ನವದೆಹಲಿ: ಆಂಜನೇಯ ಸ್ವಾಮಿಗೆ ಕೇವಲ ಭಾರತದಲ್ಲಿ ಮಾತ್ರವಲ್ಲ ವಿಶ್ವಾದ್ಯಂತ ಭಕ್ತರಿದ್ದಾರೆ. ಇದಕ್ಕೆ ಜೀವಂತ ಉದಾಹರಣೆ ಎಂದರೆ 25 ಅಡಿ ಎತ್ತರದ ಆಂಜನೇಯ ಸ್ವಾಮಿಯ ಮೂರ್ತಿ, ಇದನ್ನು ಅಮೆರಿಕಾದಲ್ಲಿ ಪ್ರತಿಷ್ಠಾಪಿಸಲಾಗಿದೆ. ಈ ಮೂರ್ತಿ ಎಷ್ಟೊಂದು ಭವ್ಯವಾಗಿದೆ ಎಂದರೆ ಎಲ್ಲೆಂದರಲೆಲ್ಲಾ ಈ ಮೂರ್ತಿಯ ಚರ್ಚೆಗಳು ನಡೆಯುತ್ತಿವೆ.
ವರದಿಗಳ ಪ್ರಕಾರ ಈ ಮೂರ್ತಿ ಅಮೆರಿಕಾದ ಡೆಲಾವೆಯರ್ ನಲ್ಲಿ ಸ್ಥಾಪಿಸಲಾಗಿದೆ. ಸ್ಥಳೀಯ ಮಾಧ್ಯಮ ಕೂಡ ಈ ಮೂರ್ತಿಗೆ ವ್ಯಾಪಕ ಪ್ರಚಾರ ನೀಡಿದೆ.
ಅಮೇರಿಕಾದಲ್ಲಿ ಪ್ರತಿಷ್ಠಾಪನೆಗೊಂಡಿರುವ ಈ ಮೂರ್ತಿಯ ಕುರಿತು ಇಷ್ಟೊಂದು ಚರ್ಚೆ ಯಾಕೆ ನಡೆಯುತ್ತಿದೆ ಎಂದರೆ, ಇದು ಹಿಂದೂ ದೇವರ ಅತಿ ದೊಡ್ಡ ಮೂರ್ತಿಯಾಗಿದೆ.
ಈ ಆಂಜನೇಯ ಸ್ವಾಮಿಯ ಮೂರ್ತಿಯನ್ನು ಗ್ರ್ಯಾನೈಟ್ ಕಲ್ಲಿನಿಂದ ತಯಾರಿಸಲಾಗಿದೆ. ಮೂರ್ತಿಯ ಮೇಲೆ ಸುಂದರ ಕರಕುಶಲತೆಯನ್ನು ಕೆತ್ತಲಾಗಿದೆ.
US: A 25 feet tall statue of Lord Hanuman has been installed in Hockessin, Delaware. Patibanda Sharma, President, Hindu Temple of Delaware Association says, “It weighs around 45 tonnes. It has been shipped from Warangal, Telangana to Delaware.” pic.twitter.com/KlWIEgKRCX
— ANI (@ANI) June 16, 2020
ಈ ಕುರಿತು ಹೇಳಿಕೆ ನೀಡಿರುವ ಹಿಂದೂ ಟೆಂಪಲ್ ಆಫ್ ಡೋಲಾವೆಯರ್ ಅಸೋಸಿಯೇಷನ್ ಅಧ್ಯಕ್ಷ ಪತಿಬಂದ್ ಶರ್ಮಾ, "ಇದರ ತೂಕ 45 ಟನ್ ಗಳಷ್ಟಾಗಿದ್ದು, ಇದನ್ನು ತೆಲಂಗಾಣ ರಾಜ್ಯದ ವಾರಂಗಲ್ ನಿಂದ ಆಮದು ಮಾಡಿಕೊಳ್ಳಲಾಗಿದೆ: ಎಂದು ಹೇಳಿದ್ದಾರೆ
