ಇದೊಂದು ಐತಿಹಾಸಿಕ ಬಜೆಟ್: ಶಾಸಕ ಮಹೇಶ ಟೆಂಗಿನಕಾಯಿ

ಹುಬ್ಬಳ್ಳಿ: ಕೇಂದ್ರ ಸರ್ಕಾರದ ಹಣಕಾಸು ಸಚಿವೆ ನಿರ್ಮಾಲ ಸೀತಾರಾಮನ್ ಅವರು ಮಂಡಿಸಿದ ಬಜೆಟ್ ಅತ್ಯಂತ ಬಡವರ ಹಾಗೂ ಮಧ್ಯಮ ವರ್ಗ ಜೊತೆಗೆ ಮಹಿಳೆಯರಿಗೆ ಆಶಾದಾಯಕ ಬಜೆಟ್ ಆಗಿದೆ ಎಂದು ಶಾಸಕ ಮಹೇಶ ಟೆಂಗಿನಕಾಯಿ ಸಂತಸ ವ್ಯಕ್ತಪಡಿಸಿದರು.

ನಗರದಲ್ಲಿಂದು ಸುದ್ದಿಗಾರರ ಜೊತೆಗೆ ಮಾತಾನಾಡಿದ ಹುಬ್ಬಳ್ಳಿ ಧಾರವಾಡ ಸೆಂಟ್ರಲ್ ವಿಧಾನ ಸಭಾ ಕ್ಷೇತ್ರದ ಶಾಸಕ ಹಾಗೂ ಭಾರತೀಯ ಜನತಾ ಪಕ್ಷದ ರಾಜ್ಯ ಪ್ರಧಾನ ಕಾರ್ಯದರ್ಶಿ ಮಹೇಶ ಟೆಂಗಿನಕಾಯಿ ಇಂದು ಮಂಡನೆಯಾದ ಕೇಂದ್ರ ಬಜೆಟ್ ಒಂದು ಐತಿಹಾಸಿಕ ಬಜೆಟ್ ಎಂದು ಬಣ್ಣಿಸಿದರು. 

ಇದನ್ನೂ ಓದಿ- Lakhpati Didi Yojana: ಏನಿದು ಲಖ್ಪತಿ ದೀದಿ ಯೋಜನೆ? ಇದರಿಂದ ಯಾರಿಗೆ ಲಾಭ?

ಇದೊಂದು ಅಭಿವೃದ್ಧಿ ಬಜೆಟ್ ಆಗಿದ್ದು ಕರ್ನಾಟಕದ ಜನತೆಯ ಪರವಾಗಿ ಈ ಬಜೆಟ್ ಅನು ನಾನು ಸ್ವಾಗತ ಮಾಡುತ್ತೇನೆ. ಕಳೆದ ಒಂಬತ್ತು ವರ್ಷಗಳಿಂದ ಕೇಂದ್ರ ಸರ್ಕಾರದಲ್ಲಿ ಅಧಿಕಾರದಲ್ಲಿರುವ ಬಿಜೆಪಿ ಸರ್ಕಾರ ಅಭಿವೃದ್ದಿಪರ ಸರ್ಕಾರ, ಈ ಸರ್ಕಾರ ಅಭಿವೃದ್ದಿಗೆ ಒತ್ತು ನೀಡುತ್ತಿದೆ ಎಂಬುದು ಈ ಮಧ್ಯಂತರ ಬಜೆಟ್ ನಿಂದ ಮತ್ತೊಮ್ಮೆ ಸಾಬೀತಾಗಿದೆ ಎಂದವರು ತಿಳಿಸಿದರು. 

ಇದನ್ನೂ ಓದಿ- ಬಜೆಟ್ʼ ಪದ್ದತಿ ಯಾವಾಗ ಪ್ರಾರಂಭವಾಯಿತು, ಇದರ ಇತಿಹಾಸದ ಬಗ್ಗೆ ನಿಮ್ಗೆ ಗೊತ್ತೆ.? ಇಲ್ಲಿದೆ ಮಾಹಿತಿ

ಇದೊಂದು ಕಾನ್ಫಿಡೆಂಟ್, ಕಂಟ್ಯೂನಿಟಿ ಮತ್ತು ಕ್ಲಾರಿಟಿ ಬಜೆಟ್ ಆಗಿದೆ. ಅದರಲ್ಲೂ ವಿಶೇಷವಾಗಿ ಮಹಿಳೆಯರಿಗಾಗಿ ಹೆಚ್ಚು ಆದ್ಯತೆ ಕೊಡಲಾಗಿದೆ. ಬಹುಶಃ ಯಾರೂ ಕೂಡಾ ಮಾಡಲಾರದ ಕೆಲಸವನ್ನು ಪ್ರಧಾನಿ ನರೇಂದ್ರ ಮೋದಿ ಅವರು ಮಾಡಿದ್ದಾರೆ. ದೇಶದ ನಾರಿ ಶಕ್ತಿ ಮಹಿಳಾ ಶಕ್ತಿಗೆ ಶೇಕಡಾ 33ರಷ್ಟು ಮೀಸಲಾತಿ ಕೊಡಲಾಗಿದೆ. ಈ ಬಜೆಟ್ ನಲ್ಲಿ ರೈತರಿಗೆ ಕೂಡ ಒಳ್ಳೆಯ ಘೋಷಣೆಗಳನ್ನು ಮಾಡಲಾಗಿದೆ. ರೈತರು ಬೆಳೆದ ಬೆಳೆಗೆ ದ್ವಿಗುಣ ಹಣ ವ್ಯವಸ್ಥೆ ಮಾಡುವ ರೀತಿಯ ಯೋಜನೆ ಜಾರಿ ಮಾಡಲಾಗಿದೆ ಎಂದು ಶಾಸಕ ಮಹೇಶ ಟೆಂಗಿನಕಾಯಿ ಕೇಂದ್ರ ಬಜೆಟ್ ಬಗ್ಗೆ ತಮ್ಮ ಅಭಿಪ್ರಾಯ ವ್ಯಕ್ತಪಡಿಸಿದ್ದಾರೆ.