Rukmini Vasanth: ಕನ್ನಡಿಗರ ನ್ಯೂ ಕ್ರಶ್ ಸಪ್ತ ಸಾಗರದಾಚೆ ಎಲ್ಲೋ ʼಪುಟ್ಟಿʼ ಶೀಘ್ರದಲ್ಲೇ ಟಾಲಿವುಡ್‌ನತ್ತ!!

Rukmini Vasanth: 'ಸಪ್ತ ಸಾಗರದಾಚೆ ಎಲ್ಲೋ' ಸಿನಿಮಾದ ಮೂಲಕ ಕನ್ನಡಿಗರ ನ್ಯೂ ಕ್ರಶ್ ಆಗಿರುವ ಪುಟ್ಟಿ ಅಲಿಯಾಸ್‌ ರುಕ್ಮಿಣಿ ವಸಂತ್‌ ಇದೀಗ ಟಾಲಿವುಡ್‌ನತ್ತ ಮುಖಮಾಡಿದ್ದಾರೆ ಎನ್ನಲಾಗುತ್ತಿದೆ.

Sapta sagaradache ello: ರುಕ್ಮಿಣಿ ವಸಂತ್‌ ಹಾಗೂ ರಕ್ಷಿತ್‌ ಶೆಟ್ಟಿ ನಟನೆಯ 'ಸಪ್ತ ಸಾಗರದಾಚೆ ಎಲ್ಲೋ' ಸಿನಿಮಾ ರಿಲೀಸ್‌ ಆಗಿ ಭರ್ಜರಿ ಸೌಂಡ್‌ ಮಾಡಿತ್ತು. ಮನು-ಪ್ರಿಯಾ ಕೆಮಿಸ್ಟ್ರಿಗೆ ಸ್ಯಾಂಡಲ್‌ವುಡ್‌ ಮಾತ್ರವಲ್ಲದೇ ಟಾಲಿವುಡ್‌ ಮಂದಿ ಕೂಡ ಫಿದಾ ಆಗಿದ್ದರು. 

ಟಾಲಿವುಡ್‌ನಲ್ಲಿ 'ಸಪ್ತ ಸಾಗರಾಲು ದಾಟಿ' ಎನ್ನುವ ಟೈಟಲ್‌ ಮೂಲಕ ಸಿನಿಮಾ ರಿಲೀಸ್‌ ಆಗಿ ಮೊದಲ ದಿನವೇ ಬ್ರೇಕ್ ಈವನ್ ಆಗಿತ್ತು. ಅಲ್ಲದೇ ವಾರಾಂತ್ಯದಲ್ಲೂ ಭರ್ಜರಿ ಕಲೆಕ್ಷನ್‌ ಮಾಡಿತ್ತು. ಇನ್ನು ಈ ಸಿನಿಮಾಗೆ ಸೋಷಿಯಲ್‌ ಮಿಡಿಯಾದಲ್ಲಿ ಮೆಚ್ಚುಗೆಯ ಮಹಾಪೂರವೇ ಹರಿದು ಬಂದಿತ್ತು. 

ಇದನ್ನೂ ಓದಿ-ರಕ್ಷ್ ರಾಮ್ ನಾಯಕನಾಗಿ ನಟಿಸುತ್ತಿರುವ 'ಬರ್ಮ' ಚಿತ್ರದ ಚಿತ್ರೀಕರಣ ಆರಂಭ..!

ರುಕ್ಮಿಣಿ ವಸಂತ್‌ ಪ್ರಿಯಾ ಪಾತ್ರದಲ್ಲಿ ನಟಿಸಿ ಎಲ್ಲರಿಗೂ ಮೋಡಿ ಮಾಡಿದ್ದಾರೆ. ಇದಲ್ಲದೇ ಗಣೇಶ್ ಜೋಡಿಯಾಗಿ 'ಬಾನದಾರಿಯಲ್ಲಿ' ಚಿತ್ರದಲ್ಲಿ ರುಕ್ಮಿಣಿ ನಟಿಸಿದ್ದು, ಈ ಸಿನಿಮಾ ಸಹ ಇದೇ ವಾರದಲ್ಲಿ ತೆರೆಗೆ ಬರಲಿದೆ. ಜೊತೆಗೆ ಶ್ರೀಮುರುಳಿ ಅವರ 'ಬಘೀರ', ಶಿವಣ್ಣನ 'ಬೈರತಿ ರಣಗಲ್' ಚಿತ್ರದಲ್ಲಿ ನಮ್ ಪುಟ್ಟಿ ಕಾಣಿಸಿಕೊಳ್ಳಲಿದ್ದಾರೆ. ಒಟ್ಟಿನಲ್ಲಿ ರುಕ್ಮಿಣಿ ವಸಂತ್‌ ಸದ್ಯ ಬಹುಬೇಡಿಕೆಯ ನಟಿ. 

ಇನ್ನು ಅತ್ತ ಟಾಲಿವುಡ್ನಲ್ಲಿ  ಕನ್ನಡ ನಟಿಯರ ಹಾವಳಿ ಜೋರಾಗಿದೆ. ಶ್ರೀಲೀಲಾ, ರಶ್ಮಿಕಾ ಸಖತ್‌ ಮಿಂಚುತ್ತಿದ್ದಾರೆ. ಹೀಗಿರುವಾಗ ರುಕ್ಮಿಣಿ ವಸಂತ್ ಶೀಘ್ರದಲ್ಲೇ ಟಾಲಿವುಡ್‌ಗೆ ಎಂಟ್ರಿ ಕೊಡಬಹುದು ಎನ್ನಲಾಗುತ್ತಿದೆ. ಇತ್ತೀಚೆಗೆ ಭಾಗವಹಿಸಿದ ಸಂದರ್ಶನದಲ್ಲಿ ನಟಿ ರುಕ್ಮಿಣಿ ವಸಂತ್‌ ಸಹ ನನಗೆ ತೆಲುಗಿನಲ್ಲಿ ನಟಿಸುವ ಅವಕಾಶ ಸಿಕ್ಕರೆ ಮಿಸ್‌ ಮಾಡಿಕೊಳ್ಳುವುದಿಲ್ಲ ಎಂದಿದ್ದಾರೆ.