ಶಾಂಪೂವನ್ನು ಬಳಸುತ್ತಿದ್ದರೂ, ಕೂದಲು ಸೀಳು ತುದಿ ಹೊಂದಿದೆಯೇ..ಈ ಮನೆಮದ್ದುಗಳನ್ನು ಪ್ರಯತ್ನಿಸಿ

Home Remedies for Splitends : ಸುಂದರವಾದ ಕೂದಲು ಮುಖದ ಅಂದವನ್ನು ಹೆಚ್ಚಿಸುವುದು ಮಾತ್ರವಲ್ಲದೆ ಕೂದಲಿನ ಉತ್ತಮ ಆರೋಗ್ಯದ ಸಂಕೇತವೂ ಹೌದು. ಕೂದಲು ತುಂಬಾ ಉದ್ದವಾಗಿರುವ ಅನೇಕ ಹುಡುಗಿಯರಿದ್ದಾರೆ, ಆದರೆ ಸೀಳು ತುದಿಗಳಿಂದಾಗಿ, ಅವುಗಳನ್ನು ಕತ್ತರಿಸಬೇಕಾಗುತ್ತದೆ. ಆದ್ದರಿಂದ ಕೂದಲಿನ ಸೀಳೊಡೆಯುವಿಕೆಯನ್ನು ತಡೆಯಲು ಕೆಲವು ಮನೆ ಮದ್ದುಗಳನ್ನು ಬಳಸಿ.

Splitends : ಕೂದಲಿನ ಸೀಳೊಡೆಯುವ ಸಮಸ್ಯೆಯು ನಿಮ್ಮ ಕೂದಲಿನಲ್ಲಿ ದೀರ್ಘಕಾಲ ಇದ್ದರೆ, ಅದು ನಿಮ್ಮ ಕೂದಲಿನ ಬೆಳವಣಿಗೆಯನ್ನು ಕಡಿಮೆ ಮಾಡುತ್ತದೆ ಮತ್ತು ಕೂದಲಿನ ಬೆಳವಣಿಗೆಯನ್ನು ನಿಲ್ಲಿಸುತ್ತದೆ. ಇದನ್ನು ಹೋಗಲಾಡಿಸಲು, ಹುಡುಗಿಯರು ಅನೇಕ ದುಬಾರಿ ಶ್ಯಾಂಪೂಗಳನ್ನು ಬಳಸಿ ಬೇಸೊತ್ತಿರುತ್ತಾರೆ.. ಅಂತವರಿಗಾಗಿಯೇ ನಾವು ಕೆಲವು ಮನೆಮದ್ದುಗಳ ಬಗ್ಗೆ ನಿಮಗೆ ತಿಳಿಸಲಿದ್ದೇವೆ. 

ಮೊಟ್ಟೆ
ಕೂದಲಿಗೆ ಪೋಷಣೆ ನೀಡಲು ಮತ್ತು ಅವುಗಳ ತುದಿ ಸೀಳುವುದನ್ನು ತಡೆಯಲು, ಮೊಟ್ಟೆಯ ಹಳದಿ ಲೋಳೆಯನ್ನು ಕೂದಲಿನ ಮೇಲೆ ಮಾಸ್ಕ್ ನಂತೆ ಹಚ್ಚಿಕೊಳ್ಳಿ. ಇದಕ್ಕಾಗಿ ಮೊಟ್ಟೆಯ ಹಳದಿ ಲೋಳೆಯಲ್ಲಿ ಆಲಿವ್ ಎಣ್ಣೆ, ತೆಂಗಿನ ಎಣ್ಣೆ ಅಥವಾ ಬಾದಾಮಿ ಎಣ್ಣೆಯನ್ನು ಬೆರೆಸಿ ಕೂದಲಿಗೆ ಹಚ್ಚಿ. ಮೊಟ್ಟೆಯ ಹಳದಿ ಲೋಳೆಯನ್ನು ನಿಂಬೆ ರಸದೊಂದಿಗೆ ಕೂದಲಿಗೆ ಸಹ ಬಳಸಬಹುದು.

ಬಾಳೆಹಣ್ಣು
ಬಾಳೆಹಣ್ಣಿನಲ್ಲಿ ಸಾಕಷ್ಟು ಪೊಟ್ಯಾಸಿಯಮ್, ಸತು, ಕಬ್ಬಿಣ ಮತ್ತು ವಿಟಮಿನ್ ಎ, ಸಿ ಮತ್ತು ಇ ಕಂಡುಬರುತ್ತದೆ. ಇದು ಕೂದಲನ್ನು ಪೋಷಿಸುತ್ತದೆ ಮತ್ತು ಒಡೆಯುವುದನ್ನು ತಡೆಯುತ್ತದೆ. ಮಾಗಿದ ಬಾಳೆಹಣ್ಣನ್ನು ಚೆನ್ನಾಗಿ ಮ್ಯಾಶ್ ಮಾಡಿ ಮತ್ತು ಅದನ್ನು ನಿಮ್ಮ ಕೂದಲಿಗೆ ಹಚ್ಚಿ. ಕೂದಲಿನ ಮೇಲೆ ಅರ್ಧ ಘಂಟೆಯವರೆಗೆ ಬಿಡಿ ಮತ್ತು ನಂತರ ಶಾಂಪೂ ಬಳಸಿ ತೊಳೆಯಿರಿ.

ಇದನ್ನೂ ಓದಿ-ಮಾನ್ಸೂನ್‌ನಲ್ಲಿ ಜಿಗುಟಾದ ಚರ್ಮದಿಂದ ಬೇಸೊತ್ತಿರುವಿರಾ..? ಹಾಗಾದರೆ ಈ ವಸ್ತುಗಳನ್ನು ಬಳಸಿ

ಕರಿಬೇವಿನ ಎಲೆಗಳು
ಒಡೆದ ತುದಿಗಳನ್ನು ತೊಡೆದುಹಾಕಲು, ಮೊದಲು ಕಬ್ಬಿಣದ ಬಾಣಲೆಯಲ್ಲಿ 3 ಚಮಚ ತೆಂಗಿನ ಎಣ್ಣೆಯನ್ನು ಬಿಸಿ ಮಾಡಿ, ನಂತರ ಅದಕ್ಕೆ 10 ರಿಂದ 15 ಕರಿಬೇವಿನ ಎಲೆಗಳನ್ನು ಸೇರಿಸಿ, ಆಮ್ಲಾ ಪುಡಿಯನ್ನು ಮಿಶ್ರಣ ಮಾಡಿ. ಇದಾದ ನಂತರ ಇಡೀ ರಾತ್ರಿ ಮುಚ್ಚಿಟ್ಟು ಮರುದಿನ ಬೆಳಿಗ್ಗೆ ಈ ಮಿಶ್ರಣವನ್ನು ಕಡಿಮೆ ಉರಿಯಲ್ಲಿ ಬಿಸಿ ಮಾಡಿ ಕೂದಲಿನ  ಬೇರಿನಿಂದ ತುದಿಯವರೆಗೆ ಹಚ್ಚಿ ಬಿಡಿ. ಮರುದಿನ ಬೆಳಿಗ್ಗೆ ಅದನ್ನು ಶುದ್ಧ ನೀರು ಮತ್ತು ಶಾಂಪೂ ಸಹಾಯದಿಂದ ತೊಳೆಯಿರಿ. 

ಜೇನುತುಪ್ಪ
ಒಡೆದ ತುದಿಗಳನ್ನು ತೊಡೆದುಹಾಕಲು, ಜೇನುತುಪ್ಪ ಮತ್ತು ಮೊಸರು ಮಿಶ್ರಣ ಮಾಡಿ ಮತ್ತು ಕೂದಲಿನ ಕೆಳಭಾಗಕ್ಕೆ ಹಚ್ಚಿ. ಇದನ್ನು ಕೂದಲಿನ ಮೇಲೆ ಅರ್ಧ ಘಂಟೆಯವರೆಗೆ ಬಿಡಿ ಮತ್ತು ನಂತರ ಶಾಂಪೂ ಬಳಸಿ ತೊಳೆಯಿರಿ.

ಇದನ್ನೂ ಓದಿ-ಬೇರು ಸಮೇತ ಕೂದಲನ್ನು ಕಪ್ಪಾಗಿ, ದಷ್ಟ-ಪುಷ್ಟವಾಗಿ ಬೆಳೆಯುವಂತೆ ಮಾಡುತ್ತೆ ಈ ಒಂದು ತರಕಾರಿ ರಸ!

(ಸೂಚನೆ: ಇಲ್ಲಿ ನೀಡಲಾದ ಮಾಹಿತಿಯು ಮನೆಮದ್ದುಗಳು ಮತ್ತು ಸಾಮಾನ್ಯ ಮಾಹಿತಿಯನ್ನು ಆಧರಿಸಿದೆ. ಅದನ್ನು ಅಳವಡಿಸಿಕೊಳ್ಳುವ ಮೊದಲು ವೈದ್ಯಕೀಯ ಸಲಹೆಯನ್ನು ತೆಗೆದುಕೊಳ್ಳಬೇಕು. ZEE NEWS ಅದನ್ನು ಖಚಿತಪಡಿಸುವುದಿಲ್ಲ.)