Viral Video: ಸೂಟ್ ಕೇಸ್ ನಲ್ಲಿ ಗೆಳತಿಯನ್ನು ಬಚ್ಚಿಟ್ಟು ಹಾಸ್ಟೆಲ್ ಕೊಂಡೊಯ್ಯುತ್ತಿದ್ದ ಯುವಕ, ಮುಂದೇನಾಯ್ತು ನೀವೇ ನೋಡಿ

Viral Video - ಸೂಟ್ ಕೇಸ್ (Girlfriend In Suitcae) ಕುರಿತು ಯುವಕನನ್ನು ಪ್ರಶ್ನಿಸಲಾಗಿ, ಆತ ಆನ್ಲೈನ್ ನಲ್ಲಿ ಕೆಲ ಸರಕುಗಳನ್ನು ಆರ್ಡರ್ ಮಾಡಿದ್ದು, ಸೂಟ್ ಕೇಸ್ ನಲ್ಲಿ ಅದೇ ಸರಕಿದೆ ಎಂದಿದ್ದಾನೆ.

Girlfriend In Suitcase(Video Grab)

Manipal Hostel Viral Video - ಮಣಿಪಾಲ್ (Manipal) ನಿಂದ ಅಚ್ಚರಿಯ ಪ್ರಕರಣವೊಂದು ಬೆಳಕಿಗೆ ಬಂದಿದೆ. ಇಲ್ಲಿನ ಮಣಿಪಾಲ ನಗರದ ವಿದ್ಯಾರ್ಥಿಯೊಬ್ಬ ತನ್ನ ಗೆಳತಿಯನ್ನು (Girlfriend) ಸೂಟ್‌ಕೇಸ್‌ನಲ್ಲಿ ಬಚ್ಚಿಟ್ಟು ಮಧ್ಯರಾತ್ರಿ ಹಾಸ್ಟೆಲ್‌ಗೆ ಕರೆದೊಯ್ಯಲು ನಿರ್ಧರಿಸಿದ್ದ ಎನ್ನಲಾಗಿದೆ. ಆದರೆ, ಹಾಸ್ಟೆಲ್‌ನ ಕೇರ್‌ಟೇಕರ್ ಇಬ್ಬರನ್ನು ಗೇಟ್‌ನಲ್ಲಿಯೇ ಹಿಡಿದಿದ್ದಾರೆ, ನಂತರ ಘಟನೆಯ ವೀಡಿಯೊ ಇದೀಗ ಸಾಮಾಜಿಕ ಮಾಧ್ಯಮದಲ್ಲಿ ವೈರಲ್ ಆಗುತ್ತಿದೆ.

ಮಾಧ್ಯಮ ವರದಿಗಳ ಪ್ರಕಾರ, ಭಾರವಾದ ಬ್ಯಾಗ್ ನೋಡಿದ ಹಾಸ್ಟೆಲ್ ಸಿಬ್ಬಂದಿ ಯುವಕನನ್ನು ಅನುಮಾನಿಸಿದ್ದಾರೆ. ನಂತರ ಅವರು ಬ್ಯಾಗ್ ಬಗ್ಗೆ ಯುವಕನನ್ನು ಪ್ರಶ್ನಿಸಿದ್ದಾರೆ. ಇದಕ್ಕೆ ಉತ್ತರ ನೀಡಿದ ಯುವಕ ತಾನು ಆನ್‌ಲೈನ್‌ನಲ್ಲಿ (Online Shopping) ಕೆಲ ಸರಕುಗಳನ್ನು ಆರ್ಡರ್ ಮಾಡಿದ್ದೇನೆ ಮತ್ತು ಅದೇ ಸರಕು ಬ್ಯಾಗ್‌ನಲ್ಲಿದೆ ಎಂದಿದ್ದಾನೆ.

ಇದನ್ನೂ ಓದಿ-ಪಟ್ಟದಕಲ್ಲು-ಶಿರೂರು ಹೆದ್ದಾರಿ ವಿಸ್ತರಣೆಗೆ 264.14 ಕೋಟಿ ಮಂಜೂರು: ಗಡ್ಕರಿಗೆ ಸಿಎಂ ಧನ್ಯವಾದ

ಮಧ್ಯರಾತ್ರಿ ಆನ್‌ಲೈನ್ ವಿತರಣೆಯ ಬಗ್ಗೆ ಕೇಳಿದ ನಂತರ ಸಿಬ್ಬಂದಿಯ ಅನುಮಾನವು ಮತ್ತಷ್ಟು ಹೆಚ್ಚಾಗಿದೆ. ಆತ ತಡಮಾಡದೆ ಸೂಟ್‌ಕೇಸನ್ನು ತೆರೆದಾಗ ಅಲ್ಲಿದ್ದವರೆಲ್ಲರ ಕಾಲಿನ ಕೆಳಗಿನ ನೆಲವೇ ಕುಸಿದಂತಾಗಿದೆ. ಸೂಟ್‌ಕೇಸ್‌ನೊಳಗೆ ಒಬ್ಬ ಹುಡುಗಿ ಅಡಗಿಕೊಂಡಿದ್ದಳು. ವಿದ್ಯಾರ್ಥಿಗಳ ಹೆಸರು ಮತ್ತು ಅವರ ಕಾಲೇಜುಗಳನ್ನು ಬಹಿರಂಗಪಡಿಸಲಾಗಿಲ್ಲ. ಹುಡುಗ ಮತ್ತು ಹುಡುಗಿ ಇಬ್ಬರನ್ನೂ ಆಯಾ ಹಾಸ್ಟೆಲ್‌ಗಳಿಂದ ಅಮಾನತುಗೊಳಿಸಲಾಗಿದೆ ಎಂದು ವರದಿಯಾಗಿದೆ.

ಇದನ್ನೂ ಓದಿ-Corona ನೆಪ ಹೇಳಿ ಮಹಿಳೆಯ ಖಾಸಗಿ ಅಂಗದಿಂದ ಸ್ವ್ಯಾಬ್ ಮಾದರಿ ಪಡೆದ ಲ್ಯಾಬ್ ಟೆಕ್ನಿಶಿಯನ್

ಯುವಕನನ್ನು ಹಾಸ್ಟೆಲ್ ಗೇಟ್ ನಲ್ಲಿ ವಿಚಾರಿಸುತ್ತಿರುವುದನ್ನು ತೋರಿಸಲಾಗಿದೆ. ಇನ್ನೊಂದೆಡೆ ಸೂಟ್ ಕೇಸ್ ತೆರೆಯುತ್ತಿದ್ದಂತೆ, ಅದರಿಂದ ಓರ್ವ ಹುಡುಗಿ ಹೊರಬಂದಿದ್ದಾಳೆ. ಘಟನೆ ಎಷ್ಟೊಂದು ಆಶ್ಚರ್ಯ ಹುಟ್ಟಿಸುವಂತಿಸಿತ್ತೆಂದರೆ, ನಡೆಯುತ್ತಿರುವುದನ್ನೆಲ್ಲಾ ನೋಡಿದ ಅಲ್ಲಿದ್ದ ಮತ್ತೋರ್ವ ಯುವಕ ತನ್ನ ತಲೆಯೇ ಹಿಡಿದುಕೊಂಡಿದ್ದಾನೆ. ಈ ವಿಡಿಯೋ ಇದೀಗ ಇಂಟರ್ನೆಟ್ ಮೇಲೆ ಭಾರಿ ವೈರಲ್ ಆಗುತ್ತಿದೆ.

Lmao I got that video pic.twitter.com/uyxqIFrWx0

— aa-rue (@pleasecanunot) February 2, 2022