Central Data: 2022 ರ ಡಿಜಿಟಲ್‌ ಪಾವತಿ ವಹಿವಾಟಿನಲ್ಲಿ ಭಾರತಕ್ಕೆ ಮೊದಲ ಸ್ಥಾನ

Digital Payment : ಡಿಜಿಟಲ್‌ ಪಾವತಿ ವಹಿವಾಟಿಗೆ ಸಂಬಂಧಿಸಿ 2022ರ ವಿಶ್ವದ ಪಟ್ಟಿಯಲ್ಲಿ ಭಾರತ ಮೊದಲ ಸ್ಥಾನ ಪಡೆದುಕೊಂಡಿದೆ ಎಂದು ಕೇಂದ್ರ ಸರ್ಕಾರ ಶನಿವಾರ (ಜೂನ್‌ 10) ಬಿಡುಗಡೆಗೊಳಿಸಿದ ದತ್ತಾಂಶ ತಿಳಿಸಿದೆ.

Online Transaction : ಭಾರತ ಇದೀಗ ನಗದು ರಹಿತ ವ್ಯವಹಾರದಲ್ಲಿ ಇತರ ಎಲ್ಲ ರಾಷ್ಟ್ರಗಳನ್ನು ಹಿಂದಿಕ್ಕಿ ಮುನ್ನಡೆಯುತ್ತಿದೆ ಎಂದು ಕೇಂದ್ರ ಸರ್ಕಾರ ಹೇಳಿದೆ.

ಭಾರತವು ಸದ್ಯಕ್ಕೆ ನಗದು ರಹಿತ ಎಂದರೆ ಡಿಜಿಟಲ್‌ ವ್ಯಹಾರದಲ್ಲಿ ಇತರ ಎಲ್ಲ ರಾಷ್ಟ್ರಗಳನ್ನು ಹಿಂದಿಕ್ಕಿ ಮುನ್ನುಗ್ಗುತ್ತಿದೆ ಎಂದು ಕೇಂದ್ರ ಸರ್ಕಾರ ವರದಿ ಮಾಡಿದೆ. 2022 ರಲ್ಲಿ ಭಾರತವು ಜಾಗತಿಕ ಆನ್‌ಲೈನ್‌ ಪಾವತಿಯಲ್ಲಿ ಶೇ. 46ರಷ್ಟು ಪಾಲು ಹೊಂದಿದೆ. ಅಲ್ಲದೆ ಡಿಜಿಟಲ್‌ ಪಾವತಿಯ ವಹಿವಾಟಿನಲ್ಲಿ ದಾಖಲೆಯನ್ನೆ ಸೃಷ್ಠಿಸಿದ್ದು, ಡಿಜಿಟಲ್‌ ಪಾವತಿಯಲ್ಲಿರುವ ನಂತರದ ನಾಲ್ಕು ಸ್ಥಾನಗಳನ್ನು ಅಲಂಕರಿಸಿರುವ ಒಟ್ಟುಗೂಡಿಸಿದರೂ ಭಾರತದ ವಹಿವಾಟು ಅದಕ್ಕಿಂತ ಹೆಚ್ಚಾಗಿಯೇ ಇದೆ. 

ಇದನ್ನೂ ಓದಿ-Rajnath Singh: 2027 ರವರೆಗೆ ಭಾರತ ವಿಶ್ವದ ಟಾಪ್-3 ಅರ್ಥವ್ಯವಸ್ಥೆಗಳಲ್ಲಿ ಒಂದಾಗಲಿದೆ ಎಂದ ರಾಜನಾಥ್ ಸಿಂಗ್

ಈ ಮೂಲಕ ಭಾರತವು ಅಗ್ರಸ್ಥಾನ ಕಾಯ್ದುಕೊಂಡಿದ್ದು, ಈ ಕುರಿತು ಭಾರತ ಸರ್ಕಾರದ ನಾಗರಿಕ ಭಾಗವಹಿಸುವಿಕೆಯ ವೇದಿಕೆಯಾದ ಮೈ ಗವರ್ನ್‌ಮೆಂಟ್‌ ಇಂಡಿಯಾ ಟ್ವಿಟ್‌ ಮಾಡಿದೆ. 

📈 India keeps dominating the digital payment landscape! 💸🇮🇳 With innovative solutions and widespread adoption, we're leading the way towards a cashless economy. 💻#9YearsOfTechForGrowth #9YearsOfSeva@GoI_MeitY @AshwiniVaishnaw @Rajeev_GoI@alkesh12sharma @_DigitalIndia pic.twitter.com/cSfsFsq0mW

— MyGovIndia (@mygovindia) June 9, 2023

"ಡಿಜಿಟಲ್‌ ಪಾವತಿ ವ್ಯವಹಾರದಲ್ಲಿ ಭಾರತ ತನ್ನ ಅಧಿಪತ್ಯವನ್ನು ಮುಂದುವರೆಸುತ್ತಿದೆ. ವಿನೂತನ ಪರಿಹಾರ, ಹೊಸ ತಂತ್ರಜ್ಞಾನ, ಕೈಗೆಟುಕುವ ಹಾಗೂ ಸರಳವಾಗಿರುವ ಪಾವತಿ ವ್ಯವಸ್ಥೆ ಮೂಲಕ ಭಾರತ ಅತೀ ದೊಡ್ಡ ನಗದು ರಹಿತ ವ್ಯವಹಾರದ ಆರ್ಥಿಕತೆಯಾಗಿ ಹೊರಹೊಮ್ಮಿದೆ" ಎಂದು ತಿಳಿಸಿದೆ. 

ಇದನ್ನೂ ಓದಿ-Today Gold Price : ಆಭರಣ ಪ್ರಿಯರಿಗೆ ಗುಡ್‌ ನ್ಯೂಸ್‌, ಚಿನ್ನದ ಬೆಲೆಯಲ್ಲಿ ಭಾರೀ ಇಳಿಕೆ

ನಗದು ರಹಿತ ಪಾವತಿಯಲ್ಲಿ 2022ರಲ್ಲಿ ಅಗ್ರಸ್ಥಾನ ಪಡೆದ ವಿಶ್ವದ ರಾಷ್ಟ್ರಗಳು ಇಲ್ಲಿವೆ ನೋಡಿ : ಭಾರತ-8.95 ಕೋಟಿ ವಹಿವಾಟು,  ಬ್ರೆಜಿಲ್‌-2.92ಕೋಟಿ, ಚೀನಾ-1.76 ಕೋಟಿ, ಥಾಯ್ಲೆಂಡ್‌-1.65 ಕೋಟಿ ಮತ್ತು ದಕ್ಷಿಣ ಕೊರಿಯಾ-80 ಲಕ್ಷ ವಹಿವಟು ನಡೆಸಿವೆ ಎಂದು ಡೇಟಾ ಹೇಳಿದೆ. 

ಕಳೆದ 9 ವರ್ಷದಲ್ಲಿ ಭಾರತ ಡಿಜಿಟಲ್‌ ಇಂಡಿಯಾ ಮೂಲಕ ಬಹುದೂರ ಸಾಗಿದೆ. ಭಾರತದಲ್ಲಿ ಕೃತಕ ಬುದ್ಧಿ ಮತ್ತೆ ನಿರ್ವಹಣೆಯನ್ನು ಡಿಜಿಟಲ್‌ ನಾಗರಿಕರಿಗೆ ಸಮಸ್ಯೆಯಾಗದಂತೆ ನೋಡಿಕೊಳ್ಲಲಾಗುತ್ತದೆ ಎಂದು ಕೇಂದ್ರ ಮತ್ತು ಮಾಹಿತಿ ತಂತ್ರಜ್ಞಾನ ಸಚಿವ ರಾಜೀವ್‌ ಚಂದ್ರಶೇಖರ್‌ ಹೇಳಿದ್ದಾರೆ.