ಪ್ರೀತಿ ಜಿಂಟಾ ಹೆಸರಿನ ವಿವಾದ.. ರಿಯಲ್‌ ನೇಮ್‌ ಬಹಿರಂಗಪಡಿಸಿದ ಬಾಲಿವುಡ್‌ ಬ್ಯೂಟಿ!

Preity Zinta Real Name : ನಟಿ ಪ್ರೀತಿ ಜಿಂಟಾ ಅವರ ನಿಜವಾದ ಹೆಸರಿನ ಬಗ್ಗೆ ಹಲವು ವರ್ಷಗಳಿಂದ ಇಂಟರ್ನೆಟ್‌ನಲ್ಲಿ ಸುದ್ದಿಗಳು ಹರಿದಾಡುತ್ತಿವೆ.

Preity Zinta

Preity Zinta Real Name: ನಟಿ ಪ್ರೀತಿ ಜಿಂಟಾ ಮದುವೆಯ ನಂತರ ಚಿತ್ರರಂಗದಿಂದ ದೂರವಾಗಿದ್ದರು. ಆದರೆ ಅವರು ತಮ್ಮ ವೈಯಕ್ತಿಕ ಜೀವನದ ಬಗ್ಗೆ ಆಗಾಗ್ಗೆ ಸುದ್ದಿಯಲ್ಲಿದ್ದಾರೆ. ಅನೇಕ ಸೂಪರ್‌ಹಿಟ್ ಚಿತ್ರಗಳಲ್ಲಿ ಪ್ರೀತಿ ಜಿಂಟಾ‌ ನಟಿಸಿದ್ದಾರೆ. ಅದೇ ಸಮಯದಲ್ಲಿ ಕಳೆದ ಹಲವಾರು ವರ್ಷಗಳಿಂದ ನಟಿ ಪ್ರೀತಿ ಜಿಂಟಾ ನಿಜವಾದ ಹೆಸರಿನ ಬಗ್ಗೆ ಹಲವು ವಿಷಯಗಳು ಚರ್ಚಿಯಲ್ಲಿವೆ. ಇದೀಗ ಇದೇ ವಿಷಯದ ಬಗ್ಗೆ ನಟಿ ಪ್ರೀತಿ ಜಿಂಟಾ ಸಾಮಾಜಿಕ ಮಾಧ್ಯಮದಲ್ಲಿ ವೀಡಿಯೊವನ್ನು ಹಂಚಿಕೊಂಡಿದ್ದಾರೆ. 

ಇದರಲ್ಲಿ ಅವರು ತಮ್ಮ ನಿಜವಾದ ಹೆಸರಿನ ಬಗ್ಗೆ ನಡೆಯುತ್ತಿರುವ ಚರ್ಚೆಯ ಬಗ್ಗೆ ಮಾತನಾಡಿದ್ದಾರೆ. ಹಲವು ವರ್ಷಗಳಿಂದ ನಟಿ ಪ್ರೀತಿ ಜಿಂಟಾ ಅವರ ನಿಜವಾದ ಹೆಸರು 'ಪ್ರೀತಮ್ ಸಿಂಗ್ ಜಿಂಟಾ' ಎಂದು ಹೇಳಲಾಗುತ್ತಿದೆ. ನಟಿ ಇದರ ಬಗ್ಗೆ ವಿಡಿಯೋ ಮೂಲಕ ಸ್ಪಷ್ಟನೆ ನೀಡಿದ್ದಾರೆ.  

ಇದನ್ನೂ ಓದಿ: ದೀಪಿಕಾ ಪಡುಕೋಣೆ ತಿರುಮಲ ಶ್ರೀವಾರಿ ಸೇವೆಯ ವಿಡಿಯೋ ವೈರಲ್

ನಟಿ ಪ್ರೀತಿ ಜಿಂಟಾ ಹಂಚಿಕೊಂಡ ವಿಡಿಯೋದಲ್ಲಿ, 'ಎಲ್ಲರಿಗೂ ನಮಸ್ಕಾರ! ಪ್ರೀತಿ ಜಿಂಟಾ ನನ್ನ ನಿಜವಾದ ಹೆಸರಾ ಅಥವಾ ಪ್ರೀತಮ್ ಸಿಂಗ್ ಜಿಂಟಾ ನಿಜವಾದ ಹೆಸರೇ ಎಂದು ಅನೇಕರು ನನ್ನನ್ನು ಕೇಳುತ್ತಾರೆ. ಹಾಗಾಗಿ ಪ್ರೀತಮ್ ಸಿಂಗ್ ಜಿಂಟಾ ಎಂದಿಗೂ ನನ್ನ ಹೆಸರಾಗಿರಲಿಲ್ಲ. ಇದು ಗೂಗಲ್ ಮತ್ತು ವಿಕಿಪೀಡಿಯಾವನ್ನು ಹೇಗೆ ತಲುಪಿದೆ ಎಂದು ನನಗೆ ತಿಳಿದಿಲ್ಲ. ನನ್ನ ನಿಜವಾದ ಹೆಸರು ಯಾವಾಗಲೂ ಪ್ರೀತಿ ಜಿಂಟಾ ಆಗಿತ್ತು. ಈಗ ನಾನು ಅದಕ್ಕೆ 'ಜಿ' ಸೇರಿಸಿದ್ದೇನೆ ಏಕೆಂದರೆ 'ಗುಡ್‌ನಫ್' ತುಂಬಾ ಉದ್ದವಾಗಿದೆ. ಆದ್ದರಿಂದ ನಾನು ಅದಕ್ಕೆ 'ಜಿ' ಎಂದು ಸೇರಿಸಿದ್ದೇನೆ. ಹಾಗಾಗಿ ಈಗ ನಾನು ಪ್ರೀತಿ ಜಿ ಜಿಂಟಾ ಆಗಿದ್ದೇನೆ. 'ಹೆಸರಿನ ಕೊನೆಯಲ್ಲಿ 'ಜಿ' ಎಂದು ಸೇರಿಸದಂತೆ ನಾನು ನೋಡಿಕೊಂಡಿದ್ದೇನೆ. ಏಕೆಂದರೆ ಅದು ಪ್ರೀತಿ ಜಿಂಟಾ ಜಿ ಆಗುತ್ತಿತ್ತು, ಆದ್ದರಿಂದ ಅದು ಕೇವಲ ಪ್ರೀತಿ ಜಿ ಜಿಂಟಾ ಎಂದು ಸ್ಪಷ್ಟನೆ ನೀಡಿದ್ದಾರೆ. ಈ ಮೂಲಕ ತಮ್ಮ ನಿಜವಾದ ಹೆಸರು ಯಾವಾಗಲೂ ಪ್ರೀತಿ ಜಿಂಟಾ ಎಂದು ಸ್ಪಷ್ಟಪಡಿಸಿದ್ದಾರೆ. 

ಪ್ರೀತಮ್ ಸಿಂಗ್ ಜಿಂಟಾ ಹೆಸರಿನ ಬಗ್ಗೆ ಸಹ ಇದೇ ವಿಡಿಯೋದಲ್ಲಿ ಅವರು ಮಾಡತನಾಡಿದ್ದಾರೆ. ಸೋಲ್ಜರ್ (1998) ಚಿತ್ರದ ಸೆಟ್‌ನಲ್ಲಿ ನಟ ಬಾಬಿ ಡಿಯೋಲ್ ಅವರನ್ನು ಪ್ರೀತಮ್ ಸಿಂಗ್ ಜಿಂಟಾ ಎಂದು ಕರೆಯುವ ಮೂಲಕ ಕೀಟಲೆ ಮಾಡುತ್ತಿದ್ದರು. ಅಂದಿನಿಂದ ಇದು ಅವರ ನಿಜವಾದ ಹೆಸರು ಎಂದು ಜನರು ಭಾವಿಸಲು ಆರಂಭಿಸಿದರು ಎಂದು ತಿಳಿಸಿದ್ದಾರೆ.  

ಇದನ್ನೂ ಓದಿ: 2023 ರ ಅತ್ಯಂತ ಜನಪ್ರಿಯ ಭಾರತೀಯ ತಾರೆ ಇವರೇ.. ಟಾಪ್‌ 10 ಪಟ್ಟಿಯಲ್ಲಿ ಸೌತ್‌ ಸೆಲಿಬ್ರಿಟಿಗಳ ಹವಾ!