Raksha Bandhan 2023: ರಕ್ಷಾಬಂಧನದ ದಿನ ಅಪ್ಪಿತಪ್ಪಿಯೂ ಈ ತಪ್ಪುಗಳನ್ನು ಮಾಡಬೇಡಿ!

ರಕ್ಷಾ ಬಂಧನ 2023: ಈ ವರ್ಷದ ರಕ್ಷಾಬಂಧನವು ತುಂಬಾ ವಿಶೇಷವಾಗಿರಲಿದೆ. 700 ವರ್ಷಗಳ ನಂತರ ರಕ್ಷಾಬಂಧನದಂದು ಅಪರೂಪದ ಯೋಗ ರೂಪುಗೊಳ್ಳುತ್ತಿದ್ದು, ಜನಜೀವನದ ಮೇಲೆ ದೊಡ್ಡ ಪರಿಣಾಮ ಬೀರಲಿದೆ. ಈ ದಿನ ಅಪ್ಪಿತಪ್ಪಿಯೂ ಕೆಲವು ತಪ್ಪುಗಳನ್ನು ಮಾಡಬಾರದು.

ರಕ್ಷಾ ಬಂಧನ 2023

ನವದೆಹಲಿ: 2023ರಲ್ಲಿ ರಕ್ಷಾ ಬಂಧನ ಹಬ್ಬವನ್ನು ಆಗಸ್ಟ್ 30 ಮತ್ತು 31ರಂದು ಆಚರಿಸಲಾಗುತ್ತದೆ. ಅಷ್ಟೇ ಅಲ್ಲ ಈ ಬಾರಿ ಆಗಸ್ಟ್ 30ರಂದು ಶ್ರಾವಣ ಹುಣ್ಣಿಮೆಯಂದು ಸೂರ್ಯ, ಬುಧ, ಗುರು, ಶುಕ್ರ ಮತ್ತು ಶನಿ ಗ್ರಹಗಳು ಒಟ್ಟಾಗಿ ಪಂಚ ಮಹಾಯೋಗವನ್ನು ರೂಪಿಸುತ್ತಿವೆ. ಈ 5 ಗ್ರಹಗಳಲ್ಲಿ ಬುಧಾದಿತ್ಯ, ವಾಸರಪತಿ ಮತ್ತು ಶಶ ಯೋಗವೂ ಸೃಷ್ಟಿಯಾಗುತ್ತಿದೆ. 700 ವರ್ಷಗಳ ನಂತರ ರಕ್ಷಾ ಬಂಧನದ ದಿನದಂದು ಪಂಚ ಮಹಾಯೋಗ ರಚನೆಯಾಗುತ್ತಿರುವಾಗ ಇಂತಹ ಕಾಕತಾಳೀಯ ಸಂಭವಿಸಿದೆ. ಅಷ್ಟೇ ಅಲ್ಲ ಆಗಸ್ಟ್ 30ರಂದು ರಕ್ಷಾ ಬಂಧನದ ಇಡೀ ದಿನ ಅಶುಭವೆಂದು ಪರಿಗಣಿಸಲಾದ ಭದ್ರ ಕಾಲವಿರುತ್ತದೆ.

ರಕ್ಷಾ ಬಂಧನ ಆಚರಿಸಲು ಶುಭ ಸಮಯ

ರಕ್ಷಾಬಂಧನದ ದಿನದಂದು ಭದ್ರಕಾಲದ ಕಾರಣ ಅನೇಕ ಜನರು ಆಗಸ್ಟ್ 31ರಂದು ರಕ್ಷಾಬಂಧನವನ್ನು ಆಚರಿಸುತ್ತಾರೆ. ಅದೇ ರೀತಿ ಆಗಸ್ಟ್ 30ರ ದಿನದಂದು ಮಾಡಲಾಗುತ್ತಿರುವ ಪಂಚ ಯೋಗ ಕೂಡ ಈ ದಿನದ ಮಹತ್ವವನ್ನು ಹೆಚ್ಚಿಸಿದೆ. ಇಂತಹ ಪರಿಸ್ಥಿತಿಯಲ್ಲಿ ರಕ್ಷಾ ಬಂಧನದ ಶುಭ ದಿನದಂದು ಕೆಲವು ತಪ್ಪುಗಳನ್ನು ಮಾಡುವುದನ್ನು ತಪ್ಪಿಸಬೇಕು. ಅಲ್ಲದೆ ಆಗಸ್ಟ್ 30ರಂದು ರಾಖಿ ಕಟ್ಟುವವರಿಗೆ ರಾತ್ರಿ 9:20ಕ್ಕೆ ಭದ್ರಕಾಲದ ನಂತರವೇ ಸಹೋದರಿಯರು ತಮ್ಮ ಸಹೋದರರಿಗೆ ರಾಖಿ ಕಟ್ಟಬೇಕು. ಮತ್ತೊಂದೆಡೆ ಆಗಸ್ಟ್ 31ರಂದು ರಕ್ಷಾ ಬಂಧನ ಆಚರಿಸಲು ಹೊರಟಿರುವವರಿಗೆ ಶುಭ ಮುಹೂರ್ತವು ಬೆಳಗ್ಗೆ 7.5 ನಿಮಿಷಗಳವರೆಗೆ ಮಾತ್ರವಿರುತ್ತದೆ. ಇದಾದ ಬಳಿಕ ಶ್ರಾವಣ ಪೂರ್ಣಿಮೆ ಮುಕ್ತಾಯವಾಗಲಿದೆ.

ಇದನ್ನೂ ಓದಿ: ರಾತ್ರಿ ಮಲಗುವ ಮುನ್ನ ಎರಡು ಕುಡಿ ಲವಂಗ ತಿಂದು ಚಮತ್ಕಾರ ನೋಡಿ!

ರಕ್ಷಾಬಂಧನದ ದಿನ ಈ ಕೆಲಸ ಮಾಡಬೇಡಿ

 - ಆಗಸ್ಟ್ 30ರಂದು ರಕ್ಷಾಬಂಧನವನ್ನು ಆಚರಿಸುತ್ತಿದ್ದರೆ, ಅಪ್ಪಿತಪ್ಪಿಯೂ ಭದ್ರಕಾಲದಲ್ಲಿ ನಿಮ್ಮ ಸಹೋದರನಿಗೆ ರಾಖಿ ಕಟ್ಟಬೇಡಿ. ಇದು ಜೀವನದಲ್ಲಿ ಬಿಕ್ಕಟ್ಟು ತರಬಹುದು. ಭದ್ರ ಕಾಲದಲ್ಲಿ ರಾವಣನಿಗೆ ಆತನ ಸಹೋದರಿ ರಾಖಿ ಕಟ್ಟಿದಳು ಮತ್ತು ಅದೇ ವರ್ಷ ಶ್ರೀರಾಮನು ರಾವಣನನ್ನು ಕೊಂದನು.

- ರಾಖಿ ಕಟ್ಟುವಾಗ ಸಹೋದರಿಯು ಮುಖ ನೈಋತ್ಯ ದಿಕ್ಕಿಗೆ ಮತ್ತು ಸಹೋದರನ ಮುಖವು ಈಶಾನ್ಯ ದಿಕ್ಕಿಗೆ ಇರುವಂತೆ ಕುಳಿತುಕೊಳ್ಳಬೇಕು ಎಂಬುದನ್ನು ನೆನಪಿನಲ್ಲಿಡಿ.

- ನಿಮ್ಮ ಸಹೋದರನಿಗೆ ಪ್ಲಾಸ್ಟಿಕ್, ಹರಿದ, ಅಶುಭ ಅಥವಾ ಕಪ್ಪು ರಾಖಿಯನ್ನು ಕಟ್ಟಬೇಡಿ. ಇಂತಹ ರಾಖಿಯನ್ನು ಕಟ್ಟುವುದು ಸಹೋದರ ಮತ್ತು ಸಹೋದರಿ ಇಬ್ಬರಿಗೂ ತುಂಬಾ ಅಶುಭ.

- ರಕ್ಷಾ ಬಂಧನದಂದು ಸಹೋದರರು ತಮ್ಮ ಸಹೋದರಿಯರಿಗೆ ಬಹಳ ಎಚ್ಚರಿಕೆಯಿಂದ ಉಡುಗೊರೆ ನೀಡಬೇಕು. ನಿಮ್ಮ ಸಹೋದರಿಗೆ ತೀಕ್ಷ್ಣವಾದ ಅಥವಾ ಮೊನಚಾದ ವಸ್ತುಗಳನ್ನು ಉಡುಗೊರೆಯಾಗಿ ನೀಡಬೇಡಿ. ಗಾಜಿನ ವಸ್ತುಗಳು, ಕರವಸ್ತ್ರಗಳು ಅಥವಾ ಬೂಟುಗಳು ಮತ್ತು ಚಪ್ಪಲಿಗಳನ್ನು ಉಡುಗೊರೆಯಾಗಿ ನೀಡಬೇಡಿ.

- ರಕ್ಷಾ ಬಂಧನದ ದಿನದಂದು ಸಹೋದರ-ಸಹೋದರಿಯರು ಕಪ್ಪು ಬಟ್ಟೆಯನ್ನು ಧರಿಸಬಾರದು. ಈ ದಿನ ಕೆಂಪು, ಹಳದಿ ಅಥವಾ ಹಸಿರು ಬಣ್ಣದ ಬಟ್ಟೆಗಳನ್ನು ಧರಿಸುವುದು ಮಂಗಳಕರವಾಗಿರುತ್ತದೆ.

- ರಕ್ಷಾ ಬಂಧನದ ದಿನದಂದು ಅಪ್ಪಿತಪ್ಪಿಯೂ ಮಾಂಸ, ಮದ್ಯದಂತಹ ವಸ್ತುಗಳನ್ನು ಸೇವಿಸಬಾರದು. ಬದಲಿಗೆ ಈ ದಿನ ಶುದ್ಧ ಮತ್ತು ಸಾತ್ವಿಕ ಆಹಾರವನ್ನು ಮಾತ್ರ ಸೇವಿಸಿ.

ಇದನ್ನೂ ಓದಿ: ಮಕ್ಕಳನ್ನೂ ಬಲಿ ಪಡಿಯುತ್ತಿದೆ ಹೃದಯಾಘಾತ! ಹೃದ್ರೋಗದ ಈ ಲಕ್ಷಣ ನಿರ್ಲಕ್ಷಿಸಬೇಡಿ..!

 (ಗಮನಿಸಿರಿ: ಇಲ್ಲಿ ನೀಡಲಾದ ಮಾಹಿತಿಯು ಸಾಮಾನ್ಯ ನಂಬಿಕೆಗಳು ಮತ್ತು ಮಾಹಿತಿಯನ್ನು ಆಧರಿಸಿದೆ. ZEE NEWS ಇದನ್ನು ದೃಢಪಡಿಸುವುದಿಲ್ಲ.)