IND vs ENG: ಇಂಗ್ಲೆಂಡ್ ತಂಡದ ಜೊತೆ ಭಾರತಕ್ಕೆ ಬರುವ ಅಡುಗೆ ಭಟ್ಟ ಯಾರು ಗೊತ್ತೇ!?

England vs India Test Series: ಇಂಗ್ಲೆಂಡ್ ತಂಡವು ಮೈದಾನದ ಒಳಗೆ ಮಾತ್ರವಲ್ಲ, ಹೊರಗೂ ಸಹ ಹಲವು ಕ್ರಮಗಳನ್ನು ತೆಗೆದುಕೊಳ್ಳುತ್ತದೆ. ಈ ತಿಂಗಳಿನಿಂದ ಪ್ರಾರಂಭವಾಗುವ ಐದು ಪಂದ್ಯಗಳ ಟೆಸ್ಟ್ ಸರಣಿಗಾಗಿ ಇಂಗ್ಲೆಂಡ್ ತಂಡ ಭಾರತಕ್ಕೆ ಬರಲಿದೆ. ತಂಡದ ಜೊತೆ ಅಡುಗೆ ಭಟ್ಟರು ಸಹ ಭಾರತಕ್ಕೆ ಬರುತ್ತಿದ್ದಾರೆ. ತಂಡದ ಆಟಗಾರರ ಫಿಟ್ನೆಸ್‌ಗೆ ಧಕ್ಕೆಯಾಗದಂತೆ ನೋಡಿಕೊಳ್ಳಲು ತನ್ನದೇ ಅಡುಗೆಯವರನ್ನು ಇಂಗ್ಲೆಂಡ್‌ ತಂಡ ಕರೆತರುತ್ತದೆ ಎನ್ನಲಾಗಿದೆ. ಚೆಫ್ ಒಮರ್ ಮೆಜಿಯಾನ್ ಇಂಗ್ಲೆಂಡ್‌ ತಂಡದ ಜೊತೆ ಭಾರತಕ್ಕೆ ಬರಲಿದ್ದಾರೆ.

ಇದನ್ನೂ ಓದಿ: ಧೋತಿ-ಕುರ್ತಾ ಧರಿಸಿ ಕ್ರಿಕೆಟ್ ಆಡಿದ ಪ್ಲೇಯರ್ಸ್… ಸಂಸ್ಕೃತದಲ್ಲಿ ಕಾಮೆಂಟರಿ…! ಗೆದ್ದರೆ 'ಅಯೋಧ್ಯಾ ಪ್ರವಾಸ'

ಚೆಫ್ ಒಮರ್ ಮೆಜಿಯಾನ್ ಈ ಹಿಂದೆ ಡಿಸೆಂಬರ್ 2022 ರಲ್ಲಿ ಬೆನ್ ಸ್ಟೋಕ್ಸ್ ನೇತೃತ್ವದ ಇಂಗ್ಲೆಂಡ್ ತಂಡದೊಂದಿಗೆ ಪಾಕಿಸ್ತಾನಕ್ಕೆ ಪ್ರಯಾಣ ಬೆಳೆಸಿದ್ದರು. ಏಳು ವಾರಗಳ ಪ್ರವಾಸದಲ್ಲಿ ಆಟಗಾರರು ಅನಾರೋಗ್ಯಕ್ಕೆ ಒಳಗಾಗಬಾರದೆಂದು ಇಂಗ್ಲೆಂಡ್ ತನ್ನ ಬಾಣಸಿಗರನ್ನು ಕರೆ ತರುತ್ತಿದೆ.  

ಜನವರಿ 25 ರಂದು ಹೈದರಾಬಾದ್‌ನಲ್ಲಿ ಪ್ರಾರಂಭವಾಗುವ ಟೆಸ್ಟ್‌ ಪಂದ್ಯಕ್ಕೂ ಮೊದಲು ಈ ಬಾಣಸಿಗ ತಂಡದ ಜೊತೆ ಸೇರಲಿದ್ದಾರೆ. ಆಟಗಾರರ ಪೌಷ್ಟಿಕಾಂಶದ ಬಗ್ಗೆ ಕಾಳಜಿ ವಹಿಸುವುದು ಇದರ ಉದ್ದೇಶವಾಗಿದೆ. ಹೈದರಾಬಾದ್‌ನಲ್ಲಿ ಭಾರತ - ಇಂಗ್ಲೆಂಡ್ ಟೆಸ್ಟ್‌ ಸರಣಿ ಆರಂಭವಾಗಲಿದೆ. ನಂತರ ವಿಶಾಖಪಟ್ಟಣಂ, ರಾಜ್‌ಕೋಟ್, ರಾಂಚಿ ಮತ್ತು ಧರ್ಮಶಾಲಾದಲ್ಲಿ ಪಂದ್ಯಗಳು ನಡೆಯಲಿವೆ. ಇಂಗ್ಲೆಂಡ್ ಕೊನೆಯದಾಗಿ 2012ರಲ್ಲಿ ಭಾರತದಲ್ಲಿ ಟೆಸ್ಟ್ ಸರಣಿ ಗೆದ್ದಿತ್ತು.  

ಇದನ್ನೂ ಓದಿ: ಟಿ20 ವಿಶ್ವಕಪ್‌ನಲ್ಲಿ ರೋಹಿತ್ - ಕೊಹ್ಲಿ ಇರಲೇಬೇಕು, ಟೀಂ ಇಂಡಿಯಾ ಬಗ್ಗೆ ಈ ಅನುಭವಿ ಆಟಗಾರ ಹೇಳಿದ್ದೇನು?