ಅಣ್ಣ ಅಲ್ಲ ತಮ್ಮ ಅಲ್ಲ.. ಪವಿತ್ರ ಗೌಡ ಬೇಲ್‌ಗೆ ತಮ್ಮ ಆಸ್ತಿಯನ್ನೆ ಶ್ಯೂರಿಟಿಯಾಗಿ ಕೊಟ್ಟ ಮನೀಶ್‌ ಯಾರು..?

Pavithra Gowda : ಸ್ಯಾಂಡಲ್‌ವುಡ್‌ನ ಬಾಕ್ಸ್‌ ಆಫಿಸ್‌ ಸುಲ್ತಾನನ ಬದುಕಿನಲ್ಲಿ ಪವಿತ್ರಾ ಗೌಡ ವಿಲನ್‌ ಆಗಿ ಬಿಟ್ಟಿದ್ದಾರೆ. ಮಾಡಬಾರದ್ದನ್ನೆಲ್ಲಾ ಮಾಡಿ 7 ತಿಂಗಳ ಕಾಲ ಸೆರೆವಾಸ ಅನುಭವಿಸಿ ಮತ್ತೆ ಇದೀಗ ಬೇಲ್‌ ಮೂಲಕ ಹೊರ ಬಂದಿದ್ದಾರೆ. ದರ್ಶನ್‌ ಹೊರಬಂದ ಬೆನ್ನಲ್ಲೆ ಪವಿತ್ರಾ ಗೌಡ ಅವರಿಗೂ ಕೂಡ ಬೇಲ್‌ ಸಿಕ್ಕಿದ್ದು, ಸೆರೆವಾಸ ಮುಗಿಸಿ ಹೊರಗೆ ಕಾಲಿಟ್ಟಿದ್ದಾರೆ.

ಸಾಮಾನ್ಯವಾಗಿ ಬೇಲ್‌ ಕೊಡಬೇಕೆಂದರೆ ಇಬ್ಬರು ವ್ಯಕ್ತಿಗಳು ಶ್ಯೂರಿಟಿ ಕೊಡಲೇ ಬೇಕು. ದರ್ಶನ್‌ ಅವರ ಬೇಲ್‌ಗೆ ಅವರ ಸಹೋದರ ಹಾಗೂ ಧನ್ವೀರ್‌ ಗೌಡ ಶ್ಯೂರಿಟಿ ಕೊಟ್ಟಿದ್ದರು. ಇನ್ನೂ, ಮೊನ್ನೆ ಪವಿತ್ರಾ ಗೌಡ ಅವರಿಗೆ ಜಾಮೀನು ಮಂಜೂರು ಮಾಡಿದ್ದ ಕೋರ್ಟ್‌ ಅವರಿಗೆ ಇಬ್ಬರು ವ್ಯಕ್ತಿಗಳು ಶ್ಯೂರಿಟಿ ಕೊಡಬೇಕು ಎಂದು ಹೇಳಿದ್ದರು. ಇದರಿಂದಾಗಿ ಪವಿತ್ರಾ ಗೌಡ ಅವರಿಗೆ ಯಾರು ಶ್ಯೂರಿಟಿ ನೀಡಲಿದ್ದಾರೆ ಎನ್ನುವ ಕುತೂಹಲ ಎಲ್ಲರಲ್ಲಿಯೂ ಇತ್ತು. 

ದರ್ಶನ್‌ ಅವರನ್ನು ಜೈಲು ಪಾಲು ಮಾಡಿಸಿದ ಕಾರಣದಿಂದಾಗಿ, ಪವಿತ್ರಾ ಗೌಡ ಅವರು ದರ್ಶನ್‌ ಆಪ್ತರ ಕಣ್ಣಿಗೆ ವಿಲನ್‌ ಆಗಿದ್ದಾರೆ. ಬೇಲ್‌ ಕೊಡಬೇಕೆಂದರೆ ಆಸ್ತಿ ಪತ್ರವನ್ನು ಶ್ಯೂರಿಟಿ ಕೊಡಲೇ ಬೇಕಾಗುತ್ತದೆ. ಯಾರು ಇಲ್ಲದ ಪವಿತ್ರಾ ಗೌಡಾಗೆ, ಯಾರು ತಮ್ಮ ಆಸ್ತಿ ಪತ್ರವನ್ನು ಇಟ್ಟು ಶ್ಯೂರಿಟಿ ಕೊಡಲಿದ್ದಾರೆ ಎನ್ನು ಪ್ರಶ್ನೆ ಎಲ್ಲರನ್ನು ಕಾಡಿತ್ತು. ಆದರೆ ಅದಕ್ಕೆ ಇದೀಗ ಉತ್ತರ ಸಿಕ್ಕಿದೆ. ಮನೀಶ್‌ ಎನ್ನುವ ವ್ಯಕ್ತಿ, ಪವಿತ್ರಾ ಗೌಡ ಅವರಿಗೆ ತಮ್ಮ ಆಸ್ತಿ ಪತ್ರವನ್ನು ಇಟ್ಟು ಶ್ಯೂರಿಟಿ ನೀಡಿದ್ದಾರೆ. ಶ್ಯೂರಿಟಿ ಕೊಡುವ ಮೂಲಕ ಪವಿತ್ರ ಗೌಡ ಅವರನ್ನು ಬೇಲ್‌ ಮೂಲಕ ಹೊರ ತಂದಿದ್ದಾರೆ. ಆದರೆ, ಇದೀಗ ಪವಿತ್ರಾ ಗೌಡ ಅವರನ್ನು ಶ್ಯೂರಿಟಿ ಕೊಟ್ಟು ಬೇಲ್‌ ಮೂಲಕ ಹೊರತಂದ ಈ ಮನೀಶ್‌ ಯಾರು ಎಂಬ ಪ್ರಶ್ನೆ ಎಲ್ಲರಲ್ಲೂ ಕುತೂಹಲ ಹೆಚ್ಚಿಸಿದೆ. 

ಮನೀಶ್‌ ಅವರು ಪವಿತ್ರಾ ಗೌಡ ಅವರಿಗೆ ಪರಿಚಯಸ್ಥರು ಎನ್ನುವ ಮಾತು ಕೇಳಿಬರುತ್ತಿದ್ದು, ಈತ ತಲಘಟ್ಟಪುರದಲ್ಲಿರುವ ತನ್ನ ಆಸ್ತಿ ಪತ್ರವನ್ನು ಶ್ಯೂರಿಟಿಯಾಗಿ ಕೊಟ್ಟು, ಪವಿತ್ರಾ ಅವರನ್ನು ಜೈಲಿನಿಂದ ಹೊರತಂದಿದ್ದಾರೆ. ಮನೀಶ್‌ ಗೌಡ ಹಾಗೂ ಪವಿತ್ರಾ ಗೌಡ ಅವರ ತಾಯಿ ಇಬ್ಬರೂ ಕೂಡ ತಮ್ಮ ಆಸ್ತಿಯನ್ನು ಶ್ಯೂರಿಟಿಯಾಗಿ ನೀಡಿ ಬೇಲ್‌ ಮೂಲಕ ಆಕೆಯನ್ನು ಹೊರ ತಂದಿದ್ದಾರೆ.