Shivarajkumar Cine Journey: 37 ವರ್ಷ, 125 ಸಿನಿಮಾ.. ಶಿವಣ್ಣನ ಸಿನಿ ಜರ್ನಿಯ ಮತ್ತೊಂದು ಮೈಲಿಗಲ್ಲು.!

Shivarajkumar Cine Journey

Shivarajkumar Cine Journey: ಶಿವರಾಜ್‌ಕುಮಾರ್ ತಮ್ಮ ವೃತ್ತಿಜೀವನದಲ್ಲಿ ಮತ್ತೊಂದು ಮೈಲಿಗಲ್ಲನ್ನು ಸಾಧಿಸಿದ್ದಾರೆ. ಚಂದನವನದಲ್ಲಿ ಬೇಡಿಕೆಯಿರುವ ಪ್ರಮುಖ ನಟರಲ್ಲಿ ಒಬ್ಬರು ಶಿವಣ್ಣ. ಶಿವರಾಜ್‌ಕುಮಾರ್ ಅವರು ಇಂದು ಫೆಬ್ರವರಿ 19 ರಂದು ಕನ್ನಡ ಚಲನಚಿತ್ರೋದ್ಯಮದಲ್ಲಿ ನಟನಾಗಿ 37 ನೇ ವರ್ಷ ಕಳೆದಿದ್ದಾರೆ. ಬಣ್ಣದ ಲೋಕದಲ್ಲಿ ರಾಜ್‌ ಕುಟುಂಬದ ಹಿರಿಯ ಕುಡಿ ಶಿವರಾಜ್‌ಕುಮಾರ್‌ ಸಿನಿ ಜರ್ನಿ ಆರಂಭಿಸಿ ಇಂದಿಗೆ ಮೂವತ್ತೇಳು ವರ್ಷಗಳು ಕಳೆದಿವೆ. ಅವರ ಅಭಿಮಾನಿಗಳು ಇದನ್ನು ಸಂಭ್ರಮಿಸುತ್ತಿದ್ದಾರೆ. 

ಶಿವಣ್ಣನ ಅಭಿಮಾನಿಗಳು ಮತ್ತು ಬಂಧುಬಳಗದವರು, ಸಿನಿರಂಗದ ಗಣ್ಯರು, ಹಿತೈಷಿಗಳು ಶುಭಕೋರುತ್ತಿದ್ದಾರೆ. '#37YearsforShivanna' ಹ್ಯಾಶ್‌ಟ್ಯಾಗ್ ಟ್ವಿಟರ್‌ನಲ್ಲಿ ಸ್ವಲ್ಪ ಸಮಯದಿಂದ ಟ್ರೆಂಡಿಂಗ್‌ನಲ್ಲಿದೆ. ಈಗ ಸಾಮಾಜಿಕ ಮಾಧ್ಯಮದಲ್ಲಿ ಮತ್ತೊಂದು ವಿಡಿಯೋ ವೈರಲ್‌ ಆಗುತ್ತಿದೆ. ಶಿವರಾಜ್‌ಕುಮಾರ್ ಅವರ ಮುಂಬರುವ ಸಿನಿಮಾ ಘೋಸ್ಟ್‌ ಸೆಟ್‌ನಲ್ಲಿ 37 ವರ್ಷದ ಸಿನಿ ಜರ್ನಿಯ ಸಂಭ್ರಮವನ್ನು ಆಚರಿಸುತ್ತಿದ್ದಾರೆ, ತಂಡವು ಅವರಿಗೆ ಬೃಹತ್ ಹಾರವನ್ನು ಹಾಕಿ ಅವರನ್ನು ಅಭಿನಂದಿಸುತ್ತಿದೆ.

ಇದನ್ನೂ ಓದಿ : Darshan fans : ಮಾಧ್ಯಮದವರ ಮೇಲೆ ನಟ ದರ್ಶನ್ ಅಭಿಮಾನಿಗಳಿಂದ ಹಲ್ಲೆ ಆರೋಪ.!

ಶಿವರಾಜ್‌ಕುಮಾರ್ ಅವರು ಪ್ರಸ್ತುತ ಘೋಸ್ಟ್ ಚಿತ್ರದ ಚಿತ್ರೀಕರಣದಲ್ಲಿ ಬ್ಯುಸಿಯಾಗಿದ್ದಾರೆ. ಯೋಗರಾಜ್ ಭಟ್ ಅವರ ಕರಟಕ ಧಮಾನಕದಲ್ಲಿ ಕೆಲಸ ಮಾಡುತ್ತಿದ್ದಾರೆ, ಇದರಲ್ಲಿ ಅವರು ಪ್ರಭುದೇವ, ನಿಶ್ವಿಕಾ ನಾಯ್ಡು ಮತ್ತು ಇತರರೊಂದಿಗೆ ಪರದೆಯನ್ನು ಹಂಚಿಕೊಳ್ಳುತ್ತಾರೆ. ಅರ್ಜುನ್ ಜನ್ಯ ಅವರ ಚೊಚ್ಚಲ ನಿರ್ದೇಶನದ 45 ಸಿನಿಮಾದಲ್ಲೂ ಶಿವಣ್ಣ ನಟಿಸುತ್ತಿದ್ದಾರೆ. ಉಪೇಂದ್ರ ಮತ್ತು ರಾಜ್ ಬಿ. ಶೆಟ್ಟಿ ಕೂಡ ಈ ಚಿತ್ರದ ಭಾಗವಾಗಲಿದ್ದಾರೆ. 

Congratulations to @NimmaShivanna sir for an epic #37YEARS in SANDALWOOD! Your contribution has been an invaluable source of inspiration and entertainment for generations of fans. Here's to many more years of success!
#GHOST @SandeshPro @baraju_SuperHit @aanandaaudio pic.twitter.com/tlI2ivpoKP

— SRINI (@lordmgsrinivas) February 19, 2023

ಫೆಬ್ರವರಿ 18 ರಂದು, ಶಿವರಾಜ್‌ಕುಮಾರ್ ಅವರು ಗೀತಾ ಪಿಕ್ಚರ್ಸ್‌ನ ತಮ್ಮ ಹೋಮ್ ಬ್ಯಾನರ್ ಅಡಿ ಭೈರತಿ ರಣಗಲ್‌ನ ಸಿನಿಮಾವನ್ನು ಘೋಷಿಸಿದರು. ನರ್ತನ್ ಅವರ ನಿರ್ದೇಶನದ ಈ ಚಿತ್ರವು 2017 ರ ಮಫ್ತಿ ಚಿತ್ರದ ಬಹು ನಿರೀಕ್ಷಿತ ಸ್ಪಿನ್-ಆಫ್ ಆಗಿರುತ್ತದೆ.