ಛಿದ್ರವಾಗುತ್ತಾ ದಕ್ಷಿಣ ಭಾರತದಲ್ಲಿನ ಕಾಂಗ್ರೆಸ್ಸಿನ ಕಟ್ಟಕಡೆಯ ಕೋಟೆ.?

ದಕ್ಷಿಣ ಭಾರತದ ಕಾಂಗ್ರೆಸಿನ ಕಟ್ಟಕಡೆಯ ಕೋಟೆ ಅಲುಗಾಡುತ್ತಿದೆ. ಹೌದು, ಪುದುಚೇರಿಯ ಕಾಂಗ್ರೆಸ್ ಸರ್ಕಾರ ಬಹುತೇಕ ಪತನದ ಅಂಚಿನಲ್ಲಿದೆ.

ವಿಶ್ವಾಸ ಪರೀಕ್ಷೆ ಗೆಲ್ಲುತ್ತಾರಾ ಮುಖ್ಯಮಂತ್ರಿ ನಾರಾಯಣ ಸ್ವಾಮಿ (photo twitter)

ಪುದುಚೇರಿ : ದಕ್ಷಿಣ ಭಾರತದ (South India) ಕಾಂಗ್ರೆಸಿನ ಕಟ್ಟಕಡೆಯ ಕೋಟೆ ಅಲುಗಾಡುತ್ತಿದೆ. ಹೌದು, ಪುದುಚೇರಿಯ ಕಾಂಗ್ರೆಸ್ (Congress) ಸರ್ಕಾರ ಬಹುತೇಕ ಪತನದ ಅಂಚಿನಲ್ಲಿದೆ.  ಸಿಎಂ ನಾರಾಯಣಸ್ವಾಮಿ (Narayanaswamy) ನೇತೃತ್ವದ ಸರ್ಕಾರ ಉಳಿಯುತ್ತಾ ಉರುಳುತ್ತಾ..? ಅನ್ನೋದು ಸ್ವಲ್ಪ ಸಮಯದಲ್ಲಿ ಗೊತ್ತಾಗಲಿದೆ.  ಇವತ್ತು ಸರ್ಕಾರಕ್ಕೆ ಅಗ್ನಿಪರೀಕ್ಷೆ. 

ನಂಬರ್ ಲೆಕ್ಕಾಚಾರ  ಏನು ಹೇಳುತ್ತೆ..?
ಪುದುಚೇರಿ ವಿಧಾನಸಭೆಯ  ಒಟ್ಟು ಶಾಸಕರ (Total MLA’s) ಸಂಖ್ಯೆ 33.   ಇದರಲ್ಲಿ ಚುನಾವಣೆಯಿಂದ  (election) ಗೆದ್ದು ಬಂದ ಶಾಸಕರ ಸಂಖ್ಯೆ 30. ನಾಮಿನೇಟೆಡ್ (Nominated) ಶಾಸಕರ ಸಂಖ್ಯೆ 3. ಒಟ್ಟು 33 ಶಾಸಕರಿದ್ದಾರೆ. ಬಿಜೆಪಿಯ (BJP) ಮೂವರು ಶಾಸಕರು ನಾಮಿನೇಟೆಡ್ ಆದವರು. ಚುನಾವಣೆಯಲ್ಲಿ ಗೆದ್ದು ಬಂದವರಲ್ಲ. ನೆನಪಿರಲಿ, ನಾಮಿನೇಟೆಡ್ ಶಾಸಕರಿಗೂ ವಿಶ್ವಾಸಮತ ವೇಳೆ ಮತದಾನಕ್ಕೆ ಅವಕಾಶ  ಇದೆ. 

ಇದನ್ನೂ ಓದಿ : Puducherry Political Crisis: ಬಹುಮತ ಸಾಬೀತಿಗೂ ಮುನ್ನವೇ 2 ಶಾಸಕರ ರಾಜೀನಾಮೆ

ಇನ್ನು,  ಏಳು ಮಂದಿ ಶಾಸಕರು ಈಗಾಗಲೇ ರಾಜೀನಾಮೆ ಕೊಟ್ಟಿದ್ದಾರೆ. ಹಾಗಾಗಿ 33 ಸಂಖ್ಯೆಯ ಸದನದ ಬಲ 26ಕ್ಕೆ ಕುಸಿದಿದೆ.   ವಿಶ್ವಾಸ ಮತ ಗೆಲ್ಲಬೇಕಾದರೆ ನಾರಾಯಣಸ್ವಾಮಿ (Narayanaswamy) ಬೆಂಬಲಕ್ಕೆ 14 (Magic Margin) ಶಾಸಕರು ನಿಲ್ಲಲೇ ಬೇಕು.  

ಆಡಳಿತ ಪಕ್ಷದ (Ruling Party) ಬಲ ಹೀಗಿದೆ : 
- ಕಾಂಗ್ರೆಸ್  : 09 
-ಡಿಎಂಕೆ     : 2 
-ಪಕ್ಷೇತರ    : 1
-ಒಟ್ಟು       : 12

ಪ್ರತಿಪಕ್ಷದ (Opposition Party) ಬಲ ಹೀಗಿದೆ:
-AINRC       : 07 
-AIADMK    : 04
-BJP           :   03 
-ಒಟ್ಟು         : 14. 

ಇದನ್ನೂ ಓದಿ :ತೈಲ ಇಂಧನಗಳ ಬೆಲೆ ಹೆಚ್ಚಳ ಪ್ರಧಾನಿ ಮೋದಿಗೆ ಸೋನಿಯಾ ಗಾಂಧಿ ಪತ್ರ

ಈ ನಂಬರ್ ಗೇಮ್ ನೋಡಿದರೆ  ಪುದುಚೇರಿಯಲ್ಲಿ (Puducherry) ನಾರಾಯಣ ಸ್ವಾಮಿ ನೇತೃತ್ವದ ಕಾಂಗ್ರೆಸ್ (Congress) ಸರ್ಕಾರದ ಗೇಮ್ ಕೊನೆಯಾಗುವ ಎಲ್ಲಾ ಸಾಧ್ಯತೆಗಳಿವೆ.  ಆಡಳಿತಾರೂಢ ಕಾಂಗ್ರೆಸ್ ತೆಕ್ಕೆಯಲ್ಲಿ 12 ಶಾಸಕರು ಮತ್ತು ಪ್ರತಿಪಕ್ಷದ ಬಳಿ 14 ಶಾಸಕರು ಲೆಕ್ಕಕ್ಕೆ ಸಿಗುತ್ತಿದ್ದಾರೆ. ಗಣಿತ ಹಾಕಿ ನೋಡಿದರೆ ಕಾಂಗ್ರೆಸ್ಸಿನ ದಕ್ಷಿಣದ ಕಟ್ಟಡ ಕಡೆಯ ಕೋಟೆ ಛಿದ್ರವಾಗುವ ಲಕ್ಷಣ ಕಂಡುಬರುತ್ತಿದೆ.