Riyan Parag big record: ODI ವಿಶ್ವಕಪ್ 2023ರ ನಡುವೆ ಭಾರತದಲ್ಲಿ ದೇಶೀಯ ಕ್ರಿಕೆಟ್ ಋತುವೂ ಪ್ರಾರಂಭವಾಗಿದೆ. ಅಂದಹಾಗೆ ಸೈಯದ್ ಮುಷ್ತಾಕ್ ಅಲಿ ಟ್ರೋಫಿಯಲ್ಲಿ ಅಸ್ಸಾಂ ತಂಡದ ಭಾಗವಾಗಿರುವ ರಿಯಾನ್ ಪರಾಗ್ ಮಹತ್ವದ ದಾಖಲೆಯನ್ನು ಬರೆದಿದ್ದಾರೆ.
ಇದನ್ನೂ ಓದಿ: ವಿರಾಟ್- ಅನುಷ್ಕಾ ವಿವಾಹವಾದ ಆ ರೊಮ್ಯಾಂಟಿಕ್ ತಾಣ ಯಾವುದು? ಅಲ್ಲಿ ಒಂದು ರಾತ್ರಿಯ ವೆಚ್ಚ ಎಷ್ಟು ಗೊತ್ತಾ?
ಟಿ 20 ಮಾದರಿಯಲ್ಲಿ ನಡೆದ ಈ ಟ್ರೋಫಿಯಲ್ಲಿ ಅಸ್ಸಾಂ ಮತ್ತು ಕೇರಳ ನಡುವಿನ ಪಂದ್ಯದಲ್ಲಿ ರಿಯಾನ್ ಪರಾಗ್ ಕೇವಲ 33 ಎಸೆತಗಳಲ್ಲಿ 57 ರನ್ ಗಳಿಸಿ ಅಜೇಯ ಇನ್ನಿಂಗ್ಸ್ ಆಡುವ ಮೂಲಕ ಇತಿಹಾಸದಲ್ಲಿ ಇದುವರೆಗೆ ಯಾವುದೇ ಬ್ಯಾಟ್ಸ್‌ಮನ್ ಮಾಡದ ದಾಖಲೆ ಬರೆದಿದ್ದಾರೆ.
ರಿಯಾನ್ ಪರಾಗ್ ಈಗ ಟಿ20 ಕ್ರಿಕೆಟ್’ನಲ್ಲಿ ಸತತ ಆರು ಇನ್ನಿಂಗ್ಸ್’ಗಳಲ್ಲಿ 50 ಅಥವಾ ಅದಕ್ಕಿಂತ ಹೆಚ್ಚು ರನ್ ಗಳಿಸಿದ ಮೊದಲ ಆಟಗಾರ ಎನಿಸಿಕೊಂಡಿದ್ದಾರೆ. ಇದಕ್ಕೂ ಮುನ್ನ ಅಕ್ಟೋಬರ್ 25ರಂದು ಹಿಮಾಚಲ ಪ್ರದೇಶ ವಿರುದ್ಧ ನಡೆದ ಪಂದ್ಯದಲ್ಲಿ ರಿಯಾನ್ ಪರಾಗ್ ಸತತ ಐದನೇ ಅರ್ಧಶತಕ ಬಾರಿಸುವ ಮೂಲಕ ಶ್ರೇಷ್ಠ ಆಟಗಾರರ ಪಟ್ಟಿಗೆ ಸೇರ್ಪಡೆಗೊಂಡಿದ್ದರು.
ಟಿ20 ಮಾದರಿಯಲ್ಲಿ ಸತತ ಅರ್ಧಶತಕ ಸಿಡಿಸಿದ ಆಟಗಾರರು:
- ರಿಯಾನ್ ಪರಾಗ್ (ಅಸ್ಸಾಂ) – 2023- 6 ಇನ್ನಿಂಗ್ಸ್
- ವೀರೇಂದ್ರ ಸೆಹ್ವಾಗ್ (ದೆಹಲಿ ಡೇರ್ ಡೆವಿಲ್ಸ್) – 2012- ಐದು ಇನ್ನಿಂಗ್ಸ್
- ಹ್ಯಾಮಿಲ್ಟನ್ ಮಸಕಡ್ಜಾ (ಜಿಂಬಾಬ್ವೆ) – 2012-ಐದು ಇನ್ನಿಂಗ್ಸ್
- ಕಮ್ರಾನ್ ಅಕ್ಮಲ್ (ಲಾಹೋರ್ ವೈಟ್ಸ್) - 2017 - ಐದು ಇನ್ನಿಂಗ್ಸ್
- ಜೋಸ್ ಬಟ್ಲರ್ (ರಾಜಸ್ಥಾನ್ ರಾಯಲ್ಸ್) - 2018 -ಐದು ಇನ್ನಿಂಗ್ಸ್
- ಡೇವಿಡ್ ವಾರ್ನರ್ (ಸನ್‌ರೈಸರ್ಸ್ ಹೈದರಾಬಾದ್) - 2018 - ಐದು ಇನ್ನಿಂಗ್ಸ್
- ಡೆವೊನ್ ಕಾನ್ವೇ (ನ್ಯೂಜಿಲೆಂಡ್ ಮತ್ತು ವೆಲ್ಲಿಂಗ್ಟನ್) - 2021 -ಐದು ಇನ್ನಿಂಗ್ಸ್
- ವೇಯ್ನ್ ಮ್ಯಾಡ್ಸೆನ್ (ಡರ್ಬಿಶೈರ್) - 2023 - ಐದು ಇನ್ನಿಂಗ್ಸ್
ರಿಯಾನ್ ಪರಾಗ್ ಕಳೆದ ಆರು ಇನ್ನಿಂಗ್ಸ್’ಗಳಲ್ಲಿ ಸತತ ಅರ್ಧಶತಕ ಗಳಿಸುವ ಮೂಲಕ ವಿಶ್ವದಾಖಲೆ ನಿರ್ಮಿಸಿದ್ದಾರೆ. ಇದರ ಜೊತೆಗೆ ಸೈಯದ್ ಮುಷ್ತಾಕ್ ಅಲಿ ಟ್ರೋಫಿ 2023ರಲ್ಲಿ ಅತಿ ಹೆಚ್ಚು ರನ್ ಗಳಿಸಿದ ಆಟಗಾರರ ಪಟ್ಟಿಯಲ್ಲಿ ಮೊದಲ ಸ್ಥಾನದಲ್ಲಿದ್ದಾರೆ. ಪರಾಗ್ ಇದುವರೆಗೆ ಏಳು ಇನ್ನಿಂಗ್ಸ್’ಗಳಲ್ಲಿ 110ರ ಅತ್ಯುತ್ತಮ ಸರಾಸರಿಯೊಂದಿಗೆ 440 ರನ್ ಗಳಿಸಿದ್ದಾರೆ. ಈ ಅವಧಿಯಲ್ಲಿ ಅವರ ಗರಿಷ್ಠ ಸ್ಕೋರ್ 76 ರನ್ ಆಗಿತ್ತು.
ಇದನ್ನೂ ಓದಿ: Virat Kohli: ಕೊಹ್ಲಿ ಎನರ್ಜಿಗೆ ಇದೇ ಕಾರಣ..! ಹೋಟೆಲ್ ಸಿಬ್ಬಂದಿ ಬಿಚ್ಚಿಟ್ಟ ವಿರಾಟ್ ವಿಶ್ವಕಪ್ ಡಯಟಿಂಗ್ ರಹಸ್ಯ
ಕನ್ನಡ ಭಾಷೆಯಲ್ಲಿ ಇತ್ತೀಚಿನ ಕರ್ನಾಟಕ, ದೇಶ, ವಿದೇಶ, ಮನರಂಜನೆ, ಶಿಕ್ಷಣ, ಉದ್ಯೋಗ, ಆರೋಗ್ಯ, ಜೀವನಶೈಲಿ, ಆಧ್ಯಾತ್ಮ, ಕ್ರೀಡೆ, ಕ್ರೈಂ, ವೈರಲ್, ವ್ಯಾಪಾರ, ತಂತ್ರಜ್ಞಾನ ಸುದ್ದಿಗಳನ್ನು ಓದಲು ಈಗಲೇ ನಮ್ಮ ಜೀ ಕನ್ನಡ ನ್ಯೂಸ್ ಮೊಬೈಲ್ ಅಪ್ಲಿಕೇಶನ್ ಡೌನ್ಲೋಡ್ ಮಾಡಿ...
Android Link - https://bit.ly/3AClgDd
Apple Link - https://apple.co/3wPoNgr
ನಮ್ಮ ಸೋಶಿಯಲ್ ಮೀಡಿಯಾ ಪುಟಗಳಿಗೆ ಸಬ್ ಸ್ಕ್ರೈಬ್ ಆಗಲು
Twitter Link - https://bit.ly/3n6d2R8
Facebook Link - https://bit.ly/3Hhqmcj
Youtube Link - https://www.youtube.com/live/RNn4I7iIaYE?si=3G4W5dh0oCdFnu-T
Instagram Link - https://bit.ly/3LyfY2l
Sharechat Link - https://bit.ly/3LCjokI
Threads Link- https://www.threads.net/@zeekannadanews
WhatsApp Channel- bit.ly/46lENGm ಲಿಂಕ್ ಗಳ ಮೇಲೆ ಕ್ಲಿಕ್ ಮಾಡಿ.
