Project K: ‘ಕಲ್ಕಿ’ ಅವತಾರದಲ್ಲಿ ಪ್ರಭಾಸ್, ಹಾಲಿವುಡ್ ರೇಂಜ್‌ನಲ್ಲಿ 'ಪ್ರಾಜೆಕ್ಟ್ ಕೆ' ಫಸ್ಟ್‌ ಗ್ಲಿಂಪ್ಸಸ್.. ರಿವೀಲ್‌ ಆಯ್ತು ಟೈಟಲ್‌

Kalki 2898 - AD: ಪ್ಯಾನ್ ಇಂಡಿಯಾ ಸ್ಟಾರ್ ಪ್ರಭಾಸ್ ಮುಖ್ಯ ಪಾತ್ರದಲ್ಲಿ ಪ್ರಾಜೆಕ್ಟ್ ಕೆ ಚಿತ್ರದ ಫಸ್ಟ್‌ ಗ್ಲಿಂಪ್ಸಸ್‌ ರಿಲೀಸ್‌ ಆಗಿದೆ. ಅಮೆರಿಕದ ಸ್ಯಾನ್ ಡಿಯಾಗೋದಲ್ಲಿ ನಡೆದ ಕಾಮಿಕ್ ಕಾನ್ ಸಮಾರಂಭದಲ್ಲಿ ಚಿತ್ರದ ಮೊದಲ ಗ್ಲಿಂಪ್ಸಸ್‌ ಜೊತೆ ಸಿನಿಮಾ ಟೈಟಲ್‌ ಕೂದ ಬಹಿರಂಗವಾಗಿದೆ.

Project K title and Glimpse Released: ಬಹು ನಿರೀಕ್ಷಿತ 'ಪ್ರಾಜೆಕ್ಟ್ ಕೆ' ಚಿತ್ರದ ಫಸ್ಟ್‌ ಗ್ಲಿಂಪ್ಸ್‌ಸ್‌ ರಿಲೀಸ್‌ ಆಗಿದೆ. ಈ ಚಿತ್ರಕ್ಕೆ 'ಕಲ್ಕಿ 2898 AD' (Kalki 2898 - AD) ಎಂದು ಹೆಸರಿಡಲಾಗಿದೆ. ಚಿತ್ರದ ಟೈಟಲ್‌ ಗ್ಲಿಂಪ್ಸಸ್ ಅನ್ನು ಶುಕ್ರವಾರ ಬೆಳಿಗ್ಗೆ ಸ್ಯಾನ್ ಡಿಯಾಗೋ ಕಾಮಿಕ್ ಕಾನ್ ನಲ್ಲಿ ಬಿಡುಗಡೆ ಮಾಡಲಾಯಿತು. ಕೆಲವು ದುಷ್ಟ ಶಕ್ತಿಗಳು ಜನರನ್ನು ಬಂಧಿಸಿದರೆ ಅವರನ್ನು ರಕ್ಷಿಸುವ ಸೂಪರ್ ಹೀರೋ ಆಗಿ ಪ್ರಭಾಸ್ ಎಂಟ್ರಿ ಕೊಡುತ್ತಾರೆ. ಸಾಹಸ ದೃಶ್ಯಗಳು, ವಿಷುಯಲ್ ಎಫೆಕ್ಟ್ಸ್ ಹಾಲಿವುಡ್ ರೇಂಜ್ ನಲ್ಲಿವೆ. ಪ್ರಭಾಸ್ ಎಂಟ್ರಿ ಅದ್ಭುತವಾಗಿದೆ. ಕೊನೆಯಲ್ಲಿ, ಒಬ್ಬ ವ್ಯಕ್ತಿಯು 'ಪ್ರಾಜೆಕ್ಟ್ ಕೆ ಎಂದರೇನು' ಎಂದು ಕೇಳುತ್ತಾನೆ ಮತ್ತು ಶೀರ್ಷಿಕೆಯನ್ನು ರಿವೀಲ್‌ ಮಾಡಲಾಗುತ್ತದೆ. 

ಇದನ್ನೂ ಓದಿ: ನ್ಯಾಯ ಅಂದ್ರೆ ನ್ಯಾಯ...ಹಾಸ್ಟೆಲ್‌ ಹುಡುಗರನ್ನು ಕೆಣಕಿದ ಮೋಹಕತಾರೆಗೆ ಟಾಂಗ್‌ ಕೊಟ್ಟ ರಿಷಬ್‌ ಶೆಟ್ಟಿ..!

ಅಮೆರಿಕದಲ್ಲಿ ಪ್ರತಿಷ್ಠಿತ 'ಸ್ಯಾನ್ ಡಿಯಾಗೋ ಕಾಮಿಕ್ ಕಾನ್' ಆಚರಿಸಲಾಗುತ್ತಿದೆ. ಈ ಆಚರಣೆಗಳ ಸಮಯದಲ್ಲಿ ಪ್ರಾಜೆಕ್ಟ್-ಕೆ ತಯಾರಕರು ಗ್ಲಿಂಪ್ಸಸ್‌ ಮತ್ತು ಶೀರ್ಷಿಕೆಯನ್ನು ಘೋಷಿಸಿದರು. ಈ ಸಮಾರಂಭದಲ್ಲಿ ಚಿತ್ರದ ಪ್ರಚಾರ ಮಾಡಿದ ಮೊದಲ ಭಾರತೀಯ ಚಿತ್ರ ಎಂಬ ಇತಿಹಾಸವನ್ನು ಪ್ರಾಜೆಕ್ಟ್‌ ಕೆ ಸೃಷ್ಟಿಸಿತು. ಈ ಕಾರ್ಯಕ್ರಮದಲ್ಲಿ ಪ್ರಭಾಸ್ ಜೊತೆಗೆ ಕಮಲ್ ಹಾಸನ್, ನಿರ್ದೇಶಕ ನಾಗ್ ಅಶ್ವಿನ್, ನಿರ್ಮಾಪಕ ಅಶ್ವನೀಧತ್ ಭಾಗವಹಿಸಿದ್ದರು.  

ಮಹಾನಟಿ ನಂತರ ನಾಗ್ ಅಶ್ವಿನ್ ನಿರ್ದೇಶನ ಮಾಡುತ್ತಿರುವ ಈ ಸಿನಿಮಾದ ಮೇಲೆ ಭಾರೀ ನಿರೀಕ್ಷೆ ಹುಟ್ಟಿಕೊಂಡಿದೆ. ಈ ಚಿತ್ರವನ್ನು ವೈಜಯಂತಿ ಮೂವೀಸ್ ಬ್ಯಾನರ್ ಅಡಿ ನಿರ್ಮಿಸಲಾಗುತ್ತಿದೆ. ಅಶ್ವಿನಿದತ್ ಅವರು ಸುಮಾರು 600 ಕೋಟಿ ರೂಪಾಯಿಗಳ ಬೃಹತ್ ಬಜೆಟ್‌ನಲ್ಲಿ ಚಿತ್ರವನ್ನು ನಿರ್ಮಿಸುತ್ತಿದ್ದಾರೆ. ಇದರಲ್ಲಿ ಬಿಗ್ ಬಿ ಅಮಿತಾಬ್ ಬಚ್ಚನ್, ಕಮಲ್ ಹಾಸನ್, ದೀಪಿಕಾ ಪಡುಕೋಣೆ ಮತ್ತು ದಿಶಾ ಪಟಾನಿ ಪ್ರಮುಖ ಪಾತ್ರಗಳಲ್ಲಿ ನಟಿಸಿದ್ದಾರೆ. ಮುಂದಿನ ವರ್ಷ ಸಂಕ್ರಾಂತಿಯಂದು ಚಿತ್ರ ವಿಶ್ವದಾದ್ಯಂತ ಬಿಡುಗಡೆಯಾಗಲಿದೆ. 

ಇದನ್ನೂ ಓದಿ: Iron Man ಚಿತ್ರದಿಂದ ಪ್ರಭಾಸ್ Project K ಪೋಸ್ಟರ್ ಕಾಪಿ? ಮತ್ತೆ ಟ್ರೋಲ್‌ ಆದ ಡಾರ್ಲಿಂಗ್‌!