ದೇವರಿಗೂ ಇನ್ಮುಂದೆ ಕ್ಯೂ ಆರ್ ಕೋಡ್! ರಾಜ್ಯದ ಪ್ರಖ್ಯಾತ ದೇಗುಲದಲ್ಲಿ ಇ-ಹುಂಡಿ ಸೇವೆ ಆರಂಭ

Himavad Gopalaswai

ಚಾಮರಾಜನಗರ: ಸದಾ ಹಿಮಚ್ಛಾದಿತವಾಗಿರುವ, ನಾಡಿನ ಪ್ರಮುಖ ಪ್ರೇಕ್ಷಣೀಯ ಸ್ಥಳದಲ್ಲಿ ಒಂದಾಗಿರುವ ಗುಂಡ್ಲುಪೇಟೆ ತಾಲೂಕಿನ ಹಿಮವದ್ ಗೋಪಾಲಸ್ವಾಮಿ ಬೆಟ್ಟದಲ್ಲಿ ಇ-ಹುಂಡಿ ಸೇವೆ ಆರಂಭವಾಗಿದೆ.

ಹಿಮವದ್ ಗೋಪಾಲ ಸ್ವಾಮಿ ದೇವಸ್ಥಾನದಲ್ಲಿ ಇ-ಹುಂಡಿ ಸೇವೆಗೆ ತಹಸೀಲ್ದಾರ್ ಸಿ.ಜಿ.ರವಿಶಂಕರ್ ಇಂದು  ಚಾಲನೆ ಕೊಟ್ಟು ಮಾತನಾಡಿ, ದೇಶವೇ ಡಿಜಿಟಲೀಕರಣವಾಗುತ್ತಿರುವ ಸಂದರ್ಭದಲ್ಲಿ ಭಕ್ತರು ಕಾಣಿಕೆ ಸಲ್ಲಿಸಲು ನೆರವಾಗಲಿ ಎಂಬ ಉದ್ದೇಶದಿಂದ ಧಾರ್ಮಿಕ ಸ್ಥಳ ಹಿಮವದ್ ಗೋಪಾಲಸ್ವಾಮಿ ಬೆಟ್ಟದಲ್ಲಿ ಇ-ಹುಂಡಿ ಸೇವೆಯನ್ನು ಎಸ್ ಬಿಐ ಸಹಭಾಗಿತ್ವದಲ್ಲಿ ಆರಂಭಿಸಲಾಗಿದೆ ಎಂದರು. 

ಇದನ್ನೂ ಓದಿ: ಬೇಬಿ ಬಂಪ್ ಮರೆಮಾಚಿ ಫೋಟೋಗೆ ಪೋಸ್ ನೀಡಿದ್ರಾ ನಟಿ ಕತ್ರಿನಾ ಕೈಫ್!

ಭಕ್ತಾದಿಗಳು ಕ್ಯೂ ಆರ್ ಕೋಡ್ ಸ್ಕ್ಯಾನ್ ಮಾಡುವ ಮೂಲಕ ಇ-ಹುಂಡಿಗೆ ಹಣ ಸಲ್ಲಿಸಬಹುದಾಗಿದೆ. ಭಕ್ತರು ತಾವು ಕುಳಿತ ಸ್ಥಳದಲ್ಲೆ ದೇವಸ್ಥಾನಕ್ಕೆ ಹಣ ಜಮಾ ಮಾಡಲು ನೆರವಾಗುವ ಉದ್ದೇಶದಿಂದ ಇ-ಹುಂಡಿ ಆರಂಭ ಮಾಡಲಾಗಿದ್ದು, ಇನ್ನು ಮುಂದೆ ಜನರು ದೇವಸ್ಥಾನದ ಗೋಲಕಕ್ಕೆ ಹಣ ನೀಡುವ ಬದಲು ಇ-ಹುಂಡಿಗೆ ಗೂಗಲ್ ಪೇ, ಫೋನ್ ಪೇ, ಭೀಮ್ ಆ್ಯಪ್, ಪೇಟಿಎಂ ಮೂಲಕ ಹಣ ಹಾಕಬಹುದು ಎಂದು ತಿಳಿಸಿದರು. 

ಇದನ್ನೂ ಓದಿ: ದೇಶದ 49ನೇ ಸಿಜೆಐ ಆಗಿ ನ್ಯಾ. ಉದಯ್ ಉಮೇಶ್ ಲಲಿತ್ ಪ್ರಮಾಣವಚನ!

ನೆಟ್ ವರ್ಕ್ ಸಮಸ್ಯೆ: ವಾರಾಂತ್ಯ ಬಂತೆಂದರೆ ರಾಜ್ಯ-ಅಂತರಾಜ್ಯಗಳಿಂದ ಜನರು‌ ಕಿಕ್ಕಿರುದು ಪ್ರಕೃತಿ ಸೌಂದರ್ಯ ಸವಿಯಲಿದ್ದು ಸಾವಿರಾರು ಕೃಷ್ಣ ಭಕ್ತರು ದೇವರ ದರ್ಶನಕ್ಕೆ ಲಗ್ಗೆ ಇಡುತ್ತಾರೆ‌.‌ ಆದರೆ, ಗೋಪಾಲಸ್ವಾಮಿ ಬೆಟ್ಟ ಏರುತ್ತಿದ್ದಂತೆ ಎಲ್ಲಾ ಮೊಬೈಲ್ ನೆಟ್ವರ್ಕ್ ಕೈಕೊಡಲಿದ್ದು ದೇವಸ್ಥಾನಕ್ಕೆ ಭೇಟಿ ಕೊಡುವ ಮಂದಿ ಇ-ಹುಂಡಿ ಬಳಸುವುದು ದುಸ್ತರ. ಆದರೆ, ಫೋಟೋ ಸೆರೆಹಿಡಿದು ತಪ್ಪಲಿನಲ್ಲಿ ಇಲ್ಲವೇ ತಾವು ಇಷ್ಟ ಪಟ್ಟ ದಿನಗಳಲ್ಲಿ ಮನೆಯಲ್ಲೇ ಕುಳಿತು ಗೋಲಕಕ್ಕೆ ಹಣ ಹಾಕಬಹುದಾಗಿದೆ.