Unmanned DRDO fighter aircraft: ಚಿತ್ರದುರ್ಗದಲ್ಲಿ ಮಾನವ ರಹಿತ ಡ್ರೋನ್ ಮಾದರಿಯ ವಿಮಾನ ಪತನ!

ಡ್ರೋನ್ ಮಾದರಿಯ ವಿಮಾನ ಪತನ!

ಚಿತ್ರದುರ್ಗ: ಪರೀಕ್ಷಾರ್ಥವಾಗಿ ಹಾರಾಟ ನಡೆಸುತ್ತಿದ್ದ ಮಾನವ ರಹಿತ ಡ್ರೋನ್ ಮಾದರಿಯ ವಿಮಾನವೊಂದು ಪತನಗೊಂಡಿರುವ ಘಟನೆ ಚಿತ್ರದುರ್ಗ ಜಿಲ್ಲೆಯಲ್ಲಿ ನಡೆದಿದೆ.

ಹಿರಿಯೂರು ತಾಲೂಕಿನ ವದ್ದಿಕೆರೆ ಗ್ರಾಮದ ಜಮೀನಿನಲ್ಲಿ ಭಾನುವಾರ ಬೆಳಗ್ಗೆ ಈ ಡ್ರೋನ್ ಮಾದರಿಯ ಪ್ರಾಯೋಗಿಕ ವಿಮಾನ ಪತನವಾಗಿದೆ. ಈ ಮಾನವ ರಹಿತ ಪ್ರಾಯೋಗಿಕ ವಿಮಾನವನ್ನು ಚಳ್ಳಕೆರೆಯ ಡಿಆರ್‍ಡಿಓದಿಂದ ಹಾರಿಬಿಡಲಾಗಿತ್ತು.

ಇದನ್ನೂ ಓದಿ: ಅಯೋಧ್ಯೆಗೆ ಇಂದು ಸಿಎಂ ಯೋಗಿ ಭೇಟಿ: ಮಂದಿರ ನಿರ್ಮಾಣ ಕಾಮಗಾರಿ ಪರಿಶೀಲನೆ

ರಕ್ಷಣಾ ಸಂಶೋಧನಾ ಮತ್ತು ಅಭಿವೃದ್ಧಿ ಸಂಸ್ಥೆ(DRDO) ಸಿದ್ಧಪಡಿಸಿರುವ UAV-TAPAS  07A-14 ಹೆಸರಿನ ಈ ವಿಮಾನವು ಇಂದು ಬೆಳಗ್ಗೆ ಹಾರಾಟ ಆರಂಭಿಸಿತ್ತು. ಆದರೆ ನಿಯಂತ್ರಣ ತಪ್ಪಿ ಜಮೀನಿನಲ್ಲಿ ಪತನವಾಗದ್ದು, ಯಾವುದೇ ರೀತಿಯ ಅನಾಹುತ ಆಗಿಲ್ಲ.

ಡ್ರೋನ್ ಮಾದರಿಯ ಈ ವಿಮಾನ ಪತನವಾದ ಸುದ್ದಿ ತಿಳಿದು ಸ್ಥಳದಲ್ಲಿ ಅಪಾರ ಜನರು ಜಮಾಯಿಸಿದ್ದರು. ವಿಮಾನ ಪತನಕ್ಕೆ ನಿರ್ಧಿಷ್ಟ ಕಾರಣ ತಿಳಿದುಬಂದಿಲ್ಲ. ವದ್ದೀಕೆರೆ ಗ್ರಾಮದ ಸಿದ್ದಪ್ಪ ಎಂಬುವರಿಗೆ ಸೇರಿದ ಜಮೀನಿನಲ್ಲಿ ಪತನವಾದ ಈ ವಿಮಾನದ ಪಳಯುಳಿಕೆಯನ್ನು ಜನರು ಕುತೂಹಲದಿಂದ ನೋಡುತ್ತಿದ್ದರು.

ಇದನ್ನೂ ಓದಿ: ಮಧ್ಯಪ್ರದೇಶದಲ್ಲಿ ಬಿಜೆಪಿ ಕಟ್ಟಿಹಾಕಲು 'ಕರ್ನಾಟಕ'ದ ಪ್ಲಾನ್ ಸಿದ್ದಪಡಿಸಿದ ಕಾಂಗ್ರೆಸ್ 

‘DRDO ಅಭಿವೃದ್ಧಿಪಡಿಸುತ್ತಿರುವ ತಪಸ್ ಡ್ರೋನ್ ಪ್ರಾಯೋಗಿಕ ಹಾರಾಟದ ವೇಳೆ ಚಿತ್ರದುರ್ಗ ಜಿಲ್ಲೆಯ ಗ್ರಾಮದ ಜಮೀನಿನಲ್ಲಿ ಪತನಗೊಂಡಿದೆ. ಈ ಬಗ್ಗೆ DRDO ರಕ್ಷಣಾ ಸಚಿವಾಲಯಕ್ಕೆ ಮಾಹಿತಿ ನೀಡಿದ್ದು, ಈ ಅಪಘಾತದ ಹಿಂದಿನ ಕಾರಣದ ಬಗ್ಗೆ ತನಿಖೆ ನಡೆಸಲಾಗುತ್ತಿದೆ’ ಎಂದು ರಕ್ಷಣಾ ಅಧಿಕಾರಿಗಳು ತಿಳಿಸಿದ್ದಾರೆ.