ʼಬಜರಂಗದಳʼಕ್ಕೂ ಭಜರಂಗಿಗೂ, ಇಮಾಮ್ ಸಾಬ್‌ಗೂ ಶಾಸ್ತ್ರಿಗೂ ಏನ್ ಸಂಬಂಧ..!

ಬಜರಂಗದಳ ಬ್ಯಾನ್‌ ವಿಚಾರವಾಗಿ ಮಧುಗಿರಿ ಕಾಂಗ್ರೆಸ್ ಅಭ್ಯರ್ಥಿ ಕೆ.ಎನ್.ರಾಜಣ್ಣ ಹೇಳಿಕೆ ನೀಡಿದ್ದಾರೆ. ಬಜರಂಗದಳಕ್ಕೂ ಮತ್ತು ಭಜರಂಗಿಗೂ ಏನ್‌ ಸಂಬಂಧ, ಇಮಾಮ್ ಸಾಬ್‌ಗೂ ಶಾಸ್ತ್ರಿಗೂ ಏನ್ ರೀ ಸಂಬಂಧ. ಬಜರಂಗದಳ ಒಂದೇ ಅಲ್ಲ. ಯಾರೆಲ್ಲ ಸಮಾಜ ಘಾತುಕ ಕೆಲಸ ಮಾಡ್ತಾರೆ ಅವರನ್ನೆಲ್ಲ ಬ್ಯಾನ್ ಮಾಡ್ತೀವಿ ಅಂದಿದ್ದೀವಿ ಎಂದು ಎಂದು ಭಜರಂಗದಳ ಬ್ಯಾನ್‌ ವಿಚಾರವಾಗಿ ಸ್ಪಷ್ಟತೆ ನೀಡಿದ್ದಾರೆ.

ತುಮಕೂರು : ಬಜರಂಗದಳಕ್ಕೂ ಮತ್ತು ಬಜರಂಗಿಗೂ ಏನ್ ರೀ ಸಂಬಂಧ, ಬಜರಂಗದಳವೇ ಬೇರೆ, ಭಜರಂಗಿಯೇ ಬೇರೆ, ಅದೊಂದು ರಾಜಕೀಯ ಸಂಘಟನೆ ಅಷ್ಟೆ. ಭಜರಂಗಿ ಅಂದ್ರೆ ದೇವರು ನಾವೆಲ್ಲರೂ ಪೂಜೆ ಮಾಡೋ ದೇವರು ಎಂದು ಮಧುಗಿರಿ ಕಾಂಗ್ರೆಸ್ ಅಭ್ಯರ್ಥಿ ಕೆ.ಎನ್.ರಾಜಣ್ಣ ಹೇಳಿದ್ದಾರೆ.

ನಗರದಲ್ಲಿ ನಡೆದ ಸುದ್ದಿಗೋಷ್ಠಿಯಲ್ಲಿ ಮಾತನಾಡಿದ ಮಧುಗಿರಿ ಕಾಂಗ್ರೆಸ್ ಅಭ್ಯರ್ಥಿ ಕೆ.ಎನ್.ರಾಜಣ್ಣ, ಇಮಾಮ್ ಸಾಬ್‌ಗೂ ಶಾಸ್ತ್ರಿಗೂ ಏನ್ ರೀ ಸಂಬಂಧ. ಬಜರಂಗದಳವೇ ಬೇರೆ, ಅದೊಂದು ರಾಜಕೀಯ ಸಂಘಟನೆ. ಭಜರಂಗಿ ಅಂದ್ರೆ ದೇವರು. ನಾವೆಲ್ಲರೂ ಪೂಜೆ ಮಾಡೋ ದೇವರು. ಸುಮ್ ಸುಮ್ನೆ.. ಕೇಳ್ರಿ ಇಲ್ಲಿ ಹೇಳ್ತಿನಿ. 
ನೀವು ಮೀಡಿಯಾದವ್ರು ಇರ್ಬಹುದು, ನಾವು ರಾಜಕಾರಣಿಗಳು ಇರಬಹುದು ಸುಮ್ ಸುಮ್ನೆ ಸಂಬಂಧ ಕಟ್ಟಬಾರದು ಎಂದು ಗುಡುಗಿದರು.

ಇದನ್ನೂ ಓದಿ: Karnataka Election 2023: ಮತದಾನ ಮುಗಿಯುತ್ತಿದ್ದಂತೆ ಸಿಎಂ ಟೆಂಪಲ್ ರನ್: ಸವದತ್ತಿ ಕ್ಷೇತ್ರಕ್ಕೆ ಬೊಮ್ಮಾಯಿ ಭೇಟಿ

ಅಲ್ಲದೆ, ಯಾವ್ ಊರಲ್ಲಿ ಆಂಜನೇಯನ ದೇವಸ್ಥಾನ ಇಲ್ಲ ಹೇಳಿ. ಯಾವ ದೇವಸ್ಥಾನ ಇಲ್ಲ ಅಂದ್ರು, ಪ್ರತಿ ಹಳ್ಳಿಯಲ್ಲಿ ಒಂದು ಆಂಜನೇಯ ದೇವಸ್ಥಾನ ಇದ್ದೇ ಇರುತ್ತೆ. ಆದ್ದರಿಂದ ನಾವು ಬಿಜೆಪಿಯವರಿಂದ ದೇವರ ಭಕ್ತಿಯನ್ನ ಕಲಿಯಬೇಕಿಲ್ಲ. ದಯಮಾಡಿ ಭಜರಂಗಿಗೂ ಬಜರಂಗದಳಕ್ಕೂ ಸಂಬಂಧ ಕಲ್ಪಿಸಬೇಡಿ. ಬಜರಂಗದಳ ಬ್ಯಾನ್ ಮಾಡ್ತೀವಿ ಅಂದ್ರೆ, ಬಜರಂಗದಳ ಒಂದೇ ಅಲ್ಲ. ಯಾರೆಲ್ಲ ಸಮಾಜ ಘಾತುಕ ಕೆಲಸ ಮಾಡ್ತಾರೆ ಅವರನ್ನೆಲ್ಲ ಬ್ಯಾನ್ ಮಾಡ್ತೀವಿ ಅಂದಿದ್ದೀವಿ. ಅದರಲ್ಲಿ ಇದು ಒಂದು ಸೇರಿರಬಹುದು ಎಂದು ಕೆ.ಎನ್‌. ರಾಜಣ್ಣ ಹೇಳಿದರು.