Rashmika Mandanna Deepfake ವಿಡಿಯೋ ತಯಾರಿಸಿದವರಿಗೆ ಶಿಕ್ಷೆ-ದಂಡ ಪ್ರಕಟಿಸಿದ ಸರ್ಕಾರ, ಇಲ್ಲಿದೆ ಡೀಟೈಲ್ಸ್!

Rashimika Mandanna Deepfake Video: ನಟಿ ರಶ್ಮಿಕಾ ಮಂದಣ್ಣಗೆ ಸಂಬಂಧಿಸಿದೆ ಎನ್ನಲಾಗಿರುವ ವಿಡಿಯೋ ಸಾಮಾಜಿಕ ಮಾಧ್ಯಮಗಳಲ್ಲಿ ಭಾರಿ ಕೋಲಾಹಲಕ್ಕೆ ಕಾರಣವಾಗಿದೆ. ಅದೂ ಆಕೆಯ ವಿಡಿಯೋ ಅಲ್ಲ ಮತ್ತು ಬೇರೊಬ್ಬ ಬೋಲ್ಡ್ ಹುಡುಗಿಯ ಮುಖಕ್ಕೆ ಆಕೆಯ ಮುಖ ಜೋಡಿಸಿ, ಅಂದರೆ ಡೀಪ್ ಫೇಕ್ ವಿಡಿಯೋ ಆಗಿದೆ. ಇದಾದ ಬಳಿಕ ಇದೀಗ ಸರ್ಕಾರ ಸಾಮಾಜಿಕ ಜಾಲತಾಣಗಳಿಗೆ ಸಲಹೆ ಸೂಚನೆ ನೀಡಿದೆ. ಈ ರೀತಿ ಮಾಡಿದರೆ 3 ವರ್ಷ ಜೈಲು ಶಿಕ್ಷೆ ಹಾಗೂ 1 ಲಕ್ಷ ದಂಡ ವಿಧಿಸಲಾಗುವುದು ಎಂದು ಸರ್ಕಾರ ಹೇಳಿದೆ. (Viral News In Kannada)

ಬೆಂಗಳೂರು: ನಿನ್ನೆ, ರಶ್ಮಿತಾ ಮಂದಣ್ಣ ಅವರ ಡೀಪ್ ಫೇಕ್  ವೀಡಿಯೊ ವೈರಲ್ ಆಗಿತ್ತು. ಬಳಿಕ ಆ ಕುರಿತಂತೆ ರಶ್ಮಿಕಾ ಕೂಡ ತಮ್ಮ ಪ್ರತಿಕ್ರಿಯೆ ನೀಡಿದಾರು. ಅಮಿತಾಬ್ ಬಚ್ಚನ್ ಕೂಡ ಕಾನೂನು ಕ್ರಮದ ಬಗ್ಗೆ ಮಾತನಾಡಿದ್ದರು. ಆದರೆ, ಇದೀಗ ಕೇಂದ್ರದಿಂದ ಸಾಮಾಜಿಕ ಜಾಲತಾಣಗಳಿಗೆ ರಿಮೈಂಡರ್ ಕಳುಹಿಸಲಾಗಿದೆ. ಎಲೆಕ್ಟ್ರಾನಿಕ್ಸ್ ಮತ್ತು ಮಾಹಿತಿ ತಂತ್ರಜ್ಞಾನ ಸಚಿವಾಲಯವು ಸಾಮಾಜಿಕ ಮಾಧ್ಯಮ ಪ್ಲಾಟ್‌ಫಾರ್ಮ್‌ಗಳಿಗೆ ಸಲಹೆಯನ್ನು ನೀಡಿದೆ, ಅದರಲ್ಲಿ ಡೀಪ್ ಫೇಕ್ ವಿಡಿಯೋಗಳ ಬಗ್ಗೆ ಕಾನೂನು ನಿಬಂಧನೆಗಳನ್ನು ಸರ್ಕಾರ ಉಲ್ಲೇಖಿಸಿದೆ. ಅದನ್ನು ತಯಾರಿಸಿ ಹಂಚಿಕೊಳ್ಳುವವರಿಗೆ ಶಿಕ್ಷೆಯಾಗಬಹುದು ಎಂದು ಸರ್ಕಾರ ಹೇಳಿದೆ. (Viral News In Kannada)

ಸರ್ಕಾರವು ಮಾಹಿತಿ ತಂತ್ರಜ್ಞಾನ ಕಾಯಿದೆ, 2000 ರ ಸೆಕ್ಷನ್ 66D ಅನ್ನು ಉಲ್ಲೇಖಿಸಿದೆ. ಇದರ ಪ್ರಕಾರ, ಕಂಪ್ಯೂಟರ್ ಬಳಸಿ ವಂಚನೆ ಮಾಡುವ ಯಾರಾದರೂ ಶಿಕ್ಷೆಗೆ ಗುರಿಯಾಗುತ್ತಾರೆ. ಇದರಲ್ಲಿ 3 ವರ್ಷಗಳ ಜೈಲು ಶಿಕ್ಷೆ ಇದೆ. 1 ಲಕ್ಷ ದಂಡ ವಿಧಿಸುವ ಅವಕಾಶವೂ ಇದೆ. ಇಂತಹ ಪರಿಸ್ಥಿತಿಯಲ್ಲಿ, ಯಾರೊಬ್ಬರ ಫೋಟೋ ಅಥವಾ ವೀಡಿಯೊವನ್ನು ಟ್ಯಾಂಪರಿಂಗ್ ಮಾಡುವುದು ತಯಾರಾಕರಿಗೆ ದುಬಾರಿಯಾಗಿ ಪರಿಣಮಿಸಲಿದೆ.

ಇದನ್ನೂ ಓದಿ-ಹಕ್ಕಿಯಂತೆ ಹಾರಿ ಬಂದು ಆನ್ಲೈನ್ ಸರಕು ತಲುಪಿಸುವ ಡೇಲಿವರಿ ಬಾಯ್ ನೋಡಿದ್ದೀರಾ?... ವಿಡಿಯೋ ನೋಡಿ!

ರಶ್ಮಿಕಾ ಮಂದಣ್ಣಗೆ ಸಂಬಂಧಿಸಿದ ವಿಡಿಯೋದಲ್ಲೇನಿದೆ
ರಶ್ಮಿಕಾ ಮಂದಣ್ಣ ಲಿಫ್ಟ್‌ಗೆ ಪ್ರವೇಶಿಸುತ್ತಿರುವ ವಿಡಿಯೋ ವೈರಲ್ ಆದ ನಂತರ ಸರ್ಕಾರದಿನ ಈ ಸಲಹೆ ಬಂದಿದೆ. ಕ್ಲಿಪ್ ಟ್ರೆಂಡ್ ಆದ ನಂತರ, ಅದು ಬ್ರಿಟಿಷ್-ಭಾರತೀಯ ಜಾರಾ ಪಟೇಲ್ ಅವರ ವೀಡಿಯೊ ಎಂದು ತಿಳಿದುಬಂದಿದೆ. ಡೀಪ್ ಫೇಕ್ ತಂತ್ರಜ್ಞಾನವನ್ನು ಬಳಸಿಕೊಂಡು ವಿಡಿಯೋವನ್ನು ತಿದ್ದಲಾಗಿದೆ ಮತ್ತು ಫಲಿತಾಂಶವು ಆಘಾತಕಾರಿಯಾಗಿದೆ. ಇದರಲ್ಲಿ ಜಾರಾ ಮುಖದ ಮೇಲೆ ನಟಿಯ ಮುಖವನ್ನು ಅಳವಡಿಸಲಾಗಿತ್ತು.

🚨 There is an urgent need for a legal and regulatory framework to deal with deepfake in India.

You might have seen this viral video of actress Rashmika Mandanna on Instagram. But wait, this is a deepfake video of Zara Patel.

This thread contains the actual video. (1/3) pic.twitter.com/SidP1Xa4sT

— Abhishek (@AbhishekSay) November 5, 2023

ಇದನ್ನೂ ಓದಿ-ಅಷ್ಟಕ್ಕೂ Rashmika Deepfake Video ನಲ್ಲಿರುವ ಬೋಲ್ಡ್ ಬಾಲೆ ಯಾರು?

ಏನಿದು ಡೀಪ್ ಫೇಕ್ ವಿಡಿಯೋ?
ಡೀಪ್ ಫೇಕ್ ವೀಡಿಯೋ ಎಂದರೆ ಇನ್ನೊಬ್ಬ ವ್ಯಕ್ತಿಯ ಮುಖವನ್ನು ನಿಜವಾದ ವ್ಯಕ್ತಿಯ ಮುಖದ ಮೇಲೆ ಹಾಕಲಾಗುತ್ತದೆ. ಜನರು ಇದನ್ನು ಕೃತಕ ಬುದ್ಧಿಮತ್ತೆಯ ಸಹಾಯದಿಂದ ಮಾಡುತ್ತಾರೆ. ಫೋಟೋಗಳು ಮತ್ತು ವೀಡಿಯೋಗಳು ನಿಜವೋ ನಕಲಿಯೋ ಎಂದು ತಿಳಿಯದ ರೀತಿಯಲ್ಲಿ ಟ್ಯಾಂಪರಿಂಗ್ ಮಾಡಲಾಗುತ್ತದೆ. ಇತ್ತೀಚಿನ ದಿನಗಳಲ್ಲಿ, ವಿಷಯ ರಚನೆಕಾರರು ಇದನ್ನು ಸಾಮಾಜಿಕ ಮಾಧ್ಯಮದಲ್ಲಿ ವ್ಯಾಪಕವಾಗಿ ಬಳಸುತ್ತಿದ್ದಾರೆ.

ಇದನ್ನೂ ನೋಡಿ-