ಕೈಲಾಸ ದೇಶದ ಆಶ್ರಮದಲ್ಲಿ ಜೋಗಯ್ಯ ಸಿನಿಮಾ ಹಾಡಿಗೆ ತಾಳ ಹಾಕುತ್ತಿರುವ ನಿತ್ಯಾನಂದ..ವಿಡಿಯೋ ವೈರಲ್‌!

Nityananda Kailasa Ashrama : ಅತ್ಯಾಚಾರ ಮತ್ತು ಅಪಹರಣ ಪ್ರಕರಣದ ಆರೋಪಿ ನಿತ್ಯಾನಂದ 4 ವರ್ಷಗಳಿಂದ ಭಾರತದಿಂದ ತಲೆಮರೆಸಿಕೊಂಡಿದ್ದ. ಸದ್ಯ ವಿದೇಶದಲ್ಲಿ ನೆಲೆಯೂರಿದ್ದಾನೆ. ಸದ್ಯ ಆತನ ಕೈಲಾಸ ದೇಶದ ಆಶ್ರಮದಲ್ಲಿ 'ಜೋಗಯ್ಯ' ಚಿತ್ರದ ಟೈಟಲ್‌ ಸಾಂಗ್ ಗೆ ಸ್ವತಃ ನಿತ್ಯಾನಂದ ಡ್ರಮ್ ಬಾರಿಸುತ್ತಾ ಭಕ್ತರ ಜೊತೆ ಭಜನೆ ಮಾಡುತ್ತಿರುವ ವಿಡಿಯೋ ಸೋಷಿಯಲ್‌ ಮಿಡಿಯಾದಲ್ಲಿ ವೈರಲ್‌ ಆಗುತ್ತಿದೆ.

Nityananda Ashrama : ಯುನೈಟೆಡ್ ಸ್ಟೇಟ್ಸ್ ಆಫ್ ಕೈಲಾಸ ಎಂಬ ಹೆಸರಿನ ತನ್ನದೇ ದೇಶ ರಚಿಸಿಕೊಂಡು ಇರುವುದಾಗಿ ನಿತ್ಯಾನಂದ ಹೇಳಿಕೊಂಡಿದ್ದ. ಸದ್ಯ ಈಕ್ವೆಡಾರ್‌ನ ಕರಾವಳಿಯಲ್ಲಿ ದ್ವೀಪವೊಂದರಲ್ಲಿ ನಿತ್ಯಾನಂದ ವಾಸಿಸಿರುವುದಾಗಿ ವರದಿಯಾಗಿದ್ದು, ಆ ದ್ವೀಪಕ್ಕೆ 'ಕೈಲಾಸ' ಎಂದು ಹೆಸರು ಇಟ್ಟುಕೊಂಡಿದ್ದಾನೆ ಎನ್ನಲಾಗಿದೆ. 

ಇನ್ನು ಕೈಲಾಸ ಎನ್ನುವ ತನ್ನ ಕಾಲ್ಪನಿಕ ದೇಶಕ್ಕೆ ನಿತ್ಯಾನಂದ ಪ್ರತ್ಯೇಕ ಧ್ವಜ, ಲಾಂಛನ, ಪ್ರತ್ಯೇಕ ಪಾಸ್‌ಪೋರ್ಟ್ ಎಲ್ಲವನ್ನೂ ಸಿದ್ದಪಡಿಸಿಕೊಂಡಿದಾನೆ ಎಂದು ತಿಳಿದುಬಂದಿದೆ. ಜೊತೆಗೆ ಆತ ತನ್ನ ದೇಶವನ್ನು ಹಿಂದೂ ರಾಷ್ಟವೆಂದು ಹೇಳಿಕೊಂಡಿದ್ದಾನೆ. 

🤘🥁🎶 Get ready to groove to the rhythm of divine beats as the SPH takes the stage on the drums! 🥁

#YouthLead #YouthEmpowerment #Nithyananda #KAILASA #YouthDay pic.twitter.com/8EbqrHOwN6

— KAILASA's SPH Nithyananda Paramashivam (@SriNithyananda) August 13, 2023

ಇದನ್ನೂ ಓದಿ- ʼಜವಾನ್ʼಗೆ ಶಾಕ್..! ಇಂಟರ್‌ನೆಟ್‌ನಲ್ಲಿ ಶಾರುಖ್ ನ್ಯೂ ಸಿನಿಮಾದ ಕ್ಲಿಪ್ಸ್ ಲೀಕ್‌..!

ನಿತ್ಯಾನಂದ ತಾನು ರಚಿಸಿಕೊಂಡಿರುವ ಕೈಲಾಸ ದೇಶಕ್ಕೆ ತಾನೇ ಸರ್ವಾಧಿಕಾರಿ. ಆ ದೇಶದಲ್ಲಿ ಯಾವುದೇ ರಾಜಕೀಯ ಇಲ್ಲವಂತೆ. ಅಲ್ಲಿ ನಟಿ ರಂಜಿತಾ ಹಾಗೂ ಆಕೆಯ ಸಹೋದರಿ ಇಬ್ಬರೂ ಅದೇ ಆಶ್ರಮದಲ್ಲಿ ಇದ್ದಾರೆ ಎಂದು ಹೇಳಲಾಗಿದೆ. 

ಸದ್ಯ ಸ್ವಯಂ ಘೋಷಿತ ದೇವಮಾನವ ನಿತ್ಯಾನಂದನ ಆಶ್ರಮದಲ್ಲಿ ಭಜನೆ ಮಾಡುವ ವಿಡಿಯೋವೊಂದು ವೈರಲ್ ಆಗುತ್ತಿದೆ. ಹೌದು 'ಜೋಗಯ್ಯ' ಚಿತ್ರದ ಟೈಟಲ್‌ ಸಾಂಗ್ ಗೆ  ಸ್ವತಃ ನಿತ್ಯಾನಂದ ಡ್ರಮ್ ಬಾರಿಸುತ್ತಾ ಭಕ್ತರ ಜೊತೆ ಭಜನೆ ಮಾಡುತ್ತಿರುವುದನ್ನು ಈ ವಿಡಿಯೋದಲ್ಲಿ ಸೆರೆಯಾಗಿದೆ. ಈ ವಿಡಿಯೋಗೆ ಶಿವರಾಜ್‌ಕುಮಾರ್ ಅಭಿಮಾನಿಗಳು ಕಾಮೆಂಟ್ ಮಾಡಿ ಮೆಚ್ಚುಗೆ ವ್ಯಕ್ತಪಡಿಸುತ್ತಿದ್ದಾರೆ.