Yash: ಕೇವಲ 1 ಚಿತ್ರದಿಂದ ಜಗತ್ತೇ ತಿರುಗಿ ನೋಡುವಂತೆ ಮಾಡಿದ.. 38 ವರ್ಷದ ಸೌತ್ ಸ್ಟಾರ್ ಈತ!

Yash Birthday: ಯಶ್ ಎಂದೇ ಖ್ಯಾತರಾಗಿರುವ ಕನ್ನಡದ ಸೂಪರ್ ಸ್ಟಾರ್ ನವೀನ್ ಕುಮಾರ್ ಗೌಡ ನಟನೆಯ ಮೂಲಕ ಲಕ್ಷಾಂತರ ಅಭಿಮಾನಿಗಳ ಹೃದಯವನ್ನು ಗೆದ್ದಿದ್ದಾರೆ. ಇದೀಗ ಅವರ ಕುರಿತಾದ ಇಂಟ್ರೆಸ್ಟಿಂಗ್‌ ವಿಚಾರಗಳ ಬಗ್ಗೆ ತಿಳಿಯೋಣ

Rocking Star Yash: ಶಾರುಖ್ ಖಾನ್‌ನಂತಹ ಸ್ವಯಂ ನಿರ್ಮಿತ ಸೂಪರ್‌ಸ್ಟಾರ್‌ಗಳ ವರ್ಗಕ್ಕೆ ಸೇರಿದ ಯಶ್ ದೂರದರ್ಶನ ಧಾರಾವಾಹಿಗಳ ಮೂಲಕ ಸಿನಿರಂಗ ಪ್ರವೇಶಿಸಿದರು. ಕಿರುತೆರೆಯಿಂದ ಮೊಗ್ಗಿನ ಮನಸು ಚಿತ್ರದಲ್ಲಿ ತಮ್ಮ ದೊಡ್ಡ ಪರದೆಯ ಚೊಚ್ಚಲ ಪ್ರವೇಶ ಮಾಡಿದ ನಂತರ, ಯಶ್ ಹಿಂತಿರುಗಿ ನೋಡಲಿಲ್ಲ ಮತ್ತು ತಮ್ಮ ಪ್ರೇಕ್ಷಕರಿಗೆ ಬ್ಯಾಕ್ ಟು ಬ್ಯಾಕ್ ಬ್ಲಾಕ್‌ಬಸ್ಟರ್‌ಗಳನ್ನು ನೀಡಿದ್ದಾರೆ..

ಕೆಜಿಎಫ್ ಬಿಡುಗಡೆಗೂ ಮುನ್ನವೇ ಕನ್ನಡ ಚಿತ್ರರಂಗ ಹೆಮ್ಮೆ ಪಡುವಂತೆ ಮಾಡುವ ಸಂಕಲ್ಪ ತೊಟ್ಟಿದ್ದ ಅವರು, ಬಳಿಕ ಭರವಸೆ ಈಡೇರಿಸಿದ್ದಾರೆ. ರೊಮ್ಯಾಂಟಿಕ್, ಹಾರರ್ ಯಾವುದೇ ಪಾತ್ರಗಳಿರಲಿ ಅದ್ಭುತವಾಗಿ ನಟಿಸುವ ಅವರ ಆಕರ್ಷಕ ವ್ಯಕ್ತಿತ್ವವು ಬಾಕ್ಸ್ ಆಫೀಸ್ ದಾಖಲೆಗಳನ್ನು ಮುರಿದಿದೆ.. 

ಇದನ್ನೂ ಓದಿ-Yash : ಲಕ್ಷ್ಮೇಶ್ವರದತ್ತ ಯಶ್‌ ಪ್ರಯಾಣ.. ಮೃತ ಅಭಿಮಾನಿಗಳ ಮನೆಗೆ ಭೇಟಿ ಕೊಡಲಿರುವ ರಾಕಿಭಾಯ್!

ಇನ್ನು ಕೆಜಿಎಫ್ 2 ಯಶಸ್ಸಿನ ನಂತರ ಯಶ್ ಇತ್ತೀಚೆಗೆ ಡಿಸೆಂಬರ್ 2023 ರಲ್ಲಿ ಮತ್ತೊಂದು ಚಿತ್ರಕ್ಕೆ ಗ್ರೀನ್‌ ಸಿಗ್ನಲ್‌ ನೀಡಿದ್ದರು,.. ಆರಂಭದಲ್ಲಿ ಇದರ ಹೆಸರು Yash19, ಈಗ ಚಿತ್ರದ ಅಧಿಕೃತ ಶೀರ್ಷಿಕೆ ಟಾಕ್ಸಿಕ್.. ವರದಿಗಳ ಪ್ರಕಾರ, 2025 ರಲ್ಲಿ ಬಿಡುಗಡೆಯಾಗಲಿರುವ ಈ ಚಿತ್ರದಲ್ಲಿ ಸಾಯಿ ಪಲ್ಲವಿ ಪ್ರಮುಖ ಮಹಿಳಾ ಪಾತ್ರವನ್ನು ನಿರ್ವಹಿಸಲಿದ್ದಾರೆ.

ಸೌತ್ ಇಂಡಸ್ಟ್ರಿಯಲ್ಲಿ ತಮ್ಮ ಸ್ಥಾನವನ್ನು ಪಡೆದ ನಂತರ, ಯಶ್ ಈಗ ಬಾಲಿವುಡ್‌ಗೆ ಕಾಲಿಡುತ್ತಿದ್ದು.. ನಿತೇಶ್ ತಿವಾರಿ ಅವರ ರಾಮಾಯಣ ಚಿತ್ರದ ಮೂಲಕ ಅವರು ಬಾಲಿವುಡ್‌ಗೆ ಪಾದಾರ್ಪಣೆ ಮಾಡುತ್ತಿದ್ದಾರೆ ಎನ್ನಲಾಗಿದೆ..