂದಿದ್ದರು. 

ಇದೀಗ ದುಬೇ ಅವರ ಸಮರ್ಥನೆಗೆ ಖಾರವಾಗಿ ಪ್ರತಿಕ್ರಿಯಿಸಿರುವ ಕಾಂಗ್ರೆಸ್ ನಾಯಕ ಕಪಿಲ್ ಸಿಬಲ್, "ದುಬೇ ಅವರು ಮೋದಿಯ ಪಾದ ತೊಳೆದ ಆ ಕೊಳಕು ನೀರನ್ನು ಕುಡಿಯುತ್ತಾರೆಯೇ?" ಎಂದು ಟ್ವೀಟ್ ಮಾಡಿದ್ದಾರೆ.

Supporter of Nishikant Dubey washes his feet and then drinks the dirty water

Dubey says it is an expression of the supporter’s love for him

Will Dubeyji wash Modiji’s feet and drink the dirty water ?

If not , does it mean he does not love Modi

— Kapil Sibal (@KapilSibal) September 17, 2018

ಮತ್ತೊಂದೆಡೆ, ಬಿಜೆಪಿ ಕಾರ್ಯಕರ್ತ ಪವನ್ ಷಾ ಮಾತನಾಡಿ, ಅಷ್ಟಕ್ಕೂ ನಾನ್ಯಾವ ತಪ್ಪು ಮಾಡಿದ್ದೇನೆ? ಪಾದ ಪೂಜೆ ಮಾಡಿ ನೀರು ಕುಡಿಯುವುದರಲ್ಲಿ ತಪ್ಪೇನಿದೆ? ಇದಕ್ಕೆ ರಾಜಕೀಯ ಬಣ್ಣ ಹಚ್ಚುವ ಅಗತ್ಯವಿಲ್ಲ. ಯಾರಾದರೂ ಈ ಬಗ್ಗೆ ಟೀಕಿಸಿದರೆ ಅವರ ವಿರುದ್ಧ ದೂರು ದಾಖಲಿಸುವುದಾಗಿ ಹೇಳಿದ್ದಾರೆ. 

This should not be politicized, what crime did I commit if I washed his feet &drank water? It was my sentiment. He is like my elder brother. Will file case against all those slandering me: Pawan Sah, BJP worker who washed feet of BJP Jharkhand MP Nishikant Dubey drank the water pic.twitter.com/JJQdTKfDlB

— ANI (@ANI) September 17, 2018