ನೋಟು ರದ್ಧತಿ ಸಾಧನೆ ಬಗ್ಗೆ ನಿಮಗೆಷ್ಟು ಗೊತ್ತು?

ನವದೆಹಲಿ: ಭಾಯ್-ಬಹನೋ! ಆಜ್ ರಾತ್ ಸೆ ಪುರಾನೇ ನೋಟ್ ನಹಿ ಚಲೆಂಗೆ... ಪ್ರಧಾನಮಂತ್ರಿ ನರೇಂದ್ರ ಮೋದಿ(Narendra Modi) ಅವರು ತಮ್ಮ ಮೊದಲ ಅವಧಿಯ ಸರ್ಕಾರದಲ್ಲಿ ನೋಟು ಅಮಾನೀಕರಣ(Demonetisation)ವನ್ನು ಘೋಷಿಸಿದರು. ಆದರೆ ಅಂದಿನಿಂದ ಜನರು ನೋಟು ರದ್ಧತಿಯಿಂದ ಆದ ಪ್ರಯೋಜನವೇನು ಎಂದು ಮೋದಿ ಸರ್ಕಾರವನ್ನು ಪ್ರಶ್ನಿಸುತ್ತಿದ್ದರು.  ಈಗ ಮೊದಲ ಬಾರಿಗೆ ಸರ್ಕಾರವು ನೋಟು ರದ್ಧತಿಯ ಪ್ರಯೋಜನಗಳ ಬಗ್ಗೆ ಬಹಳ ವಿವರವಾದ ಉತ್ತರವನ್ನು ನೀಡಿದೆ.

ಲೋಕಸಭೆಯಲ್ಲಿ, ನಕಲಿ ಕರೆನ್ಸಿಯ ಸಮಸ್ಯೆಯನ್ನು ನಿಭಾಯಿಸುವುದು, ಭಯೋತ್ಪಾದಕ ಧನಸಹಾಯ ಮತ್ತು ನಕ್ಸಲಿಸಂ ನಿಧಿಯನ್ನು ನಿಲ್ಲಿಸುವುದು, ಅನೌಪಚಾರಿಕ ಆರ್ಥಿಕತೆಯನ್ನು ಔಪಚಾರಿಕಗೊಳಿಸುವುದು ಮತ್ತು ತೆರಿಗೆ ಆಧಾರವನ್ನು ಹೆಚ್ಚಿಸುವುದು, ಉದ್ಯೋಗವನ್ನು ಹೆಚ್ಚಿಸುವುದು ಮತ್ತು ಕಡಿಮೆ ನಗದು ಬಳಕೆಯ ಮೂಲಕ ಡಿಜಿಟಲೀಕರಣವನ್ನು ಉತ್ತೇಜಿಸುವುದು ನೋಟು ರದ್ಧತಿಯ ಉದ್ದೇಶವಾಗಿದೆ ಎಂದು ಸರ್ಕಾರ ಹೇಳಿದೆ. ಸರ್ಕಾರ ನೀಡಿದ ಉತ್ತರ ಈ ಎಲ್ಲಾ ಉದ್ದೇಶಗಳಲ್ಲಿ ಸರ್ಕಾರ ಯಶಸ್ವಿಯಾಗಿದೆ ಎಂದು ತೋರಿಸುತ್ತದೆ.

ಲೋಕಸಭೆಯಲ್ಲಿ ರಾಜ್ಯ ಹಣಕಾಸು ಸಚಿವ ಅನುರಾಗ್ ಸಿಂಗ್ ಠಾಕೂರ್ ಪ್ರತಿಕ್ರಿಯಿಸುತ್ತಾ, ಆರ್ಥಿಕತೆಯಲ್ಲಿ ನೋಟುಗಳು ಚಲಾವಣೆಯಲ್ಲಿವೆ, ನೀವು ಮೌಲ್ಯವನ್ನು ನೋಡಿದರೆ, ನೋಟು ರದ್ಧತಿಯಿಂದಾಗಿ 2934.80 ಬಿಲಿಯನ್ ರೂ. ನೋಟುಗಳು ಚಲಾವಣೆಯಲ್ಲಿ ಕಡಿಮೆಯಾಗಿವೆ. ಈ ರೀತಿಯಾಗಿ, ನಾವು ಔಪಚಾರಿಕ ಆರ್ಥಿಕತೆಯತ್ತ ಬಂದಿರುವುದಾಗಿ ತಿಳಿಸಿದರು.

ಇದರ ಲಾಭ ಏನೆಂದರೆ, ನವೆಂಬರ್ 4, 2016 ರಂದು 17741.87 ಬಿಲಿಯನ್ ರೂಪಾಯಿಗಳು ಚಲಾವಣೆಯಲ್ಲಿದ್ದರೆ, 2019 ರ ನವೆಂಬರ್ 25 ರಂದು 22420.13 ಬಿಲಿಯನ್ ರೂಪಾಯಿಗಳು ಚಲಾವಣೆಯಲ್ಲಿದ್ದವು ಎಂದು ಅಂಕಿ-ಅಂಶಗಳನ್ನು ಒದಗಿಸಿದರು.

ಅದೇ ಸಮಯದಲ್ಲಿ, ಅಕ್ಟೋಬರ್ 2014 ರಿಂದ 2016 ರ ಅಕ್ಟೋಬರ್ ವರೆಗೆ ನೋಟುಗಳ ಚಲಾವಣೆ 14.51% ದರದಲ್ಲಿ ಹೆಚ್ಚುತ್ತಿದೆ, ಇದರ ಪ್ರಕಾರ ಇದು 2019 ರ ನವೆಂಬರ್ 25 ರ ವೇಳೆಗೆ 25,354.93 ಬಿಲಿಯನ್ ರೂಪಾಯಿಗಳಿಗೆ ಹೆಚ್ಚಾಗಬೇಕಿತ್ತು, ಆದರೆ ಇದು ಕೇವಲ 22,420.13 ಬಿಲಿಯನ್ ರೂಪಾಯಿಗಳಿಗೆ ಏರಿತು. ಅಂದರೆ 2934.80 ಬಿಲಿಯನ್ ರೂಪಾಯಿಗಳ ಚಲಾವಣೆಯನ್ನು ಕಡಿಮೆ ಮಾಡಿತು. ಇದರರ್ಥ ಇದು ಔಪಚಾರಿಕ ಆರ್ಥಿಕತೆಯ ಭಾಗವಾಯಿತು.

2016-17ರಿಂದ 16 ಲಕ್ಷಕ್ಕೂ ಹೆಚ್ಚು ನಕಲಿ ನೋಟುಗಳು ಸಿಕ್ಕಿಬಿದ್ದವು. ಹಿಂಸಾಚಾರ ನಡೆಯುತ್ತಿರುವ ಪ್ರದೇಶಗಳಲ್ಲಿ ನೋಟು ರದ್ಧತಿಯು ಅತ್ಯಂತ ಸಕಾರಾತ್ಮಕ ಪರಿಣಾಮವನ್ನು ಕಂಡಿದೆ ಎಂದು ಸರ್ಕಾರ ನಂಬುತ್ತದೆ ಎಂದವರು ತಿಳಿಸಿದರು.

ಅಕ್ರಮ ನಗದು ಭಯೋತ್ಪಾದಕರಿಗೆ ಧನಸಹಾಯದ ಮುಖ್ಯ ಭಾಗವಾಗಿದೆ, ನೋಟು ರದ್ಧತಿಯಿಂದಾಗಿ ಭಯೋತ್ಪಾದಕರ ಬಳಿ ಇರುವ ಹಣವು ನಿಷ್ಪ್ರಯೋಜಕವಾಯಿತು. ನವೆಂಬರ್ 2016 ರಿಂದ ಮಾರ್ಚ್ 2017 ರವರೆಗೆ, ಆದಾಯ ತೆರಿಗೆ ಇಲಾಖೆ 900 ಗುಂಪು ಕಂಪನಿಗಳನ್ನು ಹುಡುಕಿದೆ. ಇದು 7961 ಕೋಟಿ ರೂ.ಗಳ ಬಹಿರಂಗಪಡಿಸದ ಆದಾಯ ಮತ್ತು 900 ಕೋಟಿ ರೂ.ಗಳನ್ನು ಮುಟ್ಟುಗೋಲು ಹಾಕಿಕೊಂಡಿದೆ.

ಅದೇ  ನೋಟು ರದ್ಧತಿ ಸಮಯದಲ್ಲಿ, ಅನೇಕ ಜನರು ದೊಡ್ಡ ಪ್ರಮಾಣದ ಹಣವನ್ನು ಠೇವಣಿ ಇಟ್ಟರು. ಅದರ ಆಧಾರದ ಮೇಲೆ ಅವರಿಗೆ ನೋಟಿಸ್ ನೀಡಲಾಯಿತು. ಅವರು ಠೇವಣಿ ಮಾಡಿದ ಹಣದ ಮೂಲಗಳ ಬಗ್ಗೆ ವಿವರ ನೀಡುವಂತೆ ಅವರನ್ನು ಕೇಳಲಾಗಿದೆ.  ಯಾರ ಉತ್ತರ ಸೂಕ್ತವಾಗಿಲ್ಲ ಎಂದೆನಿಸಿದೆಯೋ ಅಂತಹವರ ವಿರುದ್ಧ ಕ್ರಮ ಕೈಗೊಳ್ಳಲಾಗಿದೆ. ನೋಟು ರದ್ಧತಿಗೂ ಮೊದಲು ಆದಾಯ ತೆರಿಗೆ ಇಲಾಖೆಗೆ ತೆರಿಗೆ ಸಲ್ಲಿಸದ ಹಲವಾರು ಮಂದಿಯಿಂದ ರಿಟರ್ನ್ಸ್ ಸಹ ಸಲ್ಲಿಸಲಾಯಿತು. ಈ ರೀತಿಯಾಗಿ ರಿಟರ್ನ್ಸ್ ಸಲ್ಲಿಸುವವರ ಸಂಖ್ಯೆಯೂ ಹೆಚ್ಚಾಗಿದೆ ಎಂದು ಹಣಕಾಸು ಸಚಿವರು ಮಾಹಿತಿ ನೀದಿದರು.

ಸರ್ಕಾರದ ಪ್ರಕಾರ, ನೋಟು ರದ್ದತಿಯಿಂದಾಗಿ ಸಂಘಟಿತ ವಲಯದಲ್ಲಿ ಉದ್ಯೋಗಗಳು ಸಹ ಹೆಚ್ಚಾಗಿವೆ.  2014-15 ರಿಂದ 2017-18ರಲ್ಲಿ  14.69 ಲಕ್ಷ ಹೊಸ ಕಾರ್ಮಿಕರನ್ನು ಸಂಘಟಿತ ವಲಯಕ್ಕೆ ಸೇರಿಸಲಾಗಿದೆ. 

ಅದೇ ಸಮಯದಲ್ಲಿ, ಇಪಿಎಫ್‌ಒ(EPFO) ಅಂಕಿಅಂಶಗಳು 2017 ಮತ್ತು 2019 ರ ನಡುವೆ 2.85 ಕೋಟಿ ಹೊಸ ಗ್ರಾಹಕರು ಇಪಿಎಫ್‌ಒಗೆ ಸೇರಿದ್ದಾರೆ ಎಂದು ತೋರಿಸುತ್ತದೆ. 3.1 ಮಿಲಿಯನ್ ಜನರು ಇಎಸ್ಐಗೆ ಸೇರಿದರು. ಹೊಸ ಪಿಂಚಣಿ ಯೋಜನೆಗೆ 15.7 ಲಕ್ಷ ರೂ. ಇದೆ. ಇದಲ್ಲದೆ, ಡಿಜಿಟಲ್ ವಹಿವಾಟಿನ ಸಂಖ್ಯೆಯೂ ಹೆಚ್ಚಾಗಿದೆ, 2016-17ರಲ್ಲಿ 1023 ಕೋಟಿ ಡಿಜಿಟಲ್ ವಹಿವಾಟುಗಳು ನಡೆದಿವೆ, ಆ ಸಂಖ್ಯೆ 2018-19ರಲ್ಲಿ 3133 ಕೋಟಿಗೆ ಹೆಚ್ಚಾಗಿದೆ ಎಂಬ ಮಾಹಿತಿ ಒದಗಿಸಿದರು.

ಅದೇ ಸಮಯದಲ್ಲಿ, ದೇಶೀಯ ಮುಂಭಾಗದಲ್ಲಿ ಉಳಿಸುವ ಪ್ರವೃತ್ತಿಯೂ ಹೆಚ್ಚಾಗಿದೆ, ಕರೆನ್ಸಿ ಉಳಿತಾಯವು 2015-16ರಲ್ಲಿ ಎರಡು ಲಕ್ಷ ಕೋಟಿ ರೂ.ಗಳಿಗಿಂತ ಹೆಚ್ಚಿತ್ತು, ಇದು 2017-18ರಲ್ಲಿ 470809 ಕೋಟಿಗೆ ಏರಿದೆ. ನಿವ್ವಳ ಹಣಕಾಸು ಉಳಿತಾಯ 11,10,845 ಕೋಟಿಯಿಂದ 11,29,012 ಕೋಟಿಗೆ ಏರಿದೆ. ಒಟ್ಟಾರೆಯಾಗಿ, ನೋಟು ರದ್ಧತಿ ಪ್ರಯೋಜನಗಳು ಸಾಕಷ್ಟಿದೆ ಎಂದು ಸರ್ಕಾರ ಹೇಳಿದೆ.