ದೀಪಾವಳಿಗೂ ಮೊದಲು ಬರಲಿದೆ ಮತ್ತೊಂದು ಅಗ್ಗದ E-bike

ಈ ಇ-ಬೈಕ್‌ನಿಂದ ನೀವು ಈ ಲಿಥಿಯಂ ಅಯಾನ್ ಬ್ಯಾಟರಿಯನ್ನು ತೆಗೆದು ಅದನ್ನು ಎಲ್ಲಿ ಬೇಕಾದರೂ ಚಾರ್ಜ್ ಮಾಡಬಹುದು. ಅಂದರೆ ನೀವು ಬ್ಯಾಟರಿಯನ್ನು ಲಾಕ್ ಮಾಡಬಹುದು ಮತ್ತು ಅನ್ಲಾಕ್ ಮಾಡಬಹುದು.

Pic Courtesy: Zeebiz

ನವದೆಹಲಿ: ಭಾರತದಲ್ಲಿ ಎಲೆಕ್ಟ್ರಿಕ್ ವಾಹನದತ್ತ (Electric Vehicle) ಒಲವು ಹೆಚ್ಚುತ್ತಿದೆ. ಈ ಕಾರಣದಿಂದಾಗಿ ಕಂಪನಿಗಳು ಸಹ ಹೊಸ ಉತ್ಪನ್ನಗಳನ್ನು ತರುತ್ತಿವೆ. ಈ ಸರಣಿಯಲ್ಲಿ ಬ್ರಿಟನ್‌ನ ಇ-ಬೈಕ್‌ಗಳನ್ನು ತಯಾರಿಸುವ ಗೋ ಜೀರೋ ಮೊಬಿಲಿಟಿ (Go Zero Mobility) ಕಂಪನಿಯು ಮುಂದಿನ ತಿಂಗಳು ಭಾರತದಲ್ಲಿ ಇ-ಬೈಕ್‌ ಅನ್ನು ಬಿಡುಗಡೆ ಮಾಡಲಿದೆ. ಈಗ ಇ-ಬೈಕ್‌ ಎಲ್ಲರಿಗೂ ಕೈಗೆಟುವ ದರದಲ್ಲಿ ಲಭ್ಯವಾಗಲಿದೆ ಎಂದು ಕಂಪನಿ ತಿಳಿಸಿದೆ.

ಕಂಪನಿಯ ಪ್ರಕಾರ ಈ ಇ -ಬೈಕ್ ನಲ್ಲಿ ಸವಾರಿ ಸಹ ಸುಲಭವಾಗುತ್ತದೆ. ಈ ಇ-ಬೈಕ್ ಅನ್ನು ನವೆಂಬರ್ 7, 2020 ರಂದು ಬಿಡುಗಡೆ ಮಾಡುವ ನಿರೀಕ್ಷೆಯಿದೆ.

ಮುಂದಿನ ತಿಂಗಳು Go Zero Pro ಮತ್ತು Go Zero Lite ಎಂಬ ಎರಡು ಎಲೆಕ್ಟ್ರಿಕ್ ಬೈಕ್‌ಗಳನ್ನು ನಾವು ಬಿಡುಗಡೆ ಮಾಡಲಿದ್ದೇವೆ ಎಂದು ಯುಕೆ ಇ-ಬೈಕ್ ಕಂಪನಿಯ ಸ್ಥಾಪಕ ಮತ್ತು ಸಿಇಒ ಅಂಕಿತ್ ಕುಮಾರ್ ನಮ್ಮ ಸಹಾಯಕ ವೆಬ್ಸೈಟ್ ಜೀ ಬಿಸಿನೆಸ್ (ಡಿಜಿಟಲ್) ಗೆ ತಿಳಿಸಿದ್ದಾರೆ. 

ಇದು ಪ್ರೀಮಿಯಂ ಗುಣಮಟ್ಟ ಮತ್ತು ಜೀವನಶೈಲಿ ಉತ್ಪನ್ನವಾಗಿದೆ. ಆದ್ದರಿಂದ ಅಂತಹ ಗ್ರಾಹಕರ ಬೇಡಿಕೆಗೆ ಅನುಗುಣವಾಗಿ ನಾವು ಈ ಉತ್ಪನ್ನವನ್ನು ತರುತ್ತಿದ್ದೇವೆ. ಅಮೆಜಾನ್‌ನಲ್ಲಿ ಬೈಕ್‌ ಆನ್‌ಲೈನ್‌ನಲ್ಲಿ ಲಭ್ಯವಿರುತ್ತದೆ ಎಂದವರು ಮಾಹಿತಿ ನೀಡಿದ್ದಾರೆ.

ಈ ಹಣಕಾಸು ವರ್ಷದ ಅಂತ್ಯದ ವೇಳೆಗೆ ನಾವು 3000 ಇ-ಬೈಕ್‌ಗಳನ್ನು ಮಾರಾಟ ಮಾಡುವ ಗುರಿ ಹೊಂದಿದ್ದೇವೆ. ಹೊಸ ಇ-ಬೈಕ್‌ (E-Bike) ಪೂರ್ಣ ಚಾರ್ಜ್ ಆದ ನಂತರ ಅದು 25 ಕಿ.ಮೀ ವರೆಗೆ ಪ್ರಯಾಣಿಸುತ್ತದೆ ಎಂದು ಅಂಕಿತ್ ಹೇಳಿದ್ದಾರೆ. 

ಕಂಪನಿಯು ಪ್ರಸ್ತುತ ತನ್ನ ಕೋಲ್ಕತಾ ಸ್ಥಾವರದಲ್ಲಿ ಈ ಇ-ಬೈಕ್‌ಗಳ ಉತ್ಪಾದನೆಯಲ್ಲಿ ತೊಡಗಿದೆ. ನಮ್ಮ ಮುಂದಿನ ಉತ್ಪಾದನಾ ಘಟಕವು ಮನೇಸರ್‌ನಲ್ಲಿ ತೆರೆಯಲಿದೆ ಎಂದು ಅಂಕಿತ್ ಹೇಳಿದ್ದಾರೆ. ಆದರೆ ಕಂಪನಿಯು ಹೊಸದಾಗಿ ಬಿಡುಗಡೆ ಆಗಲಿರುವ ಇ-ಬೈಕ್‌ನ ಬೆಲೆಯ ಬಗ್ಗೆ ಯಾವುದೇ ಮಾಹಿತಿ ನೀಡಿಲ್ಲ.

ಇ-ಬೈಕ್‌ ಬ್ಯಾಟರಿ ಮತ್ತು ಅದರ ಚಾರ್ಜಿಂಗ್:
ಈ ಮುಂಬರುವ ಇ-ಬೈಕ್‌ಗಳಲ್ಲಿನ ಬ್ಯಾಟರಿ ಶೂನ್ಯದಿಂದ 100 ಪ್ರತಿಶತ ಚಾರ್ಜ್ ಮಾಡಲು ಸುಮಾರು 3 ಗಂಟೆ 30 ನಿಮಿಷಗಳನ್ನು ತೆಗೆದುಕೊಳ್ಳುತ್ತದೆ. ಅಂತೆಯೇ ಶೂನ್ಯದಿಂದ 80 ಪ್ರತಿಶತದವರೆಗೆ ಚಾರ್ಜ್ ಆಗಲು 2 ಗಂಟೆಗಳು ಬೇಕು. ಈ ಇ-ಬೈಕ್‌ನಿಂದ ನೀವು ಈ ಲಿಥಿಯಂ ಅಯಾನ್ ಬ್ಯಾಟರಿಯನ್ನು ತೆಗೆದುಹಾಕಬಹುದು ಮತ್ತು ಅದನ್ನು ಎಲ್ಲಿ ಬೇಕಾದರೂ ಚಾರ್ಜ್ ಮಾಡಬಹುದು. ಅಂದರೆ ನೀವು ಬ್ಯಾಟರಿಯನ್ನು ಲಾಕ್ ಮಾಡಬಹುದು ಮತ್ತು ಅನ್ಲಾಕ್ ಮಾಡಬಹುದು ಎಂದು ಕಂಪನಿ ತಿಳಿಸಿದೆ.

ಭಾರತದಲ್ಲಿ ಇ-ಬೈಕ್‌ಗಳ ಭವಿಷ್ಯಕ್ಕೆ ಸಂಬಂಧಿಸಿದ ಪ್ರಶ್ನೆಯೊಂದಕ್ಕೆ ಪ್ರತಿಕ್ರಿಯಿಸಿರುವ ಕಂಪನಿಯ ಸಿಇಒ ಅವರು ಭಾರತದಲ್ಲಿ ಉತ್ತಮ ಭವಿಷ್ಯವನ್ನು ಹೊಂದಿರುವುದಾಗಿ ವಿಶ್ವಾಸ ವ್ಯಕ್ತಪಡಿಸಿದ್ದಾರೆ. ಮುಂದಿನ ಮೂರು ಹಂತಗಳಲ್ಲಿ ಒಂದು ದಶಲಕ್ಷಕ್ಕೂ ಹೆಚ್ಚು ಎಲೆಕ್ಟ್ರಿಕ್ ಬೈಕ್‌ಗಳು ಭಾರತದ ರಸ್ತೆಗಳಲ್ಲಿ ಇರಲಿವೆ ಎಂದವರು ಭವಿಷ್ಯ ನುಡಿದಿದ್ದಾರೆ.